KO SIOPE 3
3
Ko e Hanu ‘a Siope ki he ‘Otuá
1HILI ia na‘e ofa‘aki ‘e Siope ‘ene lea, ‘o ne talakaa‘i hono ‘aho.#Sel 20.14-18 2Pea fokotu‘u atu ‘e Siope, ‘o ne pehē:
3Ke mala‘ia ‘a e ‘aho ne fanau‘i ai au,
Mo e pō na‘a ne tala,
Kuo tu‘itu‘ia ha tama tangata.
4‘a e ‘aho ko ia! ke hoko ia ko e koto po‘uli!
Ke ‘oua na‘a ‘eke ki ai ‘a e ‘Otua mei ‘olunga,
‘Oua na‘a hā ki ai ‘a e maama!
5Ke toe ma‘u mai ia ‘e he Po‘uli mo e ‘Ata-‘o-mate!
Ke toka ki ai ha koto ‘ao!
‘Ilonga ha me‘a ‘oku fakakaupō‘uli ‘a e ‘aho,
Ke hoko ia ki ai, ‘o fakailifia‘i!
6‘a e pō ko ia! ke ma‘u ia ‘e he po‘uli lōlō!
Ke ‘oua na‘a kau ia ‘i he fiefia ‘o e ngaahi ‘aho ‘o e ta‘u!
‘I he lao ‘o e ngaahi māhina, ‘oua na‘a tu‘u ia!
7‘Ise‘isa ‘a e pō ko ia! ‘ofa ke pa‘a!
Ke ‘oua na‘a hū ki ai ha mavava!
8Ke tutuku‘i ia ‘e he fa‘ahinga fakamala‘ia ‘aho;
‘A kinautolu ‘oku poto ‘i he ue‘i ‘o Levaiatani!#3.8 Levaiatani; ‘Oku faka‘uhinga‘i ‘e ni‘ihi ko e kalokataile eni, ka ‘e he ni‘ihi ko e fu‘u manu fakailifia pē ‘i he ngaahi talatupu‘a ‘o ono‘aho. Na‘e tui e kakai ‘o ono‘ahó ‘e lava ‘e ha tongafisi ke ne ‘ai ke mate ai e la‘aá.
9Ke fakanenefu hono ngaahi fetu‘u hengihengi!
Ke ne holi ki he maama, kae ‘ikai;
‘O ‘oua te ne sio ki he mafoa ‘a e ata!
10Koe‘uhi na‘e ‘ikai te ne songo ‘a e matapā ‘o e fatu na‘a ku ‘i ai,
‘O fufū ‘a e mamahi meiate au.
11Ko e hā na‘e ‘ikai te u mate ai pē mei he fatu?
‘O u hū mai mei he mānava ke hokotaki leva?
12Ko e hā na‘e tali ai au ‘e he funga tui;
Pe ko e ongo huhu, ‘o fakahuhu!
13Pehē kuo u tokoto nonga;
Kuo u mohe; talu ai ‘eku mālōlō:
14Fakataha mo e ngaahi tu‘i mo e ngaahi palēmia ‘o māmani,
‘A ia na‘a nau ngaohi langi mo‘onautolu;
15‘Io, kuo u toka mo hou‘eiki koula‘ia,
Na‘e fakafonu siliva honau fonualoto.
16‘Io, kuo u ‘ikai; tatau mo ha tamatō ‘oku puli ai pē,
Tatau mo e tamaiki na‘e ‘ikai mamata ki he maama.
17Ko e potu ko ia ‘oku tuku ai ‘e he kau angahala ‘enau fakafiu;
‘Io, ko e potu ko ia ‘oku mālōlō ai ‘a e kakai kuo ‘osi honau ivi.
18‘Oku fakataha ai ‘a e kau pōpula, ‘o tokoto noa;
‘Oku ‘ikai ongo mai ‘a e le‘o enginaki ngāue.
19Ko e si‘i mo e lahi ‘i ai ko ia ai pē;
Pea ko e tamaio‘eiki ‘oku tau‘atāina mei hono ‘eiki.
20Ko e hā ‘oku ‘omi maama ai pē ki si‘i ngaope;
Mo e mo‘ui ki he kakai ‘oku kona honau loto?
21‘A kinautolu ‘oku mo‘utalia ki he mate, ka ‘oku ‘ikai te ne ha‘u;#Fkhā 9.6
‘Oku lahi ‘enau vili ki ai ‘i he‘enau vili ki he koloa fufū,
22‘Oku nau fiefia mo hākailangitau,
‘Oku nau me‘e hopohopo, ‘oka ‘iloange kuo ma‘u ha tanu‘anga.
23Ko e hā ‘oku ‘omi maama ai ki ha tangata kuo fakapuli hono hala.
Pea kuo ‘aa‘i takai ‘e ‘Elohā?
24He neongo ko ‘eku kai ē ‘oku ma fe‘ao, kae fai pē ‘eku māpuhoi;
Pea puna atu ‘eku to‘e hangē ha fu‘u vai,
25He ka u ka ilifia ki ha me‘a, kuo pau ke hoko;
Pea ko e me‘a ‘oku ou teki ki ai, kuo pau ke a‘u mai.
26‘Oku ‘ikai ha‘aku fiemālie;
Pea ‘oku ‘ikai ha‘aku mohe;
Pea ‘oku ‘ikai ha‘aku mālōlō:
Ka ‘oku kei ha‘u hē ‘a e mamahi.
Currently Selected:
KO SIOPE 3: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
