ပျႃႇတိၵ်ႈ 7

ၵူၼ်းဢိသရေးသႅၼ်သီႇမိုၼ်ႇပၢႆသီႇႁဵင်ၵေႃႉ

1ဝၢႆးၼၼ်ႉ၊ၵဝ်ႁၼ်တမၢၼ်ႇၵၢင်ႁၢဝ်သီႇပႃးၸုၵ်းယူႇၵႃႈတီႈသီႇၸဵင်ႇလိၼ်မိူင်းလႄႈယိပ်းၵမ်ဢဝ်လူမ်းသီႇၽၢႆႇသီႇၼႃႈဝႆႉ၊ဢမ်ႇႁႂ်ႈလူမ်းလႆႈထူဝ်းပတ်ႉၵႃႈၼိူဝ်လိၼ်မိူင်း၊ၵႃႈၼိူဝ်ပၢင်ႇလၢႆႇဢိၵ်ႇတင်းၵႃႈတီႈတူၼ်ႈမႆႉလႂ်ဢေႃႈ။- 2ၵဝ်သမ်ႉႁၼ်တမၢၼ်ႇၵၢင်ႁၢဝ်တၢင်ႇပႃး၊လုၵ်ႉၵႃႈတီႈၸဵင်ႇဝၼ်းဢွၵ်ႇၼၼ်ႉပေႃႇဢွၵ်ႇမႃးလႄႈပႃးဢဝ်တၼ်းသိၵ်ႈၽြႃးပဵၼ်ၸဝ်ႈ၊ၸဝ်ႈဢၼ်ဢသၢၵ်ႈလိပ်းယူႇၼၼ်ႉမႃးဢေႃႈ။ မၼ်းၼၼ်ႉႁွင်ႉပၢဝ်ႇလူၺ်ႈသဵင်ဢၼ်ယႂ်ႇၼႃႇလႄႈလၢတ်ႈတီႈတမၢၼ်ႇၵၢင်ႁၢဝ်သီႇပႃးဢၼ်ၽြႃးပဵၼ်ၸဝ်ႈပၼ်ဢၶႂၢင်ႉၶဝ်ႁႂ်ႈလႆႈပၼ်ၽေးလုလႅဝ်တီႈလိၼ်မိူင်း၊ဢိၵ်ႇတင်းတီႈပၢင်ႇလၢႆႇၼၼ်ႉလႄႈဝႃႈ၊- 3“ၸူဝ်ႈဢၼ်ႁဝ်းယင်းဢမ်ႇပႆႇဢဝ်တၼ်းသိၵ်ႈတွၵ်ႇၵႃႈတီႈၼႃႈၽၢၵ်ႇၶႃႈၽြႃးပဵၼ်ၸဝ်ႈႁဝ်းတင်းလၢႆၼၼ်ႉၸိုင်၊ယႃႇပေပၼ်ၽေးလုလႅဝ်ၵႃႈတီႈလိၼ်မိူင်း၊ၵႃႈတီႈပၢင်ႇလၢႆႇ၊ဢိၵ်ႇတင်းၵႃႈတီႈတူၼ်ႈမႆႉတင်းလၢႆသေၵမ်း၊” ဝႃႈၼင်ႇၼႆဢေႃႈ။- 4မိူဝ်ႈၼၼ်ႉ၊ၵဝ်လႆႈႁုတၢင်းဢၼ်ၼပ်ႉဢၼ်ဢၢၼ်ႇၵူၼ်းၸိူဝ်းဢၼ်တၼ်းသိၵ်ႈၽြႃးပဵၼ်ၸဝ်ႈလႆႈတွၵ်ႇဝႆႉၵႃႈတီႈၼႃႈၽၢၵ်ႇၶဝ်ၼၼ်ႉ၊မီးသႅၼ်ပၢႆသီႇမိုၼ်ႇသီႇႁဵင်ၵေႃႉယဝ်ႉၼၼ်ႉဢေႃႈ။ ၶဝ်ၼၼ်ႉ၊ပဵၼ်ၸိူဝ်ႉၶိူဝ်းၵူၼ်းမဵဝ်းဢိသရေး၊သိပ်းသွင်မဵဝ်း၊- 5-8ဢၼ်ပဵၼ်ၸိူဝ်ႉၶိူဝ်းယုတႃႉ၊ရုပိၼ်ႇ၊ၵၢတ်ႉ၊ဢႃႇသျႃႇ၊ၼပ်ႉထလိ၊မၼႃႇသေႇ၊သိမုၼ်ႇ၊လေႇဝိ၊ဢိသၶႃႇ၊ၸေႇပုလုၼ်ႇ၊ယူဝ်းသႅပ်ႈ၊ပိၼ်ႇယႃႇမိၼ်ႇ၊ၸိူဝ်းၼၼ်ႉ၊ၼႂ်းယေႈၸိူဝ်ႉၶိူဝ်းၶဝ်ႈပႃးမိုၼ်ႇပၢႆသွင်ႁဵင်ၵေႃႉႁင်းၽႂ်ႁင်းမၼ်းဢေႃႈ။

မုၵ်ႉၵူၼ်းဢၼ်ၼပ်ႉဢၢၼ်ႇဢမ်ႇလႆႈ

9ဝၢႆးသေၼၼ်ႉ၊ၵဝ်တူၺ်းလႄႈႁၼ်မုၵ်ႉၵူၼ်းၸိူဝ်းၵူၼ်းဢၼ်ၼမ်ၼႃႇ၊ထၢၼ်ႈပေႃးၽူႈလႂ်ၵေႃႈဢမ်ႇၼပ်ႉဢၢၼ်ႇလႆႈၼၼ်ႉဢေႃႈ။ ၶဝ်ၼၼ်ႉ၊ဢွၵ်ႇသေၵႃႈတီႈမဵဝ်းၸိူဝ်ႉၶိူဝ်းၵူၼ်း၊ၵူႈၶိူဝ်းၶိူဝ်း၊ၵူၼ်းၵူႈမိူင်းမိူင်းလူၺ်ႈတၢင်းဢၼ်လၢတ်ႈၵႂၢမ်းၽႃႇသႃႇၵူႈမဵဝ်းမဵဝ်းၼၼ်ႉ၊ၼုင်ႈမႆၶူဝ်းၽိူၵ်ႇၶူဝ်းၶၢဝ်ယူႇ၊ယိပ်းၵမ်ၵိင်ႇတူၼ်ႈမၢၵ်ႇၸုၼ်ႇပလုၼ်ႇ#7:9 “ၸုၼ်ႇပလုၼ်ႇ” - ပီႈၼွင်ႉတႆးၵမ်ႈၽွင်ႈ ႁွင်ႉတူၼ်ႈမၢၵ်ႇၸုၼ်ႇပလုၼ်ႇဝႃႈ၊ “တူၼ်ႈမၢၵ်ႇသႅင်ႈ” ဢေႃႈလႄႈမႃးၸုၵ်းၵႃႈတီႈၽၢႆႇၼႃႈပလၢင်ႇၸဝ်ႈ၊ဢိၵ်ႇတင်းၽၢႆႇၼႃႈသူဝ်းဢွၼ်ႇၸဝ်ႈယူႇဢေႃႈ။- 10ၶဝ်ႁွင်ႉပၢဝ်ႇလူၺ်ႈတင်းသဵင်ဢၼ်ယႂ်ႇၼႃႇလႄႈဝႃႈ၊ “တၢင်းဢၼ်ၵႄႇၶျွတ်ႈၼၼ်ႉ ပဵၼ်မႃးသေၵႃႈတီႈၽြႃးပဵၼ်ၸဝ်ႈႁဝ်းဢၼ်ၼင်ႈယူႇၵႃႈၼိူဝ်ပလၢင်ႇၸဝ်ႈ၊ဢိၵ်ႇတင်းပဵၼ်မႃးသေၵႃႈတီႈသူဝ်းဢွၼ်ႇၸဝ်ႈတီႈၶႃႈဢေႃႈ၊” ဝႃႈၼင်ႇၼႆဢေႃႈ။- 11တမၢၼ်ႇၵၢင်ႁၢဝ်တင်းသဵင်ႈတင်းလူင်ၸုၵ်းလွမ်ႉႁွပ်ႈပလၢင်ႇၸဝ်ႈ၊လွမ်ႉႁွပ်ႈၵူၼ်းဢၼ်ဢသၢၵ်ႈယႂ်ႇတင်းလၢႆ၊ဢိၵ်ႇတင်းလွမ်ႉႁွပ်ႈတူဝ်သတ်ႉတဝႃႇသီႇတူဝ်ၼၼ်ႉသေယဝ်ႉ၊ၶဝ်ဢွၼ်ၵၼ်ၶုပ်ႉမူပ်ႇၵႃႈတီႈၽၢႆႇၼႃႈပလၢင်ႇၸဝ်ႈလႄႈဝႆႈသႃၵူဝ်းၵႂၢႆႇၽြႃးပဵၼ်ၸဝ်ႈယူႇလႄႈ၊- 12လဝ်ႈလၢတ်ႈဝႃႈ၊ “ဢႃမိၼ်ႈ။ ႁႂ်ႈတၢင်းလီမၢင်ႇၵလႃႇလႄႈမုၼ်ၽုင်း၊ဢိၵ်ႇတင်းပိင်ႇၺႃႇလႄႈတၢင်းဢၼ်ယွင်ႈယေႃးတၢင်ႇၵျေးၸူး၊ဢိၵ်ႇတင်းၵုင်ႇသရေႇလႄႈဢႃႇၼႃႇတၼ်းၶူဝ်းမီးၵႃႈတီႈၽြႃးပဵၼ်ၸဝ်ႈႁဝ်းၵူႈၵၢပ်ႈၵမ်ႇၽႃႇသိုပ်ႇသိုပ်ႇတၢမ်တၢမ်သေၵမ်းလူၺ်ႈ။ ဢႃမိၼ်ႈ၊” ဝႃႈၼင်ႇၼႆဢေႃႈ။

13မိူဝ်ႈၼၼ်ႉ၊ၼႂ်းၵူၼ်းဢၼ်ဢသၢၵ်ႈယႂ်ႇၸိူဝ်းၼၼ်ႉၵေႃႉၼိုင်ႈထၢမ်ၵဝ်လႄႈဝႃႈ၊ “ၶဝ်ၸိူဝ်းဢၼ်ၼုင်ႈၶူဝ်းၽိူၵ်ႇၶူဝ်းၶၢဝ်ၸိူဝ်းၼႆႉပဵၼ်ၽူႈလႂ်။ ၶဝ်လုၵ်ႉၵႃႈတီႈလႂ်မႃး၊” ဝႃႈၼင်ႇၼႆလႄႈ၊-

14ၵဝ်ၵေႃႈၶိုၼ်းလဝ်ႈလၢတ်ႈလႄႈဝႃႈ၊ “ၸဝ်ႈ႟။ ၵဝ်ၶႃႈဢမ်ႇႁုၶႃႈ။ ၸဝ်ႈႁဝ်းႁုယူႇတီႈၶႃႈဢေႃႈ၊” ဝႃႈၼင်ႇၼႆဢေႃႈ။

မၼ်းၵေႃႈလၢတ်ႈတီႈၵဝ်လႄႈဝႃႈ၊ “ၶဝ်ၸိူဝ်းၼႆႉပဵၼ်ၶဝ်ၸိူဝ်းဢၼ်လွတ်ႈသေၽေးတုၵ်ႉၶႃႉတၢင်းၽၢၼ်ဢၼ်ယႂ်ႇလူင်မႃးသေယဝ်ႉ၊ဢဝ်ၶူဝ်းၼုင်ႈၶဝ်သၵ်ႉသၢႆႇၵႃႈၼႂ်းလိူတ်ႈသူဝ်းဢွၼ်ႇၸဝ်ႈယဝ်ႉလႄႈလႆႈၽိူၵ်ႇလီၶၢဝ်လီဢေႃႈ။- 15ပိူဝ်ႈၼႆလႄႈၶဝ်လႆႈၸုၵ်းယူႇၵႃႈတီႈၽၢႆႇၼႃႈပလၢင်ႇၽြႃးပဵၼ်ၸဝ်ႈလႄႈ လႆႈႁဵတ်းဝၢတ်ႈတီႈၽြႃးယူႇဝၼ်းဝၼ်းၶိုၼ်းၶိုၼ်း၊ၵႃႈၼႂ်းၵျွင်းပိၵ်ႈမၢၼ်ႇၸဝ်ႈယဝ်ႉ။ ၸဝ်ႈဢၼ်ၼင်ႈယူႇၵႃႈၼိူဝ်ပလၢင်ႇၸဝ်ႈၼၼ်ႉၵေႃႈ၊တၵ်းၵႅတ်ႇၶႄႁႄႉၵင်ႈပၼ်ၶဝ်ၵွပ်ႈပိူဝ်ႈမၼ်းၸဝ်ႈယူႇလူၺ်ႈၵၼ်တင်းၶဝ်ဢေႃႈ။- 16ၵမ်းလိုၼ်းၶဝ်တၵ်းဢမ်ႇလႆႈတွင်ႉမႆႈလႄႈယၢၵ်ႇၼမ်ႉထႅင်ႈယဝ်ႉ။ သၢႆလႅတ်ႇသေဢမ်ႇဝႃႈ၊တၢင်းဢၼ်မႆႈဢၼ်ႁွၼ်ႉၵႃႈသင်သေဢမ်ႇဝႃႈ၊တေဢမ်ႇလႆႈတိူဝ်ႉထုၵ်ႇယႃႉၵဝ်းၶဝ်ထႅင်ႈယဝ်ႉ။- 17လွင်ႈမၼ်းၸမ်ႉ၊သူဝ်းဢွၼ်ႇၸဝ်ႈဢၼ်မီးယူႇၵႃႈတီႈၶိုင်ႈၵၢင်ပလၢင်ႇၸဝ်ႈၼၼ်ႉတၵ်းလဵင်ႉတၵ်းထိင်းၶဝ်လႄႈမၼ်းၸဝ်ႈတၵ်းဢွၼ်ၶဝ်သူင်ႇၵႂႃႇတီႈၼမ်ႉဢွၵ်ႇႁူးဢၼ်ပၼ်ဢသၢၵ်ႈၼၼ်ႉဢေႃႈ။ ၽြႃးပဵၼ်ၸဝ်ႈၵေႃႈ၊တၵ်းၸဵတ်ႉပၼ်ၼမ်ႉတႃသေၵႃႈတီႈတႃၶဝ်တင်းမူတ်းဢေႃႈ၊” ဝႃႈၼင်ႇၼႆဢေႃႈ။

Currently Selected:

ပျႃႇတိၵ်ႈ 7: SHNCL

Highlight

Copy

Compare