KO TĀNIELA 10
10
Ko e Mata Vīsone ‘a Tāniela ‘i he Ve‘e Vaitafe ko Hitikeli
1‘I HONO tolu ta‘u ‘o Kōlesi ko e Tu‘i Pēsia, na‘e tatala ha me‘a kia Tāniela, ‘a e toko taha na‘e fakahingoa ko Pelitisasa; pea ‘oku kau ‘a e me‘a ki he “mo‘oni” mo e “hōsitē” lahi:#10.1 pea ‘oku… lahi: Ko e sio nai ki he vahe 8 veesi 12. Ka ko e kupu fihi ‘aupito. Ko e hiki ‘e taha: ‘Oku mo‘oni ‘a e me‘á, pea ‘oku kau ki ha tau lahi; pe faingata‘a lahi, ka ‘oku ngali tonu hono hiki ‘o: pea ko e fekau ia na‘e mahino kae mahinongata‘a ‘aupito. pea na‘e mahino ‘a e me‘a, pea ne ma‘u hono ‘uhinga mei he me‘a na‘e hā.
2‘I he taimi ko ia ko au Tāniela ne u fakamamahi ‘o uike ‘e tolu mālō. 3Ko e me‘akai vovo na‘e ‘ikai te u kai, pea na‘e ‘ikai hū ki hoku ngutu ha kanomate, pe uaine; pea na‘e ‘ikai te u momo‘i pani, kae‘oua ke kakato ha tolu‘i uike mālō.
4Pea ‘i hono ‘aho uofulu mā fā ‘o e ‘uluaki māhina, ‘oku ou tu‘u ‘i he ve‘e vaitafe lahi, ‘a ia ko Hitikeli:#10.4 Hitikeli; pe Taikilisi. 5‘Iloange na‘a ku tāngaki hoku mata, ‘o u fakasio, pea tā ko e taha‘i tangata ena, ‘oku kofu tupenu hinehina, pea na‘e no‘o hono kongaloto ‘aki ‘a e koula ‘asinisini mei ‘Āfasi;#Fkhā 1.13-15; 2.18; 19.12 6pea ko hono sino na‘e hangē ko e kalisolaite, pea ko hono fōtunga na‘e hangē ko e ‘uhila, pea ko hono ongo fo‘i fofonga na‘e hangē ko e ongo maama afi, pea ko hono ongo nima mo hono to‘ukupu na‘e hangē ko e palasa ‘afu hina, pea ko e ongo mai ‘ene lea na‘e hangē ko e lea ‘a ha fu‘ufu‘unga kakai.
7Pea ko au Tāniela toko taha na‘e mamata ki he vīsone; he ko e tu‘unga me‘a na‘e ‘iate au na‘e ‘ikai te nau sio ki ai, ka na‘e tō kiate kinautolu ha fu‘u tete, pea nau hola ke toi. 8Ko ia, na‘a ku toe toko taha ke mamata ki he vīsone lahi ko ē; pea na‘e ‘ikai toe haku ivi, pea na‘e liliu hoku pahapaha ‘o hangē kuo ohi, pea na‘e ‘ikai te u mata‘ofi mai ha ivi. 9Pea u ongo‘i ‘a e le‘o ‘o ‘ene ngaahi lea; pea ‘i he‘eku ongo‘i ‘a e le‘o ‘o ‘ene ngaahi lea na‘a ku mo‘u matea, ‘o fo‘ohifo, ‘io, ‘o fo‘ohifo ki he kelekele. 10Pea ‘iloange na‘e lave kiate au ha nima, ‘o hiki au ki hoku mata‘ulutui mo ‘aofi nima, ‘o u punou tete pē.
11Pea ne folofola mai, ‘E Tāniela, si‘i tangata ‘ofeina lahi, ke ‘uhinga kiate koe ‘a e ngaahi lea ‘oku ou fai atu, pea ke tu‘u totonu; he ko e ālonga mai eni hoku fekau kiate koe. Pea ‘i he‘ene talanoa pehē mo au, na‘a ku tu‘u, kae tete pē.
12Pea ne folofola mai, Si‘i Tāniela, ‘oua te ke manavahē; he talu e ‘uluaki ‘aho ‘o ho‘o tuku ho loto ke kumi hono ‘uhinga, pea ke fakavaivai koe ‘i he ‘ao ‘o ho ‘Otua, mo e ongona ho‘o ngaahi lea; pea ko au eni kuo u a‘u mai koe‘uhi ko ho‘o ngaahi lea. 13Ka ko e ‘eiki ‘o e pule‘anga ‘o Pēsia na‘e tu‘u ke ta‘ofi au, ‘o ‘aho ‘e uofulu mā taha: kae ‘iloange na‘e ha‘u ‘a Maikeli, ko e taha ‘i he hou‘eiki tu‘umu‘a, ‘o tokoni au; ko ia na‘a ku mālohi ‘i he potu ko ia, ‘a e ha‘oha‘onga ‘o e ngaahi Tu‘i Pēsia.#10.13 ‘Oku fihi ‘a e vēsí ni. #Fkhā 12.7 14Pea kuo u ha‘u ke fakamahino kiate koe ‘a e me‘a ‘e hoko ki ho kakai ‘i he ngaahi ‘aho ‘amui; he ‘oku kau ‘a e vīsone ki ha taimi mama‘o.
15Pea ‘i he‘ene talanoa pehē mo au, na‘a ku ‘ai hoku mata ki he kelekele, ‘o u longomate. 16Pea ‘iloange ko e taha na‘e fōtunga tatau mo e hako‘i tangata, na‘a ne ala ki hoku loungutu, pea u mafa‘a hoku ngutu, ‘o u fakatau folofola hake, ‘o u pehē kiate ia na‘e tu‘u ‘i hoku ‘ao, ‘Ēī, ko e me‘a ‘i he vīsone kuo langa ai ‘eku mamahi, pea ‘oku ‘ikai te u kei mata‘ofi ha ivi. 17Pea lava fēfē ‘a kita me‘avale ange fau kiate koe, ke talanoa mo ha ‘eiki hangē ko koe; he ko e me‘a kiate au na‘e ‘ikai leva kei toe ‘iate au ha ivi, pea na‘e ‘ikai toe ‘iate au ha mānava.
18Pea toe ala kiate au ha taha na‘e matamata ko e tangata, ‘o ne ‘omi ha ivi kiate au. 19Pea ne folofola, ‘Oua te ke manavahē, si‘i tangata ‘ofeina lahi, fiemālie pē; nasi, ‘io, nasi hifo ho‘o tu‘u.
Pea ‘i he‘ene lea kiate au, na‘a ku ma‘u mālohi, pea u fakalea hake, ‘Ēī, fai mai ho‘o folofola; he kuo ke ‘omi ha ivi kiate au.
20Pea ne pehē, ‘Oku ke ‘ilo pe ko e hā kuo u ha‘u ai kiate koe, pea ko e taimi ni te u foki ke fai tau ki he ‘eiki ‘o Pēsia; pea lolotonga ‘eku ‘alu atu, tā ko e ‘eiki ‘o Kalisi ena ‘oku ha‘u.#10.20: pea lolotonga… ha‘u: ‘Oku fihi. ‘Oku toe hiki foki: ka u ka ‘alu ‘atu, ‘e ha‘u. 21Ka u fakahā mu‘a kiate koe ‘a e me‘a kuo tongi ‘i he tohi ‘o e mo‘oni; pea ‘oku ‘ikai ha taha ‘oku pukepuke au ‘i he fai kiate kinautolu na, ko Maikeli pē ko e ‘eiki ‘omoutolu. Ko au foki na‘a ku tu‘u ke pukepuke ia, mo poupou ki ai, ‘i he ‘uluaki ta‘u ‘o Talaiasi ko e Mītia.
Currently Selected:
KO TĀNIELA 10: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO TĀNIELA 10
10
Ko e Mata Vīsone ‘a Tāniela ‘i he Ve‘e Vaitafe ko Hitikeli
1‘I HONO tolu ta‘u ‘o Kōlesi ko e Tu‘i Pēsia, na‘e tatala ha me‘a kia Tāniela, ‘a e toko taha na‘e fakahingoa ko Pelitisasa; pea ‘oku kau ‘a e me‘a ki he “mo‘oni” mo e “hōsitē” lahi:#10.1 pea ‘oku… lahi: Ko e sio nai ki he vahe 8 veesi 12. Ka ko e kupu fihi ‘aupito. Ko e hiki ‘e taha: ‘Oku mo‘oni ‘a e me‘á, pea ‘oku kau ki ha tau lahi; pe faingata‘a lahi, ka ‘oku ngali tonu hono hiki ‘o: pea ko e fekau ia na‘e mahino kae mahinongata‘a ‘aupito. pea na‘e mahino ‘a e me‘a, pea ne ma‘u hono ‘uhinga mei he me‘a na‘e hā.
2‘I he taimi ko ia ko au Tāniela ne u fakamamahi ‘o uike ‘e tolu mālō. 3Ko e me‘akai vovo na‘e ‘ikai te u kai, pea na‘e ‘ikai hū ki hoku ngutu ha kanomate, pe uaine; pea na‘e ‘ikai te u momo‘i pani, kae‘oua ke kakato ha tolu‘i uike mālō.
4Pea ‘i hono ‘aho uofulu mā fā ‘o e ‘uluaki māhina, ‘oku ou tu‘u ‘i he ve‘e vaitafe lahi, ‘a ia ko Hitikeli:#10.4 Hitikeli; pe Taikilisi. 5‘Iloange na‘a ku tāngaki hoku mata, ‘o u fakasio, pea tā ko e taha‘i tangata ena, ‘oku kofu tupenu hinehina, pea na‘e no‘o hono kongaloto ‘aki ‘a e koula ‘asinisini mei ‘Āfasi;#Fkhā 1.13-15; 2.18; 19.12 6pea ko hono sino na‘e hangē ko e kalisolaite, pea ko hono fōtunga na‘e hangē ko e ‘uhila, pea ko hono ongo fo‘i fofonga na‘e hangē ko e ongo maama afi, pea ko hono ongo nima mo hono to‘ukupu na‘e hangē ko e palasa ‘afu hina, pea ko e ongo mai ‘ene lea na‘e hangē ko e lea ‘a ha fu‘ufu‘unga kakai.
7Pea ko au Tāniela toko taha na‘e mamata ki he vīsone; he ko e tu‘unga me‘a na‘e ‘iate au na‘e ‘ikai te nau sio ki ai, ka na‘e tō kiate kinautolu ha fu‘u tete, pea nau hola ke toi. 8Ko ia, na‘a ku toe toko taha ke mamata ki he vīsone lahi ko ē; pea na‘e ‘ikai toe haku ivi, pea na‘e liliu hoku pahapaha ‘o hangē kuo ohi, pea na‘e ‘ikai te u mata‘ofi mai ha ivi. 9Pea u ongo‘i ‘a e le‘o ‘o ‘ene ngaahi lea; pea ‘i he‘eku ongo‘i ‘a e le‘o ‘o ‘ene ngaahi lea na‘a ku mo‘u matea, ‘o fo‘ohifo, ‘io, ‘o fo‘ohifo ki he kelekele. 10Pea ‘iloange na‘e lave kiate au ha nima, ‘o hiki au ki hoku mata‘ulutui mo ‘aofi nima, ‘o u punou tete pē.
11Pea ne folofola mai, ‘E Tāniela, si‘i tangata ‘ofeina lahi, ke ‘uhinga kiate koe ‘a e ngaahi lea ‘oku ou fai atu, pea ke tu‘u totonu; he ko e ālonga mai eni hoku fekau kiate koe. Pea ‘i he‘ene talanoa pehē mo au, na‘a ku tu‘u, kae tete pē.
12Pea ne folofola mai, Si‘i Tāniela, ‘oua te ke manavahē; he talu e ‘uluaki ‘aho ‘o ho‘o tuku ho loto ke kumi hono ‘uhinga, pea ke fakavaivai koe ‘i he ‘ao ‘o ho ‘Otua, mo e ongona ho‘o ngaahi lea; pea ko au eni kuo u a‘u mai koe‘uhi ko ho‘o ngaahi lea. 13Ka ko e ‘eiki ‘o e pule‘anga ‘o Pēsia na‘e tu‘u ke ta‘ofi au, ‘o ‘aho ‘e uofulu mā taha: kae ‘iloange na‘e ha‘u ‘a Maikeli, ko e taha ‘i he hou‘eiki tu‘umu‘a, ‘o tokoni au; ko ia na‘a ku mālohi ‘i he potu ko ia, ‘a e ha‘oha‘onga ‘o e ngaahi Tu‘i Pēsia.#10.13 ‘Oku fihi ‘a e vēsí ni. #Fkhā 12.7 14Pea kuo u ha‘u ke fakamahino kiate koe ‘a e me‘a ‘e hoko ki ho kakai ‘i he ngaahi ‘aho ‘amui; he ‘oku kau ‘a e vīsone ki ha taimi mama‘o.
15Pea ‘i he‘ene talanoa pehē mo au, na‘a ku ‘ai hoku mata ki he kelekele, ‘o u longomate. 16Pea ‘iloange ko e taha na‘e fōtunga tatau mo e hako‘i tangata, na‘a ne ala ki hoku loungutu, pea u mafa‘a hoku ngutu, ‘o u fakatau folofola hake, ‘o u pehē kiate ia na‘e tu‘u ‘i hoku ‘ao, ‘Ēī, ko e me‘a ‘i he vīsone kuo langa ai ‘eku mamahi, pea ‘oku ‘ikai te u kei mata‘ofi ha ivi. 17Pea lava fēfē ‘a kita me‘avale ange fau kiate koe, ke talanoa mo ha ‘eiki hangē ko koe; he ko e me‘a kiate au na‘e ‘ikai leva kei toe ‘iate au ha ivi, pea na‘e ‘ikai toe ‘iate au ha mānava.
18Pea toe ala kiate au ha taha na‘e matamata ko e tangata, ‘o ne ‘omi ha ivi kiate au. 19Pea ne folofola, ‘Oua te ke manavahē, si‘i tangata ‘ofeina lahi, fiemālie pē; nasi, ‘io, nasi hifo ho‘o tu‘u.
Pea ‘i he‘ene lea kiate au, na‘a ku ma‘u mālohi, pea u fakalea hake, ‘Ēī, fai mai ho‘o folofola; he kuo ke ‘omi ha ivi kiate au.
20Pea ne pehē, ‘Oku ke ‘ilo pe ko e hā kuo u ha‘u ai kiate koe, pea ko e taimi ni te u foki ke fai tau ki he ‘eiki ‘o Pēsia; pea lolotonga ‘eku ‘alu atu, tā ko e ‘eiki ‘o Kalisi ena ‘oku ha‘u.#10.20: pea lolotonga… ha‘u: ‘Oku fihi. ‘Oku toe hiki foki: ka u ka ‘alu ‘atu, ‘e ha‘u. 21Ka u fakahā mu‘a kiate koe ‘a e me‘a kuo tongi ‘i he tohi ‘o e mo‘oni; pea ‘oku ‘ikai ha taha ‘oku pukepuke au ‘i he fai kiate kinautolu na, ko Maikeli pē ko e ‘eiki ‘omoutolu. Ko au foki na‘a ku tu‘u ke pukepuke ia, mo poupou ki ai, ‘i he ‘uluaki ta‘u ‘o Talaiasi ko e Mītia.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.