KO ‘AISEA 12
12
Ko e Himi Fakafeta‘i
1PEA ko e taimi ko ia te ke pehē:
‘E Sihova, te u fakafeta‘i atu;
He neongo na‘a ke tuputāmaki kiate au,
Ka kuo lolou ho houhau,
Pea ‘oku ke fakanonga ni au.
2Vakai, ko hoku fakamo‘ui‘anga ‘a ‘Ela;#‘Eki 15.2; Saame 118.14
Te u falala pē, ‘o ‘ikai te u manavahēa:
He ko hoku mālohinga mo ‘eku ta‘anga ‘a IAA SIHOVA;
Pea kuo ne hoko ko hoku fakamo‘ui‘anga.
3Ko ia, ‘e fai mo e nēkeneka ho‘omou touvai;
Mei he ngaahi matavai ‘o e fakamo‘ui.
4‘Io, ko e taimi ko ia te mou pehē,
Mou fakafeta‘i kia Sihova,
Kailavaki hono huafa,
Faka‘ilo ‘ene ngaahi ngāue ki he ngaahi fa‘ahinga:
Mou fakamanatua
Ko hono huafa ‘oku mā‘olunga.
5Tā ha‘ape kia Sihova,
He kuo ne fai me‘a lau‘olunga:
Ke ‘ilo ia ‘e māmani kātoa.
6Fākaulu mo mavava,
Si‘i fefine nofo Saione na:
He ko ho tokaikolo ko e taha lahi,
‘A e Tāpuhā ‘o ‘Isileli,
Currently Selected:
KO ‘AISEA 12: TMB
Highlight
Share
Compare
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
