KO 2 SĀMIUELA 13
13
Ko ‘Amanoni mo Tema
1PEA hili ia na‘e hoko ‘a e me‘a ko eni, Tokua na‘e ‘i ai ‘a e tuofefine hōihoifua ‘o ‘Apisalome, ko e foha ‘o Tēvita, na‘e hingoa ko Tema; pea na‘e ‘ofa ki ai ‘a e foha ‘o Tēvita ko ‘Amanoni. 2Pea na‘e keina ‘a e loto ‘o ‘Amanoni koe‘uhi ko hono tuofefine ko Tema, ‘o ne mahaki: he ko e tāupo‘ou ia, pea na‘e ha faingata‘a kia ‘Amanoni ke ne fai ha momo‘i me‘a kiate ia. 3Pea na‘e ai hano kaume‘a ‘o ‘Amanoni na‘e hingoa ko Sionatapi, ko e foha ‘o Sima ko e tokoua ‘o Tēvita: pea ko e tangata mohu fakakaukau ‘a Sionatapi. 4Pea ne lea ange ki ai, Ko e hā ‘oku ke tutue pehē ai, ‘alo ‘o e tu‘i, ‘i he pongipongi kotoa pē? ‘ikai te ke tala mai? Pea pehē ‘e ‘Amanoni kiate ia, ‘Oku ou ‘ofa kia Tema, ko e tuofefine ‘o hoku tokoua ko ‘Apisalome.
5Pea pehē ‘e Sionatapi kiate ia, Tokoto ‘i ho mohenga, pea ke lau ‘oku ke mahaki; pea ka ha‘u ho‘o ‘eiki ke ‘a‘ahi kiate koe, ke ke lea kiate ia, ‘o pehē, Ke ha‘u mu‘a hoku tuofefine ko Tema, ‘o fafanga au, ‘o ngaohi ‘a e me‘akai ‘i hoku ‘ao ke u sio ki ai, pea u kai mei hono nima. 6Ko ia na‘e tokoto ‘a ‘Amanoni, ‘o mahaki loi, pea hā‘ele mai ‘a e tu‘i ke ‘a‘ahi kiate ia; pea fakatau folofola ‘e ‘Amanoni ki he tu‘i, Tuku mu‘a ke ha‘u hoku tuofefine ko Tema, ‘o ngaohi ‘i hoku ‘ao ha ongo keke ifo, ka u tokoni mei hono nima.
7Pea ‘alu ‘a e fekau ‘a Tēvita ki he fale ‘o Tema ‘o fakahā, ‘Alu mu‘a ki he fale ‘o ho tuonga‘ane ko ‘Amanoni, ‘o ngaohi ha‘ane me‘a tokoni. 8Pea ‘alu ange ‘a Tema ki he fale ‘o hono tuonga‘ane ko ‘Amanoni; ka ‘oku tokoto ia. Pea ne to‘o ‘a e takaonga mā, ‘o ne natu, ‘o ne ngaohi keke ifo ‘i hono ‘ao, ‘o ne fakapaku ‘ani keke. 9Pea ne to‘o ‘a e fakapaku, ‘o ne lilingi ia ‘i hono ‘ao; ka na‘e ‘ikai te ne fie tali. Pea lea hake ‘e ‘Amanoni, Hū ki tu‘a ‘a e tangata kotoa pē. Pea na‘e hū ki tu‘a ‘a e tangata kotoa pē. 10Pea pehē ‘e ‘Amanoni kia Tema, ‘Omi ‘a e me‘akai ki falemohe, pea ke fafanga au. Pea to‘o ‘e Tema ‘a e ngaahi keke kuo ne ngaohi, ‘o ne ‘ave ki hono tuonga‘ane ko ‘Amanoni ki he falemohe. 11Pea ‘i he‘ene ‘omi ke ofi kiate ia ke ne kai, na‘a ne puke ‘a e fefine, ‘o ne pehē, Nga‘ata, ha‘u ā ke ta mohe.
12Pea tali ‘a e fefine, ‘Oua, nga‘ata, ‘oua te ke fakalielia‘i au; he ‘oku ‘ikai ke fai ha me‘a pehē ‘i ‘Isileli: ‘oua te ke fai ‘a e vale ko eni. 13Pea ko au te u ‘ave ki fē hoku fakamaa‘i? Pea ko koe foki te ke hoko ‘o hangē ha taha ‘o e kau vale ‘o ‘Isileli. Pea ko eni, ke ke lea mu‘a ki he tu‘i; he tala‘ehai te ne ta‘ofi au meiate koe. 14Ka ka ‘ikai te ne tokanga ki hono le‘o: pea kuo ne mālohi ‘iate ia, ko ia na‘a ne tohotoho‘i ia, ‘o na mohe.
15Pea toki fehi‘a ‘e ‘Amanoni kiate ia–ko e fehi‘a ka ko ha fehi‘a, he ko ‘ene fehi‘a kiate ia na‘e lahi ‘i he‘ene ‘ofa ‘anenai. Ko ia na‘e pehē ki ai ‘e ‘Amanoni, Tu‘u, ‘o ‘alu.
16Pea tali ‘a e fefine ki ai, ‘Oua, he koe‘uma‘ā ho‘o kapusi au; he ko e kovi lahi hake ia#13.16 koe‘uma‘ā… hake ia; ‘oku ngali tonu ‘a hono faka‘uhinga ko iá, ka ‘oku ‘ikai ke mahino ‘a hono faka-Hepeluú. ‘i he kovi ko ē kuo ke fai. Ka ka ‘ikai tokanga ia ki ai.
17Pea ne ui ange ‘ene talavou na‘e tauhi kiate ia, ‘o ne pehē, Kapusi mu‘a ‘a e fefine ni kitu‘a, ‘o fakama‘u ‘a e matapā ki ai. 18Ka na‘e ‘i he fefine ha kofu pulepule:#13.18 kofu pulepule; pe kofu tōtōlofa mo e nima loloa: (vakai kia Sēn 37.3). he na‘e pehē ‘a e kofu#13.18 pehē ‘a e kofu; Ko hono faka-Hepeluú ia, ka ‘oku ngali tonu hono hiki ‘o he ‘i he ngaahi ‘aho ko iá na‘e pehē ‘a e tui kofu. ‘o e ngaahi ‘ōfefine ‘o e tu‘i na‘e tāupo‘ou. Ka ka fakahū ia kitu‘a ‘e he‘ene tauhi, ‘o ne fakama‘u leva ‘a e matapā.
19Pea ‘ai ‘e Tema ‘a e efuefu ki hono ‘ulu, ‘o ne hae ‘a e kofu pulepule kuo ne kofu, ‘o ne ‘ai hono nima ki hono ‘ulu, ‘o ne tangi tu‘u ki hono ‘api. 20Pea lea kiate ia ‘e hono tuonga‘ane ko ‘Apisalome, Kuo ‘iate koe ‘a ‘Amanoni ko ho tuonga‘ane, ‘inē? Pea ko eni nga‘ata, longo pē mu‘a: ko ho tuonga‘ane ia: ‘oua ‘e mamafa ki ai ho loto. Ko hono ō ia na‘e nofo maumau‘ia ai ‘a Tema ‘i he fale ‘o hono tuonga‘ane ko ‘Apisalome.
21Pea fanongo ‘a Kingi Tēvita ki he ngaahi me‘a ko ia, pea ne tuputāmaki ‘aupito. 22Ka ko ‘Apisalome na‘e ‘ikai te ne momo‘i lea kia ‘Amanoni ‘i ha lelei pe ha kovi: he na‘a ne fehi‘a kia ‘Amanoni koe‘uhi ko ‘ene fakalielia‘i hono tuofefine ko Tema.
Ko e Sauni ‘e ‘Apisalome ‘a e Hia ‘a ‘Amanoni
23Pea hili ‘a e ta‘u kātoa ‘e ua tokua, na‘e ‘ia ‘Apisalome ha kau kosi sipi ‘i Peali-Hasoa, ‘a ia ‘oku ‘i he tafa‘aki ‘o ‘Ifalemi: pea na‘e tala ‘e ‘Apisalome ki he fale‘alo kātoa.#13.23 na‘e tala… kātoa; Ko e kosi ‘o e fulufulu‘i sipí, na‘e fakatou fai ai e ngāue mo e fakafiefia. 24Pea ha‘u ‘a ‘Apisalome ki he tu‘i, ‘o ne fakatau folofola ange, ‘Oku ai ha me‘a ‘oku ou lele mai ai, ko e kau kosi sipi ‘oku ‘iate au, ke me‘a mai mu‘a ‘a e ‘afiona mo ho‘o kau tamaio‘eiki ka tau ō.
25Pea folofola mai ‘a e tu‘i kia ‘Apisalome, ‘Oua, tama, ‘oua na‘a mau ‘alu kātoa na‘a ke mafasia ai. Pea neongo ‘ene tūkuingata hono fai; kae ‘ikai finangalo ia ke ‘alu, ka ne tala monū pē ki ai.
26Pea pehē ‘e ‘Apisalome, Pea ka ‘ikai, pea tuku mai mu‘a hoku tokoua ko ‘Amanoni ke mau ō. Pea folofola ki ai ‘a e tu‘i, Pea ko ho‘omou ō mo ia koe‘uma‘aki?
27Kae vivili atu ‘e ‘Apisalome, ko ia na‘a ne tuku atu ‘a ‘Amanoni mo e fale‘alo kātoa ke nau ō.#13.27 ke nau ō; ‘Oku pehē he hiki fuoloa ‘e taha: Pea na‘e teuteu ‘e ‘Apisalome ha fakaafe na‘e taau mo e taumafa ai ha tu‘i.
28Pea tu‘utu‘uni ‘e ‘Apisalome ki he‘ene kau talavou, ‘ō pehē, Mou vakai lelei ka māfana ‘a e loto ‘o ‘Amanoni he‘ene uaine‘ia; pea ka u ka pehē atu, Taa‘i ‘a ‘Amanoni, pea mou tāmate‘i ia; ‘oua te mou manavahē, ‘ikai ko au kuo u kouna kimoutolu? Mou lototo‘a, ‘o fai ngali tangata. 29Pea fai ‘e he kau tamaio‘eiki ‘a ‘Apisalome kia ‘Amanoni, ‘o hangē ko ‘ene tu‘utu‘uni. Toki tutu‘u ‘a e fale‘alo kotoa, ‘o heka takitaha ki he‘ene miuli, ‘o hola.
30Pea lolotonga ‘enau fononga na‘e ‘omi hono tala kia Tēvita, ‘o pehē, Kuo taa‘i ‘e ‘Apisalome ‘a e fale‘alo kotoa, pea ‘oku ‘ikai ke toe hanau toko taha. 31Pea tu‘u ‘a e tu‘i, ‘o ne hae hifo hono kofu, ‘o ne tekefili ‘i he kelekele; pea ko ‘ene kau tamaio‘eiki kotoa na‘a nau mate tu‘u pē kuo ‘osi hae honau kofu. 32Pea fokotu‘u mai ‘e Sionatapi ko e foha ‘o e tokoua ‘o Tēvita ko Sima, ‘o ne fakatau folofola ange, Ke ‘oua na‘a pehē ‘e he ‘afiona kuo nau tāmate‘i ‘a e tu‘unga talavou kotoa ‘i he fale‘alo; ka ko ‘Amanoni toko taha pē kuo pekia: he na‘e mahino mei he lea ‘a ‘Apisalome kuo pau ‘a e me‘a, talu ‘a e ‘aho ‘o ‘ene fakalielia‘i hono tuofefine ko Tema. 33Pea ko ia ke ‘oua na‘a fakahū ‘a e me‘a ki he finangalo ‘o e ‘afiona ke pehē kuo pekia ‘a e fale‘alo kotoa: he ko ‘Amanoni toko taha pē kuo pekia.
34Ka na‘e hola ‘a ‘Apisalome. Pea sio atu ‘e he tama taulama, ‘o ne vakai, tā ko e fu‘u kakai ē ‘oku ha‘u mei he hala ‘i hono tu‘a ‘i he tafa‘aki mo‘unga.#13.34 mei he hala ‘i hono tu‘a ‘i he tafa‘aki mo‘unga; pe mei he hala ki Holonaimí.
35Pea fakatau folofola ‘a Sionatapi ki he tu‘i, ‘Āua, ko e fale‘alo ia ‘oku ha‘u:#13.35 ha‘u: Ko hono faka-Hepeluú ia, ka ‘oku pehē he hiki fuoloa ‘e taha ha‘u ‘i Hala Holonaimi. hangē ko e lau ‘a ho‘o tamaio‘eiki ko au, pea ‘oku pehē ‘ene hoko. 36Pea ‘i he ‘osi ‘ene lea, ‘iloange na‘e ha‘u ‘a e fale‘alo, pea nau ofa ‘enau fu‘u fākafoa, pea tangi foki ‘a e tu‘i, mo ‘ene kau tamaio‘eiki kotoa–ko e tangi ka ko ha tangi!
37Pea ko ‘Apisalome na‘e hola, ‘o ‘alu kia Talimai foha ‘o ‘Amihuli ko e Tu‘i Kēsuli. Pea ne tēngihia hono foha ‘i he ‘aho kotoa pē.
Ko hono Tuku ‘e Tēvita ‘a ‘Apisalome ke Foki ki ‘Api
38Ko ia, ne hola ‘a ‘Apisalome, pea kuo ne ‘alu ki Kēsuli, pea ne ta‘u tolu ai.#13.37,38 ta‘u tolu ai; ‘Oku ngali tonu hono hiki ‘o ta‘u tolu ai ‘ia Tu‘i Talamai, ko e foha ‘o ‘Ahimuti: ko e kui ‘a ‘Apisalo me (vakai ki he 3.3). #2 Sām 3.3 39Pea na‘e holi ‘a e loto ‘o Kingi Tēvita ke ‘alu atu kia ‘Apisalome: he kuo ne lelu ‘ia ‘Amanoni, he kuo pekia ia.
Currently Selected:
KO 2 SĀMIUELA 13: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO 2 SĀMIUELA 13
13
Ko ‘Amanoni mo Tema
1PEA hili ia na‘e hoko ‘a e me‘a ko eni, Tokua na‘e ‘i ai ‘a e tuofefine hōihoifua ‘o ‘Apisalome, ko e foha ‘o Tēvita, na‘e hingoa ko Tema; pea na‘e ‘ofa ki ai ‘a e foha ‘o Tēvita ko ‘Amanoni. 2Pea na‘e keina ‘a e loto ‘o ‘Amanoni koe‘uhi ko hono tuofefine ko Tema, ‘o ne mahaki: he ko e tāupo‘ou ia, pea na‘e ha faingata‘a kia ‘Amanoni ke ne fai ha momo‘i me‘a kiate ia. 3Pea na‘e ai hano kaume‘a ‘o ‘Amanoni na‘e hingoa ko Sionatapi, ko e foha ‘o Sima ko e tokoua ‘o Tēvita: pea ko e tangata mohu fakakaukau ‘a Sionatapi. 4Pea ne lea ange ki ai, Ko e hā ‘oku ke tutue pehē ai, ‘alo ‘o e tu‘i, ‘i he pongipongi kotoa pē? ‘ikai te ke tala mai? Pea pehē ‘e ‘Amanoni kiate ia, ‘Oku ou ‘ofa kia Tema, ko e tuofefine ‘o hoku tokoua ko ‘Apisalome.
5Pea pehē ‘e Sionatapi kiate ia, Tokoto ‘i ho mohenga, pea ke lau ‘oku ke mahaki; pea ka ha‘u ho‘o ‘eiki ke ‘a‘ahi kiate koe, ke ke lea kiate ia, ‘o pehē, Ke ha‘u mu‘a hoku tuofefine ko Tema, ‘o fafanga au, ‘o ngaohi ‘a e me‘akai ‘i hoku ‘ao ke u sio ki ai, pea u kai mei hono nima. 6Ko ia na‘e tokoto ‘a ‘Amanoni, ‘o mahaki loi, pea hā‘ele mai ‘a e tu‘i ke ‘a‘ahi kiate ia; pea fakatau folofola ‘e ‘Amanoni ki he tu‘i, Tuku mu‘a ke ha‘u hoku tuofefine ko Tema, ‘o ngaohi ‘i hoku ‘ao ha ongo keke ifo, ka u tokoni mei hono nima.
7Pea ‘alu ‘a e fekau ‘a Tēvita ki he fale ‘o Tema ‘o fakahā, ‘Alu mu‘a ki he fale ‘o ho tuonga‘ane ko ‘Amanoni, ‘o ngaohi ha‘ane me‘a tokoni. 8Pea ‘alu ange ‘a Tema ki he fale ‘o hono tuonga‘ane ko ‘Amanoni; ka ‘oku tokoto ia. Pea ne to‘o ‘a e takaonga mā, ‘o ne natu, ‘o ne ngaohi keke ifo ‘i hono ‘ao, ‘o ne fakapaku ‘ani keke. 9Pea ne to‘o ‘a e fakapaku, ‘o ne lilingi ia ‘i hono ‘ao; ka na‘e ‘ikai te ne fie tali. Pea lea hake ‘e ‘Amanoni, Hū ki tu‘a ‘a e tangata kotoa pē. Pea na‘e hū ki tu‘a ‘a e tangata kotoa pē. 10Pea pehē ‘e ‘Amanoni kia Tema, ‘Omi ‘a e me‘akai ki falemohe, pea ke fafanga au. Pea to‘o ‘e Tema ‘a e ngaahi keke kuo ne ngaohi, ‘o ne ‘ave ki hono tuonga‘ane ko ‘Amanoni ki he falemohe. 11Pea ‘i he‘ene ‘omi ke ofi kiate ia ke ne kai, na‘a ne puke ‘a e fefine, ‘o ne pehē, Nga‘ata, ha‘u ā ke ta mohe.
12Pea tali ‘a e fefine, ‘Oua, nga‘ata, ‘oua te ke fakalielia‘i au; he ‘oku ‘ikai ke fai ha me‘a pehē ‘i ‘Isileli: ‘oua te ke fai ‘a e vale ko eni. 13Pea ko au te u ‘ave ki fē hoku fakamaa‘i? Pea ko koe foki te ke hoko ‘o hangē ha taha ‘o e kau vale ‘o ‘Isileli. Pea ko eni, ke ke lea mu‘a ki he tu‘i; he tala‘ehai te ne ta‘ofi au meiate koe. 14Ka ka ‘ikai te ne tokanga ki hono le‘o: pea kuo ne mālohi ‘iate ia, ko ia na‘a ne tohotoho‘i ia, ‘o na mohe.
15Pea toki fehi‘a ‘e ‘Amanoni kiate ia–ko e fehi‘a ka ko ha fehi‘a, he ko ‘ene fehi‘a kiate ia na‘e lahi ‘i he‘ene ‘ofa ‘anenai. Ko ia na‘e pehē ki ai ‘e ‘Amanoni, Tu‘u, ‘o ‘alu.
16Pea tali ‘a e fefine ki ai, ‘Oua, he koe‘uma‘ā ho‘o kapusi au; he ko e kovi lahi hake ia#13.16 koe‘uma‘ā… hake ia; ‘oku ngali tonu ‘a hono faka‘uhinga ko iá, ka ‘oku ‘ikai ke mahino ‘a hono faka-Hepeluú. ‘i he kovi ko ē kuo ke fai. Ka ka ‘ikai tokanga ia ki ai.
17Pea ne ui ange ‘ene talavou na‘e tauhi kiate ia, ‘o ne pehē, Kapusi mu‘a ‘a e fefine ni kitu‘a, ‘o fakama‘u ‘a e matapā ki ai. 18Ka na‘e ‘i he fefine ha kofu pulepule:#13.18 kofu pulepule; pe kofu tōtōlofa mo e nima loloa: (vakai kia Sēn 37.3). he na‘e pehē ‘a e kofu#13.18 pehē ‘a e kofu; Ko hono faka-Hepeluú ia, ka ‘oku ngali tonu hono hiki ‘o he ‘i he ngaahi ‘aho ko iá na‘e pehē ‘a e tui kofu. ‘o e ngaahi ‘ōfefine ‘o e tu‘i na‘e tāupo‘ou. Ka ka fakahū ia kitu‘a ‘e he‘ene tauhi, ‘o ne fakama‘u leva ‘a e matapā.
19Pea ‘ai ‘e Tema ‘a e efuefu ki hono ‘ulu, ‘o ne hae ‘a e kofu pulepule kuo ne kofu, ‘o ne ‘ai hono nima ki hono ‘ulu, ‘o ne tangi tu‘u ki hono ‘api. 20Pea lea kiate ia ‘e hono tuonga‘ane ko ‘Apisalome, Kuo ‘iate koe ‘a ‘Amanoni ko ho tuonga‘ane, ‘inē? Pea ko eni nga‘ata, longo pē mu‘a: ko ho tuonga‘ane ia: ‘oua ‘e mamafa ki ai ho loto. Ko hono ō ia na‘e nofo maumau‘ia ai ‘a Tema ‘i he fale ‘o hono tuonga‘ane ko ‘Apisalome.
21Pea fanongo ‘a Kingi Tēvita ki he ngaahi me‘a ko ia, pea ne tuputāmaki ‘aupito. 22Ka ko ‘Apisalome na‘e ‘ikai te ne momo‘i lea kia ‘Amanoni ‘i ha lelei pe ha kovi: he na‘a ne fehi‘a kia ‘Amanoni koe‘uhi ko ‘ene fakalielia‘i hono tuofefine ko Tema.
Ko e Sauni ‘e ‘Apisalome ‘a e Hia ‘a ‘Amanoni
23Pea hili ‘a e ta‘u kātoa ‘e ua tokua, na‘e ‘ia ‘Apisalome ha kau kosi sipi ‘i Peali-Hasoa, ‘a ia ‘oku ‘i he tafa‘aki ‘o ‘Ifalemi: pea na‘e tala ‘e ‘Apisalome ki he fale‘alo kātoa.#13.23 na‘e tala… kātoa; Ko e kosi ‘o e fulufulu‘i sipí, na‘e fakatou fai ai e ngāue mo e fakafiefia. 24Pea ha‘u ‘a ‘Apisalome ki he tu‘i, ‘o ne fakatau folofola ange, ‘Oku ai ha me‘a ‘oku ou lele mai ai, ko e kau kosi sipi ‘oku ‘iate au, ke me‘a mai mu‘a ‘a e ‘afiona mo ho‘o kau tamaio‘eiki ka tau ō.
25Pea folofola mai ‘a e tu‘i kia ‘Apisalome, ‘Oua, tama, ‘oua na‘a mau ‘alu kātoa na‘a ke mafasia ai. Pea neongo ‘ene tūkuingata hono fai; kae ‘ikai finangalo ia ke ‘alu, ka ne tala monū pē ki ai.
26Pea pehē ‘e ‘Apisalome, Pea ka ‘ikai, pea tuku mai mu‘a hoku tokoua ko ‘Amanoni ke mau ō. Pea folofola ki ai ‘a e tu‘i, Pea ko ho‘omou ō mo ia koe‘uma‘aki?
27Kae vivili atu ‘e ‘Apisalome, ko ia na‘a ne tuku atu ‘a ‘Amanoni mo e fale‘alo kātoa ke nau ō.#13.27 ke nau ō; ‘Oku pehē he hiki fuoloa ‘e taha: Pea na‘e teuteu ‘e ‘Apisalome ha fakaafe na‘e taau mo e taumafa ai ha tu‘i.
28Pea tu‘utu‘uni ‘e ‘Apisalome ki he‘ene kau talavou, ‘ō pehē, Mou vakai lelei ka māfana ‘a e loto ‘o ‘Amanoni he‘ene uaine‘ia; pea ka u ka pehē atu, Taa‘i ‘a ‘Amanoni, pea mou tāmate‘i ia; ‘oua te mou manavahē, ‘ikai ko au kuo u kouna kimoutolu? Mou lototo‘a, ‘o fai ngali tangata. 29Pea fai ‘e he kau tamaio‘eiki ‘a ‘Apisalome kia ‘Amanoni, ‘o hangē ko ‘ene tu‘utu‘uni. Toki tutu‘u ‘a e fale‘alo kotoa, ‘o heka takitaha ki he‘ene miuli, ‘o hola.
30Pea lolotonga ‘enau fononga na‘e ‘omi hono tala kia Tēvita, ‘o pehē, Kuo taa‘i ‘e ‘Apisalome ‘a e fale‘alo kotoa, pea ‘oku ‘ikai ke toe hanau toko taha. 31Pea tu‘u ‘a e tu‘i, ‘o ne hae hifo hono kofu, ‘o ne tekefili ‘i he kelekele; pea ko ‘ene kau tamaio‘eiki kotoa na‘a nau mate tu‘u pē kuo ‘osi hae honau kofu. 32Pea fokotu‘u mai ‘e Sionatapi ko e foha ‘o e tokoua ‘o Tēvita ko Sima, ‘o ne fakatau folofola ange, Ke ‘oua na‘a pehē ‘e he ‘afiona kuo nau tāmate‘i ‘a e tu‘unga talavou kotoa ‘i he fale‘alo; ka ko ‘Amanoni toko taha pē kuo pekia: he na‘e mahino mei he lea ‘a ‘Apisalome kuo pau ‘a e me‘a, talu ‘a e ‘aho ‘o ‘ene fakalielia‘i hono tuofefine ko Tema. 33Pea ko ia ke ‘oua na‘a fakahū ‘a e me‘a ki he finangalo ‘o e ‘afiona ke pehē kuo pekia ‘a e fale‘alo kotoa: he ko ‘Amanoni toko taha pē kuo pekia.
34Ka na‘e hola ‘a ‘Apisalome. Pea sio atu ‘e he tama taulama, ‘o ne vakai, tā ko e fu‘u kakai ē ‘oku ha‘u mei he hala ‘i hono tu‘a ‘i he tafa‘aki mo‘unga.#13.34 mei he hala ‘i hono tu‘a ‘i he tafa‘aki mo‘unga; pe mei he hala ki Holonaimí.
35Pea fakatau folofola ‘a Sionatapi ki he tu‘i, ‘Āua, ko e fale‘alo ia ‘oku ha‘u:#13.35 ha‘u: Ko hono faka-Hepeluú ia, ka ‘oku pehē he hiki fuoloa ‘e taha ha‘u ‘i Hala Holonaimi. hangē ko e lau ‘a ho‘o tamaio‘eiki ko au, pea ‘oku pehē ‘ene hoko. 36Pea ‘i he ‘osi ‘ene lea, ‘iloange na‘e ha‘u ‘a e fale‘alo, pea nau ofa ‘enau fu‘u fākafoa, pea tangi foki ‘a e tu‘i, mo ‘ene kau tamaio‘eiki kotoa–ko e tangi ka ko ha tangi!
37Pea ko ‘Apisalome na‘e hola, ‘o ‘alu kia Talimai foha ‘o ‘Amihuli ko e Tu‘i Kēsuli. Pea ne tēngihia hono foha ‘i he ‘aho kotoa pē.
Ko hono Tuku ‘e Tēvita ‘a ‘Apisalome ke Foki ki ‘Api
38Ko ia, ne hola ‘a ‘Apisalome, pea kuo ne ‘alu ki Kēsuli, pea ne ta‘u tolu ai.#13.37,38 ta‘u tolu ai; ‘Oku ngali tonu hono hiki ‘o ta‘u tolu ai ‘ia Tu‘i Talamai, ko e foha ‘o ‘Ahimuti: ko e kui ‘a ‘Apisalo me (vakai ki he 3.3). #2 Sām 3.3 39Pea na‘e holi ‘a e loto ‘o Kingi Tēvita ke ‘alu atu kia ‘Apisalome: he kuo ne lelu ‘ia ‘Amanoni, he kuo pekia ia.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.