KO E SAAME 105
105
Ko e ‘Otuá mo Hono Kakaí
(1 Kal 16.8-22)
1FAKAFETA‘I kia Sihova, kailavaki hono huafa;
Faka‘ilo ‘ene ngaahi ngāue ki he ngaahi fa‘ahinga.
2Hiva ki he‘ene ‘Afio, tā ha‘ape ki he‘ene ‘Afio,
Fakalaulauloto ki he‘ene ngaahi ngāue fakaofo.
3Pōlepole ‘i hono huafa tāpuhā:
Ke fiefia ‘a e loto ‘o ha‘a kumi kia Sihova.
4Huhū kia Sihova mo hono fu‘u ngū;
Kumi ki hono fōtunga, ‘o ‘oua ‘e tuku.
5Manatu ki he ngaahi me‘a fakaofo kuo ne fai;
‘A ‘ene ngaahi faka‘ilonga, mo e ngaahi fakamaau kuo ne pu‘aki;
6‘E kimoutolu ko e hako ‘o ‘Epalahame ko ‘ene tamaio‘eiki,
‘A e fānau ‘a Sēkope na‘a ne fili.
7Ko ia ia ‘a hotau ‘Otua, ‘a Sihova:
Ko ‘ene ngaahi fakamaau ‘oku ‘i māmani kotoa.
8Kuo ne manatu ai pē ki he‘ene fuakava,
‘A e folofola na‘a ne fakapapau ki he afe‘i to‘utangata;
9‘a e kovinānite na‘a na fai mo ‘Epalahame,#Sēn 12.7; 17.8; 26.3
Mo e me‘a na‘a ne fuakava kia ‘Aisake.
10Pea ne fakapapau kia Sēkope ko e tu‘utu‘uni;#Sēn 28.13
Ko e fuakava ta‘engata ma‘a ‘Isileli:
11He‘ene pehē, “Te u ‘atu mo‘ou ‘a Kēnani na,
Ko e laine ia homou tofi‘a:”
12‘Osi ko e falukunga kakai;
Ko e toko si‘i pea muli ki ai.
13Pea nau fe‘alu‘aki mei he fa‘ahinga ki he fa‘ahinga,
Mei he pule‘anga ko ē ki he kakai ‘e taha.
14Na‘e ‘ikai te ne tuku ke fai ‘e ha tangata honau fakaehaua;#Sēn 20.3-7
‘Io, na‘a ne valoki ‘ani tu‘i koe‘uhi ko kinautolu na.
15“Oua ‘e ala ki he‘eku kau pani,
Pea ‘oua ‘e fai ha kovi ki he‘eku kau palōfita ni.”
16Pea ne ui mai ha honge ki he fonua,#Sēn 41.53-57
‘O ne maumau kotoa honau falala‘anga mā.
17Na‘a ne fekau mu‘omu‘a atu ha taha,#Sēn 37.28; 45.5
Na‘e fakatau ‘a Siosifa ke pōpula.
18Na‘a nau fakamamahi ‘aki ha seini hono va‘e;#Sēn 39.20–40.23
Na‘e fekuki ‘ene mo‘ui mo e ‘aione.
19Ko e fai atu ki he taimi na‘e hoko ai ‘ene lea;
Na‘e sivi ia ‘e he folofola ‘a Sihova.
20Fekau atu ‘e he tu‘i, ‘o vete ia:#Sēn 41.14
‘Io, na‘e faka‘atā ‘e he pule ‘o e ngaahi fa‘ahinga.
21Na‘a ne ngaohi ia ko e ‘eiki ‘o hono fale,#Sēn 41.39-41
Mo e pule ‘o ‘ene koloa kotoa pē:
22Ke ne ha‘i hou‘eiki he‘ene fa‘iteliha,
Pea ke ne fakapoto ‘ene kau mātu‘a.
23Na‘e ha‘u foki ki ‘Isipite ‘a ‘Isileli;#Sēn 46.6; 47.11
Pea ‘āunofo ‘a Sēkope ‘i he fonua ‘o Hami.
24Na‘a ne fakanga‘uto‘uta#105.24 fakanga‘uto‘uta; pe ‘oange ‘a e fānau tokolahi ‘a. hono kakai,#‘Eki 1.7-14
‘O ne ‘ai ke nau kaukaua ange ‘i honau ngaahi fili.
25Na‘a ne ofe‘i honau loto ke fehi‘a ki hono kakai;
Pea ke fai kākā ka ki he‘ene kau tamaio‘eiki.
26Na‘a ne fekau ‘a Mōsese ko ‘ene tamaio‘eiki;#‘Eki 3.1–4.17
‘A ‘Ēlone kuo ne fili.
27Na‘a ne tuku ‘ene ngaahi folofola faka‘ilonga ‘i honau ‘ao;
‘Io, na‘a na fai he fonua ‘o Hami ha ngaahi me‘a fakaofo.
28Na‘a ne fekau atu ‘a e po‘uli, pea po‘uli tu‘u;#‘Eki 10.21-23
‘Io, na‘e ‘ikai te na paetaku‘i ‘ene ngaahi fekau.#105.28 na‘e ‘ikai te na paetaku‘i; Ko hono faka-Hepeluú ia, ka ‘oku pehē ‘i he ngaahi hiki fuoloa ‘e ni‘ihi: na‘e ‘ikai te ne toka‘i.
29Na‘a ne liliu ke toto honau ngaahi vai,#‘Eki 7.17-21
‘O ne ‘ai ‘enau fanga ika ke mate ai.
30Na‘e nga‘uta ‘i honau fonua ‘a e fanga poto;#‘Eki 8.1-6
Ko e fale mohe ‘o honau ngaahi tu‘i na‘a nau fakapito.
31Na‘a ne folofola pē pea ha‘u ‘a e mongomonga;
Ai mo e namu ‘i honau tafafonua kotoa.#‘Eki 8.16-17,20-24
32Na‘a ne ‘ange ‘uha maka ma‘anau ‘uha,
Mo ha afi tapa ki honau fonua.#‘Eki 9.22-25
33Ko honau vaine foki mo e fiki na‘a ne te‘ia,
‘O ne laiki ‘a e ‘akau ‘i honau tafafonua.
34Na‘a ne folofola, pea ha‘u ‘a e he‘e
Pea ta‘efa‘alaua mo e ‘unufe.#105.34 ‘unufe; ‘Oku ‘ikai ‘ilo ‘a e manú ni, ka ko e manu maumau. #‘Eki 10.12-15
35Pea ko e mohuku honau fonua na‘a nau kai kotoa pē.
‘O nau faka‘osi ‘a e fua ‘o e kelekele.
36Pea ne taa‘i ‘a e kau ‘olopo‘ou ‘o honau fonua;#‘Eki 12.29
‘A e fuatapu ‘o honau ivi kotoa.
37Na‘a ne fakahū mai kinautolu#‘Eki 12.33-36 kuo nau siliva-mo-koula‘ia,
Pea na‘e ‘ikai ha taha ‘i honau ngaahi matakali ‘e fakave‘eve‘etuia.
38Na‘e fiefia ‘a ‘Isipite ‘i he‘enau ‘alu;
He kuo tō honau ngeia kiate kinautolu.
39Na‘a ne folahi mōnau fale ha ‘ao,#‘Eki 13.21-22
Mo e afi ke fakamaama ‘i he pō.
40Na‘a nau#105.40 na‘a nau; Ko hono fakalea ia ‘i he ngaahi hiki fuoloa ‘e ni‘ihi, ka ‘oku pehē he faka-Hepeluú: na‘á ne. kole, pea ne ‘omi ‘a e kueili,#‘Eki 16.2-15
Pea ne fakamākona ‘aki ‘a e mā ‘o e langi.
41Na‘a ne avangi ‘a e maka, pea ko e vai na‘e puna mai:#‘Eki 17.1-7; Nōm 20.2-13
Na‘e tafe ‘i he ngaahi potu mōmoa ko e vai lahi.
42He na‘a ne manatu ki he‘ene folofola mā‘oni‘oni,
Mo ‘Epalahame ko ‘ene tamaio‘eiki.
43‘O ne fakahū mai hono kakai mo e mavava;
‘A ‘ene pele mo e hiva fiefia.
44Pea ne ‘ange kiate kinautolu ‘a e kelekele ‘o e ngaahi pule‘anga;#Sios 11.16-23
Pea nau ma‘u ‘a e ngaahi me‘a kuo ‘osi ai ‘a e kakava ‘o e ngaahi fa‘ahinga.
45Koe‘uhi ā ke nau tauhi ‘ene ngaahi fono,
Mo tokanga‘i ‘ene ngaahi lao,
Halelu‘ia.
Currently Selected:
KO E SAAME 105: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
