KO ‘EKISOTO 31

Ko e Kau Ngāue Fokotu‘u Tāpanekale

(‘Eki 35.30–36.1)

1PEA folofola ‘a Sihova kia Mōsese, ‘o pehē, 2Vakai, kuo u ui hingoa ‘a Pesalili ko e foha ‘o ‘Uli, ko e foha ‘o Hua, ‘i he matakali ‘o Siuta; 3pea kuo u taumalingi kiate ia ‘a e laumālie#31.3 laumālie; pe ivi. ‘o e ‘Otua, ke fakapoto mo faka‘atamai‘i, mo fakalotomatala, mo fakaalafua, 4ke ne fakakaukau‘i hano anga ‘o e ngaahi me‘a, pea ke tufunga koula mo siliva mo e kapa, 5pea ke tongi maka fonofono, pea ke tongi ‘akau, ke fai ‘a e ngāue kotoa pē ‘oku faingata‘a. 6Pea ko au foki kuo u tuku ke tokoni kiate ia ‘a ‘Aholiapi, ko e foha ‘o ‘Ahisamaki, ‘i he matakali ‘o Tani; pea kuo u tuku ha poto ki he loto ‘o e kau nima mea‘a, ke nau ngaohi ‘a e me‘a kehekehe kuo u tu‘utu‘uni atu: ‘a e Tēniti Fe‘iloaki‘anga, 7pea mo e ‘A‘ake Fakamo‘oni‘anga, pea mo e Hōifua‘anga, ‘a ia ‘oku hilifaki ki ai, pea mo e nāunau kotoa ‘o e Tēniti; 8pea mo e Tēpile mo hono nāunau, pea mo e Tu‘unga Maama ma‘a mo hono nāunau kotoa, pea mo e ‘ōlita Tutu‘anga-‘inisēnisi, 9mo e ‘ōlita Tutu‘anga-feilaulau mo hono nāunau kotoa, pea mo e Pālutu‘anga mo hono Tu‘unga; 10pea ngaahi kofu mālohi, mo e ngaahi kofu tapu kia ‘Ēlone ko e taula‘eiki, pea mo e ngaahi kofu ‘o hono ngaahi foha, ke fai‘aki ‘a e ngāue fakataula‘eiki; 11pea mo e Lolo pani, pea mo e ‘inisēnisi namu kakala ki he Potu Tapu: ‘o hangē tofu pē ko ‘eku tu‘utu‘uni atu, ‘e pehē ‘enau fai.

Ko e Sāpaté, ko e ‘Aho Mālōlō

12Pea folofola ‘a Sihova kia Mōsese, ‘o pehē, 13Te ke lea mo koe ki ha‘a ‘Isileli, ‘o pehē, Kehe ko ‘eku ngaahi Sāpate te mou tauhi ia: he ko e faka‘ilonga ia ‘i he vaha‘a ‘o‘oku mo kimoutolu ‘i homou ngaahi to‘utangata; ke mou ‘ilo ko au Sihova ia ‘oku ou tapui kimoutolu. 14Ko ia te mou tauhi ‘a e Sāpate; he ko e me‘a tapu ia ma‘amoutolu: ko ia ‘oku ne maumau‘i ia te ne mātu‘aki mate: ‘io, ‘ilonga ia ‘oku fai ai ha ngāue, ‘e motuhi ‘a e laumālie ko ia mei he lotolotonga ‘o hono kakai. 15Ko ha ono‘i ‘aho ‘e fai ai ha ngāue, ka ‘i hono ‘aho fitu ‘e fai ai ha Sāpate mālōlō tapu kia Sihova: ko ia kotoa pē ‘oku ne fai ha ngāue ‘i he ‘aho Sāpate, ‘e mātu‘aki mate.#‘Eki 20.8-11; 23.12; 34.21; 35.2; Lev 23.3; Teu 5.12-14 16Ko ia ‘e tauhi ‘e ha‘a ‘Isileli ‘a e Sāpate, ke fai ai ha mālōlō ‘i honau ngaahi to‘utangata; ko e fuakava ta‘engata ia. 17Ko e faka‘ilonga ia ‘i he vaha‘a ‘o‘oku mo ha‘a ‘Isileli ke ta‘engata: he ko ha ono‘i ‘aho na‘e ngaohi ai ‘e Sihova ‘a e ngaahi langi mo māmani, pea ‘i hono ‘aho fitu na‘a ne mālōlō, mo fakamānava hake.

18Pea ‘i he ‘osi ‘ena alea mo Mōsese ‘i he mo‘unga ko Sainai, na‘a ne ‘ange kiate ia ‘a e ongo maka Fakamo‘oni‘anga, ko e ongo makatohi kuo tohi ‘e he louhi‘i nima ‘o Sihova.

Currently Selected:

KO ‘EKISOTO 31: TMB

Highlight

Copy