Popular Bible Verses from KO E ME‘A FAKAHĀ 22

Share

Ko au ko e ‘Ālifa mo e ‘Ōmeka, ko e ‘Uluaki mo e kimui, ko e Kamata‘anga mo e Ngata‘anga.

Vakai, ‘oku vave ‘eku ‘alu atu, pea ‘oku ‘alu mo au ‘eku totongi ke ‘atu ki he tangata takitaha ‘o fakatatau ki he‘ene ngāue.

Pea ko e Laumālie mo e Ta‘ahine ‘oku na pehē, Ha‘u. Pea ko ia ‘oku ne fanongo ke ne pehē, Ha‘u. Pea ko ia ‘oku fieinu, ke ne ha‘u. Pea ko ia ‘oku ne loto ki ai, ke ne to‘o ta‘etotongi ‘a e Vaiola.

Monū‘ia ā ka ko kinautolu ‘oku fō honau kofu, koe‘uhi ke nau fa‘iteliha ki he ‘Akau ‘o e Mo‘ui, pea ke nau hū ‘i he ngaahi matapā ki he kolo.

Pea ko eni, ‘oku vave ‘eku ‘alu atu, Monu‘ia ā ka ko ia ‘oku ne tauhi ‘a e ngaahi lea ‘o e palofisai ‘o e tohi ni.

Pea ‘e ‘ikai ‘i ai ha pō pea ‘e ‘ikai te nau fie ma‘u ha maama pe ko e la‘ā; he ko ‘Ene ‘afio ‘a e ‘Otua te ne hulu‘ia kinautolu: pea te nau Hau ‘o lauikuonga.

Ko ia ‘oku ne fakapapau ‘a e ngaahi me‘a ni, ‘oku ne pehē, ‘Io, ‘oku vave ‘eku ‘alu atu. ‘Ēmeni. ‘Eiki Sīsū, ke ke hā‘ele mai. Ko e kelesi ‘a e ‘Eiki ko Sīsū Kalaisi, ‘ofa ke ‘i he kakai lotu ia.

‘Oku ou fakapapau atu kiate ia kotoa pē te ne fanongo ki he ngaahi lea ‘o e palofisai ‘o e tohi ni, ka ai ha taha te ne fakalahi ki ai, ‘e fakalahi ‘e he ‘Otua kiate ia ‘a e ngaahi tautea kuo tohi ‘i he tohi ni. Pea ka ai ha taha te ne to‘o ha me‘a mei he ngaahi lea ‘o e tohi palofisai ni, ‘e to‘o ‘e he ‘Otua hono ‘inasi ‘i he ‘Akau ‘o e Mo‘ui, pea ‘i he Kolo Tapu, ‘a e ngaahi me‘a kuo tohi ‘i he tohi ni.