Tõoma 17
17
Yel-sɛba n ẽŋɛ Tesaloniki tẽŋam
1Apolɩ la Asɩlaasɩ doose la Amfipoli, la Apoloni tẽnsʋm tole sẽŋɛ Tesaloniki, zẽ'e-ẽŋa Zifdõma wẽndeego n daan boe mĩ. 2Tɩ Apolɩ daan kẽ mĩ wʋ ẽ ẽn ɩta se'em na, tɔgɛ bõn-sɛba n boe Nawẽnnɛ gõŋɔ pʋam na pa'alɛ ba vo'osgo dabsa atã. 3A tɔgɛ pa'ala ba yetɩ, la masɛ mɛ tɩ Krisi nãmsɛ ki dee vo'oge. Dee yetɩ: «Azezi tɩ mam mõolɩ a yelle bɔ'ɔra ya wã de la Krisi la.» 4Tɩ ba nẽrba basɛba, la Grɛkɩdõma nẽrba zozo'e n pʋ'ʋsrɩ Nawẽnnɛ, la pɔgsɩ zozo'e n de nẽrzuto daan sakɛ po dɔla Apolɩ la Asɩlaasɩ.
5Tɩ Zifdõma daan ẽŋɛ sũure, sẽŋɛ da'am ka ɛ nẽrba n ka tarɩ võorɛ lagsɛ tɩ ba dãm tẽŋa la. Tɩ ba sẽŋɛ Azasõ yire ka ɛɛra Apolɩ la Asɩlaasɩ tɩ ba tarɩ ba sẽŋɛ tẽŋa la nẽrba zẽ'am. 6La ba sẽŋɛ ka ɛ ka yẽ ba, yõkɛ Azasõ la Azezi karẽnbiisi basɛba sẽŋɛ tẽŋa la kɛ'ɛndõma zẽ'am ka tĩi tɔgɛ yetɩ: «Nẽr-bãna wã eerɩ dãmna la dũnia wuu. La ban wãna n wa'am kalam, 7tɩ Azasõ to'oge ba. Nẽr-bãna wã wuu sɩ'ɩsrɩ la Rom na-keko nõorɛ yetɩ, naba ayẽma n boe tɩ a yʋ'ʋrɛ dɛna Azezi.» 8La kɛ'ɛndõma la, la nẽr-kʋʋŋɔ la n wõm bɛla la, ba sũure isge mɛ. 9Tɩ ba botɩ Azasõ la sɛba n dolɩ ẽ na bĩŋe ligri, dee tɩ ba basɛ ba.
Apolɩ la Asɩlaasɩ sẽŋɛ Beere
10La wẽnnɛ n daan sobe, tɩ Azezi karẽnbiisi la botɩ Apolɩ la Asɩlaasɩ sẽŋɛ Beere. La ban paagɛ la, ba sẽŋɛ mɛ ka kẽ Zifdõma wẽndeem. 11La bãma tarɩ pʋtẽ'e-sõnnɛ mɛ gãnna Zifdõma sɛba n boe Tesaloniki la, sakɛ to'oge Nawẽnnɛ yetɔga la ba sũure wuu, dee daan karẽŋra Nawẽnnɛ gõŋɔ la daarɛ woo tɩ ba bɩsɛ Apolɩ n yele se'em na de la sɩra bɩɩ la dagɩ sɩra. 12La ba nẽrba zozo'e, la Grɛkɩdõma pɔgsɩ n de yʋ'ʋrɛ dõma, la bʋraasɩ zozo'e sakɛ bɔ Azezi sɩra mɛ.
13Tɩ Zifdõma sɛba n boe Tesaloniki la wõm tɩ Apolɩ mõolɩ Nawẽnnɛ yetɔga Beere, tɩ ba sẽŋɛ mĩ ka dãm nẽrba la, sa'asɛ ba la Apolɩ la Asɩlaasɩ. 14Tɩ karẽnbiisi la ẽŋɛ tɔtɔ botɩ nẽrba basɛba kɔlgɛ Apolɩ sẽŋɛ ko-kãtɛ la nõorʋm. Dee tɩ Asɩlaasɩ la Atimõtɩ weege Beere. 15La sɛba n kɔlgɛ Apolɩ la tarɩ ẽ paagɛ la Atɛnɩ, tɩ Apolɩ soolʋm ba yetɩ, ba sãn paagɛ, ba yele Asɩlaasɩ la Atimõtɩ yetɩ, ba wa'am tɔtɔ.
Apolɩ boe Atɛnɩ mõola Nawẽnnɛ yetɔga
16La Apolɩ daan boe la Atɛnɩ gu'ura Asɩlaasɩ la Atimõtɩ. La a daan yẽ la baga n boe tẽŋa la pʋam zozo'e, tɩ a sũure sã'am. 17Tɩ a sẽŋɛ Zifdõma wẽndeem ka tɔgra la Zifdõma, la sɛba n dagɩ Zifdõma dee pʋ'ʋsra Nawẽnnɛ, dee tɔgra daarɛ woo la nẽrba n boe da'am. 18Tɩ bãŋrɩba daan bɔna mĩ tɔgra la Apolɩ, basɛba dolɩ la A'epikiri zãsŋɔ, dee tɩ basɛba dɔla Astoyisi zãsŋɔ. Tɩ nẽrba basɛba soke yetɩ: «Yetɔg-tɔgsa wã boorɩ tɩ a yetɩ bẽm?» Tɩ basɛba yetɩ: «La ãn wʋ a mõolɩ la wẽn-paalsɩ yelle la.» Se'ere n soe la, Apolɩ mõolɩ la Azezi kõ-yẽlga, la kũm vo'ore yelle. 19Tɩ ba tarɩ ẽ sẽŋɛ Arewopaazɩ zẽ'am ka yetɩ: «Tõma boorɩ la tɩ bãŋɛ zãsŋɔ paalga sɛka tɩ fõn tɔgrɩ la võorɛ. 20Fõn tɔgɛ yel-sɛba tɩ tõma wõm wã de la yel-sãasɩ bɔ tõma, bɛla tɩ tõma bɔɔra tɩ bãŋɛ a võorɛ.» 21Wakatɛ wuu Atɛnɩ dõma, la nẽr-sɛba n kẽ'erɩ bilam na, tɔgrɩ la yel-paala dee sɛlsra yel-paala.
22Tɩ Apolɩ isge ze'ele Arewopaazɩ la tẽŋasʋka yetɩ: «Atɛnɩ tẽŋa nẽrba, mam yẽ tɩ ya de la nẽrba n nã'asrɩ baga zozo'e sɛla woo pʋam. 23Mam n gilge ya tẽŋa wã pʋam na, mam yẽ bõn-sɛba tɩ ya ẽŋɛ nã'asra mɛ, la mam yẽ la kãabgɔ bĩmbĩnne zuo tɩ la gʋlsɛ yetɩ: ‹Wẽn-sɛka tɩ tõma ka mi.› Wẽn-sɛka tɩ yãma nã'asrɩ dee ka mina ẽ na, tɩ mam mõolɩ bɔ'ɔra ya. 24Nawẽnnɛ ẽŋa n nãam dũnia la sɛla wuu n boe ba pʋam, ẽŋa n soe saazuum la tẽŋa. A ka kẽ'erɩ deego tɩ nẽrsaalba mẽ pʋam. 25Sɛla ka pɔ'ɔgɛ ẽ tɩ a bɔɔra tɩ nẽrsaalba tõm bɔ ẽ. Ẽŋa n bɔ'ɔrɩ sɛla woo yõvore, la vo'osʋm, la sɛla woo. 26A nãam la nẽra ayɩla botɩ nẽrba buuri wuu n boe dũnia zuo ze'ele la ẽŋa zẽ'am. Ẽŋa n makɛ wakat-sɛba la zẽ'e-sɛba tɩ ba wʋn bɔna. 27A ẽŋɛ bɛla tɩ ba ɛ ẽ mɛ, ba sãn ɛɛra babla, tã tɩ ba wʋn yẽ ẽ. La a ka zãagɛ la tɩ nẽra baa ayɩla. 28Ẽŋa n botɩ tɩ bɔna, sẽnna dee tara vɔm, wʋ yãma Atɛnɩ so'olʋm nẽrba basɛba n daan yetɩ:
‹Tõma mẽ de la a kɔma.›
29Tõma n de a kɔma la, tɩ da tẽ'esɛ tɩ Nawẽnnɛ wõn na bõn-nãanɩsɩ tɩ nẽrsaalba dɩkɛ sãlma bɩɩ zũuro bɩɩ kuga tẽ'esɛ mãalɛ la nu'usi. 30Nawẽnnɛ ka geele wakat-sɛka tɩ tõma daan ka mi la. La lɛɛlɛ wã, a bɔ nõorɛ zẽ'a woo yetɩ, nẽrba wuu teege yɛm basɛ tõon-be'ero. 31Se'ere n soe la, a looge la daarɛ tɩ a di dũnia nẽrba sarɩya, a dẽŋɛ looge la nẽra, ẽŋa n wʋn di nẽrba la wuu sarɩya la sɩra. A vo'oge nẽr-ẽŋa pa'alɛ tɩ la de la sɩra.»
32Ban wõm tɩ Apolɩ tɔgrɩ kũm vo'ore yelle la, tɩ sɛba la'ara ẽ, dee tɩ basɛba yetɩ: «Tõma wʋn le selse fʋ yetɔg-bãna la da-se'ere.» 33Tɩ Apolɩ ze'ele ba zẽ'am fõrgɛ. 34La nẽrba basɛba daan doose ẽ mɛ bɔ Azezi sɩra. Nẽr-sɛba n daan bɔ sɩra la de la Adenisi, ẽŋa de la Arewopaazɩ sarɩyaditba nẽra ayɩla, la pɔka ayɩla yʋ'ʋrɛ n de Adamarisi, la nẽrba basɛba.
Currently Selected:
Tõoma 17: gurDBL
Highlight
Share
Copy
Want to have your highlights saved across all your devices? Sign up or sign in
© 2008, 2010, Wycliffe Bible Translators, Inc. All rights reserved.
Tõoma 17
17
Yel-sɛba n ẽŋɛ Tesaloniki tẽŋam
1Apolɩ la Asɩlaasɩ doose la Amfipoli, la Apoloni tẽnsʋm tole sẽŋɛ Tesaloniki, zẽ'e-ẽŋa Zifdõma wẽndeego n daan boe mĩ. 2Tɩ Apolɩ daan kẽ mĩ wʋ ẽ ẽn ɩta se'em na, tɔgɛ bõn-sɛba n boe Nawẽnnɛ gõŋɔ pʋam na pa'alɛ ba vo'osgo dabsa atã. 3A tɔgɛ pa'ala ba yetɩ, la masɛ mɛ tɩ Krisi nãmsɛ ki dee vo'oge. Dee yetɩ: «Azezi tɩ mam mõolɩ a yelle bɔ'ɔra ya wã de la Krisi la.» 4Tɩ ba nẽrba basɛba, la Grɛkɩdõma nẽrba zozo'e n pʋ'ʋsrɩ Nawẽnnɛ, la pɔgsɩ zozo'e n de nẽrzuto daan sakɛ po dɔla Apolɩ la Asɩlaasɩ.
5Tɩ Zifdõma daan ẽŋɛ sũure, sẽŋɛ da'am ka ɛ nẽrba n ka tarɩ võorɛ lagsɛ tɩ ba dãm tẽŋa la. Tɩ ba sẽŋɛ Azasõ yire ka ɛɛra Apolɩ la Asɩlaasɩ tɩ ba tarɩ ba sẽŋɛ tẽŋa la nẽrba zẽ'am. 6La ba sẽŋɛ ka ɛ ka yẽ ba, yõkɛ Azasõ la Azezi karẽnbiisi basɛba sẽŋɛ tẽŋa la kɛ'ɛndõma zẽ'am ka tĩi tɔgɛ yetɩ: «Nẽr-bãna wã eerɩ dãmna la dũnia wuu. La ban wãna n wa'am kalam, 7tɩ Azasõ to'oge ba. Nẽr-bãna wã wuu sɩ'ɩsrɩ la Rom na-keko nõorɛ yetɩ, naba ayẽma n boe tɩ a yʋ'ʋrɛ dɛna Azezi.» 8La kɛ'ɛndõma la, la nẽr-kʋʋŋɔ la n wõm bɛla la, ba sũure isge mɛ. 9Tɩ ba botɩ Azasõ la sɛba n dolɩ ẽ na bĩŋe ligri, dee tɩ ba basɛ ba.
Apolɩ la Asɩlaasɩ sẽŋɛ Beere
10La wẽnnɛ n daan sobe, tɩ Azezi karẽnbiisi la botɩ Apolɩ la Asɩlaasɩ sẽŋɛ Beere. La ban paagɛ la, ba sẽŋɛ mɛ ka kẽ Zifdõma wẽndeem. 11La bãma tarɩ pʋtẽ'e-sõnnɛ mɛ gãnna Zifdõma sɛba n boe Tesaloniki la, sakɛ to'oge Nawẽnnɛ yetɔga la ba sũure wuu, dee daan karẽŋra Nawẽnnɛ gõŋɔ la daarɛ woo tɩ ba bɩsɛ Apolɩ n yele se'em na de la sɩra bɩɩ la dagɩ sɩra. 12La ba nẽrba zozo'e, la Grɛkɩdõma pɔgsɩ n de yʋ'ʋrɛ dõma, la bʋraasɩ zozo'e sakɛ bɔ Azezi sɩra mɛ.
13Tɩ Zifdõma sɛba n boe Tesaloniki la wõm tɩ Apolɩ mõolɩ Nawẽnnɛ yetɔga Beere, tɩ ba sẽŋɛ mĩ ka dãm nẽrba la, sa'asɛ ba la Apolɩ la Asɩlaasɩ. 14Tɩ karẽnbiisi la ẽŋɛ tɔtɔ botɩ nẽrba basɛba kɔlgɛ Apolɩ sẽŋɛ ko-kãtɛ la nõorʋm. Dee tɩ Asɩlaasɩ la Atimõtɩ weege Beere. 15La sɛba n kɔlgɛ Apolɩ la tarɩ ẽ paagɛ la Atɛnɩ, tɩ Apolɩ soolʋm ba yetɩ, ba sãn paagɛ, ba yele Asɩlaasɩ la Atimõtɩ yetɩ, ba wa'am tɔtɔ.
Apolɩ boe Atɛnɩ mõola Nawẽnnɛ yetɔga
16La Apolɩ daan boe la Atɛnɩ gu'ura Asɩlaasɩ la Atimõtɩ. La a daan yẽ la baga n boe tẽŋa la pʋam zozo'e, tɩ a sũure sã'am. 17Tɩ a sẽŋɛ Zifdõma wẽndeem ka tɔgra la Zifdõma, la sɛba n dagɩ Zifdõma dee pʋ'ʋsra Nawẽnnɛ, dee tɔgra daarɛ woo la nẽrba n boe da'am. 18Tɩ bãŋrɩba daan bɔna mĩ tɔgra la Apolɩ, basɛba dolɩ la A'epikiri zãsŋɔ, dee tɩ basɛba dɔla Astoyisi zãsŋɔ. Tɩ nẽrba basɛba soke yetɩ: «Yetɔg-tɔgsa wã boorɩ tɩ a yetɩ bẽm?» Tɩ basɛba yetɩ: «La ãn wʋ a mõolɩ la wẽn-paalsɩ yelle la.» Se'ere n soe la, Apolɩ mõolɩ la Azezi kõ-yẽlga, la kũm vo'ore yelle. 19Tɩ ba tarɩ ẽ sẽŋɛ Arewopaazɩ zẽ'am ka yetɩ: «Tõma boorɩ la tɩ bãŋɛ zãsŋɔ paalga sɛka tɩ fõn tɔgrɩ la võorɛ. 20Fõn tɔgɛ yel-sɛba tɩ tõma wõm wã de la yel-sãasɩ bɔ tõma, bɛla tɩ tõma bɔɔra tɩ bãŋɛ a võorɛ.» 21Wakatɛ wuu Atɛnɩ dõma, la nẽr-sɛba n kẽ'erɩ bilam na, tɔgrɩ la yel-paala dee sɛlsra yel-paala.
22Tɩ Apolɩ isge ze'ele Arewopaazɩ la tẽŋasʋka yetɩ: «Atɛnɩ tẽŋa nẽrba, mam yẽ tɩ ya de la nẽrba n nã'asrɩ baga zozo'e sɛla woo pʋam. 23Mam n gilge ya tẽŋa wã pʋam na, mam yẽ bõn-sɛba tɩ ya ẽŋɛ nã'asra mɛ, la mam yẽ la kãabgɔ bĩmbĩnne zuo tɩ la gʋlsɛ yetɩ: ‹Wẽn-sɛka tɩ tõma ka mi.› Wẽn-sɛka tɩ yãma nã'asrɩ dee ka mina ẽ na, tɩ mam mõolɩ bɔ'ɔra ya. 24Nawẽnnɛ ẽŋa n nãam dũnia la sɛla wuu n boe ba pʋam, ẽŋa n soe saazuum la tẽŋa. A ka kẽ'erɩ deego tɩ nẽrsaalba mẽ pʋam. 25Sɛla ka pɔ'ɔgɛ ẽ tɩ a bɔɔra tɩ nẽrsaalba tõm bɔ ẽ. Ẽŋa n bɔ'ɔrɩ sɛla woo yõvore, la vo'osʋm, la sɛla woo. 26A nãam la nẽra ayɩla botɩ nẽrba buuri wuu n boe dũnia zuo ze'ele la ẽŋa zẽ'am. Ẽŋa n makɛ wakat-sɛba la zẽ'e-sɛba tɩ ba wʋn bɔna. 27A ẽŋɛ bɛla tɩ ba ɛ ẽ mɛ, ba sãn ɛɛra babla, tã tɩ ba wʋn yẽ ẽ. La a ka zãagɛ la tɩ nẽra baa ayɩla. 28Ẽŋa n botɩ tɩ bɔna, sẽnna dee tara vɔm, wʋ yãma Atɛnɩ so'olʋm nẽrba basɛba n daan yetɩ:
‹Tõma mẽ de la a kɔma.›
29Tõma n de a kɔma la, tɩ da tẽ'esɛ tɩ Nawẽnnɛ wõn na bõn-nãanɩsɩ tɩ nẽrsaalba dɩkɛ sãlma bɩɩ zũuro bɩɩ kuga tẽ'esɛ mãalɛ la nu'usi. 30Nawẽnnɛ ka geele wakat-sɛka tɩ tõma daan ka mi la. La lɛɛlɛ wã, a bɔ nõorɛ zẽ'a woo yetɩ, nẽrba wuu teege yɛm basɛ tõon-be'ero. 31Se'ere n soe la, a looge la daarɛ tɩ a di dũnia nẽrba sarɩya, a dẽŋɛ looge la nẽra, ẽŋa n wʋn di nẽrba la wuu sarɩya la sɩra. A vo'oge nẽr-ẽŋa pa'alɛ tɩ la de la sɩra.»
32Ban wõm tɩ Apolɩ tɔgrɩ kũm vo'ore yelle la, tɩ sɛba la'ara ẽ, dee tɩ basɛba yetɩ: «Tõma wʋn le selse fʋ yetɔg-bãna la da-se'ere.» 33Tɩ Apolɩ ze'ele ba zẽ'am fõrgɛ. 34La nẽrba basɛba daan doose ẽ mɛ bɔ Azezi sɩra. Nẽr-sɛba n daan bɔ sɩra la de la Adenisi, ẽŋa de la Arewopaazɩ sarɩyaditba nẽra ayɩla, la pɔka ayɩla yʋ'ʋrɛ n de Adamarisi, la nẽrba basɛba.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2008, 2010, Wycliffe Bible Translators, Inc. All rights reserved.