KO SELEMAIA 45
45
Ko e Tala‘ofa ‘a e ‘Otuá kia Paluki
1KO E folofola na‘e tala ‘e he palōfita ko Selemaia kia Pāluki foha ‘o Nelaia, ‘i he taimi na‘a ne tohi ‘i he tohi ‘a e ngaahi folofola ko ē, ‘i he lau ta‘anga mai ‘a Selemaia, ‘i hono ta‘u fā ‘o Sihoiakimi foha ‘o Siosaia, ko e Tu‘i Siuta.#2 Tu‘i 24.1; 2 Kal 36.5-7; Tān 1.1-2 2Ko e folofola eni ‘a Sihova, ko e ‘Otua ‘o ‘Isileli, kiate koe, Paluki: 3‘Oku ke pehē koā, ‘Oiauē kita! he kuo hilifaki ‘e Sihova ha mamahi ki hoku loto kuo lavea: ‘oku ou ongosia ‘i he‘eku tauto‘e, pea ‘oku ‘ikai te u ma‘u ha nonga.
4Ko eni ho‘o lea ‘e fai kiate ia, Ko e folofola eni ‘a Sihova: Vakai, ‘oku ou holoki ‘a e me‘a na‘a ku langa hake ‘e au, pea ‘oku ou ta‘aki ‘e au ‘a e me‘a na‘a ku hunuki; pea ko ‘eku me‘a ia ‘oku fai ‘i māmani kātoa. 5Pea ‘oku ke kumi koā ma‘au ha ngaahi me‘a lalahi? ‘Oua ‘e kumi: he ko au eni ‘oku ou ‘omi ha kovi ki he kakano, hono kotoa–ko Sihova ia mei he Ta‘ehāmai: ka te u ‘atu kiate koe ho‘o mo‘ui mo‘ao vete, ‘i he potu kotoa pē te ke ‘alu ki ai.
Currently Selected:
KO SELEMAIA 45: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
