KO ‘AISEA 20
20
Ko e Faka‘ilo nga ko e Palōfita Ta‘ekofu
1‘I HE ta‘u na‘e ha‘u ai ‘a e Tātani ki ‘Asitoti, ‘i hono fekau ‘e Sākone ko e Tu‘i ‘Āsilia, ‘o ne tau‘i ‘a ‘Asitoti, ‘o kapa– 2‘i he taimi ko ia na‘e folofola ‘a Sihova kia ‘Aisea foha ‘o ‘Āmosi, ‘o pehē, Hanga ‘o vete ‘a e kofu tangai mei ho konga loto, pea to‘o ‘a e sū mei ho va‘e. Pea ne fai pehē, ‘o ‘alu ta‘ekofu mo ta‘esū. 3Pea folofola ‘a Sihova, Hangē ko e ‘alu ta‘ekofu mo ta‘esū ‘a ‘eku tamaio‘eiki ko ‘Aisea, ‘o tolu ta‘u ‘ene hoko ko e faka‘ilonga mo e taipe ki ‘Isipite mo ‘Itiopea;#20.3 ‘Itiopea; Vakai ki he “Ngaahi Huluhulu”. 4‘e pehē ‘a e taki ‘e he Tu‘i ‘Āsilia ‘a e kau pōpula ‘o ‘Isipite, mo e kau fakahee‘i ‘o ‘Itiopea, ‘a e kau talavou mo mātu‘a, ‘oku nau ta‘ekofu mo ta‘esū, pea telefua ‘a e tu‘ungaiku, ko e fakalielia‘i ‘o ‘Isipite. 5Pea ‘e fai ha puputu‘u mo ha mā koe‘uhi ko ‘Itiopea, he ko honau pāletu‘a ia, pea koe‘uhi ko ‘Isipite, he ko honau teunga ia. 6Pea ‘i he taimi ko ia, ‘e ai ha lea ‘e fai ‘e he nofo he matāfonua#20.6 matāfonuá; pe motu. ko eni, Uoke, ‘oku pehē koā hotau pāletu‘a, ‘a ia na‘a tau hola ki ai ke ma‘u tokoni, ke fakahaofi mei he Tu‘i ‘Āsilia! pea te tau hao fēfē kitautolu?
Currently Selected:
KO ‘AISEA 20: TMB
Highlight
Share
Compare
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
