KO NEHEMAIA 7
7
1PEA ‘i he faifai pea ‘osi ‘a e langa ‘o e ‘ā, pea kuo u tau ‘a e ngaahi lau matapā, pea kuo u vahe lakanga ki he kau le‘o matapā, mo e kau hiva, mo e kau Līvai; 2pea u toki fakanofo hoku kāinga ko Hānani, mo ‘Ananaia ko e ‘eiki ‘o e talitau‘anga, ke na pule ki Selusalema: he ko e taha fai mo‘oni ia, pea na‘e hulu ‘i he tokolahi ‘ene ‘apasia kia ‘Elohimi. 3Pea u pehē kiate kinaua, ‘Oua ke māfana ‘a e la‘ā, pea toki fakaava ‘a e ngaahi matapā ‘o Selusalema; pea lolotonga ‘oku nau tutu‘u ai ke nau tāpuni ‘a e ngaahi matapā, ‘o mo fakama‘u ‘e kimoua: pea mo vahe ‘a e nofo Selusalema ki he ngaahi lakanga le‘o, ke takitaha kau ‘i ha lakanga le‘o, pea ke takitaha fai ‘i hono mata fale.
Ko Hono Hiki Fakamā‘opo‘opo ‘o e ngaahi Hingoa ‘o e Kakai na‘e Foki Mai mei he Nofo Pōpula ‘i Pāpiloné
(‘Ēsela 2.1-70)
4Pea ko eni, ko e kolo na‘e hope ki hē mo ē, pea fu‘u lahi; pea ko e kakai na‘e tātātelau, pea tala‘ehai na‘e tu‘u falea. 5Pea na‘e ‘ai ki hoku loto ‘e hoku ‘Otua ke u fakataha ‘a e hou‘eiki mo e kau pule mo e kakai ke fai ‘a e hohoko. Pea u ‘ilo ‘a e tohi hohoko ‘o e kakai na‘e ha‘u ‘i he kamata‘anga; pea tā kuo tohi ai, ‘o pehē:
6KO ENI ‘a e hako ‘o e vahefonua na‘e ‘alu hake mei he nofo pōpula ‘a e kakai na‘e ‘ave, ‘a ia na‘e ‘ave ‘e Nepukanesa ko e Tu‘i Pāpilone, pea na‘a nau foki ki Selusalema pea ki Siutea, takitaha ki hono kolo; 7‘io, ‘a e kakai na‘e ha‘u mo Seluipepeli, Sisua, Nehemaia, ‘Asalaia, La‘amaia, Nahamani, Motekiai, Pilisani, Misipeleti, Pikivai, Nēhumi, mo Pā‘ana. Ko e lau eni ‘o e tu‘unga tangata ‘i he kakai ‘Isileli:
8Ko ha‘a Pālosi na‘e toko ua afe mā teau mā fitungofulu mā ua: 9ko ha‘a Sefataia na‘e toko tolungeau mā fitungofulu mā ua. 10Ko ha‘a ‘Āla‘a na‘e toko onongeau mā nimangofulu mā ua. 11Ko ha‘a Pāhati-Moape, ‘i he fānau ‘a Sisua mo Sioape, na‘e toko ua afe mā valungeau mā hongofulu mā valu. 12Ko ha‘a ‘Īlami na‘e toko taha afe mā uangeau mā nimangofulu mā fā. 13Ko ha‘a Satu na‘e toko valungeau mā fāngofulu mā nima. 14Ko ha‘a Sākai na‘e toko fitungeau mā onongofulu mālie.
15Ko ha‘a Pinui na‘e toko onongeau mā fāngofulu mā valu. 16Ko ha‘a Pēpai na‘e toko onongeau mā uofulu mā valu. 17Ko ha‘a ‘Asakati na‘e toko ua afe mā tolungeau mā uofulu mā ua. 18Ko ha‘a ‘Atonaikamu na‘e toko onongeau mā onongofulu mā fitu. 19Ko ha‘a Pikivai na‘e toko ua afe mā onongofulu mā fitu.
20Ko ha‘a ‘Ātini na‘e toko onongeau mā nimangofulu mā nima. 21Ko ha‘a ‘Āteli ‘o Hesekaia na‘e toko hivangofulu mā valu. 22Ko ha‘a Hāsumi na‘e toko tolungeau mā uofulu mā valu. 23Ko ha‘a Pesai na‘e toko tolungeau mā uofulu mā fā. 24Ko ha‘a Hālifi na‘e toko teau mā hongofulu mā ua. 25Ko ha‘a Kipione na‘e toko hivangofulu mā nima. 26Ko e tu‘unga tangata Pētelihema mo Nētofa na‘e toko teau mā valungofulu mā valu. 27Ko e tu‘unga me‘a ‘Anatoti na‘e toko teau mā uofulu mā valu. 28Ko e tu‘unga tangata Peteasimaueta na‘e toko fāngofulu mā ua. 29Ko e tu‘unga tangata mei Kiliati-sialimi, Kēfila, mo Piheloti na‘e toko fitungeau mā fāngofulu mā tolu. 30Ko e tu‘unga tangata Lama mo Kepa na‘e toko onongeau mā uofulu mā taha. 31Ko e tu‘unga tangata Mikimasi na‘e toko teau mā uofulu mā ua. 32Ko e tu‘unga tangata Pēteli mo ‘Ai na‘e toko teau mā uofulu mā tolu. 33Ko e tu‘unga tangata ‘o e Nipo ‘e taha na‘e toko nimangofulu mā ua. 34Ko e ha‘a ‘Īlami ‘e taha na‘e toko taha afe mā uangeau mā nimangofulu mā fā. 35Ko ha‘a Hālimi na‘e toko tolungeau mā uofulu mālie. 36Ko ha‘a Sielikō na‘e toko tolungeau mā fāngofulu mā nima. 37Ko ha‘a Loti, Hātiti, mo ‘Ono, na‘e toko fitungeau mā uofulu mā taha. 38Ko ha‘a Sēna‘a na‘e toko tolu afe mā hivangeau mā tolungofulu mālie. 39Ko e kau taula‘eiki eni: ko ha‘a ‘Ītaia, ‘i he fāmili ‘o Sisua, na‘e toko hivangeau mā fitungofulu mā tolu.
40Ko ha‘a ‘Īmeli na‘e toko taha afe mā nimangofulu mā ua. 41Ko ha‘a Pāsua na‘e toko taha afe mā uangeau mā fāngofulu mā fitu. 42Ko ha‘a Hālimi na‘e toko taha afe mā hongofulu mā fitu. 43Ko e kau Līvai eni: ko ha‘a Sisua mo Katemieli ‘i he fāmili ‘o Hotavia, na‘e toko fitungofulu mā fā. 44Ko e kau Hiva eni; ko ha‘a ‘Ēsafe na‘e toko teau mā fāngofulu mā valu. 45Ko e kau Le‘o-matapā eni; ko ha‘a Sālumi, ko ha‘a ‘Āteli, ko ha‘a Talemoni, ko ha‘a ‘Ākupi, ko ha‘a Hātita, ko ha‘a Sōpai: ko e toko teau mā tolungofulu mā valu. 46Ko e kau Netinimi eni: ko ha‘a Siha, ko ha‘a Hāsufa, ko ha‘a Tapaoti, 47ko ha‘a Kēlosi, ko ha‘a Sia‘a, ko ha‘a Pātoni, 48ko ha‘a Lēpana, ko ha‘a Hākapa, ko ha‘a Salimai, 49ko ha‘a Hānani, ko ha‘a Kīteli, ko ha‘a Kāhali, 50ko ha‘a Laia, ko ha‘a Lēsini, ko ha‘a Nēkota, 51ko ha‘a Kāsami, ko ha‘a ‘Usa, ko ha‘a Pāsea, 52ko ha‘a Pesai, ko ha‘a Meuni, ko ha‘a Nefusesi, 53ko ha‘a Pakapuka, ko ha‘a Hākuta, ko ha‘a Halahua, 54ko ha‘a Pasiliti, ko ha‘a Mēhita, ko ha‘a Hālesa, 55ko ha‘a Palekosa, ko ha‘a Siselā, ko ha‘a Tema, 56ko ha‘a Nesia, ko ha‘a Hātifa. 57Koe hoko eni ‘o e Ka u Tamaio‘eiki ‘a Solomone: ko ha‘a Sotai, ko ha‘a Sofeleti, ko ha‘a Pēlita, 58ko ha‘a lala, ko ha‘a Talekoni, ko ha‘a Kīteli, 59ko ha‘a Sefataia, ko ha‘a Hātili, ko ha‘a Pokeleti-Hāsipa, ko ha‘a ‘Āmani.
60Ko e lau fakataha ‘o e kau Netinimi mo e hako ‘o e Ka u Tamaio‘eiki ‘a Solomone, ko e toko tolungeau mā hivangofulu mā ua.
61Pea ko eni ‘a kinautolu na‘e ‘alu hake mei Tela-mela, Tela-halesa, Kēlupi, ‘Ātoni, mo ‘Īmeli: ka na‘e ‘ikai te nau lava ke fakamahino honau ‘ulumotu‘a, pe ko e anga ‘o honau hako, pe na‘e hako ‘Isileli pe ‘ikai: 62ko ha‘a Telaia, ko ha‘a Topaia, ko ha‘a Nēkota, ko e toko onongeau mā fāngofulu mā ua.
63Pea ‘i he ha‘a taula‘eiki: ko ha‘a Hōpaia, ko ha‘a Hākosi, ko e hako ‘o Pasiliai (ko e toko taha na‘e mali mo e ‘ōfefine ‘o Pasiliai, ‘a e matāpule Kiliati, pea na‘e hingoa kiate ia). 64Ko kinautolu na‘a nau kumi honau hingoa ‘i he tohi hohoko, ka na‘e ‘ikai ‘ilo: ko ia na‘e lau ‘oku mele ‘enau taula‘eiki. 65Pea na‘e folofola ‘a e Kōvana ki ai, ‘e ‘ikai te nau kai ‘i he ngaahi me‘a toputapu, kae‘oua ke hoko mai ha taula‘eiki ‘oku faka-‘Ūlimi-mo-Tūmemi. 66Ko e lau kātokatoa ‘o e fakataha ko e toko fā mano mā ua afe mā tolungeau mā onongofulu mālie–
67tukukehe ‘enau kau tamaio‘eiki mo ‘enau kau kaunanga: na‘e toko fitu afe mā tolungeau mā tolungofulu mā fitu kinautolu. Pea na‘a nau ma‘u ha kau tangata hiva mo e kau fefine hiva ‘e toko uangeau mā fāngofulu mā nima. 68Ko ‘enau fanga hoosi na‘e fitungeau mā tolungofulu mā ono; ko ‘enau fanga miuli na‘e uangeau mā fāngofulu mā nima; 69ko e fanga kāmeli na‘e fāngeau mā tolungofulu mā nima: ko e fanga ‘asi na‘e ono afe mā fitungeau mā uofulu mālie.
70Pea ko e ni‘ihi ‘i he hou‘eiki ‘ulumotu‘a na‘a nau ‘atu me‘a‘ofa ki he ngāue. Ko e Kōvana na‘a ne ‘atu ki he fale koloa ha talaiki koula ‘e taha afe, mo e pēsoni ‘e nimangofulu, mo e kofu fakataula‘eiki ‘e nimangeau mā tolungofulu. 71Pea koni ‘ulumotu‘a ni‘ihi na‘a nau tuku ki he fale koloa ‘o e ngāue ha talaiki koula ‘e ua mano mo e mina siliva ‘e ua afe mā uangeau. 72Pea ko e me‘a na‘e foaki ‘e hono toe ‘o kakai ko e talaiki koula ‘e ua mano, mo e mina siliva ‘e ua afe, mo e kofu fakataula‘eiki ‘e onongofulu mā fitu.
73Ko ia, ko e kau taula‘eiki, mo e kau Līvai, mo e kau le‘o matapā, mo e kau hiva, mo e ni‘ihi ‘o e kakai, mo e kau Netinimi, mo ‘Isileli kātoa, na‘a nau nofo ‘i honau ngaahi kolo: pea ‘i he hoko ‘a hono fitu ‘o e māhina ko ha‘a ‘Isileli ē ‘oku nau nofo ‘i honau ngaahi kolo.
Currently Selected:
KO NEHEMAIA 7: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
