KO E ME‘A FAKAHĀ 5
5
Ko e Takainga Tohi mo e Lami
1PEA u vakai, tā ‘oku ‘i he ‘aofi nima to‘omata‘u ‘o Ia na‘a ne ‘afio ‘i he taloni ha takainga tohi, kuo tohi ‘i loto mo tu‘a, pea sila‘i ‘aki ha sila ‘e fitu.#‘Isi 2.9-10; ‘Ais 29.11 2Pea u vakai ha ‘āngelo mālohi ‘oku ne fanongonongo le‘o lahi ‘o pehē, Ko hai ha taha ‘oku taau ke folahi ‘a e tohi, pea ke vete hono ngaahi sila? 3Pea na‘e ‘ikai ha taha ‘i he langi, pe ‘i māmani, pe ‘i lolofonua,#5.3 lolofonua; Ko e nofo‘anga ia ‘o e kakai kuo maté (vakai ki he 1.18). na‘a ne mafai ke folahi ‘a e tohi, pe ke sio ai. 4Pea u tangi lahi, koe‘uhi na‘e ‘ikai ‘ilo ha taha ‘oku taau ke folahi ‘a e tohi, pe ke sio ai. 5Pea pehē mai ‘e ha to ko taha ‘o e kau mātu‘a, ‘Oua ‘e tangi, ko eni ko e Laione ‘oku mei he matakali ‘o Siuta, ko e Huli ‘o Tēvita, kuo ne ikuna, ko ia te ne lava ke vete ‘a e tohi mo hono ngaahi sila.#Sēn 49.9; ‘Ais 11.1,10
6Pea u vakai, tā ‘oku lotolotoi ‘i he taloni, mo e mea mo‘ui ‘e fā, mo e mātu‘a ‘e uofulu mā fā, ha ki‘i Lami, ‘oku ne tu‘u pē kae hangē kuo tāmate‘i, ‘oku ne nifo fitu mo mata fitu, ‘a ia ko e Laumālie Fitu ‘o e ‘Otua, ‘a ia ne fekau atu ki māmani.#‘Ais 53.7; Sāk 4.10 7Pea ne ‘alu atu, pea ‘iloange na‘a ne to‘o ia mei he nima to‘omata‘u ‘o Ia na‘e ‘afio ‘i he taloni. 8Pea kuo ne to‘o leva ‘a e tohi, pea mape‘e ki lalo ‘i he ‘ao ‘o e Lami ‘a e me‘a-mo‘ui ‘e fā, mo e mātu‘a ‘e uofulu mā fā, ‘oku nau to‘o takitaha ha ha‘ape, pea mo e ngaahi ipu koula ne fonu ‘inisēnisi, ‘a ia ko e ngaahi hū ‘a e kakai lotu,#Saame 141.2 9pea nau hiva‘aki ha hiva fo‘ou, ‘o pehē,#Saame 33.3; 98.1; ‘Ais 42.10
Taau pē koe ke to‘o ‘a e tohi,
Pea ke vete hono ngaahi sila;
He na‘a ke mate tāmate‘i
Pea na‘a ke fakatau kakai ma‘a e ‘Otua
‘Aki ho ta‘ata‘a
Mei he matakali fuli pē mo e lea,
Mo e fa‘ahinga mo e pule‘anga;
10Pea na‘a ke ngaohi kinautolu
Ko e pule‘anga mo e ngaahi taula‘eiki:#‘Eki 19.6; Fkhā 1.6
Pea te nau Hau ‘i māmani.
11Pea u vakai, pea tā na‘e ongo mai ha le‘o ‘o ha kau ‘āngelo to ko lahi, na‘e takatakai ki he taloni mo e ngaahi me‘a mo‘ui mo e mātu‘a: pea ko honau lau ko e mano laui mano, mo e afe laui afe;#Tān 7.10 12pea nau lea le‘o lahi, ‘o pehē,
‘Oku taau pē ‘a e Lami ne mate tāmate‘i
Ke lau kiate ia ‘a e mafai, mo e koloa,
Mo e poto, mo e mālohi, mo e faka‘apa‘apa,
Mo e kolōlia, mo e fakafeta‘i.
13Pea ‘ilonga ha mea mo‘ui na‘e ‘i he langi, mo māmani, mo lolofonua, mo e tahi, mo e ngaahi me‘a kotoa pē ‘oku ‘i ai, na‘a ku fanongo kiate kinautolu ‘oku nau pehē,
Ko Ia ‘oku ‘afio ‘i he taloni
Pea mo e Lami,
Ke ‘onaua ‘a e fakafeta‘i, mo e faka‘apa‘apa,
Mo e kolōlia, mo e aoniu, ‘o lauikuonga pea ta‘engata.
14Pea ko e me‘a mo‘ui ‘e fā na‘a nau pehē, ‘Ēmeni: pea ko e kau mātu‘a na‘a nau mape‘e ki lalo ‘o hū.
Currently Selected:
KO E ME‘A FAKAHĀ 5: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
