KO 2 SĀMIUELA 16
16
Ko Tēvita mo Sipa
1PEA kuo mahili si‘i atu ‘a Tēvita mo e tumutumu, mo e ‘iloange na‘e fakafetaulaki mai ‘a Sipa ko e tama ‘a Mefiposeti, mo e ongo ‘asi kuo teu, pea kuo fakaheka ki ai ha uangeau‘i mā, mo e teau‘i takaonga kālepi tauaki, mo e teau‘i fua‘i ‘akau, mo e hina leta uaine.#2 Sām 9.9-10 2Pea folofola ‘a e tu‘i kia Sipa, Ko e hā ena, motu‘a? Pea tali ‘e Sipa, Ko e ongo ‘asi ke heka ai ‘a e kau nofo‘anga ‘a e ‘afiona, pea ko e mā mo e fua‘i ‘akau ke tokoni ‘e he kau tama; pea ko e uaine ke inu ‘e ha ni‘ihi ‘e vaivai ‘i he toafa.
3Pea folofola ‘a e tu‘i, Ka ‘oku ‘i fē ‘a e foha ‘o ho‘o tangata‘eiki? Pea fakatau folofola hake ‘a Sipa ki he tu‘i; Vakai, ‘oku ne nofo pē ‘i Selusalema: he na‘a ne pehē, Ko e ‘aho ni ‘e fakafoki kiate au ‘e he fale ‘o ‘Isileli ‘a e pule‘anga ‘o ‘eku kui.#2 Sām 19.26-27
4Pea folofola ‘a e tu‘i kia Sipa, Sī, ma‘u ‘e koe ‘a e me‘a kotoa ‘a Mefiposeti. Pea pehē ‘e Sipa, ‘Ēī, ‘oku ou tō lafalafa ‘i ho ‘ao; ‘ofa ke hāngai fofonga mai ai pē ‘e he ‘afiona.
Ko Tēvita mo Simi
5Pea ‘i he a‘u ‘a Kingi Tēvita ki Pahulimi, ‘iloange na‘e hū ki tu‘a mei ai ha tangata na‘e kau ki he fa‘ahinga ‘oku ‘i ai ‘a e fale ‘o Saula, na‘e hingoa ko Simi foha ‘o Kela; na‘a ne hū kape mai, ‘o ha‘u ai pē mo kape. 6Pea ne toutou tolongi ‘aki ‘a e maka ‘a Tēvita, pea mo e kau tamaio‘eiki ‘a Kingi Tēvita, pea ko e kakai kotoa mo e kau helo na‘e ‘i hono to‘omata‘u mo to‘ohema. 7Pea ko eni ‘a e lea ‘a Simi ‘i he‘ene kape, ‘Alu, ‘alu, tangata fakapō, mo tangata faka-Pileali: 8kuo fakafoki kiate koe ‘e he ‘Eiki ‘a e toto ‘o e fale ‘o Saula, ‘a ia kuo ke tu‘i ko hono fetongi; pea kuo tuku ‘e he ‘Eiki ‘a e pule‘anga ki he nima ‘o ho foha ko ‘Apisalome: pea ko eni ko ho fo‘ui ‘oku fai, he ko e tangata toto‘ia koe.
9Pea fakatau folofola ki he tu‘i ‘a ‘Apisai ko e tama ‘a Seluvaia, Koe‘uma‘ā ke kape ‘a e kulī mate ni ki he ‘afio ‘a e tu‘i? kau laka atu mu‘a, ‘o paki‘i hono ‘ulu.
10Pea folofola ‘a e tu‘i, Ko homo hā au, ongo tama ‘a Seluvaia? Kapau kuo ne kape mai, pea kapau kuo pehē ‘e Sihova kiate ia, Ke ke kape kia Tēvita; pea ko hai tū ‘e fa‘a lea, Ko e hā ‘oku ke fai pehē ai? 11Pea pehē ‘e Tēvita kia ‘Apisai, pea ki he‘ene kau tamaio‘eiki kotoa; Vakai, ko hoku foha, na‘e ‘alu atu mei hoku fatu, ‘oku ne tuli ki he‘eku mo‘ui: kae huanoa ‘a e tama Penisimani ni. Tuku ai pē ke ne kape; he kuo fekau ia ‘e Sihova. 12Hei‘ilo ‘e fofonga ‘a Sihova ki he kovi ‘oku fai kiate au,#16.12 he kovi ‘oku fai kiate aú; Ko hono faka-Hepeluú ia, ka ‘oku pehē he ngaahi hiki fuoloa ‘e ni‘ihi: ‘eku mamahí. pea te ne totongi lelei kiate au ‘ene kape mai he ‘aho ni. 13Pea ‘alu ‘a Tēvita mo ‘ene kau tangata ‘i he hala: pea ‘alu ai pē ‘a Simi ‘i he tafa mo‘unga fe‘unga mo ia, ko ‘ene ‘alu ai pē mo kape, mo tolo hifo ki he potu ‘oku ne ‘i ai, mo laku efu. 14Pea a‘u ‘a e tu‘i mo e kakai kotoa na‘e ‘iate ia ki ‘Īfimi:#16.14 1) ki ‘Īfimi; ‘Oku ngali tonu hono hiki ‘o: kuo nau ongosia. 2) a‘u… ‘iate ia; ‘Oku pehē ‘i hono hiki fuoloa ‘e taha: a‘u… ‘iate ia ki he vaitafe ko Soataní. pea ne fakafiemālie ‘i he potu ko ia.
15Pea a‘u ki Selusalema ‘a ‘Apisalome mo e kakai kotoa, ‘a e kau tangata ‘Isileli, pea na‘e ‘iate ia ‘a ‘Ehitofeli. 16Pea ‘i he hoko mai kia ‘Apisalome ‘a e ‘Āleki ko Husai, ko e takanga ‘o Tēvita, na‘a ne pehē kia ‘Apisalome, Ke lākoifie ‘a e ‘afiona! ke lākoifie ‘a e ‘afiona!
17Pea pehē ‘e ‘Apisalome kia Husai, Ko ho‘o ‘ofa ia ki ho takanga? Ko e hā na‘e ‘ikai te ke ‘alu ai mo ho takanga?
18Pea tali ‘e Husai kia ‘Apisalome, ‘Ikai; ka ko ia kuo fili ki ai ‘a Sihova, mo e kakai ni, mo e tangata ‘Isileli fua pē, ‘e ‘o‘ona au; pea ko ia te u nofo ki ai. 19Kae‘uma‘ā foki, te u fakaongo kia hai? ‘Ikai te u fakafe‘ao ki hono foha? hangē ko ‘eku fakafe‘ao ki ho‘o ‘eiki, ‘e pehē ‘eku fai kia koe.
20Pea me‘a ‘a ‘Apisalome kia ‘Ehitofeli, Mou fai mai ha‘amou fakakaukau, pe ko e hā te tau fai.
21Pea pehē ‘e ‘Ehitofeli kia ‘Apisalome, ‘Alu ki he kau sinifu ‘a ho‘o ‘eiki, ‘a ia kuo ne tuku ke tauhi ‘a e fale; pea ‘e fanongo ‘e ‘Isileli kātoa kuo ke fakanamukuu‘i koe ki ho‘o ‘eiki: pea ‘e toki mālohi ‘a e nima ‘o e kakai kotoa ‘oku kau mo koe. 22Ko ia na‘a nau folahi ha tēniti mo‘o ‘Apisalome ‘i he tu‘a fale; pea na‘e ‘alu ‘a ‘Apisalome ki he kau sinifu ‘a ‘ene tamai kae mamata ‘e ‘Isileli kātoa.#2 Sām 12.11-12
23He ko e fakakaukau ‘a ‘Ehitofeli, ‘a ia na‘a ne fai ‘i he ngaahi ‘aho ko ē, na‘e tatau mo e huhū ‘e ha taha ki he folofola‘anga ‘o ‘Elohimi; na‘e pehē ‘a e fa‘a fale‘i ‘e ‘Ehitofeli ‘a Tēvita mo ‘Apisalome fakatou‘osi.
Currently Selected:
KO 2 SĀMIUELA 16: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO 2 SĀMIUELA 16
16
Ko Tēvita mo Sipa
1PEA kuo mahili si‘i atu ‘a Tēvita mo e tumutumu, mo e ‘iloange na‘e fakafetaulaki mai ‘a Sipa ko e tama ‘a Mefiposeti, mo e ongo ‘asi kuo teu, pea kuo fakaheka ki ai ha uangeau‘i mā, mo e teau‘i takaonga kālepi tauaki, mo e teau‘i fua‘i ‘akau, mo e hina leta uaine.#2 Sām 9.9-10 2Pea folofola ‘a e tu‘i kia Sipa, Ko e hā ena, motu‘a? Pea tali ‘e Sipa, Ko e ongo ‘asi ke heka ai ‘a e kau nofo‘anga ‘a e ‘afiona, pea ko e mā mo e fua‘i ‘akau ke tokoni ‘e he kau tama; pea ko e uaine ke inu ‘e ha ni‘ihi ‘e vaivai ‘i he toafa.
3Pea folofola ‘a e tu‘i, Ka ‘oku ‘i fē ‘a e foha ‘o ho‘o tangata‘eiki? Pea fakatau folofola hake ‘a Sipa ki he tu‘i; Vakai, ‘oku ne nofo pē ‘i Selusalema: he na‘a ne pehē, Ko e ‘aho ni ‘e fakafoki kiate au ‘e he fale ‘o ‘Isileli ‘a e pule‘anga ‘o ‘eku kui.#2 Sām 19.26-27
4Pea folofola ‘a e tu‘i kia Sipa, Sī, ma‘u ‘e koe ‘a e me‘a kotoa ‘a Mefiposeti. Pea pehē ‘e Sipa, ‘Ēī, ‘oku ou tō lafalafa ‘i ho ‘ao; ‘ofa ke hāngai fofonga mai ai pē ‘e he ‘afiona.
Ko Tēvita mo Simi
5Pea ‘i he a‘u ‘a Kingi Tēvita ki Pahulimi, ‘iloange na‘e hū ki tu‘a mei ai ha tangata na‘e kau ki he fa‘ahinga ‘oku ‘i ai ‘a e fale ‘o Saula, na‘e hingoa ko Simi foha ‘o Kela; na‘a ne hū kape mai, ‘o ha‘u ai pē mo kape. 6Pea ne toutou tolongi ‘aki ‘a e maka ‘a Tēvita, pea mo e kau tamaio‘eiki ‘a Kingi Tēvita, pea ko e kakai kotoa mo e kau helo na‘e ‘i hono to‘omata‘u mo to‘ohema. 7Pea ko eni ‘a e lea ‘a Simi ‘i he‘ene kape, ‘Alu, ‘alu, tangata fakapō, mo tangata faka-Pileali: 8kuo fakafoki kiate koe ‘e he ‘Eiki ‘a e toto ‘o e fale ‘o Saula, ‘a ia kuo ke tu‘i ko hono fetongi; pea kuo tuku ‘e he ‘Eiki ‘a e pule‘anga ki he nima ‘o ho foha ko ‘Apisalome: pea ko eni ko ho fo‘ui ‘oku fai, he ko e tangata toto‘ia koe.
9Pea fakatau folofola ki he tu‘i ‘a ‘Apisai ko e tama ‘a Seluvaia, Koe‘uma‘ā ke kape ‘a e kulī mate ni ki he ‘afio ‘a e tu‘i? kau laka atu mu‘a, ‘o paki‘i hono ‘ulu.
10Pea folofola ‘a e tu‘i, Ko homo hā au, ongo tama ‘a Seluvaia? Kapau kuo ne kape mai, pea kapau kuo pehē ‘e Sihova kiate ia, Ke ke kape kia Tēvita; pea ko hai tū ‘e fa‘a lea, Ko e hā ‘oku ke fai pehē ai? 11Pea pehē ‘e Tēvita kia ‘Apisai, pea ki he‘ene kau tamaio‘eiki kotoa; Vakai, ko hoku foha, na‘e ‘alu atu mei hoku fatu, ‘oku ne tuli ki he‘eku mo‘ui: kae huanoa ‘a e tama Penisimani ni. Tuku ai pē ke ne kape; he kuo fekau ia ‘e Sihova. 12Hei‘ilo ‘e fofonga ‘a Sihova ki he kovi ‘oku fai kiate au,#16.12 he kovi ‘oku fai kiate aú; Ko hono faka-Hepeluú ia, ka ‘oku pehē he ngaahi hiki fuoloa ‘e ni‘ihi: ‘eku mamahí. pea te ne totongi lelei kiate au ‘ene kape mai he ‘aho ni. 13Pea ‘alu ‘a Tēvita mo ‘ene kau tangata ‘i he hala: pea ‘alu ai pē ‘a Simi ‘i he tafa mo‘unga fe‘unga mo ia, ko ‘ene ‘alu ai pē mo kape, mo tolo hifo ki he potu ‘oku ne ‘i ai, mo laku efu. 14Pea a‘u ‘a e tu‘i mo e kakai kotoa na‘e ‘iate ia ki ‘Īfimi:#16.14 1) ki ‘Īfimi; ‘Oku ngali tonu hono hiki ‘o: kuo nau ongosia. 2) a‘u… ‘iate ia; ‘Oku pehē ‘i hono hiki fuoloa ‘e taha: a‘u… ‘iate ia ki he vaitafe ko Soataní. pea ne fakafiemālie ‘i he potu ko ia.
15Pea a‘u ki Selusalema ‘a ‘Apisalome mo e kakai kotoa, ‘a e kau tangata ‘Isileli, pea na‘e ‘iate ia ‘a ‘Ehitofeli. 16Pea ‘i he hoko mai kia ‘Apisalome ‘a e ‘Āleki ko Husai, ko e takanga ‘o Tēvita, na‘a ne pehē kia ‘Apisalome, Ke lākoifie ‘a e ‘afiona! ke lākoifie ‘a e ‘afiona!
17Pea pehē ‘e ‘Apisalome kia Husai, Ko ho‘o ‘ofa ia ki ho takanga? Ko e hā na‘e ‘ikai te ke ‘alu ai mo ho takanga?
18Pea tali ‘e Husai kia ‘Apisalome, ‘Ikai; ka ko ia kuo fili ki ai ‘a Sihova, mo e kakai ni, mo e tangata ‘Isileli fua pē, ‘e ‘o‘ona au; pea ko ia te u nofo ki ai. 19Kae‘uma‘ā foki, te u fakaongo kia hai? ‘Ikai te u fakafe‘ao ki hono foha? hangē ko ‘eku fakafe‘ao ki ho‘o ‘eiki, ‘e pehē ‘eku fai kia koe.
20Pea me‘a ‘a ‘Apisalome kia ‘Ehitofeli, Mou fai mai ha‘amou fakakaukau, pe ko e hā te tau fai.
21Pea pehē ‘e ‘Ehitofeli kia ‘Apisalome, ‘Alu ki he kau sinifu ‘a ho‘o ‘eiki, ‘a ia kuo ne tuku ke tauhi ‘a e fale; pea ‘e fanongo ‘e ‘Isileli kātoa kuo ke fakanamukuu‘i koe ki ho‘o ‘eiki: pea ‘e toki mālohi ‘a e nima ‘o e kakai kotoa ‘oku kau mo koe. 22Ko ia na‘a nau folahi ha tēniti mo‘o ‘Apisalome ‘i he tu‘a fale; pea na‘e ‘alu ‘a ‘Apisalome ki he kau sinifu ‘a ‘ene tamai kae mamata ‘e ‘Isileli kātoa.#2 Sām 12.11-12
23He ko e fakakaukau ‘a ‘Ehitofeli, ‘a ia na‘a ne fai ‘i he ngaahi ‘aho ko ē, na‘e tatau mo e huhū ‘e ha taha ki he folofola‘anga ‘o ‘Elohimi; na‘e pehē ‘a e fa‘a fale‘i ‘e ‘Ehitofeli ‘a Tēvita mo ‘Apisalome fakatou‘osi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.