KO 2 SĀMIUELA 2
2
Ko Hono Fakanofo Tu‘i Siuta ‘o Tēvita
1PEA hili ia na‘e huhū ‘a Tēvita kia Sihova, ‘o pehē, Te u ‘alu hake koā ki ha taha ‘o e ngaahi kolo Siuta? Pea tali ‘e Sihova, ‘Alu hake pē. Pea pehē ‘e Tēvita, Te u ‘alu hake ki fē? Pea ne tali, Ki Hepeloni. 2Pea ‘alu hake ki ai ‘a Tēvita, mo hono ongo uaifi, ko ‘Ahinoame ko e fefine Sisilili, mo ‘Apikale na‘e nonofo mo e Kāmeli ko Nāpale.#1 Sām 25.42-43 3Pea ‘ohake ‘e Tēvita ‘a e kau tangata na‘e ō mo ia, takitaha mo hono fale: pea nau nofo ‘i he ngaahi kolo ‘o Hepeloni. 4Pea ha‘u ‘a e kau tangata Siuta, ‘o nau fakanofo ai ‘a Tēvita ke tu‘i ki ha‘a Siuta.#1 Sām 31.11-13 Pea na‘e fakahā kia Tēvita ‘o pehē, Ko e kau tangata Siepesi-Kiliati ia na‘a nau tanu ‘a Saula.#1 Sām 31.11-13
5Pea tuku atu ‘e Tēvita ha tu‘unga talafekau ki he kau tangata Siepesi-Kiliati, ‘o ne pehē kiate kinautolu, ‘Ofa ke mou tāpuekina mei he ‘Eiki, ho‘omou fai ‘a e ‘ofa ni ki homou ‘eiki, ‘a Saula, ‘o telio ia. 6Pea ko eni, tauange mo e ‘Eiki ke ne fai ‘ofa mo mo‘oni kiate kimoutolu: pea ko au foki te u totongi ‘a e ngāue lelei ni, ‘a ho‘omou fai ‘a e me‘a ni. 7Pea ko eni, ke mālohi homou nima, pea mou fakato‘oto‘a: he kuo pekia eni, ke mālohi homou nima, pea mou fakato‘oto‘a: he kuo pekia homou ‘eiki ko Saula, pea kuo fakanofo foki au ‘e ha‘a Siuta ko honau tu‘i.
8Ka ko ‘Āpina foha ‘o Nā, ko e ‘eiki ‘o e tau ‘a Saula, kuo ne to‘o ‘a ‘Isiposeti, ko e foha ‘o Saula, ‘o ne fakahā‘ele mai ia ki Mehanemi; 9pea ne fakanofo ia ke tu‘i ki Kiliati mo ha‘a ‘Āsuli,#2.9 Ko hono faka-Hepeluú ia, ka ‘oku pehē he hiki fuoloa ‘e taha: ‘Āseli. mo Sisilili, mo ‘Ifalemi, mo Penisimani, mo ‘Isileli kātoa. 10(Na‘e fāngofulu ta‘u ‘a ‘Isiposeti foha ‘o Saula, ‘i he‘ene hoko ko e Tu‘i ‘Isileli, pea na‘e ua ta‘u ‘ene tu‘i). Ka ko ha‘a Siuta na‘a nau muimui kia Tēvita.
11Pea ko e fuoloa ‘o e taimi na‘e tu‘i ai ‘a Tēvita ‘i Hepeloni ki ha‘a Siuta ko e fitu ta‘u mo e māhina ‘e ono.
12Pea ‘alu ‘a ‘Āpina foha ‘o Nā, mo e kau tamaio‘eiki ‘a ‘Isiposeti, foha ‘o Saula, mei Mehanemi ki Kipione. 13Pea ko Sioape ko e tama ‘a Seluvaia, mo e kau tamaio‘eiki ‘a Tēvita, na‘a nau ‘alu atu, ‘o nau fetaulaki tu‘u mo kinautolu ‘i he lepa ‘i Kipione; ‘o nau nofo hifo, ko kinautolu ‘i he kau lepa ko ē, mo kinautolu ‘i he kau lepa ko ē. 14Pea pehē ‘e ‘Āpina kia Sioape, Ke tu‘u hake mu‘a ‘a e kau tama, ‘o faiva ‘i hotau ‘ao. Pea tali ‘a Sioape, Ke nau tu‘u pē.
15Pea nau tutu‘u ‘o laka ange, ‘a kinautolu na‘e lau; ko e toko hongofulu mā ua ma‘a Penisimani, pea ma‘a ‘Isiposeti ko e foha ‘o Saula, pea ko e toko hongofulu mā ua ‘i he kau tamaio‘eiki ‘a Tēvita. 16Pea puke takitaha ‘a e ‘ulu ‘o hono fili, pea ko ‘ene heletā kuo ‘i he vakavaka leva ‘o ē; pea ko e toka‘apuaka na‘e fai: pea na‘e ui ‘a e feitu‘u ko ia ko Mala‘e-‘o-hele māsila; ‘oku ‘i Kipione ia.
17Pea fai atu ‘a e tau ‘i he ‘aho ko ia, ‘o kakaha ‘aupito; pea na‘e nuiki ‘a ‘Āpina mo e kau tangata ‘Isileli ‘i he ‘ao ‘o e kau tamaio‘eiki ‘a Tēvita. 18Pea na‘e ‘i he feitu‘u ko ia ‘a e tolu‘i tama ‘a Seluvaia, ‘a Sioape, mo ‘Apisai, mo ‘Asaeli: pea ko ‘Asaeli na‘e ve‘ekimokimo ‘o hangē ha kaseli taka vao. 19Ko ia na‘e tuli ‘a ‘Asaeli kia ‘Āpina, pea ‘i he‘ene ‘alu na‘e ‘ikai te ne afe ki he to‘omata‘u pe ki he to‘ohema, ka ne tuli tāupaua kia ‘Āpina. 20Pea kilo ki mui ‘a ‘Āpina? ‘o ne pehē, Ko koe ‘ena, ‘Asaeli? Pea ne tali, Ko au.
21Pea pehē mai ‘e ‘Āpina, Afe mu‘a ki to‘omata‘u pe ki to‘ohema, ‘o ala ki ha toko taha ‘o e kau tama, ‘o puke ma‘au hono kofu tau. Ka ka ‘ikai fie afe ‘a ‘Asaeli mei he‘ene tuli. 22Pea toe lea mai ‘a ‘Āpina kia ‘Asaeli, Tuku mu‘a ho‘o muimui kiate au: koe‘uma‘ā ‘eku taa‘i koe ki he kelekele? Ka u hanga hake fēfē ai ki ho ta‘okete ko Sioape? 23Kae ‘ikai ‘aupito te ne afe: ko ia na‘e veloi ia ‘i hono kete ‘e ‘Āpina ‘aki ‘a e hiku‘i tao,#2.23 ‘aki… tao; ‘Oku ‘ikai ke mahino ‘a hono faka-Hepeluú, ka ‘oku ngali tonu hono hiki ‘o ‘aki ‘ene velo‘i fakaholomui. pea ‘asi ‘a e tao ki tu‘a; pea ne tō leva ‘o pekia ‘i he potu ko ia: pea ko ia, ka a‘u ha taha ki he potu kuo tō ai ‘a ‘Asaeli, pea ne tu‘u ai.
24Ka ka tuli ai pē kia ‘Āpina ‘e Sioape mo ‘Apisai; pea na‘e tō ‘a e la‘ā fe‘unga mo ‘enau a‘u ki he mā‘olunga ko ‘Ama, ‘a ia ‘oku ‘i he hāngai ki Kia, ‘i he hala toafa ‘o Kipione. 25Pea fakatefua mai ‘e ha‘a Penisimani, ‘o muimui kia ‘Āpina, ‘o nau hoko ko e fo‘i kongakau, ‘o nau tutu‘u ‘i ha funga mā‘olunga. 26Pea kalanga ‘a ‘Āpina kia Sioape ‘o pehē, ‘E keina koā ‘a e heletā ‘o ta‘engata? ‘Ikai ‘oku ke ‘ilo ‘e iku kona? ko futu mo ho‘o ta‘efekau ki he kakai ke tuku ‘enau tuli ki honau kāinga.
27Pea tali ‘e Sioape, Tangi mo‘oni ‘a ‘Elohimi, ka ne ‘ikai te ke lea pehē, ne foki hake pongipongi ‘a e kakai takitaha mei he tuli hono kāinga. 28Pea na‘e ifi ‘e Sioape ‘a e talupite, pea tutu‘u ‘a e kakai kotoa, ‘o ‘ikai te nau toe tuli atu ‘a ‘Isileli, ‘o ‘ikai te nau fai atu ‘a e tau.
29Pea ko ‘Āpina mo ‘ene kau tangata na‘a nau ‘alu ‘i he ‘Alapā ‘i he pō ko ia kotoa, pea nau a‘a ‘i Soatani, pea na‘e ‘osi mai mo Pitiloni kotoa, pea nau a‘u ki Mehanemi.
30Pea foki ‘a Sioape mei he tuli ‘o ‘Āpina: pea ‘i he‘ene tānaki ‘a e kakai, na‘e ava ‘a e tu‘unga ‘o e toko hongofulu mā hiva ‘i he kau tamaio‘eiki ‘a Tēvita, pea mo ‘Asaeli. 31Ka kuo te‘ia ‘e he kau tamaio‘eiki ‘a Tēvita ha toko tolungeau mā onongofulu: ko e kau Penisimani ia mo e kau tangata ‘a ‘Āpina na‘e pekia. 32Pea nau kauala ‘a ‘Asaeli, ‘o tanu ‘i he fa‘itoka ‘o ‘ene tamai ‘a ia na‘e ‘i Pētelihema: pea ‘alu ‘a Sioape mo ‘ene kau tangata ‘i he pō ko ia kotoa, pea ‘i he ma‘a ‘a e ‘aho kuo nau ‘i Hepeloni.
Currently Selected:
KO 2 SĀMIUELA 2: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
