KO 2 SĀMIUELA Ko e Talateu
Ko e Talateu
Ko Hono Ua ‘o e Tohi ‘o Sāmiuelá, ko hono hono hoko atu ia ‘o e ‘Uluaki Tohi Sāmiuelá, pea ko e hisitōlia ia ‘o e pule ‘a Tēvita ko e tu‘i, ‘o ne ‘uluaki tu‘i ‘i Siuta ‘i he tongá (vahe 1-4) peá ne toki tu‘i ‘i he fonuá fakakātoa, ‘o kau ki ai mo ‘Isileli ‘i he tokelaú (vahe 5-24). Ko e fakamatala mahino ia ki he anga ‘o e pau ke fepaki ‘a Tēvita mo hono ngaahi fili fakalotofonuá pea mo e ngaahi fonua mulí, koe‘uhí ke fakalahi hono pule‘angá mo fakapapau‘i hono tu‘ungá. ‘Oku hā mai ai ‘a Tēvita ko e tangata na‘e tui mo‘oni mo pīkitai ki he ‘Otuá, mo ne toe lava ke tohoaki‘i hono kakaí ke nau mateaki‘i ia. Ka ‘oku hā mai ai pē ia ko e tangata na‘e ‘ikai te ne hao ‘aupito he fakaehauá mo e fai angahala ‘iló he‘ene ngaahi feinga ke lava hono lotó mo ‘ene taumu‘á. Ka na‘e lea ange ki ai ‘a e palōfita ‘a e ‘Otuá ko Nētane he‘ene fai angahalá peá ne vete, peá ne tali hono tautea mei he ‘Otuá.
Na‘e hounga ‘aupito ki he kakai ‘Isilelí ‘a e mo‘ui mo e tou‘anga ‘a Tēvitá, pea ko ‘enau loto he ngaahi ‘aho ‘o e faingata‘a fakafonua ki mui ke toe ‘i ai hanau tu‘i pea nau faka‘amu ko “ha foha ‘o Tēvita” ia, ‘a ia ko ha hako ‘o Tēvita te ne ‘ulungāanga tatau mo Tēvita.
Ko e Kakano ‘o e Tohí
Ko e pule ‘a Tēvita ki Siutá (1.1–4.12)
Ko e pule ‘a Tēvita ki ‘Isileli kātoa (5.1–24.25)
a. Ko e ngaahi ta‘u kimu‘á (5.1–10.19)
e. Ko Tēvita mo Patisepa (11.1–12.25)
f. Ko e ngaahi faingata‘a mo e ngaahi palopalema (12.26–20.26)
h. Ko e ngaahi ta‘u kimui maí (21.1–24.25)
Currently Selected:
KO 2 SĀMIUELA Ko e Talateu: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.