KO E SAAME 101
101
Ko e Tala‘ofa ‘a e Tu‘i
(Ko e Saame ‘a Tēvita)
1TE U hiva ‘aki ‘a e fai ‘ofa mo e fakakonisitūtone:
Te u tā ha‘ape, ‘e Sihova, kiate koe.
2Te u fai fakapotopoto, ‘o fou ha hala tonusika:
–‘Afē te ke hoko mai kia kita?–
Te u taka ho loto fale mo e loto haohaoa.
3‘E ‘ikai te u tuku ke fe‘ao mo au ha me‘a fakalielia:
Ko e fai ‘a e fa‘a afe ‘oku ou fehi‘a ki ai; ‘e ‘ikai piki ia kia kita.
4Te ne hiki meiate au, ‘o kapau ko ha taha loto mamio;#101.4 Te ne… mamio; pe ‘E ‘ikai te u kākā, pe Teu fakamama‘o mei he kakai kākaá.
Ko e tangata kovi#101.4 tangata koví; pe koví. ‘e ‘ikai te u momo‘i ‘ilo.
5Ko ia ‘oku lau‘ikovi fufū hono kaungā‘api, te u faka‘auha pē:
Ko e mata hihiki mo e loto fielahi, ‘e ‘ikai te u kātaki ha taha pehē.
6‘Oku hanga hoku mata ki he kau fai mo‘oni ‘o e fonua ke fe‘ao mo kita:
Ko ia ‘oku fou ha hala tonusika,
Ko ia ia te ne hoko ko hoku minisitā.
7‘E ‘ikai lotofale‘ia mo au ha taha ‘oku fai kākā:
Ko ha lea loi ‘e ‘ikai ma‘u ‘ene fe‘ao mo kita.
8Ko e pongipongi kotoa pē te u faka‘auha ‘a e kau angahala ‘o e fonua;
Ke u tu‘usi ‘a e kau fai kovi fua pē mei he kolo ‘a Sihova.
Currently Selected:
KO E SAAME 101: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
