PALŌVEPI Ko e Talateu
Ko e Talateu
Ko e Tohi Palōvepí ko ha ngaahi akonaki faka‘ulungāanga mo fakalotu kuo fatu fakata‘anga mo fakapalōvepi. ‘Oku lahi ‘a e lave ‘a e Tohi Palōvepí ki he ngaahi me‘a ‘o e mo‘ui faka‘ahó. ‘Oku kamata ‘aki ‘a e fakatokanga ko ‘eni: “Ko e ‘apasia kia Sihová, ko e ‘uluaki me‘a ia ‘i he ‘iló,” (1.7) pea hoko atu leva ia ki he ngaahi me‘a ‘oku ‘ikai ngata he‘ene fekau‘aki mo e tō‘onga mo‘ui fakalotú, kae pehē pē ki he tauhi vaha‘á mo e poto he angá. Ko e ngaahi kupukupu‘i lea nonou ko ‘ení ‘oku hā mei ai ‘a e ‘ilo loloto ‘a e kau faiako ‘Isileli ‘o ono‘ahó ki he me‘a ‘e fai ‘e ha taha fakapotopoto ‘i he ngaahi tu‘unga kehekehe ‘o e nofó. ‘Oku fekau‘aki ‘a e ni‘ihi mo e ngaahi vā fakafāmili, ko e ni‘ihi ia mo e ngaahi vā fakangāue. Ko e ni‘ihi ‘oku fekau‘aki mo e ngaahi anga fakamatāpule, pea ko e ni‘ihi ia mo e pau ke te pule‘i kita. ‘Oku lahi ‘ene lave ki he ngaahi ‘ulungāanga ‘o hangē ko e angavaivaí, mo e fa‘a kātakí, mo e toka‘i e masivá, mo e mateaki‘i hoto ngaahi kaungāme‘á.
Ko e Kakano ‘o e Tohí
Ko e Fakahīkihiki‘i ‘o e potó (10.1–9.18)
Ko e ngaahi palōvepi ‘a Solomone (10.1–29.27)
Ko e ngaahi lea ‘a ‘Auka (30.1-33)
Ko e ngaahi lea kehekehe (31.1-31)
Currently Selected:
PALŌVEPI Ko e Talateu: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.