Loma 9
9
Ko Hono Fili ‘o ‘Isilelí
1KO ‘eku lea mo‘oni ē, ‘a au ko e toko taha ‘oku tu‘u ‘ia Kalaisi: ‘oku ‘ikai ko ‘eku loi; pea ‘oku fakamo‘oni kiate au ‘e hoku konisēnisi, he‘ene Laumālie-Mā‘oni‘oni‘ia– 2‘a ‘eni, ‘Oku ‘iate au ha mamahi lahi, pea ‘oku mahuhu ma‘u pē hoku loto. 3Seuke, na‘a ku mei loto ke u mala‘ia ‘a au, ‘o mama‘o mo Kalaisi, ko e fetongi ‘o hoku ngaahi tokoua, ko si‘oku ngaahi kāinga fakakakano. 4He ko e ha‘a ‘Isileli kinautolu; ‘oku ‘onautolu tonu ‘a e Ohi, mo e Sikaina, mo e ngaahi Fuakava;#9.4 ngaahi Fuakava; ‘Oku pehē ‘i hono ngaahi hiki fuoloa ‘e ni‘ihi: Fuakava. pea ko kinautolu na‘e ‘omi ki ai ‘a e Lao, mo e ngaahi Feingalotu, mo e ngaahi Palōmesi.#‘Eki 4.22 5Pea ‘oku ‘onautolu ‘a e Mātu‘a, kae‘uma‘ā ‘oku meiate kinautolu ‘a Kalaisi, ‘a hono anga kakano, ‘a ia ko e ‘Otua ‘oku pule ki he me‘a kotoa pē, pea ‘o‘ona ‘a ‘e fakamālō ‘o ta‘engata, ‘Ēmeni.#9.5 “Ke fakamālō‘ia… ‘Ēmeni” pe Ke fakamālō‘ia ‘o ta‘engata ‘a Ia, ‘a ia ko e ‘Otua ‘oku pule ki he me‘a kotoa pē!”
6Ka ‘oku ‘ikai ke fou pehē ‘a e me‘a, ko e pehē kuo ka‘anga ‘a e folofola ‘a e ‘Otua. He tala‘ehai ‘oku ‘Isileli kotoa pē ‘a kinautolu kuo tupu meia ‘Isileli. 7‘Io, neongo ko e hako ‘o ‘Epalahame, ka ‘oku ‘ikai lau ai kotoa pē ko ‘ene fānau: he ‘oku pehē ‘e he Tohi, ‘E ngata ‘ia ‘Aisake ‘a e lau ko ho hako.#Sēn 21.12 8‘A ia ‘oku tatau mo e pehē, ‘Oku ‘ikai ko e fānau ‘oku fou fakakakano mai,#9.8 ko e fānau… mai; Ko hono ‘uhingá ko e hako ‘o ‘Epalahame ‘ia ‘Isime‘eli, ko hono foha mo Heka‘ā (vakai kia Kal 4.22-23). ‘a ia ko e fānau ‘a e ‘Otua, ka ko e fānau ‘oku fou fakapalōmesi, ko eni ia ‘oku lau ko e hako. 9He ko e palōmesi ia ‘a e lea ko eni, Ko e taimi ni#9.9 Ko e taimí ni; pe Ko ‘ene peheni pē he ta‘u kaha‘ú; pe ‘I he taimi totonu. te u ha‘u ai, pea ‘e ma‘u ‘e Sela ha tama.#Sēn 18.10
10Pea ‘ikai ko ia pē; ka ‘oku hā foki ‘i he feitama ‘a Lepeka ki ha toko taha, ko ‘etau kui ko ‘Aisake. 11He neongo kuo te‘eki fā‘ele‘i kinaua, pea te‘eki ke na fai ha me‘a lelei pe kovi; ka koe‘uhi ke tu‘u ma‘u ‘a e tu‘utu‘uni fili ‘a e ‘Otua, ‘o ‘oua ‘e tu‘u ‘i he ngāue, ka ‘iate ia ‘oku fai ‘a e ui, 12ko ia na‘e fakahā ki he fefine, Ko ta‘okete te ne tauhi ‘a tehina.#Sēn 25.23 13Pea ‘oku hoa mo ia ‘a e tohi, Na‘a ku ‘ofa kia Sēkope; ka ko ‘Īsoa na‘a ku fehi‘a ki ai.#Mal 1.2-3
14Pea ta fēfē ai? Te ta pehē koā, Tā ‘oku ‘i ai ha‘ane fai ta‘etotonu ‘a e ‘Otua, ‘ō? 15Molekemama‘o! He na‘a mo Mōsese ‘oku ne folofola kiate ia, ‘o pehē, ‘Ilonga ‘a ia ‘oku ou ‘alo‘ofa ki ai, te u fai ‘alo‘ofa ki ai, ‘io, ‘ilonga ‘a ia ‘oku ou manava‘ofa ki ai te u fai manava‘ofa ki ai.#‘Eki 33.19 16‘Āua; pea tā ‘oku ‘ikai tu‘unga ki he‘ete loto ki ai, pe ki he‘ete lele ki ai, ka ki he fai ‘alo‘ofa ‘a e ‘Otua. 17‘Io, ko eni ‘a e lau ‘a e Tohitapu kia Felo, Ko e me‘a pē ia na‘a ku fokotu‘u ai koe, koe‘uhi ke u ‘ai ke hā ‘eku māfimafi ‘iate koe, pea koe‘uhi ke ongoongoa ai hoku hingoa ‘i māmani kātoa.#‘Eki 9.16 (LXX) 18‘Āua; pea tā ‘oku ne ‘alo‘ofa kiate ia ‘oku ne finangalo ke ‘alo‘ofa ki ai, pea ‘oku ne fakafefeka ‘a ia ‘oku ne finangalo ke fakafefeka.
Ko e Houhau mo e ‘Alo‘ofa ‘a e ‘Otuá
19Pea tā te ke pehē mai, Pea ko ‘ene toe lāunga ai ko e hā? he ‘e ta‘ofi ‘e hai ‘ene tu‘utu‘uni? 20‘Isa! ko hai koe, tangata, ‘oku tali fakaanga ki he ‘Otua? ‘E lea koā ‘e he me‘a ngaohi kiate ia na‘a ne ngaohi, ‘o pehē, Ko e hā kuo ke ngaohi ai au ke pehē?#‘Ais 29.16; 45.9 21‘Io! ‘ikai ‘oku fa‘iteliha ‘a e tufunga ipu ki he ‘umea, ke ngaohi mei he takaonga pē taha ha ipu ‘e taha ke kinokinoifie, mo e ipu ‘e taha ke palakū?
22Kae fēfē ai ‘o kapau na‘e peheni ‘a e me‘a, neongo na‘e finangalo ‘e he ‘Otua ke fakae‘a ‘ene houhau, pea ke ‘ai ke mahino ‘a e me‘a te ne lava, ka ka anga mokomoko ia ‘o fuoloa, mo ne kātaki ‘a e ngaahi ipu ‘angahouhau ‘a ia kuo ‘osi sāuni ki he mala‘ia; 23koe‘uhi ke ne ‘ai ke mahino ‘a e koloa ‘o hono lāngilangi, he hā ‘i he ngaahi ipu ‘anga‘alo‘ofa, ‘a ia na‘a ne tomu‘a teuteu ke lāngilangi‘ia– 24‘a ē na‘a ne fakaului ai ‘a kitautolu foki, ‘o ‘ikai mei he Siu pē, ka mei he Senitaile foki. 25‘O hangē foki ko ‘ene folofola ‘i he Tohi ‘a Hosea;#Hōs 2.23 Te u lau ko hoku kakai ‘a ia na‘e ‘ikai ko hoku kakai, pea ‘ofeina ‘a ia na‘e ‘ikai ‘ofeina. 26Pea ‘e hoko ‘o pehē, ko e potu ‘a ia na‘e pehē ai kiate kinautolu, ‘Oku ‘ikai ko hoku kakai kimoutolu,#Hōs 1.10 ko e potu pē ia ‘e lau ai kinautolu, ko e ngaahi foha ‘o e ‘Otua Mo‘ui. 27Pea ko e me‘a ki ha‘a ‘Isileli, ‘oku kalanga ‘e ‘Aisea ‘o pehē, Neongo ‘e tatau ‘a e lau ‘o e hako ‘o ‘Isileli pea mo e ‘one‘one ‘o e matātahi, ko e toenga pē ‘e fakamo‘ui:#‘Ais 10.22-23 (LXX) 28he ‘oku ‘i ai ha tu‘utu‘uni ‘e fai ‘e he ‘Otua ‘i māmani, ‘o ne faka‘osi mo fakato‘oto‘o. 29Pea ‘oku hoa mo ia ‘a e lea ‘a ‘Aisea ‘oku tu‘u mu‘a atu, Ka ne ta‘e‘oua ‘a e fakatoe ‘e he ‘Eiki Sāpaoti ha‘atau fo‘i tenga, pehē kuo tau hoko ‘o hangē ko Sōtoma, pea kuo fakatatau ‘a kitautolu mo Komola.#‘Ais 1.9 (LXX)
Ko e Ongoongoleleí mo e Kakai ‘Isilelí
30Pea ko e hā ai ‘etau lea ‘e fai? ‘A ‘eni, Ko Senitaile ta‘etuli ki he mā‘oni‘oni, kuo nau ma‘u ‘a e mā‘oni‘oni ‘oku mei he tui: 31ka ko ‘Isileli tuli ki ha lao ‘oku mei ai ha mā‘oni‘oni, na‘a mo e lao ko ia ne ‘ikai te nau a‘usia. 32Koe‘uhi ko e hā? Koe‘uhiā, ko e me‘a ‘i he ‘ikai te nau kamata mei he tui, ka nau fou fakangāue pē, ko ia na‘a nau tūkia ‘i he maka tūkia‘anga. 33‘O hangē ko ia kuo tohi,#‘Ais 28.16 (LXX) Ko eni ‘oku ou ‘ai ‘i Saione ha maka tūkia‘anga, mo ha makatu‘u fakatupu fifisi: pea ko ia ‘oku tui kiate ia ‘e ‘ikai fakamaa‘i.
Currently Selected:
Loma 9: TMB
Highlight
Share
Compare
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
