NŌMIPA 26
26
Ko e Tohi Kakai Honi Uá
1PEA hili ‘a e mahaki faka‘auha, pea folofola ‘a Sihova kia Mōsese, pea kia ‘Eliesa foha ‘o ‘Ēlone#Nōm 1.1-46 ko e taula‘eiki, ‘o pehē, 2Lau ‘a e tokolahi ‘o e fakataha kātoa ‘o ha‘a ‘Isileli, ‘o kamata meiate ia ‘oku uofulu ta‘u ‘o fai hake, ‘o faka‘ulumotu‘a, ‘a kinautolu kotoa ‘i ‘Isileli ‘oku tu‘u ‘i he tau. 3Pea alea mo kinautolu ‘e Mōsese mo ‘Eliesa ko e taula‘eiki ‘i ‘Alapā-Moape, ‘i ve‘e Soatani fe‘unga mo Sielikō, ‘o pehē, 4Kamata meiate ia ‘oku uofulu ta‘u ‘o fai hake; hangē ko e tu‘utu‘uni ‘a Sihova kia Mōsese mo ha‘a ‘Isileli, ‘a kinautolu na‘e hū mai mei ‘Isipite.
5Ko Lūpeni ko e ‘uluaki foha ‘o ‘Isileli; ko e ngaahi foha ‘o Lūpeni; ko ‘Īnoke, ‘a e fāmili ‘o ha‘a ‘Īnoke: meia Falu, ‘a e fāmili ‘o ha‘a Falu: 6meia Heseloni, ‘a e fāmili ‘o ha‘a Heseloni: meia Kālimi, ‘a e fāmili ‘o ha‘a Kālimi. 7Ko e ngaahi fāmili ia ‘o ha‘a Lūpeni; pea ko kinautolu na‘e lau mei ai ko e toko fā mano mā tolu afe mā fitungeau mā tolungofulu. 8Pea ko e hako ‘o Falu; ko ‘Eliapi. Pea ko e hako ‘o ‘Eliapi; ko Nemueli, mo Tētani, mo ‘Apilami. 9Ko e Tētani mo ‘Apilami ia na‘e ui ki he fakataha, ‘a ia na‘a nau kē mo Mōsese mo ‘Ēlone ‘i he kau ‘a Kola ‘i he‘enau fetakai mo e ‘Eiki. 10Pea na‘e mafa‘a ‘e he fonua hono ngutu, ‘o folo fua kinautolu fakataha mo Kola, ‘i he taimi na‘e pekia ai ‘a e kautaha ko ia; 11‘o keina ‘e he afi ‘a e uangeau mā nimangofulu‘i tangata, ‘o nau hoko ko e faka‘ilonga. Ka ko e ngaahi foha ‘o Kola na‘e ‘ikai ke pekia.
12Ko e hako ‘o Simione ‘o faka-e-honau-ngaahi-fāmili: meia Nemueli, ‘a e fāmili ‘o ha‘a Nemueli: meia Siamini, ‘a e fāmili ‘o ha‘a Siamini: meia Siakini, ‘a e fāmili ‘o ha‘a Siakini: 13meia Sala, ‘a e fāmili ‘o ha‘a Sala: meia Saula, ‘a e fāmili ‘o ha‘a Saula. 14Ko e ngaahi fāmili ia ‘o ha‘a Simione, ko e toko ua mano mā ua afe mā uangeau.
15Ko e hako ‘o Kata ‘o faka-e-honau-ngaahi-fāmili: meia Sīfoni ‘a e fāmili ‘o ha‘a Sīfoni: meia Haki, ‘a e fāmili ‘o ha‘a Haki: meia Suni, ‘a e fāmili ‘o ha‘a Suni: 16meia ‘Ōsini, ‘a e fāmili ‘o ha‘a ‘Ōsini: meia ‘Eli, ‘a e fāmili ‘o ha‘a ‘Eli: 17meia ‘Āloti, ‘a e fāmili ‘o ha‘a ‘Āloti: meia ‘Āleli, ‘a e fāmili ‘o ha‘a ‘Āleli. 18Ko e ngaahi fāmili ia ‘o ha‘a Kata na‘e lau, ko e toko fā mano mā nimangeau.
19Ko e hako ‘o Siuta ko ‘Ea mo ‘Ōnani: ka na‘e pekia ‘a ‘Ea mo ‘Ōnani ‘i he fonua ko Kēnani. 20Pea ko eni ‘a e hako ‘a Siuta faka-e-honau-ngaahi-fāmili; meia Sela, ‘a e fāmili ‘o ha‘a Sela: meia Felesi, ‘a e fāmili ‘o ha‘a Felesi: meia Sala, ‘a e fāmili ‘o ha‘a Sala. 21Pea ko eni ‘a e hako ‘o Felesi: meia Heseloni, ‘a e fāmili ‘o ha‘a Heseloni: meia Hāmuli, ‘a e fāmili ‘o ha‘a Hāmuli. 22Ko e ngaahi fāmili ia ‘o ha‘a Siuta na‘e lau, ko e toko fitu mano mā ono afe mā nimangeau.
23Ko e hako ‘o ‘Īsaka faka-e-honau-ngaahi-fāmili: ko Tola, ‘a e fāmili ‘o ha‘a Tola: meia Puva, ‘a e fāmili ‘o ha‘a Puva: 24meia ‘Iasupi, ‘a e fāmili ‘o ha‘a ‘Iasupi: meia Similoni, ‘a e fāmili ‘o ha‘a Similoni. 25Ko e ngaahi fāmili ia ‘o ha‘a ‘Īsaka na‘e lau, ko e toko ono mano mā fā afe mā tolungeau.
26Ko e hako ‘o Sepulone faka-e-honau-ngaahi-fāmili: meia Sēleti, ‘a e fāmili ‘o ha‘a Sēleti: meia ‘Ēlone, ‘a e fāmili ‘o ha‘a ‘Ēlone: meia ‘Iakaleli, ‘a e fāmili ‘o ha‘a ‘Iakaleli. 27Ko e ngaahi fāmili ia ‘o ha‘a Sepulone na‘e lau, ko e toko ono mano mā nimangeau.
28Ko e hako ‘o Siosifa faka-e-honau-ngaahi-fāmili: ko Manase mo ‘Ifalemi.
29Ko e hako ‘o Manase: meia Mākili, ‘a e fāmili ‘o ha‘a Mākili: pea tupu meia Mākili ‘a Kiliati: meia Kiliati, ‘a e fāmili ‘o ha‘a Kiliati. 30Ko eni ‘a e hako ‘o Kiliati: ko ‘Iesa, ‘a e fāmili ‘o ha‘a ‘Iesa: meia Hēleka, ‘a e fāmili ‘o ha‘a Hēleka: 31pea mo ‘Āselieli, ‘a e fāmili ‘o ha‘a ‘Āselieli: mo Sikemi, ‘a e fāmili ‘o ha‘a Sikemi: 32pea mo Sēmita, ‘a e fāmili ‘o ha‘a Sēmita: pea mo Hēfeli, ‘a e fāmili ‘o ha‘a Hēfeli. 33Ka ko Silofehati ko e foha ‘o Hēfeli na‘e ‘ikai ha‘ane fānau tangata, ko e ngaahi ‘ōfefine pē: pea ko e hingoa ‘o e ngaahi ‘ōfefine ‘o Silofehati ko Māhala mo Noa, ko Hōkela, Milika, mo Tīlisa. 34Ko e ngaahi fāmili ia ‘o ha‘a Manase; pea ko kinautolu na‘e lau mei ai ko e toko nima mano mā ua afe mā fitungeau.
35Ko eni ‘a e hako ‘o ‘Ifalemi faka-e-honau-ngaahi-fāmili: meia Sūtela, ‘a e fāmili ‘o ha‘a Sūtela: meia Pēkeli, ‘a e fāmili ‘o ha‘a Pēkeli: meia Tāhani, ‘a e fāmili ‘o ha‘a Tāhani. 36Pea ko e hako eni ‘o Sūtela: meia ‘Ēlani, ‘a e fāmili ‘o ha‘a ‘Ēlani. 37Ko e ngaahi fāmili ia ‘o ha‘a ‘Ifalemi na‘e lau, ko e toko tolu mano mā ua afe mā nimangeau. Ko e hako ‘o Siosifa ia faka-e-honau-ngaahi-fāmili.
38Ko e hako ‘o Penisimani faka-e-honau-ngaahi-fāmili: meia Pela, ‘a e fāmili ‘o ha‘a Pela: meia ‘Asipeli, ‘a e fāmili ‘o ha‘a ‘Asipeli: meia ‘Āhilami, ‘a e fāmili ‘o ha‘a ‘Āhilami: 39meia Sefufami, ‘a e fāmili ‘o ha‘a Sefufami: meia Hūpami, ‘a e fāmili ‘o ha‘a Hūpami. 40Pea ko e hako ‘o Pela ‘a ‘Āliti mo Neamani–‘a e fāmili ‘o ha‘a ‘Āliti: meia Neamani, ‘a e fāmili ‘o ha‘a Neamani. 41Ko e hako ‘o Penisimani ia faka-e-honau-ngaahi-fāmili: pea ko kinautolu na‘e lau mei ai ko e toko fā mano mā nima afe mā onongeau.
42Ko eni ‘a e hako ‘o Tani faka-e-honau-ngaahi-fāmili: meia Sūhami, ‘a e fāmili ‘o ha‘a Sūhami. Ko e ngaahi fāmili ia ‘o Tani faka-e-honau-ngaahi-fāmili. 43Ko e ngaahi fāmili kotoa ‘o ha‘a Sūhami, ‘a kinautolu na‘e lau, ko e toko ono mano mā fā afe mā fāngeau.
44Ko e hako ‘o ‘Āseli faka-e-honau-ngaahi-fāmili: meia Simina, ‘a e fāmili ‘o ha‘a Simina: meia Sisui, ‘a e fāmili ‘o ha‘a Sisui: meia Pēli‘a, ‘a e fāmili ‘o ha‘a Pēli‘a. 45Ko e hako ‘o Pēli‘a; meia Hepa, ‘a e fāmili ‘o ha‘a Hepa: meia Malakieli ‘a e fāmili ‘o ha‘a Malakieli. 46Pea ko e hingoa ‘o e ‘ōfefine ‘o ‘Āseli ko Sela. 47Ko e ngaahi fāmili ia ‘o ha‘a ‘Āseli na‘e lau, ko e toko nima mano mā tolu afe mā fāngeau.
48Ko e hako ‘o Nafitalai faka-e-honau-ngaahi-fāmili: meia ‘Iakasili, ‘a e fāmili ‘o ha‘a ‘Iakasili: meia Kuni, ‘a e fāmili ‘o ha‘a Kuni: 49meia ‘Ieseli, ‘a e fāmili ‘o ha‘a ‘Ieseli: meia Sīlemi, ‘a e fāmili ‘o ha‘a Sīlemi. 50Ko e ngaahi fāmili ia ‘o ha‘a Nafitalai faka-e-honau-ngaahi-fāmili: pea ko kinautolu na‘e lau ko e toko fā mano mā nima afe mā fāngeau.
51Ko ha‘a ‘Isileli ia na‘e lau, ko e toko ono kilu mā taha afe mā fitungeau mā tolungofulu.
52Pea folofola ‘a e ‘Eiki kia Mōsese ‘o pehē,#Nōm 34.13; Sios 14.1-2 53Ko eni ia ‘e vahe tofi‘a ki ai ‘a e fonua ‘o fakatatau ki he lau ‘o honau hingoa. 54Ki he tokolahi te ke vahe tofi‘a lahi, pea ki he toko si‘i te ke vahe tofi‘a si‘i: ‘e ‘atu tofi‘a ki he tangata takitaha ‘o fakatatau ki he me‘a na‘e va‘iniu hake ‘i he lau hono kakai. 55Ka neongo ia ka ‘e fai talotalo ‘a e vahe fonua: ‘e fai‘aki ‘a e hingoa fakamatakali ‘o honau tupu‘anga ‘enau ma‘u tofi‘a. 56Pea ko e tofi‘a kuo tō ‘i he talotalo ‘e toki vahevahe ia, ‘o tokanga ki he tokolahi mo e toko si‘i.
57Pea ko eni ia na‘e lau mei ha‘a Līvai faka-e-honau-ngaahi-fāmili: meia Kēsoni, ‘a e fāmili ‘o ha‘a Kēsoni: meia Kōhate, ‘a e fāmili ‘o ha‘a Kōhate: meia Mēlali, ‘a e fāmili ‘o ha‘a Mēlali. 58Ko eni ‘a e ngaahi fāmili ‘o ha‘a Līvai: ko e fāmili ‘o ha‘a Līpini, ko e fāmili ‘o ha‘a Hepeloni, ko e fāmili ‘o ha‘a Māhali, ko e fāmili ‘o ha‘a Musi, ko e fāmili ‘o ha‘a Kola. Pea na‘e tupu ‘ia Kōhate ‘a ‘Amilami. 59Pea ko e hingoa ‘o e uaifi ‘o ‘Amilami ‘a Siokapesi, ko e ‘ōfefine ‘o Līvai, ‘a ia na‘e fanau‘i kia Līvai ‘i ‘Isipite: pea fā‘ele‘i ‘e ia kia ‘Amilami ‘a ‘Ēlone mo Mōsese, mo hona tuofefine ko Meliame. 60Pea tupu ‘ia ‘Ēlone ‘a Nātapi mo ‘Āpiu, ‘a ‘Eliesa mo ‘Ītama.#Nōm 3.2 61Pea pekia ‘a Nātapi mo ‘Āpiu ‘i he‘ena ‘atu ‘a e afi kehe ‘i he ‘ao ‘a Sihova. 62Pea ko kinautolu na‘e lau mei ai ko e toko ua mano mā tolu afe, ‘a e tangata kotoa pē ‘o kamata meiate ia ‘oku taha māhina ‘o fai hake: he na‘e ‘ikai lau ‘a kinautolu fakataha mo ha‘a ‘Isileli, he na‘e ‘ikai ‘ange hanau tofi‘a fakataha mo ha‘a ‘Isileli.
63Ko eni na‘e lau ‘e Mōsese mo e taula‘eiki ko ‘Eliesa, ‘a ia na‘a na lau ‘a ha‘a ‘Isileli ‘i ‘Alapā-Moape, ‘i he ve‘e Soatani fe‘unga mo Sielikō. 64Pea ‘i he kakai ko ia na‘e ‘ikai ha tangata ‘iate kinautolu na‘e lau ‘e Mōsese mo e taula‘eiki ko ‘Ēlone, ‘a ia na‘a na lau ‘a ha‘a ‘Isileli ‘i he Toafa ‘o Sainai. 65He na‘e folofola ‘iate kinautolu ‘a e ‘Eiki, Kuo pau te nau mate ‘i he Toafa. Pea na‘e ‘ikai toe hanau toko taha, ko Kēlepi pē ko e foha ‘o Sīfune, pea mo Siosiua ko e foha ‘o Nuni.#Nōm 14.26-35
Currently Selected:
NŌMIPA 26: TMB
Highlight
Share
Compare
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
