Kolosé 1
1
1TŪ ko kimaua–‘a Paula ko e ‘aposetolo ‘a Kalaisi Sīsū ‘i he tu‘utu‘uni ‘a e ‘Otua, mo si‘i kāinga ko Tīmote–ko ‘ema tohi ki he kakai lotu ‘i Kolose, ko e kau tui ‘oku kāinga ‘ia Kalaisi.
2‘Ofa ke mou ma‘u kelesi mo e fiemālie mei he ‘Otua ko ‘etau Tamai.
Ko e Lotu Fakafeta‘i
3Ko e fakafeta‘i pē kuo ma fai ki he ‘Otua, ko e Tamai ‘a hotau ‘Eiki ko Sīsū Kalaisi, mo e hūfia ma‘u pē kimoutolu, 4talu ‘ema fanongo ki ho‘omou tui kia Kalaisi Sīsū, pea mo ho‘omou ‘ofa tauhi ma‘u ki he kau lotu kotoa pē; 5‘a ia ‘oku tupu mei ho‘omou ‘amanaki ki he me‘a kuo tuku tauhi ma‘amoutolu ‘i Hēvani: ‘a ia ne mou fanongo mu‘a ki ai ‘i he malanga‘aki ‘o e akonaki mei he Kōsipeli: 6‘a e Kōsipeli na‘e a‘u atu, pea ‘oku nofo mo kimoutolu, ‘o hangē foki ‘ene ‘i māmani kātoa, ‘o ne fakatupu fua mo mafola, ‘o hangē foki ‘ene fai ‘iate kimoutolu, talu e ‘aho ne mou fanongo ki hono tala ‘o e kelesi ‘a e ‘Otua, mo ongona, ‘i hono anga totonu: 7‘a ē ne mou ako ‘ia ‘Epafasi, ko si‘oma kaungā tamaio‘eiki ‘ofeina ‘omaua,#1.7 ‘omaua; ‘Oku pehē ‘i hono ngaahi hiki fuoloa ‘e ni‘ihi: ‘omoutolu. #Kol 4.12; Filim 23 pea ko e faifekau ‘a Kalaisi kei lototō kiate kimaua; 8pea ko ia foki na‘a ne fakahā mai ho‘omou ‘ofa ‘i he Laumālie.
9Ko ia, ko kimaua foki, talu e ‘aho na‘a ma fanongo ki ai, ‘oku ‘ikai tuku ‘ema hūfia kimoutolu, mo ‘ema kōlenga ke mou pōtopoto‘i ‘i he ‘ilo ki hono finangalo, ko e me‘a ‘i he poto kehekehe mo e ‘ilo kehekehe ‘oku mei he Laumālie; 10koe‘uhi ke taau ho‘omou laka pea mo e ‘Eiki, ‘o hu‘u ki he me‘a kotoa pē te ne hōifua ai; ‘o mou fakatupu fua, ko e ngaahi ngāue lelei kehekehe; mo mou tupulekina ko e me‘a ‘i he ‘ilo ki he ‘Otua; 11kuo fakamālohi kimoutolu ‘aki ‘a e mafai kotoa pē, ‘o taau mo e māfimafi ‘o ‘ene ‘Afio lāngilangi‘ia, ke mou lava ai ke kātaki fiefia ‘a e me‘a kotoa pē mo e kakai kotoa pē; 12mo mou fakafeta‘i ki he Tamai,#1.11-12 ke kātaki… Tamai; pe ke kātaki ‘i he me‘a kotoa pē. Pea mou fakafeta‘i fiefia ki he Tamaí. ‘a ia na‘a ne ngaohi kimoutolu ke mou taau ke ‘inasi ‘i he tofi‘a ko ia ‘o e kau mā‘oni‘oni ‘a ia ‘oku ‘i he maama– 13‘a ‘ene ‘Afio na‘a ne hamusi kitautolu mei he pule ‘a Po‘uli, mo ne hiki kitautolu ki he pule‘anga ‘o hono ‘Alo ‘Ofa‘anga: 14pea ‘i he‘etau tu‘u ‘iate ia kuo tau ma‘u ‘a e huhu‘i, ko e fakamolemole ‘etau ngaahi angahala;#‘Efe 1.7
Ko Kalaisi mo ‘Ene Ngāué
15‘a ia ko e ‘Īmisi ia ‘o e ‘Otua ko e Ta‘ehāmai, ko e ‘Uluaki ia na‘e fakatupu, ko e Kimu‘a ‘i he me‘a kotoa pē kuo ngaohi: 16koe‘uhi na‘e tefito kiate ia ‘a e ngaohi ‘o e me‘a kotoa pē, ‘a e me‘a ‘i he langi mo e me‘a ‘i māmani, ‘a e me‘a hā mai mo e me‘a ta‘ehā mai, neongo ko ha fa‘ahinga ma‘u taloni, pe ko ha fa‘ahinga hou‘eiki, pe ko ha fa‘ahinga pule, pe ko ha fa‘ahinga ma‘u tu‘unga; 17‘io, kuo ngaohi ‘a e me‘a kotoa pē ‘iate ia pea ma‘ana, pea ko e mu‘a ‘a ‘Ene ‘Afio kae kimui ‘a e me‘a kotoa pē, pea ‘oku fema‘uma‘utaki ‘iate ia ‘a e me‘a kotoa pē: 18pea ko ‘Ene ‘Afio ko e ‘Ulu ‘o e Sino ko ia ko e Siasi; he ko e Kamata ia, ko e ‘Uluaki na‘e fakatupu mei he kau Pekia; koe‘uhi ke ne hoko ‘i he me‘a kotoa pē ko e Tu‘ukimu‘a.#‘Efe 1.22-23 19He na‘e finangalo ‘a Kātokatoa ke fale ‘i He‘ene ‘Afio; 20pea ko e me‘a ‘iate ia ke toe fakalelei ‘a e me‘a kotoa pē ki He‘ene ‘Afio; ‘io, hili ‘ene fai ‘a e fakamelino ‘aki ‘a e ta‘ata‘a#1.20 ‘a e ta‘ata‘a; pe ‘a ‘ene pekia fakafeilaú. ‘i he Kolosi ‘o‘ona, pea ke fakalelei ‘iate ia ‘a e ngaahi me‘a kotoa pē, pe ‘oku ‘i Māmani pe ‘oku ‘i Langi.#‘Efe 2.16
21Pea ko kimoutolu foki na‘e fakahee‘i mu‘a, pea mou nofo ko e ngaahi fili ‘i loto, ‘o hā ‘i ho‘omou ngaahi ngāue na‘e kovi; ka ‘i he taimi ni kuo ne fakalelei kimoutolu ‘aki ‘a e pekia ‘a hono sino kakano, 22koe‘uhi ke ne ‘atu kimoutolu ‘oku mou mā‘oni‘oni mo ta‘emele mo ta‘elau‘i ‘i he‘ene ‘afio hifo. 23Kehe ‘o kapau te mou nofo ma‘u ‘i he lotu, kuo pulusi ki he tu‘unga, mo ma‘uma‘uluta, pea ta‘emahiki mei he ‘amanaki fakakōsipeli; ‘a e Kōsipeli ko ia ‘a ia na‘a mou fanongo ki ai, ‘a ia ne malanga‘aki ki he me‘a mo‘ui kotoa pē ‘i he lalo langi, ‘a ia na‘a ku hoko, ‘a au Paula, ko hono faifekau.
Ko e Fai Fatongia ‘a Paula Ma‘á e Siasí
24Ko e me‘a ‘oku ou fai ‘i he taimi ni, ko e fiefia ‘i he‘eku ngaahi mamahi koe‘uhi ko kimoutolu, ‘o u fai ‘i hoku kakano ni ‘a e fakakakato ‘o e ngaahi mamahi ‘a Kalaisi ‘oku toe ke fai koe‘uhi ko hono sino ko e siasi: 25‘a ia na‘a ku hoko au ko e faifekau ki ai, ke fai ‘a e lakanga na‘e tuku kiate au ma‘amoutolu, ‘a ia ko e sētuata ‘a e ‘Otua, ke ‘osiki ‘a e Folofola ‘a e ‘Otua– 26‘a e misiteli ko ia ne fufū ‘i he ngaahi kuonga mo e ngaahi to‘utangata kuo hili, ka kuo fakae‘a ‘eni ki hono kakai tapu: 27‘a ia na‘e finangalo ‘a e ‘Otua ke faka‘ilo kiate kinautolu hono lahi faufau ‘o e lāngilangi‘ia ‘o e misiteli ko ia ‘i he lotolotonga ‘o e Senitaile; ‘a ia ko eni, ko e ‘iate kimoutolu ‘a Kalaisi, ko e faka‘amanaki ki he lāngilangi‘ia. 28‘A ia ‘oku mau ongoongoa, he‘emau valoki ‘a e tangata kotoa pē, mo akonekina ‘a e tangata kotoa pē, ‘aki ‘a e fa‘ahinga poto kotoa pē; koe‘uhi ke mau ‘atu ‘a e tangata kotoa pē kuo haohaoa ‘ia Kalaisi Sīsū. 29Pea ‘oku te fai ke ongosia foki kita, ‘i he fefa‘uhi ke lava ‘a e me‘a ko ia; ‘o taau mo e ivi ‘o ‘Ene ‘Afio ‘oku ngāue ‘i hoku loto, ‘o fu‘u mālohi.
Currently Selected:
Kolosé 1: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
