KO TĀNIELA 8
8
Ko e Vīsone ‘a Tāniela ki ha Sipi Tangata mo ha Kosi
1‘I HONO tolu ta‘u ‘o e pule ‘a Kingi Pelisasa na‘e hā ha vīsone kiate au, ‘a au Tāniela, hili ‘a e hā ‘a e me‘a na‘e hā kiate au mu‘a.#8.1 ‘Oku hiki faka-Hepelū ai pē ‘a e tohí ni mei he vēsí ni ‘o a‘u ki he‘ene ‘osi (vakai ange ki he 2.4). 2Pea ko e me‘a na‘a ku sio ki ai ‘i he vīsone: ‘iloange ‘i he‘eku sio, tā ‘oku ou ‘i Sūsani Lotokolo, ‘a ia ‘oku ‘i he vahefonua ko ‘Īlami, pea u vakai ‘i he‘eku vīsone ‘oku ou ‘i he ve‘e vaitafe ko ‘Ulai. 3Pea u tāngaki hake hoku mata, ‘o fakasio, pea tā ko e taha‘i sipi tangata ena ‘oku tu‘u ‘i he mata ‘o e vaitafe, pea na‘e ‘iate ia ha nifo ‘e ua: pea ko e ongo nifo na‘e loloa, ka na‘e lōloa ‘a e taha ‘i he taha, pea ko e lōloa taha na‘e tupu fakamuimui, 4Na‘a ku sio ki he sipi tangata ‘oku ne tui‘i atu ki lulunga mo e tokelau mo e tonga; pea na‘e ‘ikai lava ‘e he fanga manu ke tu‘u ‘i hono ‘ao, pea na‘e ‘ikai ha taha ‘e mafakahaofi mei hono nima; ko ia na‘a ne fai ‘ene fa‘iteliha, ‘o ne hoko ko e lahi.
5Pea lolotonga ‘oku ou fifili ki ai, tā ko e kosi tangata ena ‘oku ha‘u mei hihifo; ‘oku ne a‘a mai ‘i he ngaahi funga fonua, ka ‘oku ‘ikai te ne lave ki he kelekele: pea na‘e ma‘u ‘e he kosi tangata ha nifo na‘e fatu, ‘i he vaha‘a ‘o hono ongo mata. 6Pea ne a‘u ki he sipi tangata na‘e nifo ua, ‘a ia na‘a ku sio ki ai ‘oku ne tu‘u ‘i he mata ‘o e vaitafe, pea ne ‘oho fua ki ai ‘aki hono ivi kuo māfana. 7‘Io, na‘a ku sio ki ai ‘oku ne mātu‘aki pā atu ki he sipi tangata, ‘o ne lili ki ai, ‘o ne taa‘i ‘a e sipi tangata, ‘o ne maumau‘i hono ongo nifo; pea na‘e ‘ikai ha mālohi ‘i he sipi tangata ke matu‘uaki ia: pea ne humaki ia, ‘o ne malaki, pea na‘e ‘ikai ha taha ‘e mafakahaofi ‘a e sipi tangata mei hono nima.
8Pea faifai pea fotu ‘aupito ‘a e kosi tangata: pea ‘i he‘ene mālohi na‘e maumau ‘a e nifo lahi, pea tupu ke fetongi ia ha nifo ‘e fā na‘e ‘ilonga, ‘o hanga ki he matangi ‘e fā ‘o e langi, 9pea huli mei hanau taha ha taha‘i nifo, ‘a ia na‘e kamata mei he si‘i ‘aupito, ka ne hoko ko e me‘a lahi ange fau, ‘i he fai ki he tonga mo hahake, pea ki he Fonua Siueli. 10Pea ne tupu ai pē ‘o lahi, ‘o a‘u ki he hōsitē ‘o langi; pea ne lī hifo ki he fonua ha ni‘ihi ‘o e hōsitē ko ia, ‘io, ha ni‘ihi ‘o e ngaahi fetu‘u, ‘o ne malakekina kinautolu.#Fkhā 12.4 11‘Io, na‘a ne fakapupula ia ‘o a‘u ki he ‘eiki ‘o e hōsitē, ‘o ne ‘ave meiate ia ‘a e lotu tu‘u ma‘u, pea na‘e tuku li‘aki ‘a e me‘a kuo langa mōno potu tapu. 12Pea ‘e kanoni ‘aki ‘a e me‘a ‘oku fai ki he lotu tu‘u ma‘u ‘a e tukuange ‘a e hōsitē koe‘uhi ko e fai talangata‘a;#8.12 Pea… talangata‘a; ‘Oku ‘ikai ke mahino ‘a hono faka-Hepelū ‘o e kupu ko ‘ení. pea te ne lī hifo ki he kelekele ‘a e mo‘oni, pea ne fai me‘a, ‘o tu‘umālie.
13Pea na‘a ku fanongo ki ha taha ‘i he fa‘ahinga tapu ‘oku lea; pea tali ki he toko taha ko ia na‘e lea ha taha kehe ‘o e fa‘ahinga tapu, ‘E a‘u ki he taimi fē ‘a e vīsone ‘oku kau ki he lotu tu‘u ma‘u, mo e talangata‘a ‘oku fakangaongao, ‘a e tuku ‘a e potu tapu mo e hōsitē ke malakekina fakatou‘osi?
14Pea ne pehē mai: ‘O a‘u ki hono ua afe mā tolungeau ‘o e efiafi-pongipongi; pea toki fakama‘a ‘a e potu tapu.
Ko Hono Faka‘uhinga ‘e he ‘Āngelo ko Kepaleli ‘a e Vīsoné
15Pea ‘i he‘eku mamata leva, ‘a au Tāniela, ki he vīsone, na‘a ku feinga ke ‘ilo ki hono ‘uhinga; pea ‘iloange na‘e tu‘u ‘i hoku ‘ao ha taha na‘e ngali ko ha fu‘u tangata. 16Pea u ongo‘i ‘a e le‘o ‘o ha tangata mei he vaha‘a ‘o e ongo kauvai ‘o ‘Ulai, ‘a ia na‘e ui ange, ‘o ne pehē, ‘E Kepaleli, fakahinohino ki he taha ko ē ‘a e me‘a kuo hā.#Luk 1.19,26 17Ko ia, na‘a ne ‘unu‘unu mai ki he potu na‘a ku tu‘u ai; pea ‘i he‘ene a‘u mai, ne u manavahē, ‘o tō fo‘ohifo: ka ka pehē mai ‘e ia, Hako‘itangata, tokanga,#8.17 tokanga; pe ‘ilo. he ‘oku kau ‘a e vīsone ki he kuonga fakamui.
18Pea ‘i he‘ene talanoa mo au, na‘a ku mo‘u matea ‘o fo‘ohifo ai pē; ka ka ala ‘e ia kiate au, ‘o ne fokotu‘u au ke u tu‘u. 19Pea ne pehē mai, Sī ni, ko ‘eku faka‘ilo ē kiate koe ‘a e me‘a ‘e hoko ‘i he houhau fakamui: he ‘oku kau ‘a e vīsone ki he taimi fakamui kuo tu‘utu‘uni.
20Ko e sipi tangata na‘a ke sio ki ai na‘e nifo ua, ko e ngaahi tu‘i ia ‘o Mītia mo Pēsia. 21Pea ko e kosi tangata fulufulua, ko e Tu‘i Kalisi#8.21 Kalisi; pe ‘Iavana. ia; pea ko e fu‘u nifo na‘e tu‘u ‘i he vaha‘a ‘o hono ongo mata ko hono ‘uluaki tu‘i ia. 22Pea ko e me‘a ki he maumau ‘a ē, mo e tupu hake ha fā ke fetongi ia, ‘e tupu hake ha faa‘i pule‘anga ‘i he kakai ko ia, kae ‘ikai ma‘u ‘a e ivi ‘o ē.
23Pea ‘i he taimi fakamui ‘o honau pule‘anga, ‘oka fakalato ‘e he kau pau‘u ‘enau kovi, ‘e tu‘u mai ha tu‘i mata feta‘o, pea poto ‘i he lea kofukofu. 24Pea te ne ivi lahi, kae ‘ikai fai‘aki hono ivi ‘o‘ona; pea ‘e fakaofo ‘ene maumau me‘a, pea te ne tu‘umālie ‘o fai atu; pea te ne maumau ha kau mālohi, pea mo e fa‘ahinga tapu. 25Pea ko e me‘a ‘i he‘ene ‘ilo‘ilo, ‘e tu‘umālie ai ‘a e kākā ‘i he‘ene fai ko ia; te ne fakapupula hono loto, pea te ne maumau ha tokolahi ko ‘enau nofo noa; ‘io, te ne fakauke tau ki he pule ‘o e ngaahi pule; kae maumau ia ta‘ekau ai ha nima. 26Pea ko e ma‘ali ‘o e ngaahi efiafi pongipongi, ‘a ia na‘e fakamatala, ko e koto mo‘oni ia: ka ko koe te ke tāpuni ‘a e vīsone; he ko e me‘a ki ha taimi mama‘o.
27Pea ko au Tāniela ne u pongia, pea na‘a ku mahaki ‘i he ‘aho ni‘ihi; pea u toki tu‘u, ‘o fai ‘a e ngāue ‘a e tu‘i: pea na‘a ku puputu‘u ‘i he me‘a na‘e hā mai, pea na‘e ‘ikai ha taha ‘e mafaka‘uhinga.
Currently Selected:
KO TĀNIELA 8: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO TĀNIELA 8
8
Ko e Vīsone ‘a Tāniela ki ha Sipi Tangata mo ha Kosi
1‘I HONO tolu ta‘u ‘o e pule ‘a Kingi Pelisasa na‘e hā ha vīsone kiate au, ‘a au Tāniela, hili ‘a e hā ‘a e me‘a na‘e hā kiate au mu‘a.#8.1 ‘Oku hiki faka-Hepelū ai pē ‘a e tohí ni mei he vēsí ni ‘o a‘u ki he‘ene ‘osi (vakai ange ki he 2.4). 2Pea ko e me‘a na‘a ku sio ki ai ‘i he vīsone: ‘iloange ‘i he‘eku sio, tā ‘oku ou ‘i Sūsani Lotokolo, ‘a ia ‘oku ‘i he vahefonua ko ‘Īlami, pea u vakai ‘i he‘eku vīsone ‘oku ou ‘i he ve‘e vaitafe ko ‘Ulai. 3Pea u tāngaki hake hoku mata, ‘o fakasio, pea tā ko e taha‘i sipi tangata ena ‘oku tu‘u ‘i he mata ‘o e vaitafe, pea na‘e ‘iate ia ha nifo ‘e ua: pea ko e ongo nifo na‘e loloa, ka na‘e lōloa ‘a e taha ‘i he taha, pea ko e lōloa taha na‘e tupu fakamuimui, 4Na‘a ku sio ki he sipi tangata ‘oku ne tui‘i atu ki lulunga mo e tokelau mo e tonga; pea na‘e ‘ikai lava ‘e he fanga manu ke tu‘u ‘i hono ‘ao, pea na‘e ‘ikai ha taha ‘e mafakahaofi mei hono nima; ko ia na‘a ne fai ‘ene fa‘iteliha, ‘o ne hoko ko e lahi.
5Pea lolotonga ‘oku ou fifili ki ai, tā ko e kosi tangata ena ‘oku ha‘u mei hihifo; ‘oku ne a‘a mai ‘i he ngaahi funga fonua, ka ‘oku ‘ikai te ne lave ki he kelekele: pea na‘e ma‘u ‘e he kosi tangata ha nifo na‘e fatu, ‘i he vaha‘a ‘o hono ongo mata. 6Pea ne a‘u ki he sipi tangata na‘e nifo ua, ‘a ia na‘a ku sio ki ai ‘oku ne tu‘u ‘i he mata ‘o e vaitafe, pea ne ‘oho fua ki ai ‘aki hono ivi kuo māfana. 7‘Io, na‘a ku sio ki ai ‘oku ne mātu‘aki pā atu ki he sipi tangata, ‘o ne lili ki ai, ‘o ne taa‘i ‘a e sipi tangata, ‘o ne maumau‘i hono ongo nifo; pea na‘e ‘ikai ha mālohi ‘i he sipi tangata ke matu‘uaki ia: pea ne humaki ia, ‘o ne malaki, pea na‘e ‘ikai ha taha ‘e mafakahaofi ‘a e sipi tangata mei hono nima.
8Pea faifai pea fotu ‘aupito ‘a e kosi tangata: pea ‘i he‘ene mālohi na‘e maumau ‘a e nifo lahi, pea tupu ke fetongi ia ha nifo ‘e fā na‘e ‘ilonga, ‘o hanga ki he matangi ‘e fā ‘o e langi, 9pea huli mei hanau taha ha taha‘i nifo, ‘a ia na‘e kamata mei he si‘i ‘aupito, ka ne hoko ko e me‘a lahi ange fau, ‘i he fai ki he tonga mo hahake, pea ki he Fonua Siueli. 10Pea ne tupu ai pē ‘o lahi, ‘o a‘u ki he hōsitē ‘o langi; pea ne lī hifo ki he fonua ha ni‘ihi ‘o e hōsitē ko ia, ‘io, ha ni‘ihi ‘o e ngaahi fetu‘u, ‘o ne malakekina kinautolu.#Fkhā 12.4 11‘Io, na‘a ne fakapupula ia ‘o a‘u ki he ‘eiki ‘o e hōsitē, ‘o ne ‘ave meiate ia ‘a e lotu tu‘u ma‘u, pea na‘e tuku li‘aki ‘a e me‘a kuo langa mōno potu tapu. 12Pea ‘e kanoni ‘aki ‘a e me‘a ‘oku fai ki he lotu tu‘u ma‘u ‘a e tukuange ‘a e hōsitē koe‘uhi ko e fai talangata‘a;#8.12 Pea… talangata‘a; ‘Oku ‘ikai ke mahino ‘a hono faka-Hepelū ‘o e kupu ko ‘ení. pea te ne lī hifo ki he kelekele ‘a e mo‘oni, pea ne fai me‘a, ‘o tu‘umālie.
13Pea na‘a ku fanongo ki ha taha ‘i he fa‘ahinga tapu ‘oku lea; pea tali ki he toko taha ko ia na‘e lea ha taha kehe ‘o e fa‘ahinga tapu, ‘E a‘u ki he taimi fē ‘a e vīsone ‘oku kau ki he lotu tu‘u ma‘u, mo e talangata‘a ‘oku fakangaongao, ‘a e tuku ‘a e potu tapu mo e hōsitē ke malakekina fakatou‘osi?
14Pea ne pehē mai: ‘O a‘u ki hono ua afe mā tolungeau ‘o e efiafi-pongipongi; pea toki fakama‘a ‘a e potu tapu.
Ko Hono Faka‘uhinga ‘e he ‘Āngelo ko Kepaleli ‘a e Vīsoné
15Pea ‘i he‘eku mamata leva, ‘a au Tāniela, ki he vīsone, na‘a ku feinga ke ‘ilo ki hono ‘uhinga; pea ‘iloange na‘e tu‘u ‘i hoku ‘ao ha taha na‘e ngali ko ha fu‘u tangata. 16Pea u ongo‘i ‘a e le‘o ‘o ha tangata mei he vaha‘a ‘o e ongo kauvai ‘o ‘Ulai, ‘a ia na‘e ui ange, ‘o ne pehē, ‘E Kepaleli, fakahinohino ki he taha ko ē ‘a e me‘a kuo hā.#Luk 1.19,26 17Ko ia, na‘a ne ‘unu‘unu mai ki he potu na‘a ku tu‘u ai; pea ‘i he‘ene a‘u mai, ne u manavahē, ‘o tō fo‘ohifo: ka ka pehē mai ‘e ia, Hako‘itangata, tokanga,#8.17 tokanga; pe ‘ilo. he ‘oku kau ‘a e vīsone ki he kuonga fakamui.
18Pea ‘i he‘ene talanoa mo au, na‘a ku mo‘u matea ‘o fo‘ohifo ai pē; ka ka ala ‘e ia kiate au, ‘o ne fokotu‘u au ke u tu‘u. 19Pea ne pehē mai, Sī ni, ko ‘eku faka‘ilo ē kiate koe ‘a e me‘a ‘e hoko ‘i he houhau fakamui: he ‘oku kau ‘a e vīsone ki he taimi fakamui kuo tu‘utu‘uni.
20Ko e sipi tangata na‘a ke sio ki ai na‘e nifo ua, ko e ngaahi tu‘i ia ‘o Mītia mo Pēsia. 21Pea ko e kosi tangata fulufulua, ko e Tu‘i Kalisi#8.21 Kalisi; pe ‘Iavana. ia; pea ko e fu‘u nifo na‘e tu‘u ‘i he vaha‘a ‘o hono ongo mata ko hono ‘uluaki tu‘i ia. 22Pea ko e me‘a ki he maumau ‘a ē, mo e tupu hake ha fā ke fetongi ia, ‘e tupu hake ha faa‘i pule‘anga ‘i he kakai ko ia, kae ‘ikai ma‘u ‘a e ivi ‘o ē.
23Pea ‘i he taimi fakamui ‘o honau pule‘anga, ‘oka fakalato ‘e he kau pau‘u ‘enau kovi, ‘e tu‘u mai ha tu‘i mata feta‘o, pea poto ‘i he lea kofukofu. 24Pea te ne ivi lahi, kae ‘ikai fai‘aki hono ivi ‘o‘ona; pea ‘e fakaofo ‘ene maumau me‘a, pea te ne tu‘umālie ‘o fai atu; pea te ne maumau ha kau mālohi, pea mo e fa‘ahinga tapu. 25Pea ko e me‘a ‘i he‘ene ‘ilo‘ilo, ‘e tu‘umālie ai ‘a e kākā ‘i he‘ene fai ko ia; te ne fakapupula hono loto, pea te ne maumau ha tokolahi ko ‘enau nofo noa; ‘io, te ne fakauke tau ki he pule ‘o e ngaahi pule; kae maumau ia ta‘ekau ai ha nima. 26Pea ko e ma‘ali ‘o e ngaahi efiafi pongipongi, ‘a ia na‘e fakamatala, ko e koto mo‘oni ia: ka ko koe te ke tāpuni ‘a e vīsone; he ko e me‘a ki ha taimi mama‘o.
27Pea ko au Tāniela ne u pongia, pea na‘a ku mahaki ‘i he ‘aho ni‘ihi; pea u toki tu‘u, ‘o fai ‘a e ngāue ‘a e tu‘i: pea na‘a ku puputu‘u ‘i he me‘a na‘e hā mai, pea na‘e ‘ikai ha taha ‘e mafaka‘uhinga.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.