Kalētiá Ko e Talateu
Ko e Talateu
Na‘e kamata ke malanga‘i atu ‘a e Ongoongolelei ‘o Sīsuú ‘o tali lelei ia ‘e he kakai na‘e ‘ikai ko e kakai Siú, pea fe‘ekenaki leva ‘a e ni‘ihi pe kuo pau ke talangofua ha taha ki he Lao ‘a Mōsesé kae toki Kalisitiane mo‘oni. Ko e lau ‘a Paulá ‘oku ‘ikai–pea ko hono mo‘oní, ko e makatu‘unga pau pē taha ki he mo‘ui ‘ia Kalaisí ko e tui, ‘a ia ‘oku fakalelei ai ‘a e kakai kotoa pē mo e ‘Otuá. Ka kuo hū holo ‘i he ngaahi siasi ‘i Kalētiá, ko e vahefonua Loma ia ‘i ‘Ēsia Minu, ha ni‘ihi na‘a nau fakafepaki‘i a Paula ‘o nau pehē kuo pau ke te tauhi mo e Lao ‘a Mōsesé koe‘uhi kae toki fakalelei kita mo e ‘Otuá.
Ko e taumu‘a ‘o e Tohi ‘a Paula ki he kakai Kalētiá ke fakafoki ki he tui mo e mo‘ui totonú ‘a kinautolu kuo hē ‘i he akonaki hala ko iá. ‘Oku kamata ‘aki ‘e Paula ‘ene tohí ni ‘a ‘ene taukapo‘i ‘a e tonu hono ui ia ko e ‘apositolo ‘a Sīsū Kalaisi. ‘Okú ne taukave‘i na‘e mei he ‘Otuá ‘a hono ui ia ke ‘apositoló, ‘o ‘ikai mei ha fa‘ahinga mafai fakaetangata, pea ko ‘ene ngāué na‘e tautefito pē ia ki he kakai na‘e ‘ikai ko ha kakai Siu kinautolu. Na‘e toki fakamatala fakaikiiki leva ‘a Paula ki he tu‘unga pē he tuí ‘a hono fakalelei ha taha mo e ‘Otuá. Pea ko e ngaahi vahe faka‘osi ‘o e tohí ni ‘a Paulá ko ‘ene fakamahino ‘a e pau ke tafe atu pē ‘a e ‘ulungāanga faka-Kalisitiané mei he tui kia Kalaisí.
Ko e Kakano ‘o e Tohí
Ko e talateu (1.1-10)
Ko e Ongoongolelei ‘o e kelesi ‘a e ‘Otuá (3.1–4.31)
Ko e tau‘atāina mo e fatongia faka-Kalisitiané (5.1–6.10)
Ko e tātuku (6.11-18)
Currently Selected:
Kalētiá Ko e Talateu: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.