KO SIOPE 41
41
1‘OKU ke lava ke fusi ‘a Levaiatani#41.1 Levaiatani; Vakai ki he 3.8. ‘aki ha māta‘u?#Saame 74.14; 104.26; ‘Ais 27.1
Pe te ke fakaniupāpua ia ‘aki ha afo?
2Te ke tui ha maea kutu ‘i hono ihu?
Pe tui hono kou‘ahe ‘aki ha me‘a piko?
3Te ne nafui atu koā ‘ene fakakolekole?
Te ne fai atu ha ngaahi lea molū?
4Te ne fai ha fuakava mo koe,
Ke ke ma‘u ia ko e tamaio‘eiki ‘o ta‘engata?
5Te ke va‘inga mo ia hangē ha misi?
Pe te ke no‘otaki ma‘a e kau finemui ‘o ho ‘api?
6‘Oku tu‘uaki ia koā ‘e he ngaahi kautaha?
‘Oku nau tafa, ‘o tufa ki he kau mesianiti?#41.6 kau mesianiti; pe kau Finisia.
7Te ke ngaohi hono kili ko e fale tao?
Pea ‘e mofele ‘i hono ‘ulu ‘a e ngaahi tao hoka ika?
8Ala ho nima ki ai:
Tala atu, te ke manatu ki he tau ‘e hoko, ‘o ‘ikai te ke toe fai.
9Seuke, ka ai ha ‘amanaki ki ai kuo pau ke iku noa.
‘Ikai foki ‘oku tō mape‘e ‘i he sio pē ki ai?
10‘Oku ‘ikai ha taha ‘e pehē ‘ene to‘a te ne ue‘i hake ‘a e toko taha ko ia:
Pea ko hai ai ‘e tu‘u ke fai mo AU?
11Ko hai kuo ne mu‘omu‘a ‘aki ha me‘a kiate au,
Kae ‘a‘aku ke totongi kiate ia?
‘Ilonga ha me‘a ‘i he lalo langi kotoa,
‘Oku ‘a‘aku ia.#41.11 ‘oku ‘ikai ke mahino ‘a e faka-Hepelū ‘o e vēsí ni. Ka ‘oku ngali tonu ‘a hono hiki ‘o: Ko hai te ne ‘ohofi ia kae hao pē? ‘Oku ‘ikai ha taha ‘i māmani te ne lava.
12Ko e toko taha ko ia–te u tuku koā ‘a e lea ki hono ngaahi kupu?
Mo e utua hono fu‘u ngū, mo e faka‘ofo‘ofa hono fa‘u?
13Ko hai te ne tatala hono kofu tau?
Ko hono ongo kaunifo na, ko hai ‘e fie hū ki ai?#41.13 Ko hono… ki ai? ‘Oku pehē ‘i he hiki fuoloa ‘e taha: Ko hai te ne lava ‘o hae ‘a e ukamea ko iá? Ka ‘oku tu‘u ‘i he faka-Hepeluú ko e: ‘a e piti ko iá.
14Ko e matapā ‘o hono mata, ko hai ‘e fakaava?
‘Oku taka fakailifia hono nifo.
15Ko hono pole‘anga#41.15 pole‘angá; Ko hono faka-Hepeluú ia, ka ‘oku pehē ‘i he ngaahi hiki fuoloa ‘e ni‘ihi: papatu‘á. ko e fakahoko fehilihili‘i hono ngaahi ‘uno:
Kuo tāpuni hangē kuo sila‘i ma‘u;
16‘Oku pehē ‘a e ofi ‘a e taha ki he taha,
Ko ia, ‘e ‘ikai hū ha ‘ea ‘i hona vaha‘a.
17‘Oku piki ‘a e taha ki he me‘a ‘oku na hoko,
‘Oku nau fepūkeaki ‘o ta‘emavete.
18‘Oku fakaheke maama ‘e he‘ene fa‘a mafatua,
Pea ko hono mata ‘oku hangē ko e mafoa ‘a e ata.
19‘Oku ‘alu atu mei hono ngutu ‘ani tūhulu,
‘Oku puna atu ‘ani kalofiama.
20‘Oku ‘alu atu mei hono ihu ‘a e kohu,
Hangē ha kulo ‘oku tafunaki kutu.
21Ko ‘ene mānava te ne tutu ha makafefie,
‘Io, ‘oku ‘alu atu ha ulo mei hono ngutu.
22Ko hono kia ko e nofo‘anga ‘o ha koto ivi,
Pea ‘oku me‘e ‘i hono ‘ao ‘a Fakalilifu.
23Ko e kakano ‘oku fa‘a tāupe ‘oku fema‘uma‘utaki ‘i he manu ko ia;
‘Oku nau piki kiate ia ta‘emaue‘i.
24Ko hono loto#41.24 lotó pe mafú. ‘oku kanongata‘a hangē ha maka;
‘Io, hangē ha maka tokalalo.
25Ka ngaue hake ia, na‘a mo e kau helo#41.25 kau heló; pe ngaahi ‘otuá. ‘oku nau teki;
‘Oku hala ‘enau velo ko ‘enau lotosi‘i#41.25 lotosi‘i; pe mo‘u tāfu‘ua.
26Ka tau ha heletā ‘e taha, ‘e ‘ikai ma‘u,
Pehē ‘a e tao, ‘a e sika tau, ‘oka lave ki hono kofu tau.
27‘Oku ne lau ‘a e ‘aione ko e kau‘i koane pē;
‘Oku tatau mo e ‘akau popo ‘a e palasa.
28‘Oku ‘ikai sese‘e ia ‘e he tama ‘a e kaufana;
Ko e maka ‘o e makatā ‘oku hoko ko e veve ‘i he lave kiate ia.
29‘Oku lau ‘a e pōvai ko e veve pē,
Pea ‘oku ne kata ki he inoino velo.
30Ko e me‘a ‘oku ne tu‘uaki ko e koto mafoa‘i ipu māsila pē:
‘Oku ne fakateka‘i he funga pelepela ha sāliote ‘au‘au koane tofu pē.#41.30 sāliote ‘au‘au koane; Na‘e fakapipiki ‘a e kongokonga ukamea pe maka māsila ‘i he lalo sālioté.
31‘Oku ne ngaohi ha fofō, ‘o ‘ai ke koa hangē ha kulo:
‘Oku ne ngaohi ‘a e tahi ke hangē ko e kulo haka feau.
32‘Oku ne ngaohi hono ta‘au ke maama pē;
Te ke mei lau ‘oku ‘uluhinā ‘a e loloto.
33‘I he funga fonua ‘oku ‘ikai hano tatau;
Ha me‘a kuo ngaohi ta‘eha‘ane manavahē.
34‘Ilonga ha me‘a mā‘olunga, ka ‘oku ne hanga ai pē ki ai;
Ko e tu‘i ia ‘o e ha‘a mofuta kotoa.
Currently Selected:
KO SIOPE 41: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
