KO SIOPE 1
1
Ko Hono Sivi ‘e Sētane ‘a Siope
1NA‘E ai ha tangata ‘i he fonua ko ‘Usa#1.1 ‘Usa; Ko e fonua ‘oku ‘ikai ‘ilo‘i pau pe ‘oku tu‘u ‘i fē. na‘e hingoa ko Siope; pea na‘e haohaoa ‘a e tangata ko ia mo angatonu, pea na‘e ‘apasia ki he ‘Otua mo afe mei he kovi. 2Pea na‘e fanau‘i kiate ia ha foha ‘e toko fitu mo ha ‘ōfefine ‘e toko tolu. 3Pea ko ‘ene monumanu ko e sipi ‘e fitu afe, mo e kāmeli ‘e tolu afe, mo e taulua‘i pulu ‘e nimangeau, mo e ‘asi fefine ‘e toko nimangeau, pea ai mo ha kau nofo‘anga tokolahi; ko ia na‘e tomo hake ia ‘i he kakai ‘o Hahake kātoa.
4Pea hanga hono ngaahi foha ‘o fai ha kātoanga ‘i honau ngaahi fale, takitaha ‘i hono ‘aho; ‘o nau fekau atu hono tala ki honau tuofāfine ‘e toko tolu, ke ha‘u ‘o kai mo inu mo kinautolu. 5Pea ‘i he faifai pea kuo foki tu‘o taha honau ‘aho kātoanga, pea fekau ‘e Siope ke fai honau fakatāpui, ‘o ne tu‘u hengihengi hake, ‘o ne feia ‘a e ngaahi feilaulau-mōifua, ‘o fakatatau ki honau tokolahi; he na‘e pehē ‘e Siope, Na‘a kuo angahala ‘eku fānau, ‘o nau tafuli loto mei he ‘Otua. Na‘e pehē ‘a e fai ‘a Siope ‘i he ngaahi ‘aho ko ia kotoa.
6Pea faifai pea hoko ‘a e ‘aho na‘e omi ai ‘a e ngaahi foha ‘o e ‘Otua#1.6 ngaahi foha ‘o e ‘Otua; Ko e fa‘ahinga ‘oku nau fai fatongia ki he ‘Otuá ‘i langi. ke hā kia Sihova, pea ha‘u ‘a Sētane#1.6 Sētane; Ko e laumālie ia ‘oku mahino mei hono hingoá na‘e lau ia ko e fili ‘o e fa‘ahinga ‘o e tangatá. foki ‘i honau lotolotonga.#Sēn 6.2 7Pea folofola ‘a Sihova kia Sētane, Ko ho‘o ha‘u mei fē?
Pea tali ‘e Sētane kia Sihova, ‘o pehē, Mei he ‘alu fano ‘i māmani, mo ‘a‘ahi holo ai.
8Pea folofola ‘a Sihova kia Sētane, Kuo ke tokanga‘i ‘a ‘eku tamaio‘eiki ko Siope? ‘a e ‘ikai ha taha ‘i māmani ‘oku tatau mo ia? He ko e tangata haohaoa mo angatonu, ‘oku ‘apasia ki he ‘Otua mo afe mei he kovi.
9Pea tali ‘e Sētane kia Sihova, ‘o ne pehē, He ‘oku ‘apasia ‘a Siope ki he ‘Afiona tu‘unga‘a pē?#Fkhā 12.10 10‘Ikai kuo ke ‘aa‘i takai ia mo hono fale, mo e me‘a kotoa ‘oku ne ma‘u? Kuo ke tāpuaki‘i ‘a e ngāue ‘a hono nima, pea ko ‘ene monumanu ‘oku nau ‘ufi‘ufi ‘a e fonua. 11Ka ko eni, ala atu mu‘a ki he‘ene ngaahi me‘a; pea tala atu te ne mātu‘aki tafuli meiate koe.
12Pea folofola ‘a Sihova kia Sētane; Vakai, te ke fa‘iteliha ki he‘ene ngaahi me‘a kotoa; kae ‘ikai te ke ala kiate ia. Pea hū kitu‘a ‘a Sētane mei he ‘ao ‘o Sihova.
Ko Hono Faka‘auha ‘o e Fānau mo e Koloa ‘a Siopé
13Pea ‘iloange ko e ‘aho ‘e taha ‘oku fai ‘e he‘ene fānau tangata mo fefine ‘enau kai mo inu kava ‘i he fale ‘o honau ta‘okete lele, 14mo e ha‘u ha talafekau kia Siope, ‘o ne pehē, Na‘e fai ‘e he fanga pulu ‘enau toho palau, pea kaikai ‘a e fanga ‘asi ofi ki ai: 15pea hifo mai ‘a e kau Sipa,#1.15 kau Sipa; Ko e matakali kaiha‘akau hēhē holo mei he fonua ki he tongá. ‘o ‘ave kinautolu; pea ko e kau ngāue kuo nau tāmate‘i ‘aki ‘a e mata ‘o e heletā: pea ko au toko taha tofu pē kuo u hao mai ke fakahā kiate koe.
16Lolotonga ‘oku kei lea ‘a ē mo e ha‘u ē, ‘o ne pehē, Ne tō mei langi ‘a e afi ‘a e ‘Otua, ‘o fakamomofi ‘a e fanga sipi mo e kau ngāue, pea kuo nau ‘osi ai: pea ko au toko taha tofu pē kuo u hao mai ke fakahā kiate koe.
17Lolotonga ‘oku kei lea ‘a ē mo e ha‘u ē, ‘o ne pehē, Ko e kau Kalitia#1.17 Kalitia; Ko e matakali kaiha‘akau hēhē holo mei he fonua ki he tokelaú. na‘e fakamatatolu mai, pea nau ‘ohofia ‘a e fanga kāmeli, ‘o ‘ave, pea ko e kau ngāue kuo nau tāmate‘i ‘aki ‘a e mata ‘o e heletā: pea ko au toko taha tofu pē kuo u hao mai ke fakahā kiate koe.
18‘I he kei lea ‘a ē na‘e ha‘u ē ‘o ne pehē, Ko ho‘o fānau tangata mo fānau fefine na‘e fai ‘enau kai mo inu kava ‘i he fale ‘o honau ta‘okete lele, 19mo e ‘iloange na‘e tō mai ha matangi lahi mei he tu‘a toafa, ‘o ne taa‘i ‘a e tuliki ‘e fā ‘o e fale; pea na‘e hinga ia ki he fānau, pea kuo nau pekia: pea ko au toko taha tofu pē kuo u hao mai ke fakahā kiate koe.
20Pea tu‘u ‘a Siope, ‘o ne hae hifo hono kofu, ‘o ne fakatekefua, ‘o ne tō lafalafa ‘o hū, ‘o ne pehē, 21Na‘a ku hū telefua mai mei he manava ‘o ‘eku fa‘ē, pea te u foki telefua ki ai. Ko Sihova na‘a ne foaki, pea ko Sihova kuo ne to‘o atu; kae mālō‘ia ai pē ‘a e huafa ‘o Sihova.
22‘I he ngaahi me‘a kotoa ko ia na‘e ‘ikai fai hala ‘a Siope, pea na‘e ‘ikai te ne tuku ha kovi ki he ‘Otua.
Currently Selected:
KO SIOPE 1: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
