Ma‘aké 1

1KO E kamata‘anga ‘o e Kōsipeli ‘o Sīsū Kalaisi, ko e ‘Alo ‘o e ‘Otua.#1.1 ko e ‘Alo ‘o e ‘Otuá; ‘Oku ‘ikai ke ‘asi ‘a e ‘Alo ‘o e ‘Otuá ‘i he ngaahi hiki fuoloa ‘e ni‘ihi. 2Hangē pē ko e me‘a kuo tohi ‘i he Palōfita ko ‘Aisea,#Mal 3.1

Vakai ‘oku ou fekau atu hoku fakamelomelo ke mu‘omu‘a kiate koe,

‘A ia te ne ngaohi ho hala.

3Ko e le‘o ‘o ha toko taha ‘oku kalanga he toafa,#‘Ais 40.3 (LXX)

Mou teuteu ‘a e hā‘ele‘anga ‘o Sihova;

Fakatonutonu hono ngaahi hala:

4pehē na‘e ‘i ai ‘a Sione Papitaiso ‘i he toafa, ‘oku ne malanga‘aki ‘a e papitaiso fakatomala#1.4 papitaiso fakatomala; ‘Oku ‘ikai ke ‘ai ‘a e fakatomalá ‘i he ngaahi hiki fuoloa ‘e ni‘ihi. ki he fakamolemole ‘o e angahala. 5Pea na‘e ‘alu atu kiate ia ‘a e fonua kātoa ‘o Siutea, mo e kakai Selusalema fuli pē; ‘o nau papitaiso ‘iate ia ‘i he vaitafe ko Soatani, he vete ‘enau ngaahi angahala.

6Pea na‘e ‘ai ‘e Sione ha kofu fulufulu‘i kāmeli, mo ha fakama‘u leta ‘i hono kongaloto; pea ne kai ‘a e fanga he‘e mo e honi vao.#2 Tu‘i 1.8 7Pea na‘a ne malanga, ‘o pehē, ‘oku muimui mai ha Toko Taha ‘oku mālohi ‘iate au; ko e Toko Taha ‘oku ‘ikai te u taau ke punou ‘o vete ‘a e nono‘o ‘o hono topuva‘e. 8Na‘a ku papitaiso kimoutolu ‘aki ‘a e vai: ka te ne papitaiso kimoutolu ‘e ia ‘aki ‘a e Laumālie Mā‘oni‘oni.

9Pea na‘e hoko ‘i he kuonga ko ia ‘a e ha‘u ‘a Sīsū mei Nāsaleti ‘i Kāleli, ‘o ne papitaiso ‘ia Sione ‘i Soatani. 10Pea ‘i he‘ene ‘alu hake leva mei he vai, na‘a ne vakai kuo mahae ange ‘a e langi pea ‘oku ‘alu hifo kiate ia ‘a e Laumālie ‘i he tatau ‘o ha lupe. 11Pea na‘e ai ha le‘o mei he langi na‘e pehē mai, Ko hoku ‘alo Pele koe; ko koe kuo u hōifua ai.#Sēn 22.2; Saame 2.7; ‘Ais 42.1; Māt 3.17; 12.18; Ma‘ake 9.7; Luk 3.22

12Pea fakapuna leva ia ‘e he Laumālie ki he toafa. 13Pea na‘a ne ‘i he toafa ‘o ‘Aho fāngofulu, he fai hono ‘ahi‘ahi ‘e Sētane; pea na‘a ne ‘i he fanga manu kaivao: pea na‘e tauhi kiate ia ‘a e kau ‘āngelo.

14Pea hili ‘a e tuku ‘o Sione ki he pilīsone, na‘e ‘alu ‘a Sīsū ki Kāleli, ‘o ne malanga‘aki ‘a e Kōsipeli ‘a e ‘Otua, 15‘o ne pehē, Kuo kakato hono taimi, pea kuo ofi ‘a e Pule‘anga ‘o e ‘Otua: mou fakatomala ‘o tui ki he Kōsipeli.#Māt 3.2

16Pea ‘i he‘ene hā‘ele ange ‘i he matātahi ‘o e Tahi ‘o Kāleli, na‘a ne vakai kia Saimone, pea mo ‘Anitelū ko e tehina ‘o Saimone, ‘oku na lalafo ‘i tahi, he ko e ongo toutai. 17Pea lea ‘a Sīsū kiate kinaua, Mo omi ‘o muimui ‘iate au; pea te u ngaohi kimoua ke mo hoko ko e ongo toutai tangata. 18Pea na li‘aki leva hona kupenga, ‘o muimui kiate ia.

19Pea kuo ne laka si‘i atu, na‘a ne vakai kia Sēmisi ko e foha ‘o Sēpeti, pea mo Sione ko hono tehina, mo kinautolu na‘e ‘i he vaka, ‘oku fai ‘enau pena kupenga. 20Pea ne ui leva kinaua; pea na tuku ‘ena tamai ko Sēpeti ‘i he vaka mo e kau ngāue unga, ‘o na ‘alu mei ai ke muimui kiate ia.

21Pea nau fononga atu ‘o hū ki Kāpaneume; pea ‘i he Sāpate na‘a ne faiako leva ‘i he falelotu. 22Pea na‘e to‘oa honau loto ‘i he anga ‘o ‘ene fai: he na‘a ne ako‘i kinautolu ‘o ngali ko ha pule, ‘o ‘ikai hangē ko e kau sikalaipe.#Māt 7.28-29

23Pea na‘e ‘i honau falelotu ha tangata na‘e ulusino ai ha fa‘ahikehe: pea na‘a ne kalanga hake, 24‘o ne pehē, Ko ho hā kimaua, ‘e Sīsū mei Nāsaleti? Kuo ke ha‘u ke faka‘auha kimaua? ‘Oku ou ‘ilo koe, ko e Toko Taha Tapu ‘o e ‘Otua.

25Pea lolomi ia ‘e Sīsū, ‘o ne pehē, Tuku ho‘o lea, pea ke mahu‘i meiate ia.

26Pea hanga ‘a e fa‘ahikehe, ‘o ne fakatekelili‘i ‘a e tangata; mo ne ‘ai ‘ene fu‘u kaila, ‘o ne toki mahu‘i mai. 27Pea nau fu‘u ofo kotoa pē; ‘o nau fefakafehu‘i‘aki ‘iate kinautolu, ‘o pehē, Ko e hā ‘eni? Tā ko e fa‘ahinga ako ‘oku mālohi kehe: he na‘a mo e ngaahi fa‘ahikehe, ‘oku ne kouna pea nau talangofua kiate ia.

28Pea pavake atu leva hono ongoongo ki he feitu‘u kotoa ‘o Kāleli.

29Pea ‘i he‘ene ha‘u leva mei he falelotu, na‘a ne hū ki he fale ‘o Saimone mo ‘Anitelū, ‘oku ‘iate ia ‘a Sēmisi mo Sione. 30Pea na‘e tokoto ai ‘a e fa‘ē ‘a e uaifi ‘o Saimone, ‘oku puke ‘i he mofi: pea nau lea leva kia Sīsū ‘i he fefine. 31Pea tu‘u atu ia ki ai, ‘o ne puke hono nima ‘o fokotu‘u; pea mahu‘i leva ‘a e mofi meiate ia, pea ne hanga ‘o tauhi kinautolu.

32Pea ‘i he efiafi, kuo tō ‘a e la‘ā, na‘a nau ‘omai kiate ia ‘a e kakai kotoa pē na‘e puke, pea mo e kau ‘āvea. 33Pea tefua mai ‘a e kolo kotoa ki he matapā ‘o e fale. 34Pea na‘a ne fakamo‘ui ha ni‘ihi ‘iate kinautolu na‘e puke ‘i he fa‘ahinga mahaki kehekehe, mo ne kapusi ha ni‘ihi ‘i he kau tēvolo; pea na‘e ‘ikai te ne tuku ke lea ‘a e kau tēvolo, koe‘uhi na‘a nau ‘ilo ia.

35Pea ofi ki he ‘aho, kae kei fakapo‘uli ‘aupito, na‘a ne tu‘u hake ‘o ‘alu ki tu‘a; ‘o ne mole ki ha potu na‘e lala, ‘o ne lotu ai. 36Pea tuli kiate ia ‘a Saimone mo kinautolu na‘e ‘iate ia: 37pea ‘i he‘enau ‘ilo ia na‘a nau pehē ki ai, ‘oku fiema‘u koe ‘e he kakai kotoa.

38Pea pehē ‘e ia kiate kinautolu, tau ō ki ha potu kehe, ki he ngaahi vilisi ofi mai, koe‘uhi ke u malanga ki ai foki: he ko ia ia na‘a ku ha‘u ai.

39Pea na‘a ne ‘i ai, ‘o malanga ‘i honau ngaahi falelotu ke ‘osi ‘a Kāleli: pea na‘a ne kapusi tēvolo foki.#Māt 4.23; 9.35

Ko e Fakamo‘ui ‘e Sīsū e Tangata

(Māt 8.1-4; Luk 5.12-16)

40Pea ha‘u kiate ia ha kilia, ‘o ne kole mo tū‘ulutui kiate ia, mo ne pehē, Ka ne ke loto ke fai, te ke lava ke fakama‘a au.#1.40 fakama‘a au; Na‘e tui ‘a e kakai Siú ka kilia ha taha, pea ‘uli ia ‘i he sio fakalotu ki aí, ‘o ‘ikai leva ke taau ke ne kau ‘i ha ma‘unga kelesi.

41Pea langa ‘a e fatu ‘o Sīsū ‘i he ‘ofa,#1.41 ‘ofa; ‘Oku pehē ‘i he ngaahi hiki fuoloa ‘e ni‘ihi: ‘ita. ‘o ne mafao atu hono nima ‘o ala kiate ia, mo ne pehē, ‘oku ou loto pē; ke ke ma‘a koe. 42Pea ‘i he‘ene folofola, na‘e matafi leva ‘a e kilia meiate ia, pea ne ma‘a. 43Pea ne na‘ina‘i mamafa kiate ia, ‘o ne teke‘i leva ke ne ‘alu: 44‘o ne pehē ki ai, Tokanga ke ‘oua na‘a ke tala ha me‘a ki ha taha; ka ke mole pē ‘o fakahā koe ki he taula‘eiki, pea ‘ange ‘a e ngaahi me‘a na‘e tu‘utu‘uni ‘e Mōsese mo‘ao fakama‘a, kōno fakamo‘oni kiate kinautolu.#Lev 14.1-32

45Ka ka ‘alu pē ia ‘o ne kamata ke fu‘u ongoongoa mo talanoa holo ‘a e me‘a; ko ia na‘e ‘ikai ke kei lava ‘e Sīsū ke hū fakahā ki ha kolo, ka ka nofo pē ia ‘i tua‘ā, ‘i he ngaahi potu na‘e lala; pea ha‘u ‘a e kakai kiate ia mei he feitu‘u kotoa pē.

Currently Selected:

Ma‘aké 1: TMB

Highlight

Copy

Compare