KO ‘AISEA 46
46
1‘OKU fo‘ohifo ‘a Peli, ‘oku mapelu ‘a Nipo; ko e ngaahi ‘īmisi ‘a e fa‘ahinga ko ē kuo tuku ki he manu vao mo e manu fa‘a fua kavenga: ko e ngaahi me‘a na‘a mou fua holo kuo ha‘iha‘i, ko e me‘a ke ngaope ai ha manu. 2Na‘a nau mapelu, na‘a nau fo‘ohifo fakataha; na‘e ‘ikai te nau lava ke fakahaofi ‘a e me‘a ‘oku fetuku, ‘io, na‘a mo kinautolu na‘a nau ‘alu pōpula. 3Fanongo kiate au, si‘i fale ‘o Sēkope, mo e toe kotoa ‘o e fale ‘o ‘Isileli, ‘a e fa‘ahinga na‘e fetuku talu homou fanau‘i: na‘e fua talu e fatu ‘o ho‘omou fa‘ē: 4‘io, ‘o a‘u ki ho‘omou motu‘a ka ko au ai pē, pea ko au te u fafa ‘o a‘u ki ho‘omou ‘uluhinā: ko au kuo u fai, pea ko au te u fua; ‘io, ko au te u fafa mo fakahaofi. 5Te mou fakatatau au kia hai, mo fakahoa, mo ‘omi ke tu‘upau mo au, ke ma vakavakatatau? 6Sī! ko e lingi koula ē mei he kato, mo e tautau siliva ‘i he me‘afua! ‘oku nau nō ha tufunga koula ke ngaohi ia ko e ‘Otua, ke nau fo‘ohifo ki ai, ‘io, ‘o hū. 7‘Oku nau hiki ia, ‘oku nau fua ‘i honau uma, ‘o nau tuku hifo ‘i hono tu‘unga; talu ai ‘ene tu‘u ai: ‘oku ‘ikai te ne ngaue mei hono potu: ‘io, ‘oku fai ha tangi ki ai, ka ‘oku ‘ikai te ne tali, ‘oku ‘ikai te ne fakahaofi ha taha mei hono faingata‘a. 8Manatu ki he ngaahi me‘a ko ia, ‘o fai ‘o taau mo e tangata.#46.8 ‘o… tangata; pe fakama‘u hifo. ‘ai ki homou loto, ‘a e kau talangata‘a. 9Manatu ki he ngaahi ‘uluaki me‘a talu mei tuai: he ko au pē ‘a ‘Ela, pea ‘oku ‘ikai hano ua; ko e ‘Otua au, pea ‘oku ‘ikai haku tuha; 10he‘eku tala mei he kamata‘anga ‘a e me‘a ‘e hoko ‘amui, mo tala mei he kuonga mu‘a ‘a e me‘a kuo te‘eki fai; ‘o u pehē, Ko ‘eku fakakaukau ‘e tu‘u, pea ko e me‘a kotoa ‘oku ou loto ki ai, te u fai. 11‘O u ui ha manupuna fekai mei hahake, ‘a e tangata kuo u tu‘utu‘uni ki ai mei he fonua mama‘o;#46.11 tangata… mama‘o; Vakai ki he 41.2. tala atu, na‘e ‘ikai te u lea pē, ka ‘oku ou fakahoko foki; 12na‘a ku teu, pea u fai foki. Fanongo mai kiate au, ‘a kimoutolu ‘oku taka ‘olunga homou loto, ‘a e fa‘ahinga ‘oku mama‘o mei he mā‘oni‘oni: 13kuo u ‘omi ‘eku mā‘oni‘oni ke ofi–‘oku ‘ikai mama‘o; pea ‘e ‘ikai fakatōtōmui ‘eku fakamo‘ui; pea ‘oku ou foaki fakamo‘ui ‘i Saione, kuo u foaki ki ‘Isileli ‘eku manumanumelie.
Currently Selected:
KO ‘AISEA 46: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
