Popular Bible Verses from KO E ME‘A FAKAHĀ 5

Share

pea nau hiva‘aki ha hiva fo‘ou, ‘o pehē, Taau pē koe ke to‘o ‘a e tohi, Pea ke vete hono ngaahi sila; He na‘a ke mate tāmate‘i Pea na‘a ke fakatau kakai ma‘a e ‘Otua ‘Aki ho ta‘ata‘a Mei he matakali fuli pē mo e lea, Mo e fa‘ahinga mo e pule‘anga

pea nau lea le‘o lahi, ‘o pehē, ‘Oku taau pē ‘a e Lami ne mate tāmate‘i Ke lau kiate ia ‘a e mafai, mo e koloa, Mo e poto, mo e mālohi, mo e faka‘apa‘apa, Mo e kolōlia, mo e fakafeta‘i.

Pea na‘a ke ngaohi kinautolu Ko e pule‘anga mo e ngaahi taula‘eiki: Pea te nau Hau ‘i māmani.

Pea ‘ilonga ha mea mo‘ui na‘e ‘i he langi, mo māmani, mo lolofonua, mo e tahi, mo e ngaahi me‘a kotoa pē ‘oku ‘i ai, na‘a ku fanongo kiate kinautolu ‘oku nau pehē, Ko Ia ‘oku ‘afio ‘i he taloni Pea mo e Lami, Ke ‘onaua ‘a e fakafeta‘i, mo e faka‘apa‘apa, Mo e kolōlia, mo e aoniu, ‘o lauikuonga pea ta‘engata.

Pea pehē mai ‘e ha to ko taha ‘o e kau mātu‘a, ‘Oua ‘e tangi, ko eni ko e Laione ‘oku mei he matakali ‘o Siuta, ko e Huli ‘o Tēvita, kuo ne ikuna, ko ia te ne lava ke vete ‘a e tohi mo hono ngaahi sila.