KO 2 SĀMIUELA 14
14
Ko Hono Fokotu‘utu‘u ‘e Tēvita ‘a e Foki Mai ‘a ‘Apisalom e
1PEA vakai ‘e Sioape tama ‘a Seluvaia ko e loto ‘o Tēvita ‘oku ‘ia ‘Apisalome. 2Pea ‘alu ‘a e fekau ‘a Sioape ki Tekoa, ‘o ne ‘omi mei ai ha fefine poto, ‘o ne pehē ki ai, ‘Eni, ke ke fakakehe koe, pea ke ‘ai tauanga‘a: ‘oua ‘e pani, ka ke hangē ko ha fefine kuo fuoloa ‘ene tēngihia ha pekia: 3pea ke ‘alu ki he tu‘i pea ke lea kiate ia ‘o hangē ko eni. Pea fale‘i ia ‘e Sioape ‘i he ngaahi lea te ne fai.
4Pea ‘i he tautapa ‘a e finemotu‘a Tekoa ki he tu‘i, na‘a ne tō fo‘ohifo ki he kelekele, ‘o hū, ‘o ne pehē, ‘Ēī, tokoni mai.
5Pea folofola mai ‘a e tu‘i, Ko e hā ‘au? Pea tali ‘e he fefine, Ko ‘eku mo‘oni ko e fefine paea au, pea kuo pekia hoku ‘unoho.
6Pea na‘e ma‘u ‘e ho‘o kaunanga ko au ha ongo tama, pea na feolo‘i ‘i he vao, pea na‘e ‘ikai ha taha ke fakamāvae kinaua, pea hanga ‘e ē ‘o taa‘i ē, ‘o tāmate‘i. 7Pea kuo tu‘u ‘a e fāmili kotoa ki ho‘o kaunanga ko au, ‘o nau pehē, Tuku mai ia na‘a ne taa‘i hono tokoua ke mau tāmate‘i ia, koe‘uhi ko e mo‘ui ‘a hono tokoua ‘a ia na‘a ne fakapoongi, ‘o faka‘auha ‘a e ‘ea foki: pea te nau tāmate‘i hoku fo‘i kalofiama ‘oku toe, ‘o ‘ikai te nau tuku ki hoku husepāniti ha hingoa pe toenga ‘i he funga ‘o māmani.
8Pea folofola ‘a e tu‘i ki he fefine, ‘Alu ki ho fale, pea te u fai tu‘utu‘uni ‘e au ‘iate koe.
9Pea fai atu ‘e he fefine Tekoa ‘ene fakatau folofola ki he tu‘i, ‘Ēī ‘a e ‘afiona, ke tō kiate au ‘a e kovi, pea ki he fale ‘o hoku tupu‘anga: kae ‘atā ‘a e feitu‘u na mo ho taloni.
10Pea folofola ‘a e tu‘i, Ka ‘ilonga ha taha ‘e lea kiate koe, pea ‘omi ia kiate au, pea ‘e ‘ikai te ne toe ala kiate koe.
11Pea pehē ‘e he fefine, Ke manatu mu‘a ‘a e ‘afiona kia Sihova ko ho ‘Otua, ‘o ‘oua ‘e mōia atu ‘a e koeli tongi toto, na‘a nau tāmate‘i ‘eku tama. Pea ne folofola, Tangi mo‘oni ‘a e ‘Eiki ha tō kelekele ha tu‘oni lou‘ulu ‘o ho‘o tama.
12Pea pehē ‘e he fefine, Fakamolemole, kae fai atu ‘e ho‘o kaunanga ko au ha fo‘i lea ki he ‘afio ‘a e tu‘i. Pea me‘a mai ‘e ia, Lea pē.
13Pea fakatau folofola hake ‘e he fefine leva, Ko e hā kuo ke fakakaukau‘i ai ha me‘a pehē ki hani kakai ‘a e ‘Otua? He ‘i he lea pehē ‘a e ‘afiona ‘oku hangē ‘oku ne fakahalaia ia ‘e ia, ko e ‘ikai ke fakafoki ‘e he ‘afiona hono fakahē. 14He kuo pau ‘etau mate, ‘o tau hangē ko e vai ‘oku malingi ki he kelekele, ‘a ia ‘e ‘ikai ala tānaki; pea tala‘ehai ko e anga ‘o e ‘Otua ke ‘ave mo‘ui, ka ‘oku ne fakakaukau‘i ha fakakaukau ke ‘oua na‘a motu ‘aupito meiate ia ‘a ia kuo fakahee‘i.#14.14 pea tala‘ehaí … fakahē‘í; ‘Oku ‘ikai ke mahino ‘a hono faka-Hepeluú, ka ‘oku ngali tonu hono hiki ‘o Na‘a mo e ‘Otuá ‘oku ‘ikai te ne toe fakamo‘ui ‘a e kakai kuo maté, ka ‘e ‘ilo pē ā ‘e he tu‘i ha founga ke fakafoki mai ai ha taha kuo fakahee‘i. 15Pea ko eni ko ‘eku ha‘u ke fakatau folofola pehē ki he ‘afio ‘a e tu‘i, koe‘uhiā na‘e fakailifia‘i au ‘e he kakai: pea na‘e pehē ‘e ho‘o kaunanga ko au, Ka u lea mu‘a ki he tu‘i, hei‘ilo ‘e fakaai ‘e he ‘afiona ‘a e me‘a ‘a ‘ene sevāniti. 16‘Io, ‘e ongo‘i ‘e he tu‘i, ‘o hamusi ‘ene sevāniti mei he nima ‘o e tangata ‘oku fie faka‘auha au mo ‘eku tama fakatou‘osi mei he tofi‘a ‘o e ‘Otua. 17Pea na‘e pehē ‘e ho‘o kaunanga ko au, ‘Ofa ke melino ‘a e folofola ‘a e ‘afio ko e tu‘i: he hangē ko e ‘āngelo ‘o ‘Elohimi, ‘oku pehē ‘a e ‘afio ko e tu‘i, ‘ene ongo‘i ‘a e lelei mo e kovi;#14.17 ongo‘i ‘a e lelei mo e kovi (fakafaikehekehe‘i ‘a e leleí mo e koví); pe ‘ilo e me‘a kotoa pē. pea ke kau mo koe ‘a Sihova ko ho ‘Otua.#2 Sām 19.27
18Pea tali ‘e he tu‘i, ‘o ne me‘a mai ki he fefine, Sī, ‘oua te ke fufū meiate au ‘a e me‘a ‘oku ou fehu‘i atu. Pea pehē ‘e he fefine, Ke folofola mai ‘a e ‘afio ‘a e tu‘i.
19Pea me‘a mai ‘a e tu‘i, Ko e nima ‘o Sioape ‘oku ‘iate koe ‘i he me‘a ni kotoa, ‘inē? Pea tali ‘a e fefine, ‘o ne fakatau folofola hake, Tangi mo‘oni ‘a e feitu‘u na hono lava ke afe ki to‘omata‘u pe ki to‘ohema mei he me‘a fuli pē ‘oku folofola‘aki ‘e he ‘afiona:#14.19 Tangi… ‘afiona; pe ‘oku mo‘oni ta‘etoe fakaveiveiua ‘a e me‘a kuó ke folofola‘akí. he ko ho‘o tamaio‘eiki ko Sioape, ko ia na‘a ne kouna au, pea ko ia na‘a ne ‘ai ki he ngutu ‘o ho‘o kaunanga ‘a e ngaahi lea ni kotoa:
20koe‘uhiā ke le‘ei ‘a e mata ‘o e me‘a ko ia na‘e fai ai ‘a e me‘a ni ‘e ho‘o tamaio‘eiki ko Sioape: ka ‘oku poto ‘a e feitu‘u na, hangē ko e poto ‘a e ‘āngelo ‘o ‘Elohimi, ke ‘ilo ‘a e me‘a kotoa ‘oku ‘i māmani.
21Pea folofola ‘a e tu‘i kia Sioape, Ko eni kuo u fai ‘a e me‘a ni: ko ia ke ke ‘alu, ‘o fakafoki ‘a e tama ko ‘Apisalome.
22Pea tō fo‘ohifo ‘a Sioape ki he kelekele, ‘o fai ‘ene faka‘apa‘apa, mo fakafeta‘i ki he tu‘i; pea fakatau folofola hake ‘e Sioape, ‘Ēī, ko e ‘aho ni kuo ‘ilo ‘e ho‘o tamaio‘eiki ko au kuo u ta‘imālie he ‘ofa ‘a e ‘afiona, ko e fakaai ‘e he ‘afio ‘a e kole ‘a ‘ene tamaio‘eiki. 23Pea tu‘u ‘a Sioape, ‘o ne ‘alu ki Kēsuli, ‘o ne ‘omi ‘a ‘Apisalome ki Selusalema. 24Pea folofola ‘a e tu‘i, Tuku ke ne foki ki he fale ‘o‘ona, ‘o ‘oua ‘e tuku ke ne sio kiate au. Pea na‘e foki ‘a ‘Apisalome ki hono fale, ‘o ‘ikai te ne sio ki he fofonga ‘o e tu‘i.
25Pea na‘e ‘ikai ha tangata ‘i ‘Isileli kātoa ‘e tatau mo ‘Apisalome ‘i hono fu‘u apai he‘ene matamatalelei: mei hono ‘aofiva‘e ‘o a‘u ki hono tumu‘aki na‘e ‘ikai hano ‘ila. 26Pea ‘i he kosi hono lau, (pea ko e faka‘osi ta‘u kotoa pē na‘a ne kosi ai: na‘e mamafa fau, ko ia na‘a ne kosi ai) na‘a ne fua tautau hono lou‘ulu, tā ko e sikeli ‘e uangeau ‘i he me‘a fua ‘a e tu‘i. 27Pea na‘e fanau‘i kia ‘Apisalome ha foha ‘e toko tolu, mo e ‘ōfefine ‘e taha na‘e hingoa ko Tema: ko e fefine ia na‘e matamatalelei.
28Pea na‘e kakato ‘a e ta‘u ‘e ua mo e nofo ‘a ‘Apisalome ‘i Selusalema, ‘o ‘ikai te na fe‘iloaki mo e tu‘i. 29Pea ‘alu ai ‘a e fekau ‘a ‘Apisalome kia Sioape, ke ne fai ‘ene fekau ki he tu‘i: ka ka ‘ikai loto ia ke ha‘u; pea ne toe ‘alu ‘ene fekau ki ai ko hono tu‘o ua, kae ‘ikai fie ha‘u. 30Ko ia na‘a ne pehē ki he‘ene kau tamaio‘eiki; Vakai, ko e tofi‘a ‘o Sioape ‘oku ofi ki ho‘oku, pea ‘oku tu‘u ai hono ta‘u pa‘ale; mou ō ‘o tutu, Ko ia na‘e tutu ‘a e ‘api ‘e he kau tamaio‘eiki ‘a ‘Apisalome.
31Pea tu‘u ai ‘a Sioape, ‘o ha‘u kia ‘Apisalome ki hono fale, ‘o ne pehē ki ai, Ko e hā kuo tutu ai ‘e ho‘o kau tamaio‘eiki ‘a e ‘api ‘o‘oku?
32Pea tali ‘e ‘Apisalome kia Sioape, Ko eni na‘e ‘alu atu ‘eku fekau, ‘o pehē, Ha‘u ki heni, ka u fekau koe ki he tu‘i ke fakahā, Ko e hā kuo u ha‘u ai mei Kēsuli? na‘e mei lelei ‘eku nofo ai pē: pea ko eni, tuku ke u hoko atu ki he tu‘i; pea kapau ‘oku ai ha kovi ‘iate au, ke ne tāmate‘i au.
33Pea hū ‘a Sioape ki he tu‘i ‘o fakahā ki ai: pea ne ui ange kia ‘Apisalome, pea ha‘u ia ki he tu‘i, ‘o ne tō fo‘ohifo ki he kelekele ‘i he ‘ao ‘o e tu‘i, ‘o hū kiate ia: pea ‘uma ‘a e tu‘i kia ‘Apisalome.
Currently Selected:
KO 2 SĀMIUELA 14: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO 2 SĀMIUELA 14
14
Ko Hono Fokotu‘utu‘u ‘e Tēvita ‘a e Foki Mai ‘a ‘Apisalom e
1PEA vakai ‘e Sioape tama ‘a Seluvaia ko e loto ‘o Tēvita ‘oku ‘ia ‘Apisalome. 2Pea ‘alu ‘a e fekau ‘a Sioape ki Tekoa, ‘o ne ‘omi mei ai ha fefine poto, ‘o ne pehē ki ai, ‘Eni, ke ke fakakehe koe, pea ke ‘ai tauanga‘a: ‘oua ‘e pani, ka ke hangē ko ha fefine kuo fuoloa ‘ene tēngihia ha pekia: 3pea ke ‘alu ki he tu‘i pea ke lea kiate ia ‘o hangē ko eni. Pea fale‘i ia ‘e Sioape ‘i he ngaahi lea te ne fai.
4Pea ‘i he tautapa ‘a e finemotu‘a Tekoa ki he tu‘i, na‘a ne tō fo‘ohifo ki he kelekele, ‘o hū, ‘o ne pehē, ‘Ēī, tokoni mai.
5Pea folofola mai ‘a e tu‘i, Ko e hā ‘au? Pea tali ‘e he fefine, Ko ‘eku mo‘oni ko e fefine paea au, pea kuo pekia hoku ‘unoho.
6Pea na‘e ma‘u ‘e ho‘o kaunanga ko au ha ongo tama, pea na feolo‘i ‘i he vao, pea na‘e ‘ikai ha taha ke fakamāvae kinaua, pea hanga ‘e ē ‘o taa‘i ē, ‘o tāmate‘i. 7Pea kuo tu‘u ‘a e fāmili kotoa ki ho‘o kaunanga ko au, ‘o nau pehē, Tuku mai ia na‘a ne taa‘i hono tokoua ke mau tāmate‘i ia, koe‘uhi ko e mo‘ui ‘a hono tokoua ‘a ia na‘a ne fakapoongi, ‘o faka‘auha ‘a e ‘ea foki: pea te nau tāmate‘i hoku fo‘i kalofiama ‘oku toe, ‘o ‘ikai te nau tuku ki hoku husepāniti ha hingoa pe toenga ‘i he funga ‘o māmani.
8Pea folofola ‘a e tu‘i ki he fefine, ‘Alu ki ho fale, pea te u fai tu‘utu‘uni ‘e au ‘iate koe.
9Pea fai atu ‘e he fefine Tekoa ‘ene fakatau folofola ki he tu‘i, ‘Ēī ‘a e ‘afiona, ke tō kiate au ‘a e kovi, pea ki he fale ‘o hoku tupu‘anga: kae ‘atā ‘a e feitu‘u na mo ho taloni.
10Pea folofola ‘a e tu‘i, Ka ‘ilonga ha taha ‘e lea kiate koe, pea ‘omi ia kiate au, pea ‘e ‘ikai te ne toe ala kiate koe.
11Pea pehē ‘e he fefine, Ke manatu mu‘a ‘a e ‘afiona kia Sihova ko ho ‘Otua, ‘o ‘oua ‘e mōia atu ‘a e koeli tongi toto, na‘a nau tāmate‘i ‘eku tama. Pea ne folofola, Tangi mo‘oni ‘a e ‘Eiki ha tō kelekele ha tu‘oni lou‘ulu ‘o ho‘o tama.
12Pea pehē ‘e he fefine, Fakamolemole, kae fai atu ‘e ho‘o kaunanga ko au ha fo‘i lea ki he ‘afio ‘a e tu‘i. Pea me‘a mai ‘e ia, Lea pē.
13Pea fakatau folofola hake ‘e he fefine leva, Ko e hā kuo ke fakakaukau‘i ai ha me‘a pehē ki hani kakai ‘a e ‘Otua? He ‘i he lea pehē ‘a e ‘afiona ‘oku hangē ‘oku ne fakahalaia ia ‘e ia, ko e ‘ikai ke fakafoki ‘e he ‘afiona hono fakahē. 14He kuo pau ‘etau mate, ‘o tau hangē ko e vai ‘oku malingi ki he kelekele, ‘a ia ‘e ‘ikai ala tānaki; pea tala‘ehai ko e anga ‘o e ‘Otua ke ‘ave mo‘ui, ka ‘oku ne fakakaukau‘i ha fakakaukau ke ‘oua na‘a motu ‘aupito meiate ia ‘a ia kuo fakahee‘i.#14.14 pea tala‘ehaí … fakahē‘í; ‘Oku ‘ikai ke mahino ‘a hono faka-Hepeluú, ka ‘oku ngali tonu hono hiki ‘o Na‘a mo e ‘Otuá ‘oku ‘ikai te ne toe fakamo‘ui ‘a e kakai kuo maté, ka ‘e ‘ilo pē ā ‘e he tu‘i ha founga ke fakafoki mai ai ha taha kuo fakahee‘i. 15Pea ko eni ko ‘eku ha‘u ke fakatau folofola pehē ki he ‘afio ‘a e tu‘i, koe‘uhiā na‘e fakailifia‘i au ‘e he kakai: pea na‘e pehē ‘e ho‘o kaunanga ko au, Ka u lea mu‘a ki he tu‘i, hei‘ilo ‘e fakaai ‘e he ‘afiona ‘a e me‘a ‘a ‘ene sevāniti. 16‘Io, ‘e ongo‘i ‘e he tu‘i, ‘o hamusi ‘ene sevāniti mei he nima ‘o e tangata ‘oku fie faka‘auha au mo ‘eku tama fakatou‘osi mei he tofi‘a ‘o e ‘Otua. 17Pea na‘e pehē ‘e ho‘o kaunanga ko au, ‘Ofa ke melino ‘a e folofola ‘a e ‘afio ko e tu‘i: he hangē ko e ‘āngelo ‘o ‘Elohimi, ‘oku pehē ‘a e ‘afio ko e tu‘i, ‘ene ongo‘i ‘a e lelei mo e kovi;#14.17 ongo‘i ‘a e lelei mo e kovi (fakafaikehekehe‘i ‘a e leleí mo e koví); pe ‘ilo e me‘a kotoa pē. pea ke kau mo koe ‘a Sihova ko ho ‘Otua.#2 Sām 19.27
18Pea tali ‘e he tu‘i, ‘o ne me‘a mai ki he fefine, Sī, ‘oua te ke fufū meiate au ‘a e me‘a ‘oku ou fehu‘i atu. Pea pehē ‘e he fefine, Ke folofola mai ‘a e ‘afio ‘a e tu‘i.
19Pea me‘a mai ‘a e tu‘i, Ko e nima ‘o Sioape ‘oku ‘iate koe ‘i he me‘a ni kotoa, ‘inē? Pea tali ‘a e fefine, ‘o ne fakatau folofola hake, Tangi mo‘oni ‘a e feitu‘u na hono lava ke afe ki to‘omata‘u pe ki to‘ohema mei he me‘a fuli pē ‘oku folofola‘aki ‘e he ‘afiona:#14.19 Tangi… ‘afiona; pe ‘oku mo‘oni ta‘etoe fakaveiveiua ‘a e me‘a kuó ke folofola‘akí. he ko ho‘o tamaio‘eiki ko Sioape, ko ia na‘a ne kouna au, pea ko ia na‘a ne ‘ai ki he ngutu ‘o ho‘o kaunanga ‘a e ngaahi lea ni kotoa:
20koe‘uhiā ke le‘ei ‘a e mata ‘o e me‘a ko ia na‘e fai ai ‘a e me‘a ni ‘e ho‘o tamaio‘eiki ko Sioape: ka ‘oku poto ‘a e feitu‘u na, hangē ko e poto ‘a e ‘āngelo ‘o ‘Elohimi, ke ‘ilo ‘a e me‘a kotoa ‘oku ‘i māmani.
21Pea folofola ‘a e tu‘i kia Sioape, Ko eni kuo u fai ‘a e me‘a ni: ko ia ke ke ‘alu, ‘o fakafoki ‘a e tama ko ‘Apisalome.
22Pea tō fo‘ohifo ‘a Sioape ki he kelekele, ‘o fai ‘ene faka‘apa‘apa, mo fakafeta‘i ki he tu‘i; pea fakatau folofola hake ‘e Sioape, ‘Ēī, ko e ‘aho ni kuo ‘ilo ‘e ho‘o tamaio‘eiki ko au kuo u ta‘imālie he ‘ofa ‘a e ‘afiona, ko e fakaai ‘e he ‘afio ‘a e kole ‘a ‘ene tamaio‘eiki. 23Pea tu‘u ‘a Sioape, ‘o ne ‘alu ki Kēsuli, ‘o ne ‘omi ‘a ‘Apisalome ki Selusalema. 24Pea folofola ‘a e tu‘i, Tuku ke ne foki ki he fale ‘o‘ona, ‘o ‘oua ‘e tuku ke ne sio kiate au. Pea na‘e foki ‘a ‘Apisalome ki hono fale, ‘o ‘ikai te ne sio ki he fofonga ‘o e tu‘i.
25Pea na‘e ‘ikai ha tangata ‘i ‘Isileli kātoa ‘e tatau mo ‘Apisalome ‘i hono fu‘u apai he‘ene matamatalelei: mei hono ‘aofiva‘e ‘o a‘u ki hono tumu‘aki na‘e ‘ikai hano ‘ila. 26Pea ‘i he kosi hono lau, (pea ko e faka‘osi ta‘u kotoa pē na‘a ne kosi ai: na‘e mamafa fau, ko ia na‘a ne kosi ai) na‘a ne fua tautau hono lou‘ulu, tā ko e sikeli ‘e uangeau ‘i he me‘a fua ‘a e tu‘i. 27Pea na‘e fanau‘i kia ‘Apisalome ha foha ‘e toko tolu, mo e ‘ōfefine ‘e taha na‘e hingoa ko Tema: ko e fefine ia na‘e matamatalelei.
28Pea na‘e kakato ‘a e ta‘u ‘e ua mo e nofo ‘a ‘Apisalome ‘i Selusalema, ‘o ‘ikai te na fe‘iloaki mo e tu‘i. 29Pea ‘alu ai ‘a e fekau ‘a ‘Apisalome kia Sioape, ke ne fai ‘ene fekau ki he tu‘i: ka ka ‘ikai loto ia ke ha‘u; pea ne toe ‘alu ‘ene fekau ki ai ko hono tu‘o ua, kae ‘ikai fie ha‘u. 30Ko ia na‘a ne pehē ki he‘ene kau tamaio‘eiki; Vakai, ko e tofi‘a ‘o Sioape ‘oku ofi ki ho‘oku, pea ‘oku tu‘u ai hono ta‘u pa‘ale; mou ō ‘o tutu, Ko ia na‘e tutu ‘a e ‘api ‘e he kau tamaio‘eiki ‘a ‘Apisalome.
31Pea tu‘u ai ‘a Sioape, ‘o ha‘u kia ‘Apisalome ki hono fale, ‘o ne pehē ki ai, Ko e hā kuo tutu ai ‘e ho‘o kau tamaio‘eiki ‘a e ‘api ‘o‘oku?
32Pea tali ‘e ‘Apisalome kia Sioape, Ko eni na‘e ‘alu atu ‘eku fekau, ‘o pehē, Ha‘u ki heni, ka u fekau koe ki he tu‘i ke fakahā, Ko e hā kuo u ha‘u ai mei Kēsuli? na‘e mei lelei ‘eku nofo ai pē: pea ko eni, tuku ke u hoko atu ki he tu‘i; pea kapau ‘oku ai ha kovi ‘iate au, ke ne tāmate‘i au.
33Pea hū ‘a Sioape ki he tu‘i ‘o fakahā ki ai: pea ne ui ange kia ‘Apisalome, pea ha‘u ia ki he tu‘i, ‘o ne tō fo‘ohifo ki he kelekele ‘i he ‘ao ‘o e tu‘i, ‘o hū kiate ia: pea ‘uma ‘a e tu‘i kia ‘Apisalome.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.