Popular Bible Verses from ပျႃႇတိၵ်ႈ 7

Share

ဝၢႆးသေ​ၼၼ်ႉ၊ၵဝ်​တူၺ်း​လႄႈ​ႁၼ်​မုၵ်ႉၵူၼ်း​ၸိူဝ်း​ၵူၼ်း​ဢၼ်​ၼမ်ၼႃႇ၊ထၢၼ်ႈပေႃး​ၽူႈလႂ်​ၵေႃႈ​ဢမ်ႇ​ၼပ်ႉဢၢၼ်ႇ​လႆႈ​ၼၼ်ႉ​ဢေႃႈ။ ၶဝ်​ၼၼ်ႉ၊ဢွၵ်ႇ​သေ​ၵႃႈတီႈ​မဵဝ်း​ၸိူဝ်ႉၶိူဝ်း​ၵူၼ်း၊ၵူႈၶိူဝ်းၶိူဝ်း၊ၵူၼ်း​ၵူႈ​မိူင်း​မိူင်း​လူၺ်ႈ​တၢင်း​ဢၼ်​လၢတ်ႈ​ၵႂၢမ်း​ၽႃႇသႃႇ​ၵူႈမဵဝ်းမဵဝ်း​ၼၼ်ႉ၊ၼုင်ႈ​မႆ​ၶူဝ်း​ၽိူၵ်ႇ​ၶူဝ်း​ၶၢဝ်​ယူႇ၊ယိပ်းၵမ်​ၵိင်ႇ​တူၼ်ႈ​မၢၵ်ႇ​ၸုၼ်ႇပလုၼ်ႇ​လႄႈ​မႃး​ၸုၵ်း​ၵႃႈတီႈ​ၽၢႆႇၼႃႈ​ပလၢင်ႇ​ၸဝ်ႈ၊ဢိၵ်ႇတင်း​ၽၢႆႇၼႃႈ​သူဝ်းဢွၼ်ႇ​ၸဝ်ႈ​ယူႇ​ဢေႃႈ။

ၶဝ်​ႁွင်ႉ​ပၢဝ်ႇ​လူၺ်ႈ​တင်း​သဵင်​ဢၼ်​ယႂ်ႇ​ၼႃႇ​လႄႈ​ဝႃႈ၊ “တၢင်း​ဢၼ်​ၵႄႇၶျွတ်ႈ​ၼၼ်ႉ ပဵၼ်​မႃး​သေ​ၵႃႈတီႈ​ၽြႃးပဵၼ်ၸဝ်ႈ​ႁဝ်း​ဢၼ်​ၼင်ႈ​ယူႇ​ၵႃႈၼိူဝ်​ပလၢင်ႇ​ၸဝ်ႈ၊ဢိၵ်ႇတင်း​ပဵၼ်​မႃး​သေ​ၵႃႈတီႈ​သူဝ်းဢွၼ်ႇ​ၸဝ်ႈ​တီႈၶႃႈ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

လွင်ႈ​မၼ်း​ၸမ်ႉ၊သူဝ်းဢွၼ်ႇ​ၸဝ်ႈ​ဢၼ်​မီး​ယူႇ​ၵႃႈတီႈ​ၶိုင်ႈၵၢင်​ပလၢင်ႇ​ၸဝ်ႈ​ၼၼ်ႉ​တၵ်း​လဵင်ႉ​တၵ်း​ထိင်း​ၶဝ်​လႄႈ​မၼ်းၸဝ်ႈ​တၵ်း​ဢွၼ်​ၶဝ်​သူင်ႇ​ၵႂႃႇ​တီႈ​ၼမ်ႉဢွၵ်ႇႁူး​ဢၼ်​ပၼ်​ဢသၢၵ်ႈ​ၼၼ်ႉ​ဢေႃႈ။ ၽြႃးပဵၼ်ၸဝ်ႈ​ၵေႃႈ၊တၵ်း​ၸဵတ်ႉ​ပၼ်​ၼမ်ႉတႃ​သေ​ၵႃႈတီႈ​တႃ​ၶဝ်​တင်းမူတ်း​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

ပိူဝ်ႈ​ၼႆ​လႄႈ​ၶဝ်​လႆႈ​ၸုၵ်း​ယူႇ​ၵႃႈတီႈ​ၽၢႆႇၼႃႈ​ပလၢင်ႇ​ၽြႃးပဵၼ်ၸဝ်ႈ​လႄႈ လႆႈ​ႁဵတ်းဝၢတ်ႈ​တီႈ​ၽြႃး​ယူႇ​ဝၼ်း​ဝၼ်း​ၶိုၼ်း​ၶိုၼ်း၊ၵႃႈၼႂ်း​ၵျွင်း​ပိၵ်ႈမၢၼ်ႇ​ၸဝ်ႈ​ယဝ်ႉ။ ၸဝ်ႈ​ဢၼ်​ၼင်ႈ​ယူႇ​ၵႃႈၼိူဝ်​ပလၢင်ႇ​ၸဝ်ႈ​ၼၼ်ႉ​ၵေႃႈ၊တၵ်း​ၵႅတ်ႇၶႄ​ႁႄႉၵင်ႈ​ပၼ်​ၶဝ်​ၵွပ်ႈပိူဝ်ႈ​မၼ်းၸဝ်ႈ​ယူႇ​လူၺ်ႈ​ၵၼ်​တင်း​ၶဝ်​ဢေႃႈ။- ၵမ်းလိုၼ်း​ၶဝ်​တၵ်း​ဢမ်ႇ​လႆႈ​တွင်ႉမႆႈ​လႄႈ​ယၢၵ်ႇၼမ်ႉ​ထႅင်ႈ​ယဝ်ႉ။ သၢႆလႅတ်ႇ​သေဢမ်ႇဝႃႈ၊တၢင်း​ဢၼ်​မႆႈ​ဢၼ်​ႁွၼ်ႉ​ၵႃႈသင်​သေဢမ်ႇဝႃႈ၊တေ​ဢမ်ႇ​လႆႈ​တိူဝ်ႉ​ထုၵ်ႇ​ယႃႉ​ၵဝ်း​ၶဝ်​ထႅင်ႈ​ယဝ်ႉ။

“ၸူဝ်ႈ​ဢၼ်​ႁဝ်း​ယင်း​ဢမ်ႇ​ပႆႇ​ဢဝ်​တၼ်းသိၵ်ႈ​တွၵ်ႇ​ၵႃႈတီႈ​ၼႃႈၽၢၵ်ႇ​ၶႃႈ​ၽြႃးပဵၼ်ၸဝ်ႈ​ႁဝ်း​တင်းလၢႆ​ၼၼ်ႉ​ၸိုင်၊ယႃႇပေ​ပၼ်​ၽေး​လုလႅဝ်​ၵႃႈတီႈ​လိၼ်မိူင်း၊ၵႃႈတီႈ​ပၢင်ႇလၢႆႇ၊ဢိၵ်ႇတင်း​ၵႃႈတီႈ​တူၼ်ႈမႆႉ​တင်းလၢႆ​သေၵမ်း၊” ဝႃႈ​ၼင်ႇ​ၼႆ​ဢေႃႈ။- မိူဝ်ႈ​ၼၼ်ႉ၊ၵဝ်​လႆႈ​ႁု​တၢင်း​ဢၼ်​ၼပ်ႉ​ဢၼ်​ဢၢၼ်ႇ​ၵူၼ်း​ၸိူဝ်း​ဢၼ်​တၼ်းသိၵ်ႈ​ၽြႃးပဵၼ်ၸဝ်ႈ​လႆႈ​တွၵ်ႇ​ဝႆႉ​ၵႃႈတီႈ​ၼႃႈၽၢၵ်ႇ​ၶဝ်​ၼၼ်ႉ၊မီး​သႅၼ်​ပၢႆ​သီႇ​မိုၼ်ႇ​သီႇ​ႁဵင်​ၵေႃႉ​ယဝ်ႉ​ၼၼ်ႉ​ဢေႃႈ။ ၶဝ်​ၼၼ်ႉ၊ပဵၼ်​ၸိူဝ်ႉၶိူဝ်း​ၵူၼ်း​မဵဝ်း​ ဢိသရေး၊ သိပ်း​သွင်​မဵဝ်း၊