Filipaí 2
2
Ko e Āfeitaulalo ‘a Kalaisi
1KO IA, kapau ‘oku ‘i ai hamou akonaki ‘ia Kalaisi, kapau ‘oku ‘i ai ha‘amou fiemālie mei he ‘ofa, kapau ‘oku ‘i ai ha‘amou feohi ‘i he Laumālie,#2.1 ‘oku ‘i ai… Laumālié; pe ha‘amou feohi mo e Laumālié, pe kuo tataki kimoutolu ‘e he Laumālié ki he feohi fakataha. kapau ‘oku ngaue homou fatu ‘i he ‘ofa, pea ai ha‘amou fai meesi, 2‘ē, mou fakakakato ‘eku fiefia, ‘i ho‘omou loto taha: ke taha ho‘omou ofa, pea mou uouangataha, pea hu‘ufataha ho‘omou feinga: 3‘o ‘oua ‘e feinga ki ha me‘a ko e fakafekāke‘i, pe ko e fie ongoongoa; ka ‘i ho‘omou loto ta‘ehiki mou takitaha lau ‘oku lelei hake ‘a hono kāinga ‘iate ia: 4pea ‘oua na‘a takitaha tokanga ki he‘ene me‘a ‘a‘ana pē, ka ki he me‘a ‘a e kakai kehe foki. 5‘Io, ke ‘iate kimoutolu ‘a e loto pehē, ‘a ia na‘e ‘ia Kalaisi Sīsū foki. 6‘A ia, neongo ‘ene ‘afio ‘i he anga ‘o e ‘Otua, ka na‘e ‘ikai te ne lau ‘ene tatau mo e ‘Otua ko e me‘a ke ha‘aki puke ki ai:#2.6 na‘e… ki ai; pe na‘e ‘ikai te ne lau ‘oku totonu ke ne ha‘aki ‘ai ke ne hoko ‘o tatau mo e ‘Otuá. 7kaekehe na‘a ne fakamasivesiva‘i ‘e ia ia, he‘ene to‘o ‘a e anga ‘o e tamaio‘eiki, mo ‘ene hoko ‘i he tatau ‘o e tangata: 8pea ‘i he ‘iloange na‘e hā ‘iate ia ‘a e tō‘onga ‘a e tangata, na‘a ne fakamo‘ulaloa‘i ia, he‘ene hoko ko e fai talangofua ‘o a‘u ki he‘ene mate, ka ko e mate ‘i he kolosi. 9Ko hono ō pē ia foki na‘e mātu‘aki hākeaki‘i ai ia ‘e he ‘Otua, mo ne foaki kiate ia ha hingoa ‘oku mā‘olunga ‘i he hingoa kotoa pē: 10koe‘uhi ke ‘ilonga ha tui ‘i Langi mo Māmani mo Lolofonua#2.10 Lolofonua; Na‘e tui ‘a e kakaí ‘oku hoko atu ‘a e kakai kuo maté ‘i he feitu‘u fakapo‘uli ‘i lolofonua. pea peluki ‘i he huafa ‘o Sīsū;#‘Ais 45.23 (LXX) 11pea ‘ilonga hā ‘elelo, pea fakamo‘oni KO E ‘EIKI ‘A SĪSŪ KALAISI–mo‘o fakalāngilangi‘i ‘a e ‘Otua ko e TAMAI.
Ko e Ulo Atu ‘i Māmani
12Pea ko eni, si‘oku ‘ofa‘anga, kuo mou fai talangofua ai pē, ko ia ‘oua te mou ngāue ‘o hangē ko ha me‘a ia ke fai ‘i hoku ‘ao pē, ka ke fakautuutu ‘aupito ‘i he‘eku mama‘o ni ho‘omou ngāue ke lava‘i homou fakamo‘ui ‘omoutolu, ‘o fai ‘apasia pē mo tailiili: 13he ko e ‘Otua ia ‘oku ngāue ‘iate kimoutolu ke fakatupu ‘a e fie fai mo e mafai fakatou‘osi, koe‘uhi pē ko ‘ene tokanga ‘ofa mai.
14Mou fai ‘a e me‘a kotoa pē ‘o ta‘eha lāunga pe ha fakakikihi: 15koe‘uhi ke mou haohaoa mo ‘ata‘atā mei he kovi, ko e fānau ‘a e ‘Otua ‘oku ta‘emele ‘i he lotolotonga ‘o e to‘utangata anga pikopiko mo heke; ‘a ia ‘oku mou ulo ‘i honau ha‘oha‘onga ko e ngaahi māma‘anga ‘i māmani,#Teu 32.5 16ho‘omou takiloa atu ‘a e folofola ‘o e mo‘ui: koe‘uhi ke ai ha me‘a ke u pōlepole ai ‘i he ‘Aho ‘o Kalaisi, ko e ‘ikai iku noa ‘eku lele na‘e fai, pe iku noa ‘eku fakaongosia.
17‘Io, pea neongo ‘e lilingi hoku toto ko e kava ‘o e feilaulau ko ho‘omou lotu, mo hono hapai, fiefia pē au, ‘o u fakamālie kimoutolu kotoa pē: 18pea ke mou fiefia foki ‘i he me‘a ko ia, pea fakamālie kiate au.
Ko Tīmote mo ‘Epafalotaito
19Ka ‘oku ou ‘amanaki pē ‘i he ‘Eiki ko Sīsū, ‘e toe si‘i pea u fekau atu ‘a Tīmote, koe‘uhi ke u fiemālie ‘e au foki ‘i ha‘aku ‘ilo ki ho‘omou ngaahi me‘a. 20He ‘oku ‘ikai te u ma‘u mo ha taha ‘oku loto tatau mo au; ha taha te ne lotomo‘ua mo‘oni ki ho‘omou ngaahi me‘a: 21he ko kinautolu ni kotoa pē ‘oku nau kumi ‘enau me‘a ‘anautolu, ‘o ‘ikai ko e me‘a ‘a Sīsū Kalaisi. 22Ka ‘oku mou ‘ilo ia ko e mo‘onia, he‘ene nofo kiate au, ‘o hangē ko e foha mo e tamai, ‘o ngāue mo au ki he Kōsipeli. 23‘Io, ko e toko taha ko ia ‘oku ou ‘amanaki fekau atu, ‘oka u ka ‘ilo leva pe ‘e fēfē ‘a e ngaahi me‘a ‘oku kau kiate au. 24Ka ‘oku te falala ki he ‘Eiki, ‘e toe si‘i pea u ‘alu atu mo au foki.
25Ka kuo u fakakaukau ‘e lelei mu‘a ke fekau atu ‘a ‘Epafalotaito, ko e kaungā lotu, mo kaungā ngaue, mo kaungā tau ‘o‘oku, ka ko ho‘omou talafekau mo homou nima ‘i he tokoni ki he‘eku masiva. 26He na‘a ne nofo holi pē kiate kimoutolu, mo hoha‘a lahi, koe‘uhi kuo mou fanongo ‘oku ne mahaki. 27Pea ‘oku mo‘oni na‘a ne mahaki‘ia, ‘o tei pekia; ka na‘e ‘alo‘ofa ‘a e ‘Otua kiate ia; ‘io, ‘o ‘ikai kiate ia pē, ka kiate au foki, na‘a kanoni mamahi ‘eku mamahi. 28Ko ia na‘e ‘āsili to‘oto‘o ai ‘eku tuku atu ia, koe‘uhi ke mou mamata kiate ia ‘o toe fiefia, pea si‘isi‘i ai mo ‘eku hoha‘a. 29Ko ia, mou tali lelei ia ‘i he ‘Eiki mo e fu‘u fiefia, pea mou mahu‘inga‘ia ‘i he kakai pehē: 30he ko e me‘a ‘i he ngāue ‘a e ‘Eiki na‘a ne ofi ki he mate; he na‘a ne va‘inga‘aki ‘ene mo‘ui koe‘uhi ke ne fai ‘a e me‘a na‘e toe, pea haohaoa ho‘omou tokoni kiate au.
Currently Selected:
Filipaí 2: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
