1 Korintiya 10
10
Ka̱ta̱ i tono a̱ma̱li ba
1Uma a̱ va̱, n ciga ta̱ i ciɓa n ili i na i ciya̱i ikaya i tsu i na i tonoi Musa. Ka̱shile ko tonoi n ele ra̱ka̱ ana u suki keleshu ka wala kelime ke le, ɗa u pasakai le ra̱ka̱ a Mala ma Shili† punu a iɗika i ɗekpu. 2Ta kpamu nannai Ka̱shile ka yaꞋankai le kusumbu ka akucina adama a na o okpo mukumitoni m Musa punu e keleshu m mala ma. 3Ra̱ka̱ vi le a lyaꞋi ilikulyaꞋa i na yu uta̱i gaɗi i na e ci ɗeke mana. 4Ra̱ka̱ vi le o soꞋi mini ma na mu uta̱i n utsura u Ka̱shile. Mini ma nan lo mu uta̱ ta̱ a kakpanlai gaɗi a̱ Ka̱shile ma na mo soki le, kakpanlai ka nan lo ka ta na ka ɗaɗa Kishi. 5Amma ko n nannai, ele vi yoku n a̱bunda̱i a yaꞋan ili i na Ka̱shile ka panai u yoꞋo ba. Ɗa a̱ kuwa̱i, even a ikyamba e le e pecuki a̱ ubuta̱ dem a kakamba.
6Ɗa ili i nam pa i yaꞋin tsa agisana a kubana wa̱ a̱tsu, adama a na i sa̱nka̱ tsu kuciga kuyaꞋan ili i gbani-gbani tsu na uma a nan lo a yaꞋin. 7Ka̱ta̱ i tono a̱ma̱li ba, tsu na aza o yoku e le a yaꞋin. Katagarda ka Ciɗa ka danai, “Uma a a yaꞋin ka̱ɗiva̱ ka kavama, ɗa a̱ da̱sa̱ngi a̱ ka̱na̱i kulyaꞋa n o soꞋi. Ɗa a̱ ɗenga̱i a̱ ka̱na̱i kujeꞋe.”#Kut. 32:6. 8Ele vi yoku a ci yaꞋan ta̱ tsugbani, adama a nannai, ɗevu n uma a̱kpa̱n kamanga n a̱kpa̱n a tatsu (23,000) a̱ kuwa̱i a kanna ke te. Ka̱ta̱ ci yaꞋan unushi tsu na ele a yaꞋin ba.
9Ka̱ta̱ tsu kondo Vuzavaguɗu tsu na ele vi yoku a yaꞋin ba, ele a̱ kuwa̱ ta̱ adama a na oko a ɗa a lumai le. 10Ka̱ta̱ i yaꞋan mololo tsu na ele vi yoku a yaꞋin ba, i ɗaɗa i zuwai ɗa Ka̱shile ka̱ suki kalingata ku ukpa̱ ka̱ ta̱wa̱i ka unai le. 11Ili i nam pa ra̱ka̱ i yaꞋan le ta̱ tsa agisana. A ɗana ta̱ ukuna u le u nan lo adama a na u ɗa u ɓarangu tsu. Adama a na ci ta̱ a̱ ka̱tsuma̱ ka ayin a na kukotso ka aduniyan ku yawai ɗevu.
12Vi sheshe baci vi ta̱ n utsura, vu zuka adama a na ta lo va̱ ta̱wa̱ va̱ yikpa̱. 13Ayin a na baci Ka̱shile ko kondoi nu, vi ciɓa wi ta̱ feu o kukondoso uma a na a buwai nannai. Ka̱shile ka̱ tsu ɓa̱na̱ ta̱ uzuwakpani u ni, u tsu ka̱sa̱kpa̱ kukondo ka ku laꞋa utsura u nu ba. A ayin o kukondo a, wi ta̱ e kuneke wu uye u kuta̱ ciya̱ vu lulukpa̱ n ku ɗa.
14Uma a̱ va̱, adama a nannai, sumai kutono a̱ma̱li. 15A̱ɗa̱ aza a ugboji a ɗa yi. Sheshei n ka̱ci ka̱ ɗa̱ ko ili i na mi a kuciga kudana ɗa̱ va mayun ɗa. 16Ci ciɓa baci n kanna ka na Vuzagbayin u lyaꞋi ilikulyaꞋa yu ukocishi, ɗa ayin a na ci ɗikai mataꞋan ɗa ci cikpai Ka̱shile adama a maꞋa, ci ta̱ e kupece mpasa n Kishi. Ayin a na baci tsu wansai burodi va ɗa tsu takumai, ikyamba i Kishi i ɗa ci e kupece. 17Ci pece baci burodi vi te, tso okpo ta̱ ikyamba i te, ko a na ci n a̱bunda̱i.
18Ciɓai kpamu n uma a Israila, yaba dem u yeve ta̱ ayin a na baci de dem a yaꞋin alyuka a katalikalyuka a̱ ci ciya̱ ta̱ una̱singai wa alyuka wa. 19Mi a kudana a̱ma̱li ko ilikulyaꞋa i na a yaꞋankai alyuka yi ta̱ n ili i yoku ba. 20Amma n dana ta̱ ili i na a lyukai wa̱ a̱ma̱li e neke ta̱ i ɗa u wunla̱i u gbani-gbani,† u Ka̱shile u ɗa ba. Mpa n ciga ɗa̱ i yaꞋan cija̱Ꞌa̱ n wunla̱i u gbani-gbani ba. 21Vo kusoꞋo a mataꞋan ma Vuzagbayin, ka̱ta̱ kpamu vu doku vu soꞋo a mataꞋan ma̱ wunla̱i u gbani-gbani ba. Va kulyaꞋa ilikulyaꞋa i na e nekei Vuzagbayin, ka̱ta̱ kpamu vu doku vi lyaꞋa i na e nekei wunla̱i u gbani-gbani ba. 22Ci ciga ta̱ tsu zuwa Vuzagbayin tsurala? Ci ɗika ta̱ ci ta̱ n utsura u na ci iwan Vuzagbayin, ka̱ta̱ u kpa̱ɗa̱ kutakacika tsu?
Nekei Ka̱shile tsugbayin ayin tutu
23A̱ɗa̱ vi yoku i danai, “Ci ta̱ a kuyaꞋan ili dem i na ci cigai!” Amma n dana ɗa̱ ili ra̱ka̱ ɗa i gaꞋin i yaꞋan ba. I danai, “Ci ta̱ a kuyaꞋan ili dem i na ci cigai!” Amma n dana ɗa̱ ili ra̱ka̱ ɗa i kuɓa̱nka̱ vuza ba. 24Ka̱ta̱ i sheshe ili i na i kuyokpo ɗa̱ koci ba. Sheshei ili i na i kuyokpo adama a uma a na a buwai feu.
25Takumai inyama i na i e kudengeshe e kuden dem. Ka̱ta̱ ye ece ko a lyuka ta̱ i ɗa u ka̱ma̱li ba, vi ta̱ a kufuɗa kutakuma i ɗa n ka̱ɗu ke te ta na, 26adama a na Katagarda ka Ciɗa ka dana ta̱, “Iɗika i Vuzagbayin i ɗa n ili i na yi punu dem.”#Ishp. 24:1.
27Aza a na a̱ kpa̱ɗa̱i kuneke a̱ɗu n Ka̱shile a banuku wu baci vi lyaꞋa ilikulyaꞋa n ele, ɗa vi cigai kulyaꞋa, lyaꞋa ili i na e nekei nu dem. Ka̱ta̱ ve ece ko ili ya yi ta̱ m mila̱ ba.
28-29Amma vuza yoku u dana wu baci, “IlikulyaꞋa i nam pa ya a lyuka ta̱ i ɗa u ka̱ma̱li,” ka̱ta̱ vi lyaꞋa ba, ko u yaꞋan wu baci adanshi unushi u ɗa ba. Ka̱ta̱ vi lyaꞋa i ɗa ba, adama a na vuza na u danai nu va a̱yi u ɗika ta̱ unushi u ɗa vi lyaꞋa baci.
Yi ɗa̱i ɗa a̱ kusa̱nga̱ mu kuyaꞋan ili i na n cigai adama a na ta lo ma nusaka vuza yoku? 30Mi baci a kufuɗa kucikpa Ka̱shile adama a ilikulyaꞋa ya ka̱ta̱ m pana uyoꞋo, yi ɗa̱i i zuwai ɗa i kilukpa̱ mu n lyaꞋa baci?
31Vi lyaꞋa baci, ko vu soꞋi, ko vi yaꞋan ili i yoku, yaꞋan ili ra̱ka̱ uteku u na e kuneke Ka̱shile tsugbayin. 32Ka̱ta̱ vi yaꞋan ili i yoku i na i kuzuwa uma o yoku a na i Ayahuda ko Aza̱ka̱yimbi ko aza a kpaꞋa ku Yesu i na i kokpo le an unushi ba. 33YaꞋan tsu na mpa n ci yaꞋan. N tsu dakaka ta̱ adama a na yaba dem u pana uyoꞋo wi ili i na n yaꞋin. N ci sheshe ili i na i kuneke mpa ugaꞋin koci ba, amma ili i na i kuneke yaba dem ugaꞋin, adama a na a̱ ciya̱ wishi.
Currently Selected:
1 Korintiya 10: asgNT
Highlight
Share
Copy
Want to have your highlights saved across all your devices? Sign up or sign in
© 2012 Wycliffe Bible Translators, Inc. All rights reserved
1 Korintiya 10
10
Ka̱ta̱ i tono a̱ma̱li ba
1Uma a̱ va̱, n ciga ta̱ i ciɓa n ili i na i ciya̱i ikaya i tsu i na i tonoi Musa. Ka̱shile ko tonoi n ele ra̱ka̱ ana u suki keleshu ka wala kelime ke le, ɗa u pasakai le ra̱ka̱ a Mala ma Shili† punu a iɗika i ɗekpu. 2Ta kpamu nannai Ka̱shile ka yaꞋankai le kusumbu ka akucina adama a na o okpo mukumitoni m Musa punu e keleshu m mala ma. 3Ra̱ka̱ vi le a lyaꞋi ilikulyaꞋa i na yu uta̱i gaɗi i na e ci ɗeke mana. 4Ra̱ka̱ vi le o soꞋi mini ma na mu uta̱i n utsura u Ka̱shile. Mini ma nan lo mu uta̱ ta̱ a kakpanlai gaɗi a̱ Ka̱shile ma na mo soki le, kakpanlai ka nan lo ka ta na ka ɗaɗa Kishi. 5Amma ko n nannai, ele vi yoku n a̱bunda̱i a yaꞋan ili i na Ka̱shile ka panai u yoꞋo ba. Ɗa a̱ kuwa̱i, even a ikyamba e le e pecuki a̱ ubuta̱ dem a kakamba.
6Ɗa ili i nam pa i yaꞋin tsa agisana a kubana wa̱ a̱tsu, adama a na i sa̱nka̱ tsu kuciga kuyaꞋan ili i gbani-gbani tsu na uma a nan lo a yaꞋin. 7Ka̱ta̱ i tono a̱ma̱li ba, tsu na aza o yoku e le a yaꞋin. Katagarda ka Ciɗa ka danai, “Uma a a yaꞋin ka̱ɗiva̱ ka kavama, ɗa a̱ da̱sa̱ngi a̱ ka̱na̱i kulyaꞋa n o soꞋi. Ɗa a̱ ɗenga̱i a̱ ka̱na̱i kujeꞋe.”#Kut. 32:6. 8Ele vi yoku a ci yaꞋan ta̱ tsugbani, adama a nannai, ɗevu n uma a̱kpa̱n kamanga n a̱kpa̱n a tatsu (23,000) a̱ kuwa̱i a kanna ke te. Ka̱ta̱ ci yaꞋan unushi tsu na ele a yaꞋin ba.
9Ka̱ta̱ tsu kondo Vuzavaguɗu tsu na ele vi yoku a yaꞋin ba, ele a̱ kuwa̱ ta̱ adama a na oko a ɗa a lumai le. 10Ka̱ta̱ i yaꞋan mololo tsu na ele vi yoku a yaꞋin ba, i ɗaɗa i zuwai ɗa Ka̱shile ka̱ suki kalingata ku ukpa̱ ka̱ ta̱wa̱i ka unai le. 11Ili i nam pa ra̱ka̱ i yaꞋan le ta̱ tsa agisana. A ɗana ta̱ ukuna u le u nan lo adama a na u ɗa u ɓarangu tsu. Adama a na ci ta̱ a̱ ka̱tsuma̱ ka ayin a na kukotso ka aduniyan ku yawai ɗevu.
12Vi sheshe baci vi ta̱ n utsura, vu zuka adama a na ta lo va̱ ta̱wa̱ va̱ yikpa̱. 13Ayin a na baci Ka̱shile ko kondoi nu, vi ciɓa wi ta̱ feu o kukondoso uma a na a buwai nannai. Ka̱shile ka̱ tsu ɓa̱na̱ ta̱ uzuwakpani u ni, u tsu ka̱sa̱kpa̱ kukondo ka ku laꞋa utsura u nu ba. A ayin o kukondo a, wi ta̱ e kuneke wu uye u kuta̱ ciya̱ vu lulukpa̱ n ku ɗa.
14Uma a̱ va̱, adama a nannai, sumai kutono a̱ma̱li. 15A̱ɗa̱ aza a ugboji a ɗa yi. Sheshei n ka̱ci ka̱ ɗa̱ ko ili i na mi a kuciga kudana ɗa̱ va mayun ɗa. 16Ci ciɓa baci n kanna ka na Vuzagbayin u lyaꞋi ilikulyaꞋa yu ukocishi, ɗa ayin a na ci ɗikai mataꞋan ɗa ci cikpai Ka̱shile adama a maꞋa, ci ta̱ e kupece mpasa n Kishi. Ayin a na baci tsu wansai burodi va ɗa tsu takumai, ikyamba i Kishi i ɗa ci e kupece. 17Ci pece baci burodi vi te, tso okpo ta̱ ikyamba i te, ko a na ci n a̱bunda̱i.
18Ciɓai kpamu n uma a Israila, yaba dem u yeve ta̱ ayin a na baci de dem a yaꞋin alyuka a katalikalyuka a̱ ci ciya̱ ta̱ una̱singai wa alyuka wa. 19Mi a kudana a̱ma̱li ko ilikulyaꞋa i na a yaꞋankai alyuka yi ta̱ n ili i yoku ba. 20Amma n dana ta̱ ili i na a lyukai wa̱ a̱ma̱li e neke ta̱ i ɗa u wunla̱i u gbani-gbani,† u Ka̱shile u ɗa ba. Mpa n ciga ɗa̱ i yaꞋan cija̱Ꞌa̱ n wunla̱i u gbani-gbani ba. 21Vo kusoꞋo a mataꞋan ma Vuzagbayin, ka̱ta̱ kpamu vu doku vu soꞋo a mataꞋan ma̱ wunla̱i u gbani-gbani ba. Va kulyaꞋa ilikulyaꞋa i na e nekei Vuzagbayin, ka̱ta̱ kpamu vu doku vi lyaꞋa i na e nekei wunla̱i u gbani-gbani ba. 22Ci ciga ta̱ tsu zuwa Vuzagbayin tsurala? Ci ɗika ta̱ ci ta̱ n utsura u na ci iwan Vuzagbayin, ka̱ta̱ u kpa̱ɗa̱ kutakacika tsu?
Nekei Ka̱shile tsugbayin ayin tutu
23A̱ɗa̱ vi yoku i danai, “Ci ta̱ a kuyaꞋan ili dem i na ci cigai!” Amma n dana ɗa̱ ili ra̱ka̱ ɗa i gaꞋin i yaꞋan ba. I danai, “Ci ta̱ a kuyaꞋan ili dem i na ci cigai!” Amma n dana ɗa̱ ili ra̱ka̱ ɗa i kuɓa̱nka̱ vuza ba. 24Ka̱ta̱ i sheshe ili i na i kuyokpo ɗa̱ koci ba. Sheshei ili i na i kuyokpo adama a uma a na a buwai feu.
25Takumai inyama i na i e kudengeshe e kuden dem. Ka̱ta̱ ye ece ko a lyuka ta̱ i ɗa u ka̱ma̱li ba, vi ta̱ a kufuɗa kutakuma i ɗa n ka̱ɗu ke te ta na, 26adama a na Katagarda ka Ciɗa ka dana ta̱, “Iɗika i Vuzagbayin i ɗa n ili i na yi punu dem.”#Ishp. 24:1.
27Aza a na a̱ kpa̱ɗa̱i kuneke a̱ɗu n Ka̱shile a banuku wu baci vi lyaꞋa ilikulyaꞋa n ele, ɗa vi cigai kulyaꞋa, lyaꞋa ili i na e nekei nu dem. Ka̱ta̱ ve ece ko ili ya yi ta̱ m mila̱ ba.
28-29Amma vuza yoku u dana wu baci, “IlikulyaꞋa i nam pa ya a lyuka ta̱ i ɗa u ka̱ma̱li,” ka̱ta̱ vi lyaꞋa ba, ko u yaꞋan wu baci adanshi unushi u ɗa ba. Ka̱ta̱ vi lyaꞋa i ɗa ba, adama a na vuza na u danai nu va a̱yi u ɗika ta̱ unushi u ɗa vi lyaꞋa baci.
Yi ɗa̱i ɗa a̱ kusa̱nga̱ mu kuyaꞋan ili i na n cigai adama a na ta lo ma nusaka vuza yoku? 30Mi baci a kufuɗa kucikpa Ka̱shile adama a ilikulyaꞋa ya ka̱ta̱ m pana uyoꞋo, yi ɗa̱i i zuwai ɗa i kilukpa̱ mu n lyaꞋa baci?
31Vi lyaꞋa baci, ko vu soꞋi, ko vi yaꞋan ili i yoku, yaꞋan ili ra̱ka̱ uteku u na e kuneke Ka̱shile tsugbayin. 32Ka̱ta̱ vi yaꞋan ili i yoku i na i kuzuwa uma o yoku a na i Ayahuda ko Aza̱ka̱yimbi ko aza a kpaꞋa ku Yesu i na i kokpo le an unushi ba. 33YaꞋan tsu na mpa n ci yaꞋan. N tsu dakaka ta̱ adama a na yaba dem u pana uyoꞋo wi ili i na n yaꞋin. N ci sheshe ili i na i kuneke mpa ugaꞋin koci ba, amma ili i na i kuneke yaba dem ugaꞋin, adama a na a̱ ciya̱ wishi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2012 Wycliffe Bible Translators, Inc. All rights reserved