KO TĀNIELA 7
7
Ko Fakamatala ‘e Tāniela ‘Ene ngaahi Vīsoné
(7.1–12.13)
1‘I HE ‘uluaki ta‘u ‘o Pelisasa ko e Tu‘i Pāpilone na‘e misi ‘a Tāniela, pea hā ki hono ‘ulu ha ngaahi vīsone ‘i he‘ene toka: Toki tohi ‘e ia ‘a e misi; ko hono kakano na‘a ne fakahā. 2Lea ‘a Tāniela, ‘o ne pehē, Na‘a ku mo‘usioa pē ‘i he‘eku vīsone po‘uli, pea ‘iloange ko e matangi ena ‘e fā ‘o langi ‘oku pā mai ki he tahi lahi.
3Pea ‘alu hake ha fu‘u manu ‘e fā mei he tahi, ‘oku nau takitaha ha anga.#Fkhā 13.1; 17.8 4Ko e ‘uluaki na‘e hangē ha laione, pea na‘e ‘iate ia ‘a e kapakau ‘o e ‘īkale. Na‘a ku mo‘usioa pē kae‘oua ke fusi hono kapakau, pea mahiki ia mei he kelekele, ‘o ‘ai ke tu‘u fakave‘eua, hangē ha tangata, mo ‘ange ki ai ha loto‘i tangata.#Fkhā 13.2
5Pea ‘iloange ko ha manu ‘e taha, ko hono ua, hangē ha pea, pea na‘e mahiki hono tafa‘aki ‘e taha, pea ‘oku ne ‘ūtaki ha hui palalulu ‘e tolu: pea na‘e pehē ‘enau fekau ki ai, Tu‘u, ‘o kai kakano lahi.
6Hili ia na‘a ku mo‘usioa pē, pea ‘iloange ko ha taha hangē ha lēpati, pea ‘i hono tu‘a ha faa‘i kapakau ‘o ha manupuna; pea na‘e ‘ulu fā foki ‘a e manu, pea na‘e tuku ‘a e pule ki ai.
7Hili ia na‘a ku mo‘usioa pē ‘i he vīsone po‘uli, pea ‘iloange ko ha manu ko hono fā, fakailifia mo fakalilifu, mo mālohi kehe; pea na‘e ‘iate ia ‘a e ngaahi nifo ‘aione lalahi: na‘a ne keina, mo laiki, mo ne malaki hono toe ‘aki hono va‘e: pea na‘e makehe ia mei he ngaahi manu kotoa pē na‘e mu‘omu‘a; pea na‘e ‘iate ia ha hongofulu‘i nifo.#Fkhā 12.3; 13.1 8Na‘a ku mo‘u fifili he ngaahi nifo, mo e ‘iloange na‘e tupu hake ha nifo ‘i honau lotolotonga, ko e nifo si‘i; pea ‘i hono ‘ao na‘e ta‘aki fu‘u ha nifo ‘e tolu ‘i he ngaahi ‘uluaki nifo: pea uoke, ‘i he nifo ko ia na‘e ai ‘ani fo‘i fofonga hangē ko e mata ‘o e tangata, mo ha ngutu ‘oku ne ‘a‘au me‘a lalahi.#Fkhā 13.5-6
Ko e Vīsone ki he Tokotaha kuo Talu Mei Mu‘a
9Na‘a ku mo‘usioa pē, kae‘oua ke fokotu‘u#7.9 kae‘oua ke fokotu‘u; ‘Oku hiki ‘e he ni‘ihi: kae‘oua ke lī ki lalo. ‘ani ngaahi taloni, pea ‘afio mai ‘a Talumeimu‘a: ko hono kofu na‘e hangē ko e sinou, ‘o hinaekiaki, pea ko hono lou‘ulu na‘e hangē ko e fulufulu‘i sipi ma‘a; ko hono taloni koni ulo‘i afi, ko hono me‘a teka ko e afi kakaha.#Fkhā 20.4; 1.14 10Na‘e pā mai ha vai afi ‘i hono ‘ao, ‘o tafe atu; ko e toko‘i afe laui afe na‘e fakafe‘ao kiate ia, pea ko e toko‘i mano laui mano na‘e tu‘u ‘i hono ‘ao. Na‘e fokotu‘u ‘a e fakamaau, pea na‘e folahi ‘a e ngaahi tohi.#Fkhā 5.11; 20.12
11Na‘a ku mo‘usioa pē, pea ‘āsili ko e ongoonga‘a mai ‘a e me‘a lalahi na‘e lea‘aki ‘e he Nifo. Na‘a ku mo‘usioa pē kae‘oua ke tāmate‘i ‘a e manu, mo faka‘auha hono sino, pea na‘e tuku ia ke fakamomofi ‘i he afi. 12Pea ko hono toe ‘o e ngaahi manu na‘e ‘ave ‘enau hau, ka na‘e fakatolonga ‘enau mo‘ui, ‘o tuku kiate kinautolu ha taimi mo ha kuonga.
13Na‘a ku mo‘u sioa pē ‘i he ngaahi vīsone po‘uli, pea ‘iloange ko ha Taha hangē ha hako‘i tangata na‘e hoko mai mo e ngaahi ‘ao ‘o e langi, pea ne a‘u mai kia Talumeimu‘a, ‘io, na‘a nau ‘omi ia ki hono ‘ao.#Māt 24.30; 26.64; Ma‘ake 13.26; 14.62; Luk 21.27; Fkhā 1.7,13; 14.14 14Pea na‘e tuku kiate ia ha hau, mo ha lāngilangi, mo ha pule, koe‘uhi ke tauhi kiate ia ‘e he ngaahi kakai, matakali, mo fa‘ahinga lea kehekehe: ko hono hau ko e hau ta‘engata, ‘a ia ‘e ‘ikai liua, pea ko hono pule‘anga ko e taha ‘e ‘ikai ‘auha.#Fkhā 11.15
Ko Hono Faka‘uhinga ‘o e ngaahi Vīsoné
15Pea mamahi ai hoku laumālie–‘o‘oku Tāniela–‘i hoku loto kakano, pea na‘e fakahoha‘asi au ‘e he ngaahi vīsone na‘e hā ki hoku ‘ulu.#7.15 ‘oku ‘i ai ‘a e ongo fo‘i le a ‘e ua ‘i he faka-‘Ālameá ‘a ia ‘oku ‘ikai ke mahino ‘a hono ‘uhingá. 16‘Unu‘unu atu au ki ha taha ‘iate kinautolu na‘e tutu‘u mai, pea u hanga ‘o fehu‘i kiate ia ki he mo‘oni ‘o e ngaahi fu‘u me‘a ko ia. Pea ne lea mai, ‘o ne fakamahino kiate au ‘a e ‘uhinga ‘o e ngaahi me‘a. 17Ko e ngaahi fu‘u manu ko ē, ‘a ia ‘oku fā, ko e faa‘i tu‘i ia, ‘a ia ‘oku ‘alu hake mei māmani. 18Kae ma‘u ‘a e pule‘anga ‘e he kau tapu ‘a ‘Elioni, pea te nau ma‘u ai pē ‘a e pule‘anga ‘o ta‘engata, ‘io, ki he ta‘engata ‘o e ta‘engata.#Fkhā 22.5
19Toki kole au ke ne fakamatala ki he manu ko hono fā, ‘a ia na‘e makehe mei he ngaahi manu ko ē, ‘o fakailifia faufau; ko hono nifo ko e ‘aione, pea ko hono pesipesi ko e palasa; na‘a ne keina, mo laiki, mo malaki hono toe ‘aki hono va‘e. 20Mo e ‘uhinga ‘o e hongofulu‘i nifo na‘e ‘i hono ‘ulu: mo e taha na‘e tupu hake, pea tō ‘i hono ‘ao ‘a e tolu; ‘io, ‘a e nifo na‘e ai ‘ani fo‘i fofonga, mo ha ngutu na‘e ‘a‘au me‘a lalahi, pea ko hono fotu na‘e hulu ‘i honau fa‘ahinga.
21Na‘a ku mo‘u sioa pē, pea fai tau ‘a e nifo ko ia mo e fa‘ahinga tapu, ‘o ne ikuna kinautolu;#Fkhā 13.7 22kae‘oua ke hoko mai ‘a Talumeimu‘a, ‘o fakaai ‘a e fakamaau ‘o e me‘a ‘a e kau tapu ‘a ‘Elioni;#7.22 ‘o fakaai… ‘Elioni: ‘Oku ngali tonu ‘a hono hiki ‘o e kupu ko ení ‘o: ‘o fakamaau ‘oku tonuhia ‘a e kakai ‘a ‘Elioní, pe fakamafai‘i ‘a e kakai ‘a ‘Elioní ke fai fakamaau. pea na‘e hoko ‘a e taimi ke ma‘u ‘a e pule‘anga ‘e he fa‘ahinga tapu.#Fkhā 20.4
23Na‘e pehē ‘ene tali: Ko e manu ko hono fā ko hano fā ia ‘o e pule‘anga ‘i māmani, ‘a ia ‘e makehe mo e pule‘anga kotoa pē, pea te ne keina ‘a māmani kātoa, mo malaki mo laiki ke lailai. 24Pea ko e me‘a ki he hongofulu‘i nifo, ‘e tupu mei he pule‘anga ko ia ha hongofulu‘i tu‘i: pea kimui ‘iate kinautolu ‘e tupu ha taha kehe; pea, ko e taha ko ia ‘e makehe mo kinautolu na‘e mu‘omu‘a, pea te ne tulaki ha tolu‘i tu‘i.#Fkhā 17.12 25Pea te ne feia ha ngaahi lea ke tau ki he ‘Otua Taupotu,#7.25 ki he ‘Otua Taupotú; pe fie ‘Otua Taupotu. pea te ne fai ke faka‘osi ‘a e kau tapu ‘a ‘Elioni: pea te ne ‘amanaki ke liliu ‘a e ngaahi taimi mo e lao; pea ‘e tuku kinautolu ki hono nima kae‘oua ke ‘osi ha kuonga mo ha ua‘i kuonga mo ha haafe kuonga.#Fkhā 12.14; 13.5-6 26Ka ‘e fokotu‘u ‘a e fakamaau, pea te nau ‘ave ‘ene hau, ke maumau‘i ia mo faka‘auha, ‘o a‘u ki he ngata‘anga. 27Pea ko e pule‘anga mo e hau mo e ivi ‘o e ngaahi pule‘anga ‘i he lalo langi kātoa ‘e ‘atu ia ki he kakai tapu ‘a ‘Elioni: ko ‘ene pule‘anga ko e pule‘anga ta‘engata, pea ‘e tauhi mo fakaongo kiate ia ‘a e hau fua pē.#Fkhā 20.4; 22.5
28Ko e ngata‘anga ia ‘o e me‘a. Ko e me‘a kiate au Tāniela, na‘e fu‘u fakahoha‘asi au ‘e he‘eku ngaahi fakakaukau, pea na‘e kehe hoku mata; ka na‘a ku ta‘ofi ‘a e me‘a kiate au.
Currently Selected:
KO TĀNIELA 7: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO TĀNIELA 7
7
Ko Fakamatala ‘e Tāniela ‘Ene ngaahi Vīsoné
(7.1–12.13)
1‘I HE ‘uluaki ta‘u ‘o Pelisasa ko e Tu‘i Pāpilone na‘e misi ‘a Tāniela, pea hā ki hono ‘ulu ha ngaahi vīsone ‘i he‘ene toka: Toki tohi ‘e ia ‘a e misi; ko hono kakano na‘a ne fakahā. 2Lea ‘a Tāniela, ‘o ne pehē, Na‘a ku mo‘usioa pē ‘i he‘eku vīsone po‘uli, pea ‘iloange ko e matangi ena ‘e fā ‘o langi ‘oku pā mai ki he tahi lahi.
3Pea ‘alu hake ha fu‘u manu ‘e fā mei he tahi, ‘oku nau takitaha ha anga.#Fkhā 13.1; 17.8 4Ko e ‘uluaki na‘e hangē ha laione, pea na‘e ‘iate ia ‘a e kapakau ‘o e ‘īkale. Na‘a ku mo‘usioa pē kae‘oua ke fusi hono kapakau, pea mahiki ia mei he kelekele, ‘o ‘ai ke tu‘u fakave‘eua, hangē ha tangata, mo ‘ange ki ai ha loto‘i tangata.#Fkhā 13.2
5Pea ‘iloange ko ha manu ‘e taha, ko hono ua, hangē ha pea, pea na‘e mahiki hono tafa‘aki ‘e taha, pea ‘oku ne ‘ūtaki ha hui palalulu ‘e tolu: pea na‘e pehē ‘enau fekau ki ai, Tu‘u, ‘o kai kakano lahi.
6Hili ia na‘a ku mo‘usioa pē, pea ‘iloange ko ha taha hangē ha lēpati, pea ‘i hono tu‘a ha faa‘i kapakau ‘o ha manupuna; pea na‘e ‘ulu fā foki ‘a e manu, pea na‘e tuku ‘a e pule ki ai.
7Hili ia na‘a ku mo‘usioa pē ‘i he vīsone po‘uli, pea ‘iloange ko ha manu ko hono fā, fakailifia mo fakalilifu, mo mālohi kehe; pea na‘e ‘iate ia ‘a e ngaahi nifo ‘aione lalahi: na‘a ne keina, mo laiki, mo ne malaki hono toe ‘aki hono va‘e: pea na‘e makehe ia mei he ngaahi manu kotoa pē na‘e mu‘omu‘a; pea na‘e ‘iate ia ha hongofulu‘i nifo.#Fkhā 12.3; 13.1 8Na‘a ku mo‘u fifili he ngaahi nifo, mo e ‘iloange na‘e tupu hake ha nifo ‘i honau lotolotonga, ko e nifo si‘i; pea ‘i hono ‘ao na‘e ta‘aki fu‘u ha nifo ‘e tolu ‘i he ngaahi ‘uluaki nifo: pea uoke, ‘i he nifo ko ia na‘e ai ‘ani fo‘i fofonga hangē ko e mata ‘o e tangata, mo ha ngutu ‘oku ne ‘a‘au me‘a lalahi.#Fkhā 13.5-6
Ko e Vīsone ki he Tokotaha kuo Talu Mei Mu‘a
9Na‘a ku mo‘usioa pē, kae‘oua ke fokotu‘u#7.9 kae‘oua ke fokotu‘u; ‘Oku hiki ‘e he ni‘ihi: kae‘oua ke lī ki lalo. ‘ani ngaahi taloni, pea ‘afio mai ‘a Talumeimu‘a: ko hono kofu na‘e hangē ko e sinou, ‘o hinaekiaki, pea ko hono lou‘ulu na‘e hangē ko e fulufulu‘i sipi ma‘a; ko hono taloni koni ulo‘i afi, ko hono me‘a teka ko e afi kakaha.#Fkhā 20.4; 1.14 10Na‘e pā mai ha vai afi ‘i hono ‘ao, ‘o tafe atu; ko e toko‘i afe laui afe na‘e fakafe‘ao kiate ia, pea ko e toko‘i mano laui mano na‘e tu‘u ‘i hono ‘ao. Na‘e fokotu‘u ‘a e fakamaau, pea na‘e folahi ‘a e ngaahi tohi.#Fkhā 5.11; 20.12
11Na‘a ku mo‘usioa pē, pea ‘āsili ko e ongoonga‘a mai ‘a e me‘a lalahi na‘e lea‘aki ‘e he Nifo. Na‘a ku mo‘usioa pē kae‘oua ke tāmate‘i ‘a e manu, mo faka‘auha hono sino, pea na‘e tuku ia ke fakamomofi ‘i he afi. 12Pea ko hono toe ‘o e ngaahi manu na‘e ‘ave ‘enau hau, ka na‘e fakatolonga ‘enau mo‘ui, ‘o tuku kiate kinautolu ha taimi mo ha kuonga.
13Na‘a ku mo‘u sioa pē ‘i he ngaahi vīsone po‘uli, pea ‘iloange ko ha Taha hangē ha hako‘i tangata na‘e hoko mai mo e ngaahi ‘ao ‘o e langi, pea ne a‘u mai kia Talumeimu‘a, ‘io, na‘a nau ‘omi ia ki hono ‘ao.#Māt 24.30; 26.64; Ma‘ake 13.26; 14.62; Luk 21.27; Fkhā 1.7,13; 14.14 14Pea na‘e tuku kiate ia ha hau, mo ha lāngilangi, mo ha pule, koe‘uhi ke tauhi kiate ia ‘e he ngaahi kakai, matakali, mo fa‘ahinga lea kehekehe: ko hono hau ko e hau ta‘engata, ‘a ia ‘e ‘ikai liua, pea ko hono pule‘anga ko e taha ‘e ‘ikai ‘auha.#Fkhā 11.15
Ko Hono Faka‘uhinga ‘o e ngaahi Vīsoné
15Pea mamahi ai hoku laumālie–‘o‘oku Tāniela–‘i hoku loto kakano, pea na‘e fakahoha‘asi au ‘e he ngaahi vīsone na‘e hā ki hoku ‘ulu.#7.15 ‘oku ‘i ai ‘a e ongo fo‘i le a ‘e ua ‘i he faka-‘Ālameá ‘a ia ‘oku ‘ikai ke mahino ‘a hono ‘uhingá. 16‘Unu‘unu atu au ki ha taha ‘iate kinautolu na‘e tutu‘u mai, pea u hanga ‘o fehu‘i kiate ia ki he mo‘oni ‘o e ngaahi fu‘u me‘a ko ia. Pea ne lea mai, ‘o ne fakamahino kiate au ‘a e ‘uhinga ‘o e ngaahi me‘a. 17Ko e ngaahi fu‘u manu ko ē, ‘a ia ‘oku fā, ko e faa‘i tu‘i ia, ‘a ia ‘oku ‘alu hake mei māmani. 18Kae ma‘u ‘a e pule‘anga ‘e he kau tapu ‘a ‘Elioni, pea te nau ma‘u ai pē ‘a e pule‘anga ‘o ta‘engata, ‘io, ki he ta‘engata ‘o e ta‘engata.#Fkhā 22.5
19Toki kole au ke ne fakamatala ki he manu ko hono fā, ‘a ia na‘e makehe mei he ngaahi manu ko ē, ‘o fakailifia faufau; ko hono nifo ko e ‘aione, pea ko hono pesipesi ko e palasa; na‘a ne keina, mo laiki, mo malaki hono toe ‘aki hono va‘e. 20Mo e ‘uhinga ‘o e hongofulu‘i nifo na‘e ‘i hono ‘ulu: mo e taha na‘e tupu hake, pea tō ‘i hono ‘ao ‘a e tolu; ‘io, ‘a e nifo na‘e ai ‘ani fo‘i fofonga, mo ha ngutu na‘e ‘a‘au me‘a lalahi, pea ko hono fotu na‘e hulu ‘i honau fa‘ahinga.
21Na‘a ku mo‘u sioa pē, pea fai tau ‘a e nifo ko ia mo e fa‘ahinga tapu, ‘o ne ikuna kinautolu;#Fkhā 13.7 22kae‘oua ke hoko mai ‘a Talumeimu‘a, ‘o fakaai ‘a e fakamaau ‘o e me‘a ‘a e kau tapu ‘a ‘Elioni;#7.22 ‘o fakaai… ‘Elioni: ‘Oku ngali tonu ‘a hono hiki ‘o e kupu ko ení ‘o: ‘o fakamaau ‘oku tonuhia ‘a e kakai ‘a ‘Elioní, pe fakamafai‘i ‘a e kakai ‘a ‘Elioní ke fai fakamaau. pea na‘e hoko ‘a e taimi ke ma‘u ‘a e pule‘anga ‘e he fa‘ahinga tapu.#Fkhā 20.4
23Na‘e pehē ‘ene tali: Ko e manu ko hono fā ko hano fā ia ‘o e pule‘anga ‘i māmani, ‘a ia ‘e makehe mo e pule‘anga kotoa pē, pea te ne keina ‘a māmani kātoa, mo malaki mo laiki ke lailai. 24Pea ko e me‘a ki he hongofulu‘i nifo, ‘e tupu mei he pule‘anga ko ia ha hongofulu‘i tu‘i: pea kimui ‘iate kinautolu ‘e tupu ha taha kehe; pea, ko e taha ko ia ‘e makehe mo kinautolu na‘e mu‘omu‘a, pea te ne tulaki ha tolu‘i tu‘i.#Fkhā 17.12 25Pea te ne feia ha ngaahi lea ke tau ki he ‘Otua Taupotu,#7.25 ki he ‘Otua Taupotú; pe fie ‘Otua Taupotu. pea te ne fai ke faka‘osi ‘a e kau tapu ‘a ‘Elioni: pea te ne ‘amanaki ke liliu ‘a e ngaahi taimi mo e lao; pea ‘e tuku kinautolu ki hono nima kae‘oua ke ‘osi ha kuonga mo ha ua‘i kuonga mo ha haafe kuonga.#Fkhā 12.14; 13.5-6 26Ka ‘e fokotu‘u ‘a e fakamaau, pea te nau ‘ave ‘ene hau, ke maumau‘i ia mo faka‘auha, ‘o a‘u ki he ngata‘anga. 27Pea ko e pule‘anga mo e hau mo e ivi ‘o e ngaahi pule‘anga ‘i he lalo langi kātoa ‘e ‘atu ia ki he kakai tapu ‘a ‘Elioni: ko ‘ene pule‘anga ko e pule‘anga ta‘engata, pea ‘e tauhi mo fakaongo kiate ia ‘a e hau fua pē.#Fkhā 20.4; 22.5
28Ko e ngata‘anga ia ‘o e me‘a. Ko e me‘a kiate au Tāniela, na‘e fu‘u fakahoha‘asi au ‘e he‘eku ngaahi fakakaukau, pea na‘e kehe hoku mata; ka na‘a ku ta‘ofi ‘a e me‘a kiate au.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.