Popular Bible Verses from Filipaí 2

Share

‘o ‘oua ‘e feinga ki ha me‘a ko e fakafekāke‘i, pe ko e fie ongoongoa; ka ‘i ho‘omou loto ta‘ehiki mou takitaha lau ‘oku lelei hake ‘a hono kāinga ‘iate ia: pea ‘oua na‘a takitaha tokanga ki he‘ene me‘a ‘a‘ana pē, ka ki he me‘a ‘a e kakai kehe foki.

‘Io, ke ‘iate kimoutolu ‘a e loto pehē, ‘a ia na‘e ‘ia Kalaisi Sīsū foki.

‘A ia, neongo ‘ene ‘afio ‘i he anga ‘o e ‘Otua, ka na‘e ‘ikai te ne lau ‘ene tatau mo e ‘Otua ko e me‘a ke ha‘aki puke ki ai: kaekehe na‘a ne fakamasivesiva‘i ‘e ia ia, he‘ene to‘o ‘a e anga ‘o e tamaio‘eiki, mo ‘ene hoko ‘i he tatau ‘o e tangata: pea ‘i he ‘iloange na‘e hā ‘iate ia ‘a e tō‘onga ‘a e tangata, na‘a ne fakamo‘ulaloa‘i ia, he‘ene hoko ko e fai talangofua ‘o a‘u ki he‘ene mate, ka ko e mate ‘i he kolosi.

he ko e ‘Otua ia ‘oku ngāue ‘iate kimoutolu ke fakatupu ‘a e fie fai mo e mafai fakatou‘osi, koe‘uhi pē ko ‘ene tokanga ‘ofa mai.

Ko hono ō pē ia foki na‘e mātu‘aki hākeaki‘i ai ia ‘e he ‘Otua, mo ne foaki kiate ia ha hingoa ‘oku mā‘olunga ‘i he hingoa kotoa pē: koe‘uhi ke ‘ilonga ha tui ‘i Langi mo Māmani mo Lolofonua pea peluki ‘i he huafa ‘o Sīsū; pea ‘ilonga hā ‘elelo, pea fakamo‘oni KO E ‘EIKI ‘A SĪSŪ KALAISI–mo‘o fakalāngilangi‘i ‘a e ‘Otua ko e TAMAI.

Mou fai ‘a e me‘a kotoa pē ‘o ta‘eha lāunga pe ha fakakikihi: koe‘uhi ke mou haohaoa mo ‘ata‘atā mei he kovi, ko e fānau ‘a e ‘Otua ‘oku ta‘emele ‘i he lotolotonga ‘o e to‘utangata anga pikopiko mo heke; ‘a ia ‘oku mou ulo ‘i honau ha‘oha‘onga ko e ngaahi māma‘anga ‘i māmani

Pea ko eni, si‘oku ‘ofa‘anga, kuo mou fai talangofua ai pē, ko ia ‘oua te mou ngāue ‘o hangē ko ha me‘a ia ke fai ‘i hoku ‘ao pē, ka ke fakautuutu ‘aupito ‘i he‘eku mama‘o ni ho‘omou ngāue ke lava‘i homou fakamo‘ui ‘omoutolu, ‘o fai ‘apasia pē mo tailiili