KO E ME‘A FAKAHĀ 22
22
1PEA ne fakahā kiate au ha vaitafe ‘o e Vaiola, na‘e ngingila ‘o hangē ko e kilisitala, ‘oku tafe mai mei he taloni ‘o e ‘Otua mo e Lami.#‘Isi 47.1; Sāk 14.8 2‘I he vaha‘a ‘o e hala ‘o e kolo pea mo e vaitafe, ‘i he kauvai ‘e taha, na‘e tu‘u ai ‘a e ‘akau ‘o e mo‘ui, pea pehē mo e kauvai ‘e taha. Na‘e hongofulu mā ua hono fa‘ahinga fua, ‘o takitaha ‘a e māhina hono fua: pea ko e lou‘akau ‘oku ‘aonga ki he faito‘o ‘o e ngaahi kakai.#Sēn 2.9; ‘Isi 47.12 3Pea ‘ilonga ha me‘a fakamala‘ia ‘e ‘ikai toe ‘iloa:#Sāk 14.11 pea ko e taloni ‘o e ‘Otua mo e Lami ‘oku tu‘u ai, pea ‘oku tauhi ki He‘ene ‘Afio ‘e he‘ene kau tamaio‘eiki.
4Pea te nau mamata ki hono fofonga; pea ‘e tu‘u hono huafa ‘i honau la‘e. 5Pea ‘e ‘ikai ‘i ai ha pō pea ‘e ‘ikai te nau fie ma‘u ha maama pe ko e la‘ā; he ko ‘Ene ‘afio ‘a e ‘Otua te ne hulu‘ia kinautolu: pea te nau Hau ‘o lauikuonga.#‘Ais 60.19; Tān 7.18
Ko e Hā‘ele Mai ‘a Sīsuú
6Pea ne pehē kiate au, Ko e ngaahi lea ko eni ‘oku ala falala ki ai, pea ko e mo‘oni ‘o e mo‘oni: pea ko e ‘Afio ‘a e ‘Otua ‘o e ngaahi laumālie ‘o e kau palōfita kuo ne fekau ‘ene ‘āngelo ke fakahā ki he kau tamaio‘eiki ‘a ‘Ene ‘Afio ‘a e ngaahi me‘a kuo pau ke ho ko leva.
7Pea ko eni, ‘oku vave ‘eku ‘alu atu, Monu‘ia ā ka ko ia ‘oku ne tauhi ‘a e ngaahi lea ‘o e palofisai ‘o e tohi ni.
8Pea ko au Sione ia na‘e fanongo mo mamata ki he ngaahi me‘a ni, pea ‘i he‘eku fanongo leva mo mamata, na‘a ku mape‘e ai ki lalo ke hū ‘i he va‘e ‘o e ‘āngelo na‘e fakahā mai ‘a e ngaahi me‘a ko ia. 9Ka ka pehē mai ‘e ia, ‘Ē, ‘oua: ‘oku ou kaungā tamaio‘eiki mo koe, pea mo ho ngaahi tokoua ‘a e kau palōfita, pea mo e kakai ‘oku tauhi ‘a e ngaahi lea ‘o e tohi ni. Hū ki he ‘Otua pē. 10Pea ne pehē mai, ‘Oua te ke sila‘i ‘a e ngaahi lea ‘o e palofisai ‘o e tohi ni, he kuo panaki hono taimi. 11Ko ia ‘oku ne ta‘eangatonu ke ne fai ta‘etotonu ai pē: pea ko ia ‘oku ‘uli, ke ne fai ai pē hono ‘uli‘i: pea ko ia ‘oku angatonu ke ne faitotonu ai pē: pea ko ia ‘oku mā‘oni‘oni ke ne fai ai pē hono fakamā‘oni‘oni‘i.#Tān 12.10
12Vakai, ‘oku vave ‘eku ‘alu atu, pea ‘oku ‘alu mo au ‘eku totongi ke ‘atu ki he tangata takitaha ‘o fakatatau ki he‘ene ngāue.#‘Ais 40.10; 62.11; Saame 28.4; Sel 17.10 13Ko au ko e ‘Ālifa mo e ‘Ōmeka, ko e ‘Uluaki mo e kimui, ko e Kamata‘anga mo e Ngata‘anga.#Fkhā 1.8,17; 2.8; ‘Ais 44.6; 48.12
14Monū‘ia ā ka ko kinautolu ‘oku fō honau kofu, koe‘uhi ke nau fa‘iteliha ki he ‘Akau ‘o e Mo‘ui, pea ke nau hū ‘i he ngaahi matapā ki he kolo.#Sēn 2.9; 3.22 15‘Oku ‘i he tu‘a ‘ā ‘a e fanga kulī, mo e kau fai fakalou‘akau, mo e kau fe‘auaki, mo e kau fakapō, mo e kau tauhi ‘aitoli, mo ia kotoa pē ‘oku ‘ofa ki he loi mo fai ia.
16Ko au Sīsū kuo u fekau ‘eku ‘āngelo ke fakapapau kiate kimoutolu ‘a e ngaahi me‘a ni ‘i he ngaahi siasi. Ko au ko e Huli mo e Ha ko ‘o Tēvita, ko e Fetu‘u Ngingila, ko e Fetu‘u Pongipongi.#‘Ais 11.1,10
17Pea ko e Laumālie mo e Ta‘ahine ‘oku na pehē, Ha‘u.#‘Ais 55.1 Pea ko ia ‘oku ne fanongo ke ne pehē, Ha‘u. Pea ko ia ‘oku fieinu, ke ne ha‘u. Pea ko ia ‘oku ne loto ki ai, ke ne to‘o ta‘etotongi ‘a e Vaiola. 18‘Oku ou fakapapau atu kiate ia kotoa pē te ne fanongo ki he ngaahi lea ‘o e palofisai ‘o e tohi ni, ka ai ha taha te ne fakalahi ki ai, ‘e fakalahi ‘e he ‘Otua kiate ia ‘a e ngaahi tautea kuo tohi ‘i he tohi ni.#Teu 4.2; 12.32 19Pea ka ai ha taha te ne to‘o ha me‘a mei he ngaahi lea ‘o e tohi palofisai ni, ‘e to‘o ‘e he ‘Otua hono ‘inasi ‘i he ‘Akau ‘o e Mo‘ui, pea ‘i he Kolo Tapu, ‘a e ngaahi me‘a kuo tohi ‘i he tohi ni.
20Ko ia ‘oku ne fakapapau ‘a e ngaahi me‘a ni, ‘oku ne pehē, ‘Io, ‘oku vave ‘eku ‘alu atu. ‘Ēmeni. ‘Eiki Sīsū, ke ke hā‘ele mai.
21Ko e kelesi ‘a e ‘Eiki ko Sīsū Kalaisi, ‘ofa ke ‘i he kakai lotu#22.21 ‘i he kakai lotú; ‘Oku pehē ‘i hono ngaahi hiki fuoloa ‘e ni‘ihi: ‘i he kakai kotoa pē ‘a e ‘Otuá, ‘i he kakai kotoa pē. ia.
Currently Selected:
KO E ME‘A FAKAHĀ 22: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
