Aro 6
6
Kufwa ku ucimo, kuŵa moyo mwa Kristu
1Lomba tilaŵile cinji? Tipitilizye kucimwa kuti cisomo ciyikiliwepo? 2Yayi, na patontho kumo. Tecifwa ku ucimo, nga tingapitilizye tyani kucimwa? 3Muziŵalini kuti tonse tebatiziwa mwa Kristu Yesu tecifwa pamo na yeve? 4Tefwikiliwa naye pobatiziwa mu imfwa yake, kuti ngani mweciwukishiwila kwa akufwa, Kristu mu ulemelelo wa Mulungu, sewo nase tingankhale mu moyo wa lomba.
5Keno taŵa ŵamo na Kristu mu imfwa yake, niye kuti tikaŵe ŵamo mu kuwuka kwake ngani mweciwukila yeve. 6Tuziŵa kuti unkhalo wasu wa kale wepanyikiwa na yeve kuti muŵili wa ucimo ukacenekeke, nipo tisaŵe soti ŵazya ŵa ucimo. 7Pakuti aliyense akafwa wamangululiwa ku ucimo. 8Lomba, keno tecifwa na Kristu, tucetekela kuti tiŵe na moyo pamo na yeve. 9Tuziŵa kuti kufumila peciwukishiwa kwa akufwa Kristu, angafwelini soti. Imfwa iliye ulamulilo pa yeve. 10Imfwa yeecifwa, ecifwa ku ucimo kamo tyala, koma moyo wakunkhala, akuŵa mwa Mulungu. 11Mwewo namwe, zitoleni kuŵa akufwa ku ucimo koma kuŵa na moyo wa Mulungu mwa Kristu Yesu.
12Tetyo, osalola ucimo kulamulila pa miŵili yanu ya kufwa kale kuti mumvwile vopangwa vake viyipa. 13Osatwala vizo vilivonse va muŵili wanu ku ucimo ngani vida va cosalungama, koma vitwaleni kwa Mulungu ngani ŵala ewukishiwa kwa akufwa kuŵa na moyo, na vizo va muŵili wanu ngani vida va cilungamo. 14Pakuti ucimo ukaŵelini na ulamulilo pa mwewo, cikomo cakuti mulilini pansi pa Matetulo, koma pansi pa cisomo.
Ŵazya ku cilungamo
15Tyani lomba? Tikocimwa cikomo cakuti tililini pansi pa Matetulo koma pansi pa cisomo? Yayi, na patontho kumo. 16Muziŵalini kuti keno mulitwala kwa aliyense ngani ŵazya womvwila, nimwe ŵazya ŵa wala wamumvwila, keno ŵa ucimo, utangulila ku imfwa, keno kumvwila Mulungu kutangulila ku cilungamo? 17Titembezye Mulungu, kuti mwewo mwenze muzya wa ucimo kale, lomba mwaŵa omvwila na mtima wonse vyendi va visambizyo vemwitwaliwako. 18Mwamangululiwa ku ucimo nipo mwaŵa ŵazya ŵa cilungamo. 19(Nulaŵila ici mu umunthu cikomo cakuti nimwe olefuka mu unkhalo wanu.) Ngani mwemwenzopela vizo va muŵili wanu mu uzya ku viyipa na ku ucimo wosalekezya, lomba pani mu uzya ku cilungamo cutangulila ku utuŵa.
20Pemwenze ŵazya ku ucimo, mwenze na ufulu pa ulamulilo wa cilungamo. 21Ngani vitwalo vanji vemwenzotola pa nsita yala kufuma ku vinthu vamucita navo nsoni lomba? Vala vinthu vutwala ku imfwa. 22Koma lomba pakuti mwamangululiwa ku ucimo na kuti mwaŵa ŵazya kwa Mulungu, vamuwezya vutangulila ku kutuŵa, na malipilo ŵake ni moyo wosasila. 23Pakuti malipilo ŵa ucimo ni imfwa, koma cawanzi ca Mulungu ni moyo wosasila mwa Kristu Yesu Asikulu ŵasu.
Currently Selected:
Aro 6: GMN
Highlight
Copy
Compare
Share
Want to have your highlights saved across all your devices? Sign up or sign in
Nsenga New Testament © The Bible Society of Zambia, 2015.
Aro 6
6
Kufwa ku ucimo, kuŵa moyo mwa Kristu
1Lomba tilaŵile cinji? Tipitilizye kucimwa kuti cisomo ciyikiliwepo? 2Yayi, na patontho kumo. Tecifwa ku ucimo, nga tingapitilizye tyani kucimwa? 3Muziŵalini kuti tonse tebatiziwa mwa Kristu Yesu tecifwa pamo na yeve? 4Tefwikiliwa naye pobatiziwa mu imfwa yake, kuti ngani mweciwukishiwila kwa akufwa, Kristu mu ulemelelo wa Mulungu, sewo nase tingankhale mu moyo wa lomba.
5Keno taŵa ŵamo na Kristu mu imfwa yake, niye kuti tikaŵe ŵamo mu kuwuka kwake ngani mweciwukila yeve. 6Tuziŵa kuti unkhalo wasu wa kale wepanyikiwa na yeve kuti muŵili wa ucimo ukacenekeke, nipo tisaŵe soti ŵazya ŵa ucimo. 7Pakuti aliyense akafwa wamangululiwa ku ucimo. 8Lomba, keno tecifwa na Kristu, tucetekela kuti tiŵe na moyo pamo na yeve. 9Tuziŵa kuti kufumila peciwukishiwa kwa akufwa Kristu, angafwelini soti. Imfwa iliye ulamulilo pa yeve. 10Imfwa yeecifwa, ecifwa ku ucimo kamo tyala, koma moyo wakunkhala, akuŵa mwa Mulungu. 11Mwewo namwe, zitoleni kuŵa akufwa ku ucimo koma kuŵa na moyo wa Mulungu mwa Kristu Yesu.
12Tetyo, osalola ucimo kulamulila pa miŵili yanu ya kufwa kale kuti mumvwile vopangwa vake viyipa. 13Osatwala vizo vilivonse va muŵili wanu ku ucimo ngani vida va cosalungama, koma vitwaleni kwa Mulungu ngani ŵala ewukishiwa kwa akufwa kuŵa na moyo, na vizo va muŵili wanu ngani vida va cilungamo. 14Pakuti ucimo ukaŵelini na ulamulilo pa mwewo, cikomo cakuti mulilini pansi pa Matetulo, koma pansi pa cisomo.
Ŵazya ku cilungamo
15Tyani lomba? Tikocimwa cikomo cakuti tililini pansi pa Matetulo koma pansi pa cisomo? Yayi, na patontho kumo. 16Muziŵalini kuti keno mulitwala kwa aliyense ngani ŵazya womvwila, nimwe ŵazya ŵa wala wamumvwila, keno ŵa ucimo, utangulila ku imfwa, keno kumvwila Mulungu kutangulila ku cilungamo? 17Titembezye Mulungu, kuti mwewo mwenze muzya wa ucimo kale, lomba mwaŵa omvwila na mtima wonse vyendi va visambizyo vemwitwaliwako. 18Mwamangululiwa ku ucimo nipo mwaŵa ŵazya ŵa cilungamo. 19(Nulaŵila ici mu umunthu cikomo cakuti nimwe olefuka mu unkhalo wanu.) Ngani mwemwenzopela vizo va muŵili wanu mu uzya ku viyipa na ku ucimo wosalekezya, lomba pani mu uzya ku cilungamo cutangulila ku utuŵa.
20Pemwenze ŵazya ku ucimo, mwenze na ufulu pa ulamulilo wa cilungamo. 21Ngani vitwalo vanji vemwenzotola pa nsita yala kufuma ku vinthu vamucita navo nsoni lomba? Vala vinthu vutwala ku imfwa. 22Koma lomba pakuti mwamangululiwa ku ucimo na kuti mwaŵa ŵazya kwa Mulungu, vamuwezya vutangulila ku kutuŵa, na malipilo ŵake ni moyo wosasila. 23Pakuti malipilo ŵa ucimo ni imfwa, koma cawanzi ca Mulungu ni moyo wosasila mwa Kristu Yesu Asikulu ŵasu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nsenga New Testament © The Bible Society of Zambia, 2015.