KO ‘ISIKELI 10
10
Ko e Hiki e Lāngilangi ‘o Sihová mei he Temipalé
1PEA U vakai, pea tā ‘i he ‘atānoa, ‘a ia ‘oku ‘i he funga ‘ulu ‘o e Selupimi,#10.1 Selupimi; Vakai ki he 1.5-12. na‘e ai ha me‘a hangē ko e maka sāfaia, ‘o hā hangē ko e tatau ‘o ha taloni; na‘e hā taupotu ki ‘olunga ‘a e ‘Afio.#‘Isi 1.26; Fkhā 4.2 2Pea ne folofola ki he tangata kofu tupenu hinehina, ‘o ne pehē, Hū ‘i he vaha‘a ‘o e ngaahi me‘a ‘oku takamilo ‘i he lalo Selupimi ko ē, ‘o fakafonu ho ongo nima ‘i he malala‘i afi mei he vaha‘a Selupimi, ‘o tūtuu‘i ki he kolo.#Fkhā 8.5 Pea ne hū ‘oku ou sio ki ai.
3Pea ‘i he hū ‘a e tangata ‘oku tu‘u ‘a e kau Selupimi ‘i he potu to‘omata‘u ‘o e fale, pea na‘e fonu ‘a e loto‘ā loto ‘i he ‘Ao. 4Pea kuo ma‘ama‘a hake ‘a e Sikaina ‘o Sihova mei he funga Selupimi, ‘o tu‘u mei ‘olunga ‘i he hū‘anga ‘o e fale, pea na‘e fonu ‘a e fale ‘i he ‘Ao, pea na‘e fonu ‘a e loto‘ā ‘i he malama ‘a e Sikaina ‘o Sihova. 5Pea ko e longoa‘a ‘o e ngaahi kapakau ‘o e kau Selupimi na‘e ongo ki he loto‘ā tu‘a; na‘e hangē ko e le‘o ‘o ‘Ela Sātai ‘oka fai mai ‘ene lea.
6Pea ‘i he ‘iloange na‘a ne kouna ‘a e tangata kofu tupenu hinehina, ‘o pehē, To‘o ha afi mei he vaha‘a ‘o e ngaahi me‘a ‘oku fakatakamilo, mei he vaha‘a ‘o e kau Selupimi, na‘a ne hū, ‘o tu‘u ofi ki he fakasāliote. 7Pea mafao atu ‘a e Selupimi hono nima mei he vaha‘a ‘o ha ongo selupimi, ki he afi na‘e ‘i he vaha‘a ‘o e kau Selupimi, pea ne to‘o hake ha me‘a, ‘o tuku ki he ongo nima ‘o e kofu tupenu hinehina, pea ne to‘o ‘o hū kitu‘a.
8He na‘e hā ‘i he kau Selupimi ‘a e tatau ‘o e nima ‘o ha tangata ‘i honau lalo kapakau. 9Pea u vakai, pea tā ko e fakasāliote ‘e fā fe‘unga mo e kau Selupimi, ko e fakasāliote ‘e taha na‘e fe‘unga mo e Selupimi ‘e taha, takitaha; pea ko e hā ‘a e ngaahi fakasāliote ‘oku tatau mo e maka kalisolaite.#Fkhā 10.9-10 10Pea na‘e matamata sīpinga taha ‘a e faa‘i me‘a, na‘e hangē ‘oku fehauaki ha fakasāliote ‘e ua.#‘Isi 1.15-21 11‘I he‘enau ‘alu, na‘a nau ‘alu ‘aki honau feitu‘u ‘e fā: na‘e ‘ikai te nau mamio ‘i he‘enau ‘alu: ‘ilonga ha potu na‘e hanga ki ai ‘a e taki,#10.11 taki; pe ‘ulu. na‘a nau muimui atu ki ai; na‘e ‘ikai te nau mamio ‘i he‘enau ‘alu. 12Pea ko honau sino kotoa, mo honau tu‘a, mo honau nima, mo honau kapakau, mo e ngaahi fakasāliote, na‘e tofu kano‘imata takatakai ki he feitu‘u ‘e fā ‘o ‘enau ngaahi fakasāliote.#Fkhā 4.8 13Ko e me‘a ki he ngaahi fakasāliote, na‘e ui kiate kinautolu ‘o u fanongo ki ai, Takamilo.
14Pea na‘e taki fā honau fofonga; ko e fofonga ‘o e ‘uluaki ko e fofonga ‘o e selupimi ko ē, pea ko e fofonga ‘o hono ua ko e mata ‘o e tangata, pea ko hono tolu ko e mata ‘o e Saione, pea ko hono fā ko e mata ‘o e ‘īkale.#‘Isi 1.10; Fkhā 4.7 15Pea na‘e kamata ke ngaue hake ‘a e kau Selupimi: ko e Me‘a Mo‘ui ia ne u mamata ki ai ‘i he vaitafe ko Kipa. 16Pea ‘i he ‘alu ‘a e kau Selupimi, na‘e ‘alu ‘a e ngaahi fakasāliote fakataha mo kinautolu: pea ‘i he fola ‘e he kau Selupimi honau kapakau ke ma‘ama‘a hake mei he kelekele, na‘e ‘ikai ke mamio ‘a e ngaahi fakasāliote, na‘a nau fakataha ai pē mo kinautolu. 17Pea ka tu‘u ē, pea tu‘u ‘a ē; pea ka ma‘ama‘a hake ē, pea ma‘ama‘a hake mo ē: he ko e laumālie ‘o e Me‘a Mo‘ui na‘e ‘iate kinautolu.
18Pea hū kitu‘a ‘a e Sikaina ‘o Sihova mei he funga hū‘anga ‘o e fale, ‘o ne tu‘u mei he funga Selupimi. 19Pea fola ‘e he kau Selupimi honau kapakau, pea na‘a nau ma‘ama‘a hake mei he kelekele ‘i he‘enau hū kitu‘a–‘oku ou sio ki ai–pea ko e ngaahi fakasāliote ‘oku ō ai pē mo kinautolu: pea na‘e tu‘u ‘a e Me‘a ‘i he hū‘anga ‘o e matapā ‘o e fale ‘o Sihova, ‘a e matapā ki hahake; pea ko e Sikaina ‘o e ‘Otua ‘o ‘Isileli na‘e taupotu ki ‘olunga ‘iate kinautolu. 20Ko ia ia ‘a e Me‘a Mo‘ui na‘a ku sio ki ai ‘i he lalo ‘Otua ‘o ‘Isileli, ‘i he vaitafe ko Kipa; pea na‘a ku ‘ilo ko e Selupimi ena.
21Na‘e taki fā ‘a e fofonga, pea taki fā ‘a e kapakau; pea ko e tatau ‘o e nima, ‘o e tangata na‘e ‘i honau lalo kapakau. 22Pea ko e me‘a ki he anga ‘o honau mata, ko e ngaahi mata ia na‘a ku sio ki ai ‘i he ve‘e vaitafe ko Kipa; ko ‘enau hā ia, ‘io, ko kinautolu;#10.22 ko e ngaahi mata… kinautolu; ‘Oku ngali tonu ‘a hono hiki ‘i he faka-Hepeluú ‘o: na‘e hangē ko e ngaahi mata mo kinautolu na‘á ku sio ki ai ‘i he ve‘e vaitafe ko Kipá. na‘a nau hanga ‘alu ‘aki honau fofonga ‘e taha.
Currently Selected:
KO ‘ISIKELI 10: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
