YouVersion Logo
Search Icon

Yh Malizu Wotatikila

Malizu Wotatikila
Malizu ŵake wotatikila olaŵila kuti, Yesu ni Malizu ŵa Mulungu, Mwana wake wa nsita zonse, wamene “eyaluka munthu nakuzonkhala pakati pasu” (1:14). Malizu ŵake wosilizya olaŵila kuti buku iyi ilembewa kuti oyiŵelenga “acetekele kuti Yesu niye Mpulumushi cendi Wolayizyiwa wala, Mwana wa Mulungu, nipo kuti pocetekela aŵe na moyo mu zina yake” (20:31).
1. Malizu Wotatikila 1:1-18
Malizu ŵa Mulungu ni Yesu Kristu.
2. Yohane Mbatizi na asambili wotatikila ŵa Yesu 1:19-51
3. Yesu oŵilizya malizu nocita vokanganisha viyakine 2:1—12:50
Otatika wacita vokanganisha ngani viziŵikilo voziŵila kuti yeve ni Mpulumushi Wolayizyiwa wala, Mwana wa Mulungu. Nipo olaŵilapo malizu owulula tanthauzo yake ya cokanganisha cala. Ŵanthu akumvwa malizu ŵake, koma ayakine okana malizu ŵake ŵala opangwalini kumucetekela.
4. Masiku wosilizya ku Yelusalemu 13:1—19:42
a. Mutu 13 mpaka 17: Aŵa ni Malizu aweme ŵa Yesu ŵeciwuzya ayake usiku wenzokatiwa na alwani wake. Ni malizu oŵakosesha asambili wake ŵala, yeve penzeakaliyopanyikiwa. Eŵawululila vonse vakumukosi kwake.
b. Mutu 18 mpaka 19: Yesu okatiwa, omupa mlandu, omupanyika.
5. Yesu owuka kwa akufwa nowonekela kwa asambili ŵake 20:1-31
6. Malizu wosilizya: Yesu owonekela soti kwa asambili ŵake ku Galileya 21:1-25
Malizu anyinji ŵa mu buku umu olaŵila va moyo wosasila ngani cilambu cufwikila ŵanthu kupitila mwa Kristu, moyo uyu utatika lomba, nipo opokela cilambu ico ni ŵanthu okonkha Yesu pokumbuka kuti yeve niye njila, niye vyendi nipo soti moyo (14:6). Kasambizyilo kofwanika mu buku iyi ni ka mtundu wake–wake: Popangwa kusambizya va Mulungu na va moyo wosasila, yuseŵenzesha vinthu vosiyana–siyana voziŵika na ŵanthu wonse, ngani manzi, mkate, kuŵala kwa nyale, ciŵeta na mbelele zake, cimuti ca mphesa. Nipo kufumila pa vinthu vuwoneka ivi, vuyavya ŵanthu wocetekela kuti aziŵe nokopeka na viweme vofisika vokumya moyo wa Mulungu na Ufumu wake.

Currently Selected:

Yh Malizu Wotatikila: GMN

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy