KO ‘ĒMOSI Ko e Talateu
Ko e Talateu
Ko ‘Ēmosi ‘a e fuofua palōfita ‘i he Tohitapú ‘a ia na‘e hiki ‘ene ngaahi lea lahi. Neongo ‘ene ha‘u mei he kolo ‘i Siuta, ka na‘á ne malanga ki he kakai ‘o e pule‘anga tokelaú, ‘a e pule‘anga ‘Isilelí, ‘i he vaeua‘angamālie nai ‘o e senitulu hono valu kimu‘a ‘ia Kalaisí. Ko e kuonga tu‘umālie lahi ‘eni, pea ‘ilonga ‘i hono fai ‘o e ngaahi ouau fakalotu, mo e ngali melino e nofó. Ka na‘e mahino kia ‘Ēmosi ‘a ‘ene ngata pē ‘a e tu‘umālié ia ‘i he kau mo‘umo‘uá, pea mo ‘ene tupu mei he mo‘ui ta‘efaitotonu mo hono malaki ki lalo ‘o e masivá. Ko hono fai ‘o e ngaahi ouau fakalotú na‘e ‘ikai ke fai ‘aki e loto ma‘a mo mā‘oni‘oni, pea ko e melino ‘a e fonuá ‘i tu‘a pē. Na‘e fai ‘aki ‘e ‘Ēmosi ‘ene loto manavakāvakava mo ‘ene loto ‘ofa ‘a ‘ene malanga ‘o pehē ‘e tautea ‘e he ‘Otuá ‘a e fonuá. Na‘á ne fakakouna ‘a e kakaí ke nau tuku ke “tafe atu… ‘o hangē ha vaitafe tafe ma‘u peé” ‘a e faitotonú, peá ne pehē, “hei‘ilo ‘e ‘ofa ‘a Sihova, ko e ‘Otua Sāpaoti, ki he toenga ‘o Siosifá” (Vahe 5.15).
Ko e Kakano ‘o e Tohí
Ko hono fakamāu‘i ‘o e ngaahi fonua kaungā‘api ‘o ‘Isileli (1.1–2.5)
Ko hono fakamāu‘i ‘o ‘Isileli (2.6–6.14)
Ko ha ngaahi vīsone ‘e nima (7.1–9.15)
Currently Selected:
KO ‘ĒMOSI Ko e Talateu: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.