KO 1 SĀMIUELA 13
13
Ko e Tau‘i ‘o e Kakai Filisitiá
1NA‘E tolungofulu ta‘u ‘a Saula ‘i hono fakanofo, pea na‘a ne Tu‘i ‘Isileli ‘o… mā ua ta‘u#13.1 Kuo ngangana ha lea mei he tohi ‘i he potú ni. Ko e tolungofulu nai, pe fiha. 2Pea fili ‘e Saula ma‘ana mei ‘Isileli ha toko tolu afe, pea na‘e ‘ia Saula ha toko ua afe ‘i Mikimasi, pea ‘i Mo‘unga Pēteli, pea ko e toko taha afe na‘e ‘ia Sonatane ‘i Kipea-Penisimani: pea ko hono toe ‘o e kakai na‘a ne fekau ke ‘alu takitaha ki hono tēniti.
3Pea taa‘i ‘e Sonatane ‘a e le‘o ‘a ha‘a Filisitia, ‘a ia na‘e nofo ‘i Kipea,#13.3 Pea taa‘i… Kipea; pe Pea taa‘i ‘e Sonatane ‘a e le‘o ‘a ha‘a Filisitia ‘i Kipea. pea na‘e fanongo ki ai ‘a e kau Filisitia. Pea ifi ‘e Saula ‘a e talupite ‘i he fonua kotoa, he‘ene pehē, Ke fanongo mai ‘e he kau Hepelū! 4Pea na‘e fanongo ‘e ‘Isileli kātoa, tokua kuo taa‘i ‘e Saula ‘a e le‘o ‘a e kau Filisitia, kae‘uma‘ā kuo namukū ‘a ‘Isileli ki he kau Filisitia. Pea na‘e tala ke fakataha mai ‘a e kakai kia Saula ki Kilikali.
5Pea na‘e tānaki ‘a e kau Filisitia ke fai tau mo ‘Isileli; na‘e tolu mano ‘a e sāliote, pea toko ono afe ‘a e tau heka hoosi, pea ko e tau fakafonua na‘e hangē ko e ‘one‘one ‘i matātahi hono lahi: pea nau ‘alu hake, ‘o ‘apitanga ‘i Mikimasi, ki he potu hahake ‘o Pete-‘āveni. 6Pea na‘e vakai ‘e he kau tangata ‘Isileli kuo nau faingata‘a‘ia, (he na‘e fakahoha‘a ‘a e kakai) pea nau toi ‘i he ngaahi ‘ana, mo e vao fihi, mo e ngaahi makatu‘u, mo e ngaahi luo, mo e ngaahi lepa. 7Pea a‘a hani Hepelū ‘i Soatani ki he fonua ‘o Kata mo Kiliati; ka ko Saula, na‘a ne kei ‘i Kilikali, pea muimui tetetete kiate ia ‘a e kakai kotoa.
8Pea ne tatali ‘o ‘aho fitu ki he kotofa na‘e fai ‘e Sāmiuela; ka kuo ‘ikai ha‘u ‘a Sāmiuela ki Kilikali; pea na‘e kamata movete ‘a e kakai meiate ia.#1 Sām 10.8 9Pea me‘a ‘e Saula, ‘Unuaki mai kiate au ‘a e feilaulau-mōifua mo e ngaahi feilaulau-‘ofa; pea ne ‘atu ‘a e feilaulau-mōifua. 10Pea ‘i he ‘osi ‘ene ‘atu ‘a e feilaulau-mōifua, ‘iloange na‘e ha‘u ‘a Sāmiuela; pea hū kitu‘a ‘a Saula ke fakafetaulaki kiate ia, mo fetapa ki ai. 11Pea pehē ange ‘e Sāmiuela, Ko e hā kuo ke fai? Pea tali ‘e Saula, Koe‘uhi na‘a ku vakai kuo movete meiate au ‘a e kakai, pea na‘e ‘ikai te ke ha‘u koe ‘i he taimi tu‘utu‘uni, pea ‘oku tānaki mai ‘a e kau Filisitia ki Mikimasi.
12Pea u pehē, Tā ‘e hifo ‘a e kau Filisitia kiate au ‘i Kilikali, pea kuo te‘eki ke u fakahōifua ‘a e fofonga ‘o Sihova: pea u fakata‘emālū‘ia, ‘o u ‘atu ‘a e feilaulau-mōifua.
13Pea pehē ‘e Sāmiuela kia Saula, Kuo ke fai vale; kuo ‘ikai te ke tauhi ‘a e tu‘utu‘uni ‘a Sihova ko ho ‘Otua, ‘a ia na‘a ne kouna atu: ka ne ke fai, pehē kuo fakapapau ‘e Sihova ho hau ki ‘Isileli ‘o ta‘engata. 14Ka ko eni ‘e ‘ikai tu‘u ho hau; kuo kumi ‘e he ‘Eiki ma‘ana ha taha ‘oku tatau mo hono finangalo, pea kuo tu‘utu‘uni ‘e Sihova ke ‘eiki ia ki hono kakai, koe‘uhiā na‘e ‘ikai te ke tauhi ‘a e me‘a na‘a ne tu‘utu‘uni atu.#Ngā 13.22
15Pea tu‘u ‘a Sāmiuela, ‘o ‘alu hake mei Kilikali#13.15 ‘o ‘alu… Kilikali; Ko hono faka-Hepeluú ia, ka ‘oku pehē he ngaahi hiki fuoloa ‘e ni‘ihi: ‘o ‘alu. Pea ‘alu ‘a Saula ‘o kau fakataha mo ‘ene kau taú kae muimui ‘iate ia ‘a e toenga ‘o e kakaí. ki Kipea-Penisimani, pea lau ‘e Saula ‘a e kakai na‘e kei ‘iloa, ‘oku nau fe‘unga nai mo e toko onongeau. 16Pea ko Saula, mo hono foha ko Sonatane, mo e kakai na‘e kei ‘iloa ‘iate kinaua, na‘e nofo ‘i Kipea-Penisimani, pea ko e kau Filisitia na‘e ‘apitanga ‘i Mikimasi. 17Pea hū kitu‘a ‘a e pāpani mei he ‘apitanga Filisitia ko e vāhenga ‘e tolu: na‘e afe ‘a e vāhenga ‘e taha ‘i he hala ki ‘Ōfila, ki he fonua ko Suali: 18pea ko e vāhenga ‘e taha na‘e afe ‘i he hala ki Pete-holoni; pea afe ‘a e vāhenga ‘e taha ‘i he hala ‘o e feitu‘u ‘oku hanga hifo ki Tele‘a-sipoimi, mo e toafa.
19Pea na‘e ‘ikai ma‘u ha tuki ukamea ‘i he fonua kotoa ‘o ‘Isileli: he na‘e pehē ‘e he kau Filisitia, Na‘a ngaohi ‘e he kau Hepelū ha‘anau heletā pe tao: 20ka na‘e ‘alu hifo ‘a e kau ‘Isileli ki he kau Filisitia ke faka‘alo ‘ete peluki, mo hoto palau,#13.20 palau; Ko hono faka-Hepeluú ia, ka ‘oku pehē he hiki fuoloa ‘e taha: hele tu‘usi uite. mo hoto toki, mo hoto huo; 21‘oka masilisili ‘a e mata ‘o e ngaahi huo, mo e palau, mo e huhū, mo e toki, pea ke fakamata ‘a e ngaahi tao fakateka pulu.#13.21 ‘Oku matamata hala ‘a e hiki ‘o e tohi Hepeluú ‘i he potú ni. 22Ko ia, ‘i he ‘aho ‘o e tau na‘e ‘ikai ‘iloa ha heletā pe tao ‘i he nima ‘o ha taha ‘o e kakai na‘e ‘ia Saula mo Sonatane: ngata pē ‘ia Saula mo hono foha ko Sonatane na‘e ma‘u.
23Pea na‘e ‘alu ha le‘o Filisitia ki he hū‘anga ‘o Mikimasi.
Currently Selected:
KO 1 SĀMIUELA 13: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
