KO TĀNIELA 9
9
Ko Hono Hūfia ‘e Tāniela ‘a Hono Kakaí
1‘I HE ‘uluaki ta‘u ‘o Talaiasi ko e ‘alo ‘o ‘Ehasivelo, ko e taha ‘o e hako‘i Mītia, ‘a ia na‘e fakanofo ke tu‘i ‘i he pule‘anga ‘o e kau Kalitia; 2‘io, ‘i he ‘uluaki ta‘u ‘o ‘ene pule, ko au Tāniela na‘a ku ‘ilo mei he ngaahi tohi, ‘a e lau ‘o e ta‘u ‘a ia na‘e hoko ai ‘a e folofola ‘a Sihova kia Selemaia Palōfita, ‘o pehē ke kakato ai ‘a e fu‘u maumau ‘o Selusalema–tā ko e fitungofulu‘i ta‘u.#Sel 25.11; 29.10 3Pea u ‘ai hoku mata kia ‘Ātonai ‘Elohimi, ke ha‘ao ki ai ‘aki ‘a e lotu mo e hū, ō mo e ‘aukai mo e ‘ai tauanga‘a mo e paniefua. 4Pea u hū kia Sihova ko hoku ‘Otua, ‘o u fai ‘eku vete hia.
Pea u pehē, ‘Ēī ‘Ātonai, ko e ‘Otua Lahi mo Fakailifia, ‘a e ‘Afiona ‘oku tauhi ‘a e kovinānite mo e ‘ofa ma‘anautolu ‘oku ‘ofa kiate koe mo tauhi ho‘o ngaahi tu‘utu‘uni.
5Kuo mau hia, pea kuo mau fai kovi, pea kuo mau talangata‘a, pea kuo mau angatu‘u, pea kuo mau afe mei ho‘o ngaahi tu‘utu‘uni pea mo ho‘o ngaahi kupu‘i konisitūtone. 6Pea kuo ‘ikai te mau fakaongo ki ho‘o kau tamaio‘eiki ko e kau palōfita, ‘a ia na‘a nau lea ‘i ho huafa ki homau ngaahi tu‘i, ki homau hou‘eiki, pea ki he‘emau ngaahi kui, ‘io, ki he kakai kotoa ‘o e fonua. 7‘E ‘Ātonai, ‘oku ‘i he ‘Afiona ‘a e totonu, ka ‘oku ‘iate kimautolu ‘a e laea, hangē ko ia ‘oku lolotonga ni; ‘io, ‘oku ‘a e tangata Siuta, mo e nofo Selusalema, mo e ‘Isileli kotoa, ‘a e nofo ofi mo e nofo mama‘o, ‘i he ngaahi fonua kehekehe kuo ke veteki kinautolu ki ai, koe‘uhi ko ‘enau hia na‘a nau fai kiate koe. 8‘Ātonai ē, ‘oku ‘amautolu ‘a e laea, ‘a homau ngaahi tu‘i, ‘a homau hou‘eiki, mo ‘emau ngaahi kui, koe‘uhi kuo mau hia ki he ‘Afiona. 9Ko e tau ‘o ‘Ātonai ko homau ‘Otua ke mohu ‘alo‘ofa, pea ke mohu fakamolemole; hono kuo mau angatu‘u kiate ia; 10pea kuo ‘ikai te mau fakaongo ki he le‘o ‘o Sihova ko homau ‘Otua, ke fou ‘i he‘ene ngaahi lao, ‘a ia na‘a ne tuku ‘i homau ‘ao, ‘o fakafai ‘i he‘ene kau tamaio‘eiki ko e kau palōfita. 11‘Io, ko ‘Isileli kotoa kuo laka kehe mo ho‘o lao, ‘o nau afe, ke ‘oua te nau ongo‘i ho le‘o: ko hono ō ia kuo mahua kiate kimautolu ‘a e mala, mo e fuakava kuo tohi ‘i he Lao ‘a Mōsese ko e sevāniti ‘a ‘Elohimi; he kuo mau hia ki he ‘Afiona 12Pea kuo ne fakapapau ‘ene ngaahi folofola, ‘a ia na‘a ne folofola kiate kimautolu, pea ki he kau fakamaau na‘e fakamaau kimautolu, ‘ene ‘omi kiate kimautolu ha kovi lahi: he tala‘ehai kuo fai ‘i he lalo langi kātoa hangē ko e fai ki Selusalema. 13‘O hangē ko e me‘a kuo tohi ‘i he Lao ‘a Mōsese, kuo pehē ‘a e hoko ‘a e fu‘u kovi ni kiate kimautolu; ka tala‘ehai kuo mau fai ke fakamokomoko ‘a e finangalo ‘o Sihova ko homau ‘Otua, ke mau foki mei he‘emau ngaahi kovi, mo ‘ilo ‘a e mo‘oni ‘o ho‘o ngaahi tala. 14Ko ia na‘e lamasi ai ‘e Sihova ‘a e kovi ke ‘omi kiate kimautolu: he ‘oku tonuhia ‘a Sihova ko homau ‘Otua ‘i he ngaahi me‘a ‘oku ne fai, he tala‘ehai kuo mau fakaongo ki hono le‘o.
15Pea ko eni, ‘Ātonai ko homau ‘Otua, ‘a e ‘Afiona na‘a ke ‘omi ho kakai mei ‘Isipite ‘aki ha nima mālohi, ‘o ke ma‘u ai ha ongoongo, ‘o hangē ko ia ‘oku lolotonga ni; kuo mau hia, kuo mau talangata‘a. 16‘Ātonai ē, ke lolou mu‘a ho‘o houhau mo ho kakaha mei ho kolo ko Selusalema, ‘a ho mo‘unga tapu:#9.16 mo‘unga tapu; (vakai ki he Saione ‘i he Ngaahi ‘Uhinga‘i Leá. ke hoa mo ho‘o fu‘u faitotonu ko ena: he ko Selusalema mo ho kakai kuo hoko ko e manuki‘anga ki he nofo takatakai kotoa, koe‘uhi ko ‘emau ngaahi angahala, mo e ngaahi kovi ‘a ‘emau mātu‘a. 17Pea ko eni, ‘e homau ‘Otua, ongo‘i ‘a e lotu ‘a ho‘o tamaio‘eiki, mo ‘ene ngaahi hū, pea tuku ke ulo mai ho fofonga ki ho potu tapu kuo lala, telia ‘a ‘Ātonai. 18‘E hoku ‘Otua, ofe‘i mai ho fofonga, pea ke fanongoa; ‘ā ho ongo fo‘i fofonga na, ‘o ke sio ki he ngaahi fu‘u lala ‘amautolu, mo e kolo ‘oku ui ‘aki ho huafa. He ‘oku ‘ikai te mau ‘atu ‘emau hū ‘i ho ‘ao koe‘uhi ko ha‘amau mā‘oni‘oni, ka koe‘uhi ko e tu‘una ho‘o ngaahi ‘alo‘ofa. 19‘Ātonai ē, fanongo mai; ‘Ātonai ē, fakamolemole: ‘Ātonai ē, finangalo mai mo fai; ‘e hoku ‘Otua, ‘oua te ke fakatotoka, telia ‘a e ‘Afiona, he ko ho huafa ‘oku ui ‘aki ho kolo mo ho kakai.
Ko Hono Faka‘uhinga ‘e Kepaleli ‘a e Kikité
20Pea lolotonga na‘a ku kei lea mo lotu, ‘o vete ‘eku hia ‘a‘aku, mo e hia ‘a hoku kakai ‘Isileli, mo ‘atu ‘eku hū ki he ‘ao ‘o Sihova ko hoku ‘Otua koe‘uhi ko e mo‘unga tapu ‘o hoku ‘Otua; 21‘io, lolotonga ‘oku ou kei lea ‘i he‘eku lotu, ‘iloange ko e tangata ko Kepaleli, ‘a ia na‘a ku sio ki ai ‘i he vīsone mu‘a, na‘e kouna ke puna#9.21 Ko e hiki eni he Sepituakiní. Ko e hiki ‘e taha: kuo mate ongosia. vave mai, ‘o ne ala kiate au fe‘unga mo e ‘atu ‘a e feilaulau efiafi.#Luk 1.19,26 22Pea ne fakamahino mai, ‘o ne talanoa mo au, ‘o ne pehē, ‘E Tāniela, ko e taimi ni#9.22 pe Ko e ālonga eni ‘eku lava mai. kuo u a‘u mai ke faka‘uhinga me‘a kiate koe. 23‘I he kamata ho‘o hū na‘e ‘alu atu ‘a e fekau, pea ko au eni kuo u a‘u mai ke fakamatala; he ko e ‘ofeina lahi koe: ko ia ke ke tokanga ki he me‘a, pea ke ‘ilo ki he ‘uhinga ‘o e me‘a na‘e hā.
24Ko e fitungofulu‘i uike kuo kotofa ki ho kakai, pea ki ho kolo tapu, ke faka‘osi ‘a e angahala, pea ke sila‘i ‘a e hia, pea ke fakamolemole#9.24 pe ke ‘atu ha holo ma‘a e. ‘a e kovi, pea ke fakahū mai ‘a e mā‘oni‘oni ta‘engata, pea ke sila‘i ‘a e vīsone mo e palofisai, pea ke pani ha potu#9.24 pe ha tāpuhā ‘o e tāpuhā, pe Temipale. ‘Ōlita. toputapu 25Ke ke ‘ilo foki, pea ke mahino kiate koe; mei he ‘alu atu ‘a e fekau ke fokotu‘u fo‘ou mo langa ‘a Selusalema, ‘o a‘u kia Mīsaia ko e ‘Eiki, ko e uike ‘e fitu mo e uike ‘e onongofulu mā ua: ‘e toe fokotu‘u mo langa ‘a e mala‘e#9.25 pe hala; pe keli. mo e ‘ā, pea ‘i he ngaahi taimi ‘efihia foki. 26Pea hili ‘a e onongofulu mā ua‘i uike ‘e tu‘usi#9.26 tu‘usi: ‘Oku ‘Oku ‘ikai ke mahino ‘a hono faka-Hepeluú, ka ‘oku pehē ‘i he hiki fuoloa ‘e ni‘ihi: tu‘usi ta‘etotonu. ‘a e MĪSAIA; pea ‘ikai kei ‘o‘ona ia:#9.26 Ko te me‘a ‘oku fihi. ‘io, ko e kolo mo e potu tapu ‘e faka‘auha ‘e he kakai ‘o ha ‘eiki ‘e ha‘u; pea ko e faka‘osi ‘o‘ona ‘e ‘aki ‘a e lōmaki ko ia, pea ‘e fai tau ‘o a‘u ki he ngata‘anga: kuo tu‘utu‘uni ha ngaahi lala. 27Pea te ne navei ‘a e kovinānite ki ha tokolahi ‘i he taha‘i uike; pea ‘i he vaeua ‘o e uike ko ia te ne fakangata ‘a e feilaulau toto mo e feilaulau kehe: pea ‘e tu‘u ‘i he kapakau ‘o e koto fakalielia ha taha fakalala.#9.27: ha taha fakalala: ‘Oku fihi ‘aupito, pea lahi hono hiki kehekehe. Ka ko ha ‘īmisi faka-Hīteni nai ia na‘e fokotu‘u ‘i he Temipale ‘i Selusalemá ‘e ha kau tau muli (vakai kia Makapaio 1.54-61). ‘o a‘u ki he fakakakato, mo e me‘a kuo tu‘utu‘uni, ‘a ia ‘e huhua ki he me‘a ‘oku fakalala.#Tān 11.31; 12.11; Māt 24.15; Ma‘ake 13.14
Currently Selected:
KO TĀNIELA 9: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO TĀNIELA 9
9
Ko Hono Hūfia ‘e Tāniela ‘a Hono Kakaí
1‘I HE ‘uluaki ta‘u ‘o Talaiasi ko e ‘alo ‘o ‘Ehasivelo, ko e taha ‘o e hako‘i Mītia, ‘a ia na‘e fakanofo ke tu‘i ‘i he pule‘anga ‘o e kau Kalitia; 2‘io, ‘i he ‘uluaki ta‘u ‘o ‘ene pule, ko au Tāniela na‘a ku ‘ilo mei he ngaahi tohi, ‘a e lau ‘o e ta‘u ‘a ia na‘e hoko ai ‘a e folofola ‘a Sihova kia Selemaia Palōfita, ‘o pehē ke kakato ai ‘a e fu‘u maumau ‘o Selusalema–tā ko e fitungofulu‘i ta‘u.#Sel 25.11; 29.10 3Pea u ‘ai hoku mata kia ‘Ātonai ‘Elohimi, ke ha‘ao ki ai ‘aki ‘a e lotu mo e hū, ō mo e ‘aukai mo e ‘ai tauanga‘a mo e paniefua. 4Pea u hū kia Sihova ko hoku ‘Otua, ‘o u fai ‘eku vete hia.
Pea u pehē, ‘Ēī ‘Ātonai, ko e ‘Otua Lahi mo Fakailifia, ‘a e ‘Afiona ‘oku tauhi ‘a e kovinānite mo e ‘ofa ma‘anautolu ‘oku ‘ofa kiate koe mo tauhi ho‘o ngaahi tu‘utu‘uni.
5Kuo mau hia, pea kuo mau fai kovi, pea kuo mau talangata‘a, pea kuo mau angatu‘u, pea kuo mau afe mei ho‘o ngaahi tu‘utu‘uni pea mo ho‘o ngaahi kupu‘i konisitūtone. 6Pea kuo ‘ikai te mau fakaongo ki ho‘o kau tamaio‘eiki ko e kau palōfita, ‘a ia na‘a nau lea ‘i ho huafa ki homau ngaahi tu‘i, ki homau hou‘eiki, pea ki he‘emau ngaahi kui, ‘io, ki he kakai kotoa ‘o e fonua. 7‘E ‘Ātonai, ‘oku ‘i he ‘Afiona ‘a e totonu, ka ‘oku ‘iate kimautolu ‘a e laea, hangē ko ia ‘oku lolotonga ni; ‘io, ‘oku ‘a e tangata Siuta, mo e nofo Selusalema, mo e ‘Isileli kotoa, ‘a e nofo ofi mo e nofo mama‘o, ‘i he ngaahi fonua kehekehe kuo ke veteki kinautolu ki ai, koe‘uhi ko ‘enau hia na‘a nau fai kiate koe. 8‘Ātonai ē, ‘oku ‘amautolu ‘a e laea, ‘a homau ngaahi tu‘i, ‘a homau hou‘eiki, mo ‘emau ngaahi kui, koe‘uhi kuo mau hia ki he ‘Afiona. 9Ko e tau ‘o ‘Ātonai ko homau ‘Otua ke mohu ‘alo‘ofa, pea ke mohu fakamolemole; hono kuo mau angatu‘u kiate ia; 10pea kuo ‘ikai te mau fakaongo ki he le‘o ‘o Sihova ko homau ‘Otua, ke fou ‘i he‘ene ngaahi lao, ‘a ia na‘a ne tuku ‘i homau ‘ao, ‘o fakafai ‘i he‘ene kau tamaio‘eiki ko e kau palōfita. 11‘Io, ko ‘Isileli kotoa kuo laka kehe mo ho‘o lao, ‘o nau afe, ke ‘oua te nau ongo‘i ho le‘o: ko hono ō ia kuo mahua kiate kimautolu ‘a e mala, mo e fuakava kuo tohi ‘i he Lao ‘a Mōsese ko e sevāniti ‘a ‘Elohimi; he kuo mau hia ki he ‘Afiona 12Pea kuo ne fakapapau ‘ene ngaahi folofola, ‘a ia na‘a ne folofola kiate kimautolu, pea ki he kau fakamaau na‘e fakamaau kimautolu, ‘ene ‘omi kiate kimautolu ha kovi lahi: he tala‘ehai kuo fai ‘i he lalo langi kātoa hangē ko e fai ki Selusalema. 13‘O hangē ko e me‘a kuo tohi ‘i he Lao ‘a Mōsese, kuo pehē ‘a e hoko ‘a e fu‘u kovi ni kiate kimautolu; ka tala‘ehai kuo mau fai ke fakamokomoko ‘a e finangalo ‘o Sihova ko homau ‘Otua, ke mau foki mei he‘emau ngaahi kovi, mo ‘ilo ‘a e mo‘oni ‘o ho‘o ngaahi tala. 14Ko ia na‘e lamasi ai ‘e Sihova ‘a e kovi ke ‘omi kiate kimautolu: he ‘oku tonuhia ‘a Sihova ko homau ‘Otua ‘i he ngaahi me‘a ‘oku ne fai, he tala‘ehai kuo mau fakaongo ki hono le‘o.
15Pea ko eni, ‘Ātonai ko homau ‘Otua, ‘a e ‘Afiona na‘a ke ‘omi ho kakai mei ‘Isipite ‘aki ha nima mālohi, ‘o ke ma‘u ai ha ongoongo, ‘o hangē ko ia ‘oku lolotonga ni; kuo mau hia, kuo mau talangata‘a. 16‘Ātonai ē, ke lolou mu‘a ho‘o houhau mo ho kakaha mei ho kolo ko Selusalema, ‘a ho mo‘unga tapu:#9.16 mo‘unga tapu; (vakai ki he Saione ‘i he Ngaahi ‘Uhinga‘i Leá. ke hoa mo ho‘o fu‘u faitotonu ko ena: he ko Selusalema mo ho kakai kuo hoko ko e manuki‘anga ki he nofo takatakai kotoa, koe‘uhi ko ‘emau ngaahi angahala, mo e ngaahi kovi ‘a ‘emau mātu‘a. 17Pea ko eni, ‘e homau ‘Otua, ongo‘i ‘a e lotu ‘a ho‘o tamaio‘eiki, mo ‘ene ngaahi hū, pea tuku ke ulo mai ho fofonga ki ho potu tapu kuo lala, telia ‘a ‘Ātonai. 18‘E hoku ‘Otua, ofe‘i mai ho fofonga, pea ke fanongoa; ‘ā ho ongo fo‘i fofonga na, ‘o ke sio ki he ngaahi fu‘u lala ‘amautolu, mo e kolo ‘oku ui ‘aki ho huafa. He ‘oku ‘ikai te mau ‘atu ‘emau hū ‘i ho ‘ao koe‘uhi ko ha‘amau mā‘oni‘oni, ka koe‘uhi ko e tu‘una ho‘o ngaahi ‘alo‘ofa. 19‘Ātonai ē, fanongo mai; ‘Ātonai ē, fakamolemole: ‘Ātonai ē, finangalo mai mo fai; ‘e hoku ‘Otua, ‘oua te ke fakatotoka, telia ‘a e ‘Afiona, he ko ho huafa ‘oku ui ‘aki ho kolo mo ho kakai.
Ko Hono Faka‘uhinga ‘e Kepaleli ‘a e Kikité
20Pea lolotonga na‘a ku kei lea mo lotu, ‘o vete ‘eku hia ‘a‘aku, mo e hia ‘a hoku kakai ‘Isileli, mo ‘atu ‘eku hū ki he ‘ao ‘o Sihova ko hoku ‘Otua koe‘uhi ko e mo‘unga tapu ‘o hoku ‘Otua; 21‘io, lolotonga ‘oku ou kei lea ‘i he‘eku lotu, ‘iloange ko e tangata ko Kepaleli, ‘a ia na‘a ku sio ki ai ‘i he vīsone mu‘a, na‘e kouna ke puna#9.21 Ko e hiki eni he Sepituakiní. Ko e hiki ‘e taha: kuo mate ongosia. vave mai, ‘o ne ala kiate au fe‘unga mo e ‘atu ‘a e feilaulau efiafi.#Luk 1.19,26 22Pea ne fakamahino mai, ‘o ne talanoa mo au, ‘o ne pehē, ‘E Tāniela, ko e taimi ni#9.22 pe Ko e ālonga eni ‘eku lava mai. kuo u a‘u mai ke faka‘uhinga me‘a kiate koe. 23‘I he kamata ho‘o hū na‘e ‘alu atu ‘a e fekau, pea ko au eni kuo u a‘u mai ke fakamatala; he ko e ‘ofeina lahi koe: ko ia ke ke tokanga ki he me‘a, pea ke ‘ilo ki he ‘uhinga ‘o e me‘a na‘e hā.
24Ko e fitungofulu‘i uike kuo kotofa ki ho kakai, pea ki ho kolo tapu, ke faka‘osi ‘a e angahala, pea ke sila‘i ‘a e hia, pea ke fakamolemole#9.24 pe ke ‘atu ha holo ma‘a e. ‘a e kovi, pea ke fakahū mai ‘a e mā‘oni‘oni ta‘engata, pea ke sila‘i ‘a e vīsone mo e palofisai, pea ke pani ha potu#9.24 pe ha tāpuhā ‘o e tāpuhā, pe Temipale. ‘Ōlita. toputapu 25Ke ke ‘ilo foki, pea ke mahino kiate koe; mei he ‘alu atu ‘a e fekau ke fokotu‘u fo‘ou mo langa ‘a Selusalema, ‘o a‘u kia Mīsaia ko e ‘Eiki, ko e uike ‘e fitu mo e uike ‘e onongofulu mā ua: ‘e toe fokotu‘u mo langa ‘a e mala‘e#9.25 pe hala; pe keli. mo e ‘ā, pea ‘i he ngaahi taimi ‘efihia foki. 26Pea hili ‘a e onongofulu mā ua‘i uike ‘e tu‘usi#9.26 tu‘usi: ‘Oku ‘Oku ‘ikai ke mahino ‘a hono faka-Hepeluú, ka ‘oku pehē ‘i he hiki fuoloa ‘e ni‘ihi: tu‘usi ta‘etotonu. ‘a e MĪSAIA; pea ‘ikai kei ‘o‘ona ia:#9.26 Ko te me‘a ‘oku fihi. ‘io, ko e kolo mo e potu tapu ‘e faka‘auha ‘e he kakai ‘o ha ‘eiki ‘e ha‘u; pea ko e faka‘osi ‘o‘ona ‘e ‘aki ‘a e lōmaki ko ia, pea ‘e fai tau ‘o a‘u ki he ngata‘anga: kuo tu‘utu‘uni ha ngaahi lala. 27Pea te ne navei ‘a e kovinānite ki ha tokolahi ‘i he taha‘i uike; pea ‘i he vaeua ‘o e uike ko ia te ne fakangata ‘a e feilaulau toto mo e feilaulau kehe: pea ‘e tu‘u ‘i he kapakau ‘o e koto fakalielia ha taha fakalala.#9.27: ha taha fakalala: ‘Oku fihi ‘aupito, pea lahi hono hiki kehekehe. Ka ko ha ‘īmisi faka-Hīteni nai ia na‘e fokotu‘u ‘i he Temipale ‘i Selusalemá ‘e ha kau tau muli (vakai kia Makapaio 1.54-61). ‘o a‘u ki he fakakakato, mo e me‘a kuo tu‘utu‘uni, ‘a ia ‘e huhua ki he me‘a ‘oku fakalala.#Tān 11.31; 12.11; Māt 24.15; Ma‘ake 13.14
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.