Aro 7
7
Linganizyo ya ukwati
1Muziŵe canupangwa kulaŵila, mwayangu, cikomo cakuti monse muziŵa va Matetulo. Matetulo olamulila pa ŵanthu tyala mwangaŵele na moyo. 2Mwa cisanzo, pa Matetulo, mwanakazi ni womangililiwa kwa mulume wake malinga keno mwanalume ali na moyo, koma keno mulume wake wafwa, yeve omangululiwa ku tetulo ya cikwati. 3Tetyo, keno olunguliwa na mwanalume muyakine mulume wake ali moyo, woyitiwa kuti ni wa ucende. Koma keno mulume wake wafwa, ni womangululiwa ku Matetulo na kuti ni wa ucendelini cukanga kuti alunguliwe ku mwanalume muyakine.
4Tetyo, mwenekwasu, iyi niye mfundo: mwefwila ku Matetulo pemwicifwa na Kristu#7:4 pemwicifwa na Kristu Malembo ayakine ŵa Cigiliki olaŵila kuti, mu muŵili wa Kristu. . Nipo lomba nimwe wokatizyana na ŵala ewushiwa kwa akufwa. Kufuma umo tingawezye vitwalo va vocita viweme kwa Mulungu.
5Pakuti patenzonkhala mu unkhalo uyipa, vopangwa vasu viyipa vewushiwa na Matetulo venze pa nchito mu miŵili yasu, nipo vevyala imfwa. 6Koma lomba tamangululiwa ku Matetulo, pakufwa kwa cala cetisunga uzya, kuti titumikile mwa njila ya lomba ya Mzimu, na kuti osati mu njila za macezo zakuyingokonkha Matetulo olembewa.
Matetulo na ucimo
7 Tilaŵile vinji lomba, kansi Matetulo ni ucimo? Na patontho kumo. Koma kuti Matetulo kwenzeve, sembe niliyoziŵe cimo. Pakuti sembe niliyoziŵe kuyipa kwa kukumbwila kuti Matetulo aliyolaŵile kuti, “Osakumbwila.” 8Cikomo ca yala Tetulo, ucimo wefwana njila yousha unkhalo wokumbwila vosiyana–siyana mwa newo. Pakuti keno paliye Tetulo, ucimo ungacitelini kanthu. 9Newo nenzonkhala moyo pekwenzeve Matetulo ŵanganiwuzye kuti osacita voteti, koma peniziŵa Tetulo, ucimo witatika kuŵa na mphamvu nipo newo nenkhala ngani wakufwa. 10Nefwana kuti Tetulo yenzopangwika kuleta moyo yeleta imfwa. 11Pakuti ucimo wefwana njila cikomo ca Tetulo, wenipumvyisha, na kuti kupitila mu Tetulo wenipaya.
12Matetulo ŵa Mose efumila kwa Mulungu, nipo Tetulo iliyonse mwa Matetulo aŵa ni ituŵa, yolungama na kuti ni iweme. 13Koma cingaŵe tyani tetyo? Kansi Matetulo aweme, angapangishe imfwa yangu? Na patontho kumo. Ucimo weseŵenzesha cenze ciweme kuti cipingulo cangu cipayiwe. Tetyo, tingawone mwaulili kuyipa ucimo. Useŵenzesha vopangwa viweme va Mulungu ku vawo vopangwa viyipa.
Nkhondo mkati mwasu
14Tuziŵa kuti Matetulo ni ŵa uzimu, koma nine wa ku muŵili, muzya wa ucimo. 15Numvwishalini vanucita. Pakuti nucitalini vanupangwa kucita, koma nucita vinthu vanutinkhana navo niye vanucita. 16Koma keno nupangwalini kucita vanisapangwa, nuzomelezya kuti Matetulo ni aweme. 17Lomba ni newolini nuvicita, koma ucimo ukuŵa mwa newo. 18Nuziŵa kuti paliye ciweme ceciŵa mwa newo, mu unkhalo uyipa. Pakuti nupangwa kucita ciweme, koma nutweshalini kucita. 19Pakuti canucita niyelini ciweme canupangwa kucita koma ciyipa canupangwalini niye canucita. 20Lomba keno nucita canisapangwa kucita, ni newolini soti nucita koma ni ucimo unkhala mwa newo ucita.
21Tetyo, nafwana kuti panupangwa kucita ciweme, ciyipa cili pamene. 22Mtima wangu usangalala na Matetulo ŵa Mulungu, 23koma nuwona mphamvu iyakine kulwa nkhondo na malingililo ŵangu nonipanga kaidi wa ucimo uli mkati mwangu. 24Amama newo! Atianipulumushe ni ŵani ku unkhalo wonitwala ku imfwa? 25Tutembezya Mulungu kupitila mwa Yesu Kristu Asikulu ŵasu, lomba newo neka nutumikila Matetulo ŵa Mulungu na mtima wangu, koma na unkhalo wangu nutumikila matetulo ŵa ucimo.
Currently Selected:
Aro 7: GMN
Highlight
Copy
Compare
Share
Want to have your highlights saved across all your devices? Sign up or sign in
Nsenga New Testament © The Bible Society of Zambia, 2015.
Aro 7
7
Linganizyo ya ukwati
1Muziŵe canupangwa kulaŵila, mwayangu, cikomo cakuti monse muziŵa va Matetulo. Matetulo olamulila pa ŵanthu tyala mwangaŵele na moyo. 2Mwa cisanzo, pa Matetulo, mwanakazi ni womangililiwa kwa mulume wake malinga keno mwanalume ali na moyo, koma keno mulume wake wafwa, yeve omangululiwa ku tetulo ya cikwati. 3Tetyo, keno olunguliwa na mwanalume muyakine mulume wake ali moyo, woyitiwa kuti ni wa ucende. Koma keno mulume wake wafwa, ni womangululiwa ku Matetulo na kuti ni wa ucendelini cukanga kuti alunguliwe ku mwanalume muyakine.
4Tetyo, mwenekwasu, iyi niye mfundo: mwefwila ku Matetulo pemwicifwa na Kristu#7:4 pemwicifwa na Kristu Malembo ayakine ŵa Cigiliki olaŵila kuti, mu muŵili wa Kristu. . Nipo lomba nimwe wokatizyana na ŵala ewushiwa kwa akufwa. Kufuma umo tingawezye vitwalo va vocita viweme kwa Mulungu.
5Pakuti patenzonkhala mu unkhalo uyipa, vopangwa vasu viyipa vewushiwa na Matetulo venze pa nchito mu miŵili yasu, nipo vevyala imfwa. 6Koma lomba tamangululiwa ku Matetulo, pakufwa kwa cala cetisunga uzya, kuti titumikile mwa njila ya lomba ya Mzimu, na kuti osati mu njila za macezo zakuyingokonkha Matetulo olembewa.
Matetulo na ucimo
7 Tilaŵile vinji lomba, kansi Matetulo ni ucimo? Na patontho kumo. Koma kuti Matetulo kwenzeve, sembe niliyoziŵe cimo. Pakuti sembe niliyoziŵe kuyipa kwa kukumbwila kuti Matetulo aliyolaŵile kuti, “Osakumbwila.” 8Cikomo ca yala Tetulo, ucimo wefwana njila yousha unkhalo wokumbwila vosiyana–siyana mwa newo. Pakuti keno paliye Tetulo, ucimo ungacitelini kanthu. 9Newo nenzonkhala moyo pekwenzeve Matetulo ŵanganiwuzye kuti osacita voteti, koma peniziŵa Tetulo, ucimo witatika kuŵa na mphamvu nipo newo nenkhala ngani wakufwa. 10Nefwana kuti Tetulo yenzopangwika kuleta moyo yeleta imfwa. 11Pakuti ucimo wefwana njila cikomo ca Tetulo, wenipumvyisha, na kuti kupitila mu Tetulo wenipaya.
12Matetulo ŵa Mose efumila kwa Mulungu, nipo Tetulo iliyonse mwa Matetulo aŵa ni ituŵa, yolungama na kuti ni iweme. 13Koma cingaŵe tyani tetyo? Kansi Matetulo aweme, angapangishe imfwa yangu? Na patontho kumo. Ucimo weseŵenzesha cenze ciweme kuti cipingulo cangu cipayiwe. Tetyo, tingawone mwaulili kuyipa ucimo. Useŵenzesha vopangwa viweme va Mulungu ku vawo vopangwa viyipa.
Nkhondo mkati mwasu
14Tuziŵa kuti Matetulo ni ŵa uzimu, koma nine wa ku muŵili, muzya wa ucimo. 15Numvwishalini vanucita. Pakuti nucitalini vanupangwa kucita, koma nucita vinthu vanutinkhana navo niye vanucita. 16Koma keno nupangwalini kucita vanisapangwa, nuzomelezya kuti Matetulo ni aweme. 17Lomba ni newolini nuvicita, koma ucimo ukuŵa mwa newo. 18Nuziŵa kuti paliye ciweme ceciŵa mwa newo, mu unkhalo uyipa. Pakuti nupangwa kucita ciweme, koma nutweshalini kucita. 19Pakuti canucita niyelini ciweme canupangwa kucita koma ciyipa canupangwalini niye canucita. 20Lomba keno nucita canisapangwa kucita, ni newolini soti nucita koma ni ucimo unkhala mwa newo ucita.
21Tetyo, nafwana kuti panupangwa kucita ciweme, ciyipa cili pamene. 22Mtima wangu usangalala na Matetulo ŵa Mulungu, 23koma nuwona mphamvu iyakine kulwa nkhondo na malingililo ŵangu nonipanga kaidi wa ucimo uli mkati mwangu. 24Amama newo! Atianipulumushe ni ŵani ku unkhalo wonitwala ku imfwa? 25Tutembezya Mulungu kupitila mwa Yesu Kristu Asikulu ŵasu, lomba newo neka nutumikila Matetulo ŵa Mulungu na mtima wangu, koma na unkhalo wangu nutumikila matetulo ŵa ucimo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nsenga New Testament © The Bible Society of Zambia, 2015.