KO HOSEA 3
3
Ko Hosea mo e Fefine Ta‘eanganofo
1PEA folofola ‘a Sihova kiate au, Toe ‘alu,#3.1 PEA… ‘alu; pe Pea toe folofola ‘a Sihova kiate au, “‘Alu…” ‘o ‘ofa‘i ha fefine ‘oku ai hono ‘ofa‘anga, ka kuo ne maumau ‘ene alafia, ‘o hangē ko e ‘ofa‘i ‘e Sihova ‘a ha‘a ‘Isileli, ka ka hanga kinautolu ki he ngaahi ‘otua kehe, ‘o manako takaonga kālepi.#3.1 takaonga kālepi; Ko e kālepi ia kuo fakamōmoa. Na‘e fai‘aki a e lotu ki he ngaahi ‘otua na‘e pule tokua ki he fanafanaú mo e mahu ‘a e kelekelé, pea na‘e tui ‘a e kakaí ‘e foha ai ‘a e ngoue ‘a e kakai na‘e lotu kiate kinautolú.
2Ko ia, na‘a ku fakatau ia kiate au ‘aki ‘a e pa‘anga siliva ‘e hongofulu mā nima, mo e homa pa‘ale ‘e taha mo e haafe. 3Pea u lea ki he fefine, ‘o pehē, Te ke nofo kiate au ‘o ‘aho lahi: ‘e ‘ikai te ke pa‘umutu, pea ‘e ‘ikai te ke tali ha tangata, pea ko au foki te u hangē ko ia kiate koe. 4He ‘e ‘aho lahi ‘a e nofo ‘a ha‘a ‘Isileli ta‘ehanau tu‘i, pea ta‘ehanau hou‘eiki, pea ta‘ehanau feilaulau, pea ta‘ehanau pou tapu, pea ta‘ehanau ‘ēfoti pe telāfimi. 5Hili ia, ‘e foki ‘a ha‘a ‘Isileli, pea te nau kumi kia Sihova ko honau ‘Otua, pea kia Tēvita ko honau tu‘i; pea te nau ha‘u manavahē kia Sihova mo ‘ene lelei ‘i he kuonga mama‘o atu.
Currently Selected:
KO HOSEA 3: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
