KO SIOSIUA 15
15
Ko e Konga Fonua na‘e Vahe mo‘o Siutá
1PEA na‘e fai talotalo ma‘a e matakali ‘o ha‘a Siuta ma‘a honau ngaahi fāmili. Na‘e a‘u ia ki he kau‘ā ‘o ‘Ītomi, ‘io, ‘i he feitu‘u tonga na‘e a‘u ki he Toafa ‘o Sini, ‘a ia ko e taupotu ‘o e fonua ki he tonga.
2Pea ko honau kau‘ā tonga na‘e kamata mei he ngata‘anga ‘o e Tahi Māsima, mei he muitolotolo ‘oku hanga ki he feitu‘u tonga: 3pea na‘e ‘alu atu mei he potu tonga ‘o e Hakenga ‘o ‘Akelapimi, ‘o ne fou atu ki Sini, ‘o ‘alu hake mei he potu tonga ‘o Kētesipanea, ‘o ne fou atu ‘i Heseloni, ‘o ‘alu hake ‘i ‘Ātala, ‘o takai hake ki he Kālaka‘a: 4‘o ne fou atu ki ‘Asimona, ‘o ne ‘asi atu ‘i he vaitafe ‘o ‘Isipite, pea tū‘ulu ‘a e kau‘ā ki tahi. Ko homou kau‘ā tonga ia.
5Pea ko e kau‘ā hahake ko e Tahi Māsima, ‘o a‘u ki he ngata‘anga ‘o Soatani. Pea ko e kau‘ā ‘o e matāfonua ki he tokelau na‘e kamata mei he muitolotolo ‘o e tahi ‘i he ngata‘anga ‘o Soatani: 6pea na‘e ‘alu hake ‘a e kau‘ā ‘i Pete-hokela, ‘o ‘alu atu mei he potu tokelau ‘o Pete-‘ālapa, pea na‘e hake ‘a e kau‘ā ki he Maka ‘o Pōhani ko e hako ‘o Lūpeni: 7pea ‘alu hake ‘a e kau‘ā ki Tēpili, mei he tele‘a ‘o ‘Ākoli, ‘o fou fakatokelau ‘o hanga ki Kilikali, ‘a ia ‘oku fe‘unga mo e Hakenga Kula ‘a ia ‘oku ‘i he kau vaitafe ki he tonga: pea fai atu ‘a e kau‘ā ki he vai ko ‘Eni-semesi, ‘o ne a‘u ki ‘Eni-lokeli. 8Pea ‘alu hake ‘a e kau‘ā ‘i he tele‘a ‘o e Foha ‘o Hīnomi, ‘o a‘u ki he mui mo‘unga ‘o e Siepusi (ko Selusalema ia), ‘o tuku ia ki he tokelau: pea ‘alu hake ‘a e kau‘ā ki he tumutumu ‘o e mo‘unga ‘a ia ‘oku tu‘u mei lulunga, ‘o hanga ki he tele‘a ‘o Hīnomi, pea ‘oku ne tu‘u taupotu foki ki he tokelau ‘i he Tele‘a-Lifaimi. 9Pea afe atu ‘a e kau‘ā mei he funga mo‘unga ki he fauniteni ‘o e vai ‘i Nefitoa, ‘o ne fou atu ki he ngaahi kolo mo‘unga ‘o ‘Efiloni, pea taafeafe atu ‘a e kau‘ā ki Pā‘ala (ko Kiliati-sialimi ia): 10pea takai hake ‘a e kau‘ā mei Pā‘ala ki lulunga, ‘o fai atu ki Mo‘unga-Seia, ‘o ‘uhi atu ‘i he mui mo‘unga ‘o Sialima, ‘o tuku ia ki he tonga (ko Kesaloni ia), ‘o ne hifo ki Peta-semesi. 11‘O fou atu ‘i Tīmina: pea ‘alu atu ‘a e kau‘ā ‘i he mui mo‘unga ‘o ‘Ekiloni, ‘o tuku ia ki he tonga: pea afe ‘a e kau‘ā ki Sikeloni, ‘o fou atu ki he mo‘unga ko Pā‘ala, ‘o ‘uhi atu ki Siapinili: pea na‘e tū‘ulu ‘a e kau‘ā ki tahi. 12Pea ko e kau‘ā lulunga ko e Tahi Lahi mo hono matāfonua.
Ko e kau‘ā fonua ia ‘o ha‘a Siuta mo honau ngaahi fāmili takatakai.
Ko Hono Ikuna‘i ‘e Kēlepi ‘a Hepeloni mo Tēpili
(Fkm 1.11-15)
13Pea ko Kēlepi ko e foha ‘o Sīfune na‘a ne vahe ki ai ha tofi‘a ‘i he lotolotonga ‘o ha‘a Siuta, ‘o fakatatau ki he fekau ‘a e ‘Eiki kiate ia, ko e kolo ‘o ‘Aape ko e tupu‘anga ‘o ‘Ānaki (ko Hepeloni ia).#Fkm 1.20 14Pea kapusi mei ai ‘e Kēlepi ‘a e tolu‘i hako ‘o ‘Ānaki, ‘a Sesai mo ‘Ahimani mo Talimai: ko e ngaahi fo‘i ‘Ānaki kinautolu. 15Pea ne ‘alu hake mei ai ki he kakai Tēpili: (ka ko hono hingoa mu‘a ‘o Tēpili ko Kiliati-sefa). 16Pea lea hake ‘a Kēlepi, Ko ia te ne taa‘i ‘a Kiliati-sefa, ‘o ne hamu ia, te u ‘ange ki ai ‘a hoku ‘ōfefine ko ‘Ākesa ke na nonofo. 17Pea kapa ia ‘e ‘Ōtenili ko e foha ‘o Kēnasi ko e tokoua ‘o Kēlepi; pea ne ‘ange ki ai ‘a hono ‘ōfefine ko ‘Ākesa moono uaifi. 18Pea ‘i he faifai pea ha‘u ‘a e fefine kiate ia, na‘a ne o‘i ia#15.18 na‘á ne: ‘Oku ‘uhinga hono faka-Hepeluú na‘e o‘i ‘e he fefiné ‘a ‘Ōtenieli, ka ‘oku pehē he ngaahi hiki fuoloa ‘e ni‘ihi na‘e o‘i ‘e ‘Ōtenili ‘a e fefiné. ke kole mei he‘ene tamai ha vao; Ko ia na‘e puna hifo ‘a e fefine mei he‘ene ‘asi. Pea lea kiate ia ‘e Kēlepi, Ko e hā ‘au? 19Pea tali ‘e ia, ‘Omi haku tāpuaki; he kuo ke tuku au ‘i he fonua Tonga, ke ke foaki foki ha matavai. Pea ne ‘ange kiate ia ‘a e ngaahi matavai ‘olunga mo lalo.
Ko e ngaahi Kolo ‘i Siutá
20Ko e tofi‘a eni ‘o e matakali ‘o ha‘a Siuta, mo honau ngaahi fāmili. 21Pea ko e ngaahi kolo taupotu ‘o e matakali ‘o ha‘a Siuta ki he tafafonua ‘o ‘Ītomi ‘i he feitu‘u ko Tonga, ko Kapesili, mo ‘Ēteli, mo Siakuli; 22mo Kina mo Tīmona, mo ‘Ātata: 23mo Kētesi, mo Hasoa, mo ‘Itinani: 24ko Sifi, mo Tēlemi, mo Pealoti; 25mo Hasoa-fo‘ou, mo e ngaahi kolo ‘o Hesiloni (ko Hasoa ia): 26ko ‘Āmami, mo Sema, mo Mōlata; 27mo Hasa-kata, mo Hesimoni mo Pete-pāleti: 28mo Hasa-sūhali mo Peasipa, mo Sisiotia; 29ko Pā‘ala, mo Simi, mo ‘Āsimi; 30mo ‘Elitolati, mo Kēsili, mo Hoama; 31mo Sikilaki, mo Matemana, mo Sanesana; 32mo Lepaoti, mo Silehimi, mo ‘Eni, mo Līmoni: ko e kotoa ‘o e ngaahi kolo ko e uofulu mā hiva, pea ai mo honau ngaahi vilisi.
33‘I he Sēfelaa, ko ‘Esitaoli, mo Sola, mo ‘Āsena: 34mo Sānoa, mo ‘Eni-kānimi, ko Tapua mo ‘Ēnami; 35ko Siamuti mo ‘Atulami, ko Soko mo ‘Āseka: 36mo Sa‘alaimi, mo ‘Atitaimi, mo Kētela, mo Ketelotaimi: ko e kolo ‘e hongofulu mā fā mo honau ngaahi vilisi.
37Ko Sīnani, mo Hātasa, mo Mikitali-kati; 38mo Tīlani, mo Mīsipa, mo Siokitili; 39ko Lākisi, mo Posikata, mo ‘Ekeloni; 40ko Kāponi, mo Lāmami, mo Kitelisi; 41mo Keteloti, ko Pete-Tākoni, mo Naama, mo Māketa: ko e kolo ‘e hongofulu mā ono mo honau ngaahi vilisi.
42Ko Līpina, mo ‘Ēteli, mo ‘Āsani; 43mo ‘Īfeta, mo ‘Āsena, mo Nēsipi; 44mo Kī‘ila mo ‘Akisipi, mo Mālesa: ko e kolo ‘e hiva mo honau ngaahi vilisi.
45Ko ‘Ekiloni mo e ngaahi kolo na‘e fakaongo kiate ia, pea mo hono ngaahi vilisi; 46mei ‘Ekiloni, ‘o fai ki tahi, ‘a e ngaahi kolo kotoa na‘e ‘i he tafa‘aki ‘o ‘Asitoti, mo honau ngaahi vilisi.
47Ko ‘Asitoti mo hono ngaahi kolo fakaongo, mo hono ngaahi vilisi; ko Kesa mo hono ngaahi kolo fakaongo, mo hono ngaahi vilisi; ‘o a‘u ki he vaitafe ‘o ‘Isipite, mo e Tahi Lahi mo hono matāfonua.
48Pea ‘i he fonua mo‘unga, ko Sāmili, mo ‘Iatili, mo Soko; 49mo Tana, mo Kiliati-sana (ko Tēpili ia), 50mo ‘Ānapi, mo ‘Esitemo, mo ‘Ānimi: 51mo Kōseni, mo Hōloni, mo Kilo: ko e kolo ‘e hongofulu mā taha mo honau ngaahi vilisi.
52Ko ‘Ālapi, mo Tuma, mo ‘Ēsani: 53mo ‘Ianimi, mo Pete-tapua, mo ‘Ēfeki; 54mo Hūmeta, mo Kiliati-A‘apa (ko Hepeloni ia), mo Sioa: ko e ngaahi kolo ‘e hiva mo honau ngaahi vilisi.
55Ko Maoni, ko Kāmeli, mo Sifi, mo Siuta; 56mo Sisilili mo Sioketeami, mo Sānoa; 57ko e Kaini, ko Kipea mo Tīmina; ko e kolo ‘e hongofulu mo honau ngaahi vilisi.
58Ko Halihuli, ko Pete-sua, mo Kētoa; 59mo Ma‘alati, mo Pete-‘ānoti, mo ‘Eletekoni; ko e kolo ‘e ono mo honau ngaahi vilisi.
60Ko Kiliati-peali (ko Kiliati-sialimi ia), mo Lapa; ko e kolo ‘e ua mo hona ngaahi vilisi.
61‘I he Toafa, ko Pete-‘ālapa, ko Mītini mo Sēkaka; 62Mo Nipisani, mo Kolo-māsima, mo ‘Eni-keti: ko e kolo ‘e ono mo honau ngaahi vilisi.
63Ka ko e me‘a ki ha‘a Siepusi, ‘a ia na‘e nofo ‘i Selusalema, na‘e ‘ikai ke lava ‘e ha‘a Siuta ke kapusi kinautolu, ka ‘oku nau nonofo, ‘a ha‘a Siepusi mo ha‘a Siuta, ‘i Selusalema, ‘o a‘u ki he ‘aho ni.#Fkm 1.21; 2 Sām 5.6; 1 Kal 11.4
Currently Selected:
KO SIOSIUA 15: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
