Aro 8
8
Moyo mwa Mzimu Mtuŵa
1Tetyo, lomba paliye mlandu wopingula ŵala onkhala mwa Kristu Yesu, 2pakuti kupitila mwa Kristu Yesu mphamvu ya Mzimu wa moyo enimangulula ku mphamvu ya ucimo na ya imfwa. 3Matetulo ŵa Mose ekangiwa kutipulumusha cikomo ca kulefuka kwa unkhalo wasu uyipa. Tetyo, Mulungu ecita cecikangiwa kucita Matetulo. Etuma Mwana wake mu umunthu ngani mwatunkhalila sewo wocimwa. Nipo mu umunthu uyo, Mulungu esilizya mphamvu za ucimo pali sewo potipa Mwana wake ngani nsembe ya ucimo wasu. 4Mulungu ecita ivi kuti cilungamo cakutisenga Matetulo, cicitike mwa sewo tisamvwila unkhalo uyipa, koma tumvwila Mzimu Mtuŵa. 5Ŵala omvwila unkhalo uyipa, oyika mtima wawo pa vopangwa va unkhalo wawo uyipa. Koma ŵala omvwila Mzimu Mtuŵa, oyika mtima wawo pa vaupangwa Mzimu Mtuŵa. 6Kumvwila unkhalo uyipa ni kufwa kwamene, koma kumvwila Mzimu Mtuŵa kuleta moyo na mtendele. 7Malingililo ŵa unkhalo uyipa otinkhana na Mulungu. Pakuti omvilalini Matetulo, nipo kulaŵila vyendi, angamvwilelini. 8Nipo ŵala oyika mtima pa unkhalo uyipa, angatweshelini kusangalasha Mulungu.
9Koma mwewo, mulamuliliwalini na unkhalo uyipa. Mulamuliliwa na Mzimu Mtuŵa, pakuti Mzimu wa Mulungu unkhala cendi mwa mwewo. Na kuti keno muyakine aliye Mzimu wa Kristu, niye kuti ni wakelini wa Kristu. 10Koma Kristu akaŵa mwa mwewo, niye kuti miŵili yanu ikafwe cikomo ca cimo, koma mzimu wanu uli moyo cikomo ca cilungamo. 11Nipo keno Mzimu wa wala ewusha Yesu kwa akufwa unkhala mwa mwewo, yeve ewusha Kristu kwa akufwa akakupeni soti moyo ku miŵili yanu ya kufwa kupitila mu Mzimu wake, ukuŵa mwa mwewo.
12Tetyo, mwenekwasu, tili na nkhongole – koma osati ku muŵili, kuŵa mwaupangwila unkhalo uyipa. 13Pakuti keno mukuŵa mwaupangwila unkhalo uyipa, mukafwe. Koma keno na Mzimu Mtuŵa mupaya vokumbwila va muŵili, mukaŵe na moyo.
14Wonse otanguliliwa na Mzimu wa Mulungu ni ŵana ŵa Mulungu. 15Pakuti muliyopokele Mzimu wokuikani kuŵa ŵazya soti ŵa wowa, yayi, koma mwipokela Mzimu wakuŵa ŵana ŵa Mulungu. Wamene kwa yeve tulililako kuti, “Abba! Atata!” 16Mzimu Mtuŵa yeka, osimikizyilana na mzimu wasu kuti nise ŵana ŵa Mulungu. 17Lomba keno sewo nise ŵana ŵa Mulungu tikapokele nawo mashukisho ŵecilayizya ŵanthu ŵake. Pamo na Kristu sewo tikapokele mashukisho ŵecimulayizya. Pakuti keno tikumvwa voŵaŵa pamo na Kristu, tikapokele soti na ulemelelo pamo na yeve.
Ulemelelo wa ku nthangu
18Nusimikizyila kuti kutamana kwatukumvwa lomba, kulinganalini na ulemelelo watiakatiwululile Mulungu ku nthangu kwatikuya. 19Volengewa vonse vulindila mopangwishisha kuti Mulungu awoneshe ŵana ŵake patuŵa. 20Mwakusapangwa kwake, volengewa vonse veikiwa pa shamu ya Mulungu. Koma na cilolelo 21cakuti veve vizemangululiwe ku uzya wa kuwola, nopokela soti ufulu na ulemelelo wa ŵana ŵa Mulungu. 22Tuziŵa kuti mpaka lomba, volengewa vonse vumimila na kumvwa voŵaŵa, ngani va mwanakazi pa nsita yowona mwana. 23Ni volengewalini veka vumimila, koma cukanga sewo nase tili na vawanzi votatika va Mzimu Mtuŵa, tumimila mu mtima, polindila kuti Mulungu atipokele ngani ŵana ŵake, nopulumusha miŵili yasu. 24Pakuti mu cilolelo ici tepulumushiwa. Lomba cilolelo cuwoneka ni cilolelolini. Pakuti ni ŵani angalindile cakuwona? 25Koma keno tulindila vatisawona na menso, tuzilindila mopilila na mosisikanya.
26Mwamene umo soti Mzimu Mtuŵa otiyavya. Nise olefuka, osaziŵa mwatuwamila kulombela. Ni cikomo cake Mzimu Mtuŵa mwine wake otilombela na madandaulo osalaŵilika. 27Nipo Mulungu wamene ololesha va mkati mwa mitima ya ŵanthu, woziŵa vakupangwa Mzimu Mtuŵa, pakuti Mzimu olombela atuŵa mtima ŵa Mulungu ngani mwakupangwila.
28Nipo tonse tuziŵa kuti Mulungu woyendesha vinthu mu njila yakuti vonse viŵawamile ŵanthu omutemwa nipo aphindule navo. Ŵanthu aŵa ni ŵamene ŵakuyita ngani mweciwamyila. 29Pakuti ŵanthu wecisalulilatu Mulungu eŵapatula soti kale kuti aŵe ngani Mwana wake, kuti tetyo Mwana wala aŵe wotatika mwa enekwawo anyinji. 30Na kuti ŵala ŵecisalula nawo soti eŵayita, ŵala ŵeciyita eŵalungamika, na ŵala ŵecilungamika eŵapako ulemelelo wake.
Cinthemwa ca Mulungu cosasila
31Nga lomba tilaŵile soti cinji pa ivi? Keno Mulungu ali ku citwa casu, angasushane nase ni ŵani? 32Yeve aliyosamale Mwana wake yeka koma emutwala mu malo mwa sewo tonse. Nga angakange tyani pamo na yeve soti, kutipa vinthu vonse, mwa cisomo? 33Ni ŵani angaŵape mlandu ŵanthu ŵecisalula Mulungu? Mwine wake oŵawona kuti ni wolungama pa menso pake. 34Paliye angapingule kuti ali na mlandu. Kristu Yesu ecifwa, keno tilaŵile kuti ewuka kwa akufwa, wamene soti ali ku kwanja kwendi kwa Mulungu, niye otilaŵilila kwa Mulungu. 35Paliye angatipatule na cinthemwa ca Kristu. Kansi ni mayezyelo, keno nkhawa, keno manzunzo, keno njala, keno wamba, keno coyofya, keno soti kupayiwa? 36 Pala Malembo olaŵila kuti,
“Cikomo ca mwewo tupayiwa nsiku ya msuma;
tuwonewa ngani mbelele zikuyopayiwa.”
37Yayi, pa vonse ivi nise opula ngako, cikomo ca Mulungu etitemwa. 38Nuziŵa mosakayika kuti paliye kanthu kangatipatule ku cinthemwa cake. Cukanga imfwa keno moyo, cukanga angelo keno viŵanda, cukanga vilipo lomba, keno vitivikawoneke ku nthangu, keno va mphamvu vilivonse, 39cukanga va kululu keno va pansi, keno soti kanthu kayakine kalikonse kolengewa, kangatipatulelini na cinthemwa ca Mulungu, ca tili naco mwa Kristu Yesu Asikulu ŵasu.
Currently Selected:
Aro 8: GMN
Highlight
Copy
Compare
Share
Want to have your highlights saved across all your devices? Sign up or sign in
Nsenga New Testament © The Bible Society of Zambia, 2015.
Aro 8
8
Moyo mwa Mzimu Mtuŵa
1Tetyo, lomba paliye mlandu wopingula ŵala onkhala mwa Kristu Yesu, 2pakuti kupitila mwa Kristu Yesu mphamvu ya Mzimu wa moyo enimangulula ku mphamvu ya ucimo na ya imfwa. 3Matetulo ŵa Mose ekangiwa kutipulumusha cikomo ca kulefuka kwa unkhalo wasu uyipa. Tetyo, Mulungu ecita cecikangiwa kucita Matetulo. Etuma Mwana wake mu umunthu ngani mwatunkhalila sewo wocimwa. Nipo mu umunthu uyo, Mulungu esilizya mphamvu za ucimo pali sewo potipa Mwana wake ngani nsembe ya ucimo wasu. 4Mulungu ecita ivi kuti cilungamo cakutisenga Matetulo, cicitike mwa sewo tisamvwila unkhalo uyipa, koma tumvwila Mzimu Mtuŵa. 5Ŵala omvwila unkhalo uyipa, oyika mtima wawo pa vopangwa va unkhalo wawo uyipa. Koma ŵala omvwila Mzimu Mtuŵa, oyika mtima wawo pa vaupangwa Mzimu Mtuŵa. 6Kumvwila unkhalo uyipa ni kufwa kwamene, koma kumvwila Mzimu Mtuŵa kuleta moyo na mtendele. 7Malingililo ŵa unkhalo uyipa otinkhana na Mulungu. Pakuti omvilalini Matetulo, nipo kulaŵila vyendi, angamvwilelini. 8Nipo ŵala oyika mtima pa unkhalo uyipa, angatweshelini kusangalasha Mulungu.
9Koma mwewo, mulamuliliwalini na unkhalo uyipa. Mulamuliliwa na Mzimu Mtuŵa, pakuti Mzimu wa Mulungu unkhala cendi mwa mwewo. Na kuti keno muyakine aliye Mzimu wa Kristu, niye kuti ni wakelini wa Kristu. 10Koma Kristu akaŵa mwa mwewo, niye kuti miŵili yanu ikafwe cikomo ca cimo, koma mzimu wanu uli moyo cikomo ca cilungamo. 11Nipo keno Mzimu wa wala ewusha Yesu kwa akufwa unkhala mwa mwewo, yeve ewusha Kristu kwa akufwa akakupeni soti moyo ku miŵili yanu ya kufwa kupitila mu Mzimu wake, ukuŵa mwa mwewo.
12Tetyo, mwenekwasu, tili na nkhongole – koma osati ku muŵili, kuŵa mwaupangwila unkhalo uyipa. 13Pakuti keno mukuŵa mwaupangwila unkhalo uyipa, mukafwe. Koma keno na Mzimu Mtuŵa mupaya vokumbwila va muŵili, mukaŵe na moyo.
14Wonse otanguliliwa na Mzimu wa Mulungu ni ŵana ŵa Mulungu. 15Pakuti muliyopokele Mzimu wokuikani kuŵa ŵazya soti ŵa wowa, yayi, koma mwipokela Mzimu wakuŵa ŵana ŵa Mulungu. Wamene kwa yeve tulililako kuti, “Abba! Atata!” 16Mzimu Mtuŵa yeka, osimikizyilana na mzimu wasu kuti nise ŵana ŵa Mulungu. 17Lomba keno sewo nise ŵana ŵa Mulungu tikapokele nawo mashukisho ŵecilayizya ŵanthu ŵake. Pamo na Kristu sewo tikapokele mashukisho ŵecimulayizya. Pakuti keno tikumvwa voŵaŵa pamo na Kristu, tikapokele soti na ulemelelo pamo na yeve.
Ulemelelo wa ku nthangu
18Nusimikizyila kuti kutamana kwatukumvwa lomba, kulinganalini na ulemelelo watiakatiwululile Mulungu ku nthangu kwatikuya. 19Volengewa vonse vulindila mopangwishisha kuti Mulungu awoneshe ŵana ŵake patuŵa. 20Mwakusapangwa kwake, volengewa vonse veikiwa pa shamu ya Mulungu. Koma na cilolelo 21cakuti veve vizemangululiwe ku uzya wa kuwola, nopokela soti ufulu na ulemelelo wa ŵana ŵa Mulungu. 22Tuziŵa kuti mpaka lomba, volengewa vonse vumimila na kumvwa voŵaŵa, ngani va mwanakazi pa nsita yowona mwana. 23Ni volengewalini veka vumimila, koma cukanga sewo nase tili na vawanzi votatika va Mzimu Mtuŵa, tumimila mu mtima, polindila kuti Mulungu atipokele ngani ŵana ŵake, nopulumusha miŵili yasu. 24Pakuti mu cilolelo ici tepulumushiwa. Lomba cilolelo cuwoneka ni cilolelolini. Pakuti ni ŵani angalindile cakuwona? 25Koma keno tulindila vatisawona na menso, tuzilindila mopilila na mosisikanya.
26Mwamene umo soti Mzimu Mtuŵa otiyavya. Nise olefuka, osaziŵa mwatuwamila kulombela. Ni cikomo cake Mzimu Mtuŵa mwine wake otilombela na madandaulo osalaŵilika. 27Nipo Mulungu wamene ololesha va mkati mwa mitima ya ŵanthu, woziŵa vakupangwa Mzimu Mtuŵa, pakuti Mzimu olombela atuŵa mtima ŵa Mulungu ngani mwakupangwila.
28Nipo tonse tuziŵa kuti Mulungu woyendesha vinthu mu njila yakuti vonse viŵawamile ŵanthu omutemwa nipo aphindule navo. Ŵanthu aŵa ni ŵamene ŵakuyita ngani mweciwamyila. 29Pakuti ŵanthu wecisalulilatu Mulungu eŵapatula soti kale kuti aŵe ngani Mwana wake, kuti tetyo Mwana wala aŵe wotatika mwa enekwawo anyinji. 30Na kuti ŵala ŵecisalula nawo soti eŵayita, ŵala ŵeciyita eŵalungamika, na ŵala ŵecilungamika eŵapako ulemelelo wake.
Cinthemwa ca Mulungu cosasila
31Nga lomba tilaŵile soti cinji pa ivi? Keno Mulungu ali ku citwa casu, angasushane nase ni ŵani? 32Yeve aliyosamale Mwana wake yeka koma emutwala mu malo mwa sewo tonse. Nga angakange tyani pamo na yeve soti, kutipa vinthu vonse, mwa cisomo? 33Ni ŵani angaŵape mlandu ŵanthu ŵecisalula Mulungu? Mwine wake oŵawona kuti ni wolungama pa menso pake. 34Paliye angapingule kuti ali na mlandu. Kristu Yesu ecifwa, keno tilaŵile kuti ewuka kwa akufwa, wamene soti ali ku kwanja kwendi kwa Mulungu, niye otilaŵilila kwa Mulungu. 35Paliye angatipatule na cinthemwa ca Kristu. Kansi ni mayezyelo, keno nkhawa, keno manzunzo, keno njala, keno wamba, keno coyofya, keno soti kupayiwa? 36 Pala Malembo olaŵila kuti,
“Cikomo ca mwewo tupayiwa nsiku ya msuma;
tuwonewa ngani mbelele zikuyopayiwa.”
37Yayi, pa vonse ivi nise opula ngako, cikomo ca Mulungu etitemwa. 38Nuziŵa mosakayika kuti paliye kanthu kangatipatule ku cinthemwa cake. Cukanga imfwa keno moyo, cukanga angelo keno viŵanda, cukanga vilipo lomba, keno vitivikawoneke ku nthangu, keno va mphamvu vilivonse, 39cukanga va kululu keno va pansi, keno soti kanthu kayakine kalikonse kolengewa, kangatipatulelini na cinthemwa ca Mulungu, ca tili naco mwa Kristu Yesu Asikulu ŵasu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nsenga New Testament © The Bible Society of Zambia, 2015.