KO 1 TU‘I 10
10
Ko e ‘A‘ahi Mai ‘a e Kuini ‘o Sipá
(2 Kal 9.1-12)
1PEA ‘i he fanongo ‘e he Kuini ‘o Sipa ki he ongoongo ‘o Solomone ‘i he huafa ‘o Sihova,#10.1 ongoongo ‘o Solomone ‘i he huafa ‘o Sihova; Ko hono faka-Hepeluú ia, ka ‘oku ngali tonu ‘a hono hiki ‘o: ongoongo ‘o Solomoné. na‘a ne hā‘ele mai ke sivi ia ‘aki ‘a e ngaahi tupu‘a.#Māt 12.42; Luk 11.31 2Pea ne ha‘u ki Selusalema mo ‘ene fu‘u ‘a‘ahi lahi ‘aupito, ko e fanga kāmeli na‘e uta me‘a namu kakala, mo e koula lahi ‘aupito, mo e makakoloa; pea ‘i he‘ene a‘u kia Solomone na‘e ne feongoi mo ia ‘i he ngaahi me‘a kehekehe na‘e fe‘ao mo hono loto. 3Pea fakamatala ‘e Solomone ki ai ‘a e me‘a kotoa pē na‘a ne ‘eke: na‘e ‘ikai ha me‘a ‘e puli ki he tu‘i, ‘o ‘ikai te ne mafakahā ki ai. 4Pea ‘i he vakai ‘e he Kuini ‘o Sipa ‘a e fu‘u poto ‘o Solomone, mo e fale kuo ne langa, 5mo e me‘akai ‘i he‘ene tēpile, mo e nofo ‘a ‘ene kau tamaio‘eiki, mo e tu‘u ‘a ‘ene kau tauhi mo honau kofu, mo ‘ene kau ngaohi kava, mo e hakenga na‘a ne ‘alu hake ai ki he fale ‘o Sihova; na‘e lele hono laumālie. 6Pea ne pehē ki he tu‘i, Tā ko e talanoa na‘a ku fanongo ki ai ‘i hoku fonua ‘i ho‘o ngaahi ngāue,#10.6 ho‘o ngaahi ngāué; pe ‘iate koe. pea mo ho‘o poto, ko e mo‘oni pē. 7Ka na‘e ‘ikai te u tui ki he me‘a na‘e lau, kae‘oua ke u ha‘u ‘o sio ki ai hoku mata ni: pea tā ko e vaeua na‘e ‘ikai tala mai: ‘oku hulu ‘atu ho‘o poto mo ho monū‘ia ‘i he ongoongo na‘a ku ma‘u. 8Monū‘ia ā ka ko ho‘o kau tangata ni,#10.8 ho‘o kau tangata ni; Ko hono faka-Hepeluú ia, ka ‘oku pehē ‘i he ngaahi hiki fuoloa ‘e ni‘ihi: ho ngaahi uaifí. monū‘ia ā ka ko ho‘o kau tamaio‘eiki ni, ‘a ia ‘oku nau tutu‘u ma‘u pē ‘i ho ‘ao, ‘o fanongoa ho‘o poto. 9Mālō mo Sihova, ko ho ‘Otua, ‘a ia na‘a ne mamana kiate koe, ‘o ne tuku koe ki he taloni ‘o ‘Isileli, ko e me‘a ‘i he ‘ofa ta‘engata ‘a Sihova ki ‘Isileli, ko ia na‘a ne fakanofo ai koe ke tu‘i, ke feia ‘a e fakamaau mo e fakatonutonu me‘a.
10Pea ne foaki ki he tu‘i ha taleniti koula ‘e teau mā uofulu, mo e me‘a namu kakala ‘o lahi ‘aupito, mo e makakoloa: na‘e ‘ikai toe a‘u mai ha me‘a namu kakala kuo pehē fau hono lahi, hangē ko ia na‘e foaki ‘e he Kuini ‘o Sipa kia Kingi Solomone.
11(Pea ko e folau ‘a Hailame foki ‘a ia na‘e ‘omi koula mei ‘Ōfela, na‘e uta mei ai ‘a e ‘akau ko e alamuku, ko e me‘a lahi ‘aupito, mo e makakoloa. 12Pea ngāue‘aki ‘e he tu‘i ‘a e ‘akau alamuku ke ngaohi ‘aki ha fata ki he fale ‘o Sihova mo e fale ‘o e tu‘i; mo e ngaahi ha‘ape foki, mo e me‘a helefilo ma‘a e kau hiva: talu ai mo e ‘ikai toe a‘u mai ha ‘akau alamuku pehē, pe kuo mamata ‘e ha taha ki ha me‘a pehē.)
13Pea foaki ‘e Kingi Solomone ki he Kuini ‘o Sipa ‘a e me‘a kotoa na‘a ne holi ki ai, ‘a ia pē na‘a ne kolea–taha kehe ‘a e tuku me‘a‘ofa ‘a Kingi Solomone kiate ia. Pea na māvae, ‘o ne foki ki hono fonua, ‘a ia mo ‘ene kau tamaio‘eiki.
Ko e Koloa ‘a Solomoné
(2 Kal 9.13-28)
14Pea ko e fua ‘o e koula na‘e a‘u kia Solomone ‘i he ta‘u ‘e taha ko e taleniti koula ‘e onongeau mā onongofulu mā ono 15–tuku kehe ‘a e me‘a na‘a ne ma‘u#10.15 ‘a e me‘a na‘a ne ma‘u; Ko hono faka-Hepeluú ko e: ‘a e kau tangata, ka ‘oku pehē he ngaahi hiki fuoloa ‘e ni‘ihi: ‘a e ngaahi tukuhau. mei he kau tu‘uaki, mo e fakatau ‘a e kau mesianiti, mo e ngaahi tu‘i ‘o e tukui kakai ‘o e Toafa, mo e hou‘eiki kōvana ‘o e fonua.
16Pea na‘e ngaohi ‘e Kingi Solomone ha ngaahi fu‘u fakaū ‘e uangeau ‘aki ‘a e koula tuki: na‘e onongeau‘i sikeli ‘a e koula na‘e fakaheka ki he fakaū ‘e taha. 17Mo e pā ‘e tolungeau, ‘aki ‘a e koula tuki foki: ko e mina koula ‘e tolu na‘e fakaheka ki he pā takitaha: pea na‘e tuku kinautolu ‘e he tu‘i ‘i he fale ko Vao Lepanoni.#10.17 fale ko Vao Lepanoni; Vakai kia 7.2–3.
18Pea ngaohi foki ‘e he tu‘i ha fu‘u taloni lei, ‘o ne ‘ufi‘ufi ‘aki ‘a e koula kuo ‘osi-‘a-sivi. 19Na‘e ono ‘a e tu‘unga ki he taloni, pea na‘e ai ha ‘ulu ki he taloni na‘e ‘alu hake mei tu‘a ‘o faka‘aku;#10.19 na‘e ai… faka‘aku; ‘Oku toe hiki: na‘e fakaseakale ‘a e tu‘a taloni. pea ai ha hili‘anga nima ‘i hē mo ē, ‘i he potu ‘o e nofo, mo e ongo laione ‘oku tu‘u ‘i he tafa‘aki ‘o e ongo hili‘anga nima. 20Pea tu‘u ‘a e laione ‘e hongofulu mā ua ‘i he ono‘i tu‘unga mei he potu ‘e taha mo e potu ‘e taha: kuo te‘eki ke ngaohi ha me‘a pehē ‘i ha pule‘anga ‘e taha.
21Pea ko e ngaahi ipu kotoa pē ‘a Kingi Solomone ko e koula pē, pea ko e nāunau kotoa ‘o e fale ko Vao Lepanoni ko e koula ma‘opo‘opo: na‘e ‘ikai ha me‘a ‘e siliva; na‘e lau ia ‘i he kuonga ‘o Solomone ko e me‘a noa. 22He na‘e ma‘u ‘e he tu‘i he folau Tāsisi ‘i tahi na‘e ‘ō fakataha mo e folau ‘a Hailame: tu‘o taha ‘i he ta u ‘e tolu na‘e a‘u mai ‘a e folau Tāsisi ‘o uta mai ‘a e koula mo e siliva, ‘a e lei, mo e fanga ngeli, mo e fanga pīkoka.
23Ko ia na‘e hulu ‘a Kingi Solomone ‘i he tu‘i kotoa pē ‘o māmani ‘i he koloa mo e poto. 24Pea na‘e ha‘u ‘a e ngaahi fonua kotoa pē ko e fie fe‘iloaki mo Solomone, ke fanongo ki he poto kuo ‘ai ‘e he ‘Otua ki hono loto. 25Pea na‘e ha‘u mo kinautolu takitaha ‘ene me‘a‘ofa, ko e nāunau siliva mo e nāunau koula, mo e ngaahi tangata kotoa, mo e mahafu, mo e me‘a namu kakala, ‘a e fanga hoosi, mo e fanga miuli, ko e fatongia fakata‘u.
26Pea tānaki ‘e Solomone ha tau sāliote mo ha tau hoosi: pea na‘e ‘iate ia ha sāliote ‘e taha afe mā fāngeau, mo e tau hoosi ‘e toko taha mano mā ua afe, ‘o ne tufaki kinautolu ki he ngaahi kolo sāliote, pea ke fe‘ao mo e tu‘i foki ‘i Selusalema.#1 Tu‘i 4.26 27Pea ‘i he ngāue ‘a e tu‘i na‘e tu‘una ‘a e siliva ‘i Selusalema hangē ni maka pē, pea ko e ‘akau sita ke hangē ko e ngaahi sukamino ‘i Sēfela‘a. 28Pea ko e fanga hoosi na‘e ‘ia Solomone na‘e ‘omi mei ‘Isipite,#10.28 ‘Isipite; Ko hono faka-Hepeluú ia, ka ‘oku ngali tonu hono hiki ‘o: Mūsili mo Silisia. Ko e ongo fonua ia ‘i he fakatonga-hahake ‘o Toake ‘i onopooni, pea na‘e pitenga ki ai ‘a e fakatau hoosi he kuonga ‘o Solomoné. pea na‘e tali kinautolu ‘e he kau fakatau ‘a e tu‘i, ‘o fakatākanga, ‘o totongi fakataha ki he tākanga.#10.28 ‘Oku fihi ‘a e vēsí ni. ‘Oku hiki he Sepituakiní: Ko e me‘a ki he ‘omi hoosi mei ‘Isipite mo Koue ma‘á e tu‘í, na‘e ‘omi ‘e he kau fakatau ‘a e tu‘í mei Koue ki ha totongi na‘e tu‘utu‘uni. #Teu 17.16 29Pea na‘e ‘omi mei ‘Isipite, ‘o ‘atu ha sāliote ki he pa‘anga siliva ‘e onongeau, pea ko e hoosi ki he teau mā nimangofulu: pea na‘e pehē hono ma‘u mai ‘e he ngaahi tu‘i Heti, mo e ngaahi tu‘i Sīlia, ‘o fou ‘iate kinautolu.
Currently Selected:
KO 1 TU‘I 10: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
