KO 2 SĀMIUELA 17
17
Ko Hono Lohiaki‘i ‘e Husai ‘a ‘Apisalome
1NA‘E pehē foki ‘e ‘Ehitofeli kia ‘Apisalome, Ka u fili mu‘a ha toko taha mano mā toko ua afe, pea u tu‘u ‘o tuli kia Tēvita he pō ni: 2pea te u ma‘u atu ki ai ‘oku ne ongosia mo vaivai, pea te u faka‘ohovale‘i ia; pea ‘e hola ‘a e kakai kotoa ‘oku ‘iate ia, pea te u tāmate‘i ‘a e tu‘i toko taha pē: 3pea te u fakafoki ‘a e kakai kotoa kiate koe: ko e pehē leva ‘a e tangata ‘oku ke tuli ki ai, ko e foki ia ‘a e kakai kotoa:#17.3 pea te u fakafoki… kakaí kotoa, (pe ‘oku hangē ko e foki mai ‘a e kakaí kotoa ‘a e tangata ‘okú ke fekumi kia aí); Ko hono faka-Hepeluú ia, ka ‘oku pehē he hiki fuoloa ‘e taha: hangē ha foki ha fefine mali ki hono husepānití. ‘Okú ke loto ke tāmate‘i ‘a e tangata ‘e tokotaha pē. ‘e melino leva ‘a e kakai kotoa. 4Pea na‘e lelei‘ia ‘a ‘Apisalome mo e kau mātu‘a ‘Isileli ‘i he lea ko ia.
5Pea pehē ‘a ‘Apisalome, Ui mai mu‘a ‘a Husai foki, ‘a e motu‘a ‘Āleki, ka tau fanongo foki pe ko e hā ‘ene poa ‘a‘ana. 6Pea hū mai ‘a Husai kia ‘Apisalome, pea pehē ‘e ‘Apisalome ki ai, Kuo pehē ‘a e lea ‘a ‘Ehitofeli: te tau fai ki he‘ene lau? pea ka ‘ikai, pea ke lea koe.
7Pea fakatau folofola ‘e Husai kia ‘Apisalome, ‘Oku ‘ikai lelei ‘a e fakakaukau kuo fai ‘e ‘Ehitofeli ki mui ni. 8Pea fai atu ‘e Husai ‘ene lau, ‘Oku ke mea‘i ho‘o ‘eiki mo ‘ene kau tangata, ko e kau helo kinautolu, pea kuo kona honau loto, ‘o hangē ha pea taka vao kuo mole hono ‘uhiki: pea ko e pāte‘i tau ‘a ho‘o ‘eiki, pea tala‘ehai te ne ‘apitanga mo e kakai. 9Kuo pau ‘oku ne toi ni ‘i ha taha ‘o e ngaahi luo, pe ha taha ‘o e ngaahi potu ko ē: pea ka ‘iloange leva te ne mofuta, ‘o tō mai kiate kinautolu, pea ‘ilonga ‘a ia te ne fanongo ki ai te ne pehē, Kuo ‘i ai ha tō ‘i he fa‘ahi ‘a ‘Apisalome. 10Pea na‘a mo e to‘a tete‘e, ‘a ia ‘oku loto fakalaione, ‘e mātu‘aki vai; he ‘oku ‘ilo ‘e ‘Isileli kātoa ko e helo ‘a ho‘o ‘eiki, pea ko e kau to‘a ‘a e kakai ‘oku ‘iate ia. 11Ka ko ‘eku fakakaukau ‘aku ke mātu‘aki fakatahataha ‘a ‘Isileli kātoa ki he ‘afiona, mei Tani ‘o a‘u ki Peasipa, ke hangē ko e ‘one‘one ‘o e matātahi honau tokolahi; pea ke fotu koe ‘i he tau. 12Pea te tau hoko kiate ia ‘i ha taha ‘o e ngaahi potu ‘e ma‘u ia ki ai, pea te tau tālolo kiate ia ‘o hangē ko e tō ‘a e hahau ki he kelekele: pea ‘e ‘ikai te tau fakatoe ‘iate ia mo ‘ene kau tangata ha momo‘i toko taha. 13Pea kapau leva kuo ne moulu ki ha kolo, pea ‘e ‘omi maea ‘e ‘Isileli kātoa ki he kolo ko ia, pea te tau toho ia#17.13 ia [‘a e tangatá]; Ko e faka-Hepeluú ia, ka ‘oku pehē he ngaahi hiki motu‘á: ‘a e koló. ki he vaitafe, kae‘oua ke ‘ikai ‘ilo ai ha kihi‘i momo‘i maka.
14Pea pehē ‘e ‘Apisalome mo e kau tangata ‘Isileli, ‘Oku lelei ‘a e fakakaukau ‘a e ‘Āleki ko Husai ‘i he fakakaukau ‘a ‘Ehitofeli. He kuo tu‘utu‘uni ‘e Sihova ke le‘ei ‘a e fakakaukau lelei ‘a ‘Ehitofeli, koe‘uhi kae ‘omi ‘e he ‘Eiki ha mala kia ‘Apisalome.
Ko Hono Fai e Fakatokanga kia Tēvita ‘o ne Hao
15Pea pehē ‘e Husai kia Sātoki mo ‘Āpaiata ko e ongo taula‘eiki, Na‘e pehē mo pehē ‘a e fale‘i ‘o ‘Apisalome mo e mātu‘a ‘Isileli ‘e ‘Ehitofeli; pea pehē mo pehē ‘eku fale‘i ‘aku. 16Ko ia, ke ‘alu vave ha‘amo fekau, ‘o fakahā kia Tēvita, ‘o pehē, ‘Oua te ke toka he pō ni ‘i he a‘a‘anga ‘o e Toafa, kaekehe ke ke mātu‘aki a‘a atu; na‘a fōngia hifo ‘a e tu‘i mo e kakai kotoa ‘oku ‘iate ia.
17Pea ko Sionatane mo ‘Ahima‘asi ē na‘e tatali mei ‘Eni-lokeli, kae fakahoko lea kiate kinaua ‘e ha fefine kaunanga; kae ‘alu kinaua ‘o fakahā kia Kingi Tēvita: he na‘e ‘ikai te na lava ke hū fakahā ki kolo. 18Ka ka ‘ilo kinaua ‘e ha talavou, ‘o ne fakahā kia ‘Apisalome: pea na fakavave kinaua, ‘o hū ki he fale ‘o ha tangata Pahulimi, ‘a ia na‘a ne ma‘u ha vaikeli ‘i hono loto‘ā. 19Pea na ‘alu hifo ki ai. Pea hanga ‘e he fefine ‘o folahi ‘a e tāpuni ‘i he funga vai, ‘o ne fola ai ‘ene momosi pa‘ale: pea na‘e ‘ikai ‘ilo ‘a e me‘a. 20Pea omi ‘a e kau tamaio‘eiki ‘a ‘Apisalome ki he fefine ki he fale; pea nau pehē, Koma‘ā ‘a ‘Ahima‘asi mo Sionatane? Pea pehē ‘a e fefine kiate kinautolu, Kuo na laka ‘i he ki‘i vai, pea kuo nau kumi ki ai ‘o ‘ikai ma‘u, pea nau foki ki Selusalema.
21Pea kuo nau ō leva, pea na ō hake mei he vai, ‘o na ō ‘o fakahā kia Kingi Tēvita: pea na fakatau folofola kia Tēvita, Mou tu‘u, ‘o a‘a leva ‘i he vai: he ‘oku fakapehē ‘a e o‘i ‘e ‘Ehitofeli ke mou tu‘utāmaki. 22Toki tu‘u ‘a Tēvita, mo e kakai kotoa na‘e ‘iate ia, pea nau a‘a ‘i Soatani: fe‘unga mo e maama ‘a e ‘aho, na‘e ‘ikai toe hanau toko taha na‘e ‘ikai ‘i he kauvai ‘i Soatani.
23Ka ko ‘Ehitofeli, ‘i he‘ene vakai ‘oku ‘ikai fai ki he‘ene fakakaukau, na‘a ne teu ‘ene ‘asi, ‘o ne tu‘u ‘o ‘alu ki hono fale ‘i hono kolo, ‘o ne fai tu‘utu‘uni ki hono fāmili, pea ne toki no‘o u‘a ia; ko ia na‘a ne pekia, pea na‘e tanu ‘i he fa‘itoka ‘o ‘ene tamai.
24Pea a‘u ‘a Tēvita ki Mehanemi. Pea a‘a ‘a ‘Apisalome ‘i Soatani, pea ō mo ia ‘a e tangata ‘Isileli fua pē. 25Pea fakanofo ‘e ‘Apisalome ‘a ‘Āmasa ke ‘eikitau ko e fetongi ‘o Sioape. Pea ko ‘Āmasa ko e foha ‘o ha motu‘a na‘e hingoa ko Sītela ko e ‘Isileli,#17.25 ko e ‘Isileli; Ko hono faka-Hepeluú ia, ka ‘oku pehē he hiki fuoloa ‘e taha: ko e ‘Isime‘eli. (toe vakai kia 1 Kal 2.17). ‘a ia na‘a ne ‘alu kia ‘Apikale ko e ‘ōfefine ‘o Nā‘asi mo e tokoua ‘o Seluvaia ko e fa‘ē ‘a Sioape. 26Pea na‘e ‘apitanga ‘a ‘Isileli mo ‘Apisalome ‘i he fonua ko Kiliati.
27Pea ‘i he a‘u leva ‘a Tēvita ki Mehanemi, na‘e hanga ‘a Sopi ko e foha ‘o Nā‘asi mei Lapa ‘a ha‘a ‘Āmoni, mo Mākili foha ‘o ‘Amieli mei Lō-tipale, mo Pasiliai ko e Kiliati mei Lokelimi, 28‘o nau ‘omi ‘a e ngaahi mohenga, mo e ngaahi pēsoni, mo e ipu kelekele, mo e uite, mo e pa‘ale, mo e mahoa‘a, mo ia kuo tunu, mo e piini, mo e letili, mo ia kuo tunu,#17.28-29 mo e lētili… tunú; Ko hono faka-Hepeluú ia, ka ‘oku pehē he ngaahi hiki fuoloa ‘e ni‘ihi: Lētili. 29mo e honi, mo e pota, mo e sipi, mo e siisi pulumokau, ke kai ‘e Tēvita mo e kakai na‘e ‘iate ia: he na‘a nau pehē, Si‘i kakai kuo nau hālofia, mo ongosia, mo fie inua, he‘enau ‘alu ‘i he toafa.
Currently Selected:
KO 2 SĀMIUELA 17: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO 2 SĀMIUELA 17
17
Ko Hono Lohiaki‘i ‘e Husai ‘a ‘Apisalome
1NA‘E pehē foki ‘e ‘Ehitofeli kia ‘Apisalome, Ka u fili mu‘a ha toko taha mano mā toko ua afe, pea u tu‘u ‘o tuli kia Tēvita he pō ni: 2pea te u ma‘u atu ki ai ‘oku ne ongosia mo vaivai, pea te u faka‘ohovale‘i ia; pea ‘e hola ‘a e kakai kotoa ‘oku ‘iate ia, pea te u tāmate‘i ‘a e tu‘i toko taha pē: 3pea te u fakafoki ‘a e kakai kotoa kiate koe: ko e pehē leva ‘a e tangata ‘oku ke tuli ki ai, ko e foki ia ‘a e kakai kotoa:#17.3 pea te u fakafoki… kakaí kotoa, (pe ‘oku hangē ko e foki mai ‘a e kakaí kotoa ‘a e tangata ‘okú ke fekumi kia aí); Ko hono faka-Hepeluú ia, ka ‘oku pehē he hiki fuoloa ‘e taha: hangē ha foki ha fefine mali ki hono husepānití. ‘Okú ke loto ke tāmate‘i ‘a e tangata ‘e tokotaha pē. ‘e melino leva ‘a e kakai kotoa. 4Pea na‘e lelei‘ia ‘a ‘Apisalome mo e kau mātu‘a ‘Isileli ‘i he lea ko ia.
5Pea pehē ‘a ‘Apisalome, Ui mai mu‘a ‘a Husai foki, ‘a e motu‘a ‘Āleki, ka tau fanongo foki pe ko e hā ‘ene poa ‘a‘ana. 6Pea hū mai ‘a Husai kia ‘Apisalome, pea pehē ‘e ‘Apisalome ki ai, Kuo pehē ‘a e lea ‘a ‘Ehitofeli: te tau fai ki he‘ene lau? pea ka ‘ikai, pea ke lea koe.
7Pea fakatau folofola ‘e Husai kia ‘Apisalome, ‘Oku ‘ikai lelei ‘a e fakakaukau kuo fai ‘e ‘Ehitofeli ki mui ni. 8Pea fai atu ‘e Husai ‘ene lau, ‘Oku ke mea‘i ho‘o ‘eiki mo ‘ene kau tangata, ko e kau helo kinautolu, pea kuo kona honau loto, ‘o hangē ha pea taka vao kuo mole hono ‘uhiki: pea ko e pāte‘i tau ‘a ho‘o ‘eiki, pea tala‘ehai te ne ‘apitanga mo e kakai. 9Kuo pau ‘oku ne toi ni ‘i ha taha ‘o e ngaahi luo, pe ha taha ‘o e ngaahi potu ko ē: pea ka ‘iloange leva te ne mofuta, ‘o tō mai kiate kinautolu, pea ‘ilonga ‘a ia te ne fanongo ki ai te ne pehē, Kuo ‘i ai ha tō ‘i he fa‘ahi ‘a ‘Apisalome. 10Pea na‘a mo e to‘a tete‘e, ‘a ia ‘oku loto fakalaione, ‘e mātu‘aki vai; he ‘oku ‘ilo ‘e ‘Isileli kātoa ko e helo ‘a ho‘o ‘eiki, pea ko e kau to‘a ‘a e kakai ‘oku ‘iate ia. 11Ka ko ‘eku fakakaukau ‘aku ke mātu‘aki fakatahataha ‘a ‘Isileli kātoa ki he ‘afiona, mei Tani ‘o a‘u ki Peasipa, ke hangē ko e ‘one‘one ‘o e matātahi honau tokolahi; pea ke fotu koe ‘i he tau. 12Pea te tau hoko kiate ia ‘i ha taha ‘o e ngaahi potu ‘e ma‘u ia ki ai, pea te tau tālolo kiate ia ‘o hangē ko e tō ‘a e hahau ki he kelekele: pea ‘e ‘ikai te tau fakatoe ‘iate ia mo ‘ene kau tangata ha momo‘i toko taha. 13Pea kapau leva kuo ne moulu ki ha kolo, pea ‘e ‘omi maea ‘e ‘Isileli kātoa ki he kolo ko ia, pea te tau toho ia#17.13 ia [‘a e tangatá]; Ko e faka-Hepeluú ia, ka ‘oku pehē he ngaahi hiki motu‘á: ‘a e koló. ki he vaitafe, kae‘oua ke ‘ikai ‘ilo ai ha kihi‘i momo‘i maka.
14Pea pehē ‘e ‘Apisalome mo e kau tangata ‘Isileli, ‘Oku lelei ‘a e fakakaukau ‘a e ‘Āleki ko Husai ‘i he fakakaukau ‘a ‘Ehitofeli. He kuo tu‘utu‘uni ‘e Sihova ke le‘ei ‘a e fakakaukau lelei ‘a ‘Ehitofeli, koe‘uhi kae ‘omi ‘e he ‘Eiki ha mala kia ‘Apisalome.
Ko Hono Fai e Fakatokanga kia Tēvita ‘o ne Hao
15Pea pehē ‘e Husai kia Sātoki mo ‘Āpaiata ko e ongo taula‘eiki, Na‘e pehē mo pehē ‘a e fale‘i ‘o ‘Apisalome mo e mātu‘a ‘Isileli ‘e ‘Ehitofeli; pea pehē mo pehē ‘eku fale‘i ‘aku. 16Ko ia, ke ‘alu vave ha‘amo fekau, ‘o fakahā kia Tēvita, ‘o pehē, ‘Oua te ke toka he pō ni ‘i he a‘a‘anga ‘o e Toafa, kaekehe ke ke mātu‘aki a‘a atu; na‘a fōngia hifo ‘a e tu‘i mo e kakai kotoa ‘oku ‘iate ia.
17Pea ko Sionatane mo ‘Ahima‘asi ē na‘e tatali mei ‘Eni-lokeli, kae fakahoko lea kiate kinaua ‘e ha fefine kaunanga; kae ‘alu kinaua ‘o fakahā kia Kingi Tēvita: he na‘e ‘ikai te na lava ke hū fakahā ki kolo. 18Ka ka ‘ilo kinaua ‘e ha talavou, ‘o ne fakahā kia ‘Apisalome: pea na fakavave kinaua, ‘o hū ki he fale ‘o ha tangata Pahulimi, ‘a ia na‘a ne ma‘u ha vaikeli ‘i hono loto‘ā. 19Pea na ‘alu hifo ki ai. Pea hanga ‘e he fefine ‘o folahi ‘a e tāpuni ‘i he funga vai, ‘o ne fola ai ‘ene momosi pa‘ale: pea na‘e ‘ikai ‘ilo ‘a e me‘a. 20Pea omi ‘a e kau tamaio‘eiki ‘a ‘Apisalome ki he fefine ki he fale; pea nau pehē, Koma‘ā ‘a ‘Ahima‘asi mo Sionatane? Pea pehē ‘a e fefine kiate kinautolu, Kuo na laka ‘i he ki‘i vai, pea kuo nau kumi ki ai ‘o ‘ikai ma‘u, pea nau foki ki Selusalema.
21Pea kuo nau ō leva, pea na ō hake mei he vai, ‘o na ō ‘o fakahā kia Kingi Tēvita: pea na fakatau folofola kia Tēvita, Mou tu‘u, ‘o a‘a leva ‘i he vai: he ‘oku fakapehē ‘a e o‘i ‘e ‘Ehitofeli ke mou tu‘utāmaki. 22Toki tu‘u ‘a Tēvita, mo e kakai kotoa na‘e ‘iate ia, pea nau a‘a ‘i Soatani: fe‘unga mo e maama ‘a e ‘aho, na‘e ‘ikai toe hanau toko taha na‘e ‘ikai ‘i he kauvai ‘i Soatani.
23Ka ko ‘Ehitofeli, ‘i he‘ene vakai ‘oku ‘ikai fai ki he‘ene fakakaukau, na‘a ne teu ‘ene ‘asi, ‘o ne tu‘u ‘o ‘alu ki hono fale ‘i hono kolo, ‘o ne fai tu‘utu‘uni ki hono fāmili, pea ne toki no‘o u‘a ia; ko ia na‘a ne pekia, pea na‘e tanu ‘i he fa‘itoka ‘o ‘ene tamai.
24Pea a‘u ‘a Tēvita ki Mehanemi. Pea a‘a ‘a ‘Apisalome ‘i Soatani, pea ō mo ia ‘a e tangata ‘Isileli fua pē. 25Pea fakanofo ‘e ‘Apisalome ‘a ‘Āmasa ke ‘eikitau ko e fetongi ‘o Sioape. Pea ko ‘Āmasa ko e foha ‘o ha motu‘a na‘e hingoa ko Sītela ko e ‘Isileli,#17.25 ko e ‘Isileli; Ko hono faka-Hepeluú ia, ka ‘oku pehē he hiki fuoloa ‘e taha: ko e ‘Isime‘eli. (toe vakai kia 1 Kal 2.17). ‘a ia na‘a ne ‘alu kia ‘Apikale ko e ‘ōfefine ‘o Nā‘asi mo e tokoua ‘o Seluvaia ko e fa‘ē ‘a Sioape. 26Pea na‘e ‘apitanga ‘a ‘Isileli mo ‘Apisalome ‘i he fonua ko Kiliati.
27Pea ‘i he a‘u leva ‘a Tēvita ki Mehanemi, na‘e hanga ‘a Sopi ko e foha ‘o Nā‘asi mei Lapa ‘a ha‘a ‘Āmoni, mo Mākili foha ‘o ‘Amieli mei Lō-tipale, mo Pasiliai ko e Kiliati mei Lokelimi, 28‘o nau ‘omi ‘a e ngaahi mohenga, mo e ngaahi pēsoni, mo e ipu kelekele, mo e uite, mo e pa‘ale, mo e mahoa‘a, mo ia kuo tunu, mo e piini, mo e letili, mo ia kuo tunu,#17.28-29 mo e lētili… tunú; Ko hono faka-Hepeluú ia, ka ‘oku pehē he ngaahi hiki fuoloa ‘e ni‘ihi: Lētili. 29mo e honi, mo e pota, mo e sipi, mo e siisi pulumokau, ke kai ‘e Tēvita mo e kakai na‘e ‘iate ia: he na‘a nau pehē, Si‘i kakai kuo nau hālofia, mo ongosia, mo fie inua, he‘enau ‘alu ‘i he toafa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.