KO TEUTALŌNOME 14
14
Ko e Tapui ‘o e Founga Fai Putu
1KO E fānau kimoutolu ‘a Sihova ko homou ‘Otua: ‘e ‘ikai te mou fai ha foa koe‘uhi ko ha pekia, pe tele homou vaha‘a mata.#Lev 19.28; 21.5 2He ko e kakai tapu koe kia Sihova ko ho ‘Otua: kuo fili koe ‘e Sihova ke hoko ko ‘ene kakai kānokato ‘i he kakai kotoa ‘oku ‘i he funga ‘o māmani.#‘Eki 19.5-6; Teu 4.20; 7.6; 26.18; Tait 2.14; 1 Pit 2.9
Ko e Monumanu Ma‘a mo e Monumanu Ta‘ema‘a
(Lev 11.1-46)
3‘E ‘ikai te ke kai ha taha ‘o e ngaahi me‘a ‘oku fakalielia. 4Ko eni ‘a e fanga manu te mou kai: ko e pulu, ko e sipi, mo e kosi, 5‘a e tia, mo e kaseli, mo e poki, mo e ‘īpesi, mo e ‘anitelope, mo e tea, mo e sami. 6Pea ‘ilonga ha manu ve‘efā ‘oku vaeua hono pesipesi, ‘o mafahi ua ‘aupito, pea ‘oku kai fakahake, te mou kai ia. 7Ka ko e ni‘ihi eni ‘e ‘ikai te mou kai, ‘i he fa‘ahinga ‘oku kai fakahake, mo e fa‘ahinga ‘oku mavaeua ‘aupito ‘a e pesipesi: ko e kāmeli, mo e hea, mo e safana, koe‘uhi ‘oku nau kai fakahake, ka ‘oku ‘ikai mavaeua honau pesipesi: ko e fa‘ahinga ta‘ema‘a ia kiate kimoutolu: 8ko e puaka foki, he neongo ‘oku mavaeua hono pesipesi, ka ‘oku ‘ikai te ne kai fakahake, ‘oku ta‘ema‘a ia kiate kimoutolu: ko honau kakano ‘e ‘ikai te mou kai, pea ko honau ‘anga‘anga ‘e ‘ikai te mou lave ki ai.
9Ko eni ia ‘a e me‘a te mou kai ‘i he fa‘ahinga ‘oku ‘i he vai: ‘ilonga ha me‘a ‘oku kaponga mo ‘uno te mou kai ia: 10ka ka ‘ilonga ha me‘a ‘oku ‘ikai ke kaponga mo ‘uno, ‘e ‘ikai te mou kai ia; ‘oku ta‘ema‘a ia kiate kimoutolu.
11‘Ilonga ha manupuna ma‘a te mou kai ia. 12Ka ko e ni‘ihi eni ‘e ‘ikai te mou kai:#14.12-18 ‘Oku ‘ikai ke ‘ilo‘i pau ‘a e ngaahi hingoa ‘o e fanga manu puna ‘e ni‘ihi ai. ko e ‘īkale, mo e fesifesihui, mo e ‘osipalei; 13mo e kaite, mo e faokona, mo e fa‘ahinga taia; 14ko e fa‘ahinga lēveni kotoa pē; 15mo e ‘ositalesi, mo e toamasi, mo e tala, mo e ha‘a haoke; 16mo e lulu, mo e lulu lahi, mo e ipisi; 17mo e pelikani, mo e vulitua, mo e komolani; 18mo e sitoake, mo e ha‘a motuku, mo e hupo, mo e peka.
19Ka ko e fa‘ahinga totolo kotoa pē ‘oku kapakau ‘oku ta‘ema‘a kiate kimoutolu: ‘e ‘ikai kai ia. 20‘Ilonga ha manu kapakau ‘oku ma‘a, te mou kai ia.
21‘Oku tapu ho‘omou kai ha me‘a ‘oku mate ‘iate ia pē: ‘e ngofua ho‘o foaki ki he muli ‘oku nofo ‘i ho kolo ke ne kai ‘e ia; pea ke fakatau ia ki ha tea; he ko e kakai koe ‘oku tāpuhā kia Sihova ko ho ‘Otua.#‘Eki 23.19; 34.26 ‘E ‘ikai te ke haka ha ki‘i kosi ‘i he huhu‘a ‘o ‘ene fa‘ē.
22Te ke mātu‘aki vahehongofulu ‘a e fua kotoa ‘o ho‘o pulopula, ‘a ia ‘oku tupu ‘i he ngoue‘anga ‘i he ta‘u mo e ta‘u.#Lev 27.30-33; Nōm 18.21 23Pea te ke kai ‘i he ‘ao ‘o Sihova ko ho ‘Otua, ‘i he potu te ne fili ki ai ke ‘afio ai hono huafa, ‘io, te ke kai ai ‘a e vahehongofulu ‘o ho‘o uite, ‘o ho‘o uaine, mo ho‘o lolo, pea mo e ngaahi ‘olopo‘ou ‘o ho‘o monumanu; koe‘uhi ke ke ako ke ‘apasia kia Sihova ko ho ‘Otua ma‘u ai pē. 24Pea kapau ‘oku lōloa fau ‘a e hala kiate koe, ‘o ‘ikai te ke lava ke fetuku ia koe‘uhi ‘oku mama‘o fau ‘a e potu kuo fili ki ai ‘e Sihova ko ho ‘Otua ke ‘ai ki ai hono huafa, he kuo tāpuaki‘i koe ‘e Sihova ko ho ‘Otua: 25pea te ke fetongi pa‘anga ia, pea te ke fakapona ‘a e pa‘anga, ‘o to‘o; pea te ke ‘alu ki he potu ‘e fili ki ai ‘e Sihova ko ho ‘Otua: 26pea te ke fakatau ‘aki ‘a e pa‘anga ko ia ha me‘a ‘oku holi ki ai ho loto, ko e pulu, pe ko e sipi, pe ko e uaine, pe ko e kava mālohi, mo e hā fua ‘oku tangi ki ai ho loto: pea te ke kai ia ‘i ai ‘i he ‘ao ‘o Sihova ko ho ‘Otua, pea te ke fakafiefia ‘a ko e mo ho fale:
27pea ‘e ‘ikai te ke li‘aki ‘a e Līvai ‘oku nofo ‘i ho kolo, he na‘e ‘ikai te ne ‘inasi pe tofi‘a fakataha mo koe. 28‘I he a‘u ki he faka‘osi ‘o ha tolu ta‘u, te ke ‘omi kātoa ‘a e vahehongofulu ‘o ho‘o fua ‘i he ta‘u ko ia, pea te ke fa‘oaki ‘i ho ngaahi matanikolo: 29pea ‘e ha‘u ‘a e Līvai (he na‘e ‘ikai te ne ‘inasi pe tofi‘a fakataha mo koe), pea ‘e ha‘u mo e muli, mo e tamai mate, mo e uitou, ‘a ia ‘oku ‘i ho kolo, pea te nau kai ke mākona; koe‘uhi ke tāpuaki‘i koe ‘e Sihova ko ho ‘Otua ‘i he ngaahi me‘a kehekehe ‘oku ke ala ki ai ke fai.
Currently Selected:
KO TEUTALŌNOME 14: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
