ႁဵတ်းဝၢတ်ႈ 3
3
တၢင်းလူႇမိၵ်ႈသႁႃႇယႃႉ
1“ပေႃးသေၵေႃႉသေၵူၼ်းဢဝ်ဝူဝ်းႁဵတ်းတၢင်းလူႇမိၵ်ႈသႁႃႇယႃႉၸိုင်၊မၼ်းတၵ်းလႆႈဢဝ်ဝူဝ်းပေႃႈဢမ်ႇၼၼ်ဝူဝ်းမႄႈသေတူဝ်တူဝ်ဢၼ်ဢမ်ႇမီးတီႈၸိတီႈၼႄးၼၼ်ႉသၢၵ်ႈလူႇတီႈထႃႇဝရႃႉၽြႃး၊ဢေႃႈ။- 2ၵေႃႉၼၼ်ႉတၵ်းလႆႈဢဝ်မိုဝ်းမၼ်းတၢင်ႇၵႃႈၼိူဝ်ႁူဝ်ဝူဝ်းဢၼ်မၼ်းသၢၵ်ႈလူႇၼၼ်ႉလႄႈႁႅမ်ၵႃႈတီႈႁိမ်းၽၵ်းတူသုမ်ႉထဵင်ၸဝ်ႈဢေႃႈ။ လုၵ်ႈၸၢႆးဢႃႇရုၼ်ႇ၊ၸိူဝ်းဢၼ်ပဵၼ်ယဵၸ်ႈပရေႃးႁဵၵ်ႈ#3:2 “ယဵၸ်ႈပရေႃးႁဵၵ်ႈ” - ပဵၼ်ၽူႈတၢင်တူဝ်ႁဵတ်းဝၢတ်ႈသၢၵ်ႈၵၢပ်ႈတၢင်းလူႇတီႈၽြႃးပဵၼ်ၸဝ်ႈၼၼ်ႉတၵ်းလႆႈဢဝ်လိူတ်ႈဝူဝ်းၼၼ်ႉၽႅတ်းသႂ်ႇတီႈၽႃၶဵင်ႇတၢင်းလူႇတင်းသီႇၽၢႆႇသီႇၼႃႈသေယဝ်ႉ၊- 3တၢင်းလူႇမိၵ်ႈသႁႃႇယႃႉဢၼ်ပဵၼ်တၢင်းလူႇဢၼ်တုတ်ႇၽႆးတီႈထႃႇဝရႃႉၽြႃး၊ၼၼ်ႉပဵၼ်ၵွၼ်ႈၶႆၵွၼ်ႈမၼ်းဢၼ်ၸပ်းၶူင်းၼႂ်းမၼ်း၊- 4မၢၵ်ႇလၼ်းမၼ်းသွင်ႁူၺ်ႇတင်းၵွၼ်ႈၶႆၵွၼ်ႈမၼ်းဢိၵ်ႇတင်းတပ်းမၼ်းပွတ်းဢၼ်ၼုမ်ႇလီသေပိူၼ်ႈၸိူဝ်းၼၼ်ႉ၊- 5ယဵၸ်ႈပရေႃးႁဵၵ်ႈၶဝ်တၵ်းလႆႈဢဝ်တုတ်ႇၽႆးၵႃႈၼိူဝ်ၶဵင်ႇတၢင်းလူႇႁူမ်ႈလူၺ်ႈၵၼ်တင်းၶိူင်ႈတၢင်းလူႇဢၼ်တုတ်ႇၽႆးၸိူဝ်းၼၼ်ႉဢေႃႈ။ ပဵၼ်တၢင်းလူႇဢၼ်ယူႇၼိူဝ်ၽိုၼ်းၼိူဝ်ၽႆးသေလႄႈဢၢႆႁွမ်ဢၢႆႁူၺ်းမၼ်းထုၵ်ႇၸႂ်မႅၼ်ႈၸႂ်ထႃႇဝရႃႉၽြႃး၊ဢေႃႈ။
6“ပေႃးဢဝ်သူဝ်းဢမ်ႇၼၼ်ပႄႉႁဵတ်းတၢင်းလူႇမိၵ်ႈသႁႃႇယႃႉၸိုင်၊တၵ်းလႆႈပဵၼ်တူဝ်ပေႃႈဢမ်ႇၼၼ်တူဝ်မႄႈဢၼ်ဢမ်ႇမီးတီႈၸိတီႈၼႄးၼၼ်ႉဢေႃႈ။- 7ပေႃးၵူၼ်းသေၵေႃႉၵေႃႉသၢၵ်ႈလူႇသူဝ်းၸိုင်၊- 8မၼ်းတၵ်းလႆႈဢဝ်မိုဝ်းတၢင်ႇၵႃႈၼိူဝ်ႁူဝ်သူဝ်းၼၼ်ႉသေလႄႈႁႅမ်ၵႃႈတီႈၽၢႆႇၼႃႈသုမ်ႉထဵင်ၸဝ်ႈဢေႃႈ။ ယဵၸ်ႈပရေႃးႁဵၵ်ႈၸိူဝ်းၼၼ်ႉတၵ်းလႆႈဢဝ်လိူတ်ႈသူဝ်းၼၼ်ႉၽႅတ်းသႂ်ႇၵႃႈတီႈၽႃၶဵင်ႇတၢင်းလူႇတင်းသီႇၼႃႈသေယဝ်ႉ၊- 9တၢင်းလူႇမိၵ်ႈသႁႃႇယႃႉဢၼ်ပဵၼ်တၢင်းလူႇဢၼ်တုတ်ႇၽႆးတီႈထႃႇဝရႃႉၽြႃး၊ၼၼ်ႉ၊ၵွၼ်ႈၶႆၵွၼ်ႈမၼ်းမၼ်း၊ႁၢင်မၼ်းဢၼ်တႅပ်းၶၢတ်ႇၵႃႈတီႈလုပ်ႇသၼ်လင်၊ဢိၵ်ႇတင်းၵွၼ်ႈၶႆၵွၼ်ႈမၼ်းဢၼ်ၸပ်းၶူင်းၼႂ်းမၼ်း၊- 10မၢၵ်ႇလၼ်းမၼ်းသွင်ႁူၺ်ႇတင်းၵွၼ်ႈၶႆၵွၼ်ႈမၼ်း ဢိၵ်ႇတင်းတပ်းမၼ်းပွတ်းဢၼ်ၼုမ်ႇလီသေပိူၼ်ႈၸိူဝ်းၼၼ်ႉ၊- 11ယဵၸ်ႈပရေႃးႁဵၵ်ႈၵေႃႉဢၼ်တူၵ်းတႃႇဝုၼ်ႇၼၼ်ႉတၵ်းလႆႈတုတ်ႇၽႆးၵႃႈၼိူဝ်ၶဵင်ႇတၢင်းလူႇပဵၼ်ဢႁႃႇရႃႉတၢင်းၵိၼ်ဢၼ်တုတ်ႇၽႆးတီႈထႃႇဝရႃႉၽြႃး၊ဢေႃႈ။
12“ပေႃးဝႃႈမီးသေၵေႃႉသေၵူၼ်းၶႂ်ႈဢဝ်ပႄႉမႃးသၢၵ်ႈလူႇၸိုင်၊- 13မၼ်းတၵ်းလႆႈဢဝ်မိုဝ်းတၢင်ႇၵႃႈၼိူဝ်ႁူဝ်ပႄႉၼၼ်ႉသေလႄႈႁႅမ်ၵႃႈတီႈၽၢႆႇၼႃႈသုမ်ႉထဵင်ၸဝ်ႈဢေႃႈ။ ယဵၸ်ႈပရေႃးႁဵၵ်ႈၸိူဝ်းၼၼ်ႉတၵ်းလႆႈဢဝ်လိူတ်ႈပႄႉၼၼ်ႉၽႅတ်းသႂ်ႇၵႃႈတီႈၽႃၶဵင်ႇတၢင်းလူႇတင်းသီႇၼႃႈသေယဝ်ႉ၊- 14တၵ်းလႆႈဢဝ်ၵွၼ်ႈမၼ်းဢၼ်ၸပ်းၶူင်းၼႂ်းမၼ်းၵႃႈၼႂ်းတူဝ်တၢင်းလူႇၼၼ်ႉသေလႄႈတုတ်ႇၽႆးတီႈထႃႇဝရႃႉၽြႃး၊ဢေႃႈ။- 15တၵ်းလႆႈဢဝ်မၢၵ်ႇလၼ်းမၼ်းသွင်ႁူၺ်ႇတင်းၵွၼ်ႈၶႆၵွၼ်ႈမၼ်း၊ဢိၵ်ႇတင်းတပ်းမၼ်းပွတ်းဢၼ်ၼုမ်ႇလီသေပိူၼ်ႈၸိူဝ်းၼၼ်ႉတုတ်ႇၽႆးတႂ်ႈထႃႇဝရႃႉၽြႃး၊ဢေႃႈ။- 16ယဵၸ်ႈပရေႃးႁဵၵ်ႈ#3:16 “ယဵၸ်ႈပရေႃးႁဵၵ်ႈ” - ပဵၼ်ၽူႈတၢင်တူဝ်ႁဵတ်းဝၢတ်ႈသၢၵ်ႈၵၢပ်ႈတၢင်းလူႇတီႈၽြႃးပဵၼ်ၸဝ်ႈၼၼ်ႉတၵ်းလႆႈတုတ်ႇၽႆးၵႃႈၼိူဝ်ၶဵင်ႇတၢင်းလူႇႁႂ်ႈပဵၼ်တၢင်းလူႇဢႁႃႇရႃႉတၢင်းၵိၼ်ဢၼ်တုတ်ႇၽႆးလႄႈထုၵ်ႇၸႂ်မႅၼ်ႈၸႂ်ထႃႇဝရႃႉၽြႃး၊ဢေႃႈ။ ၵႃႈဢၼ်ပဵၼ်ၵွၼ်ႈၶႆၵွၼ်ႈမၼ်းတင်းသဵင်ႈတင်းလူင်ၼၼ်ႉပဵၼ်ပုၼ်ႈထႃႇဝရႃႉၽြႃး၊ဢေႃႈ။- 17ၵူၼ်းမဵဝ်းဢိသရေး၊သေၵေႃႉသေၵူၼ်းၵေႃႈတၵ်းဢမ်ႇလႆႈၵိၼ်ၵွၼ်ႈၶႆၵွၼ်ႈမၼ်းဢိၵ်ႇတင်းလိူတ်ႈမၼ်းလႃးလႃး။ ဢၼ်ၼႆႉပဵၼ်ထုင်းတြႃးဢၼ်တၵ်းလႆႈပႂ်ႉၵမ်ပႂ်ႉၸွမ်းတႃႇသေႇဢမ်ႇထၢတ်ႇတီႈမဵဝ်းၸိူဝ်ႉၶိူဝ်းဢိသရေး၊သိုပ်ႇသိုပ်ႇတၢမ်တၢမ်ၵႃႈတီႈဢၼ်ၶဝ်ယူႇၶဝ်သဝ်းၵူႈတီႈၵူႈလႅၼ်ၼၼ်ႉဢေႃႈ၊” ဝႃႈၼင်ႇၼႆဢေႃႈ။
Currently Selected:
ႁဵတ်းဝၢတ်ႈ 3: SHNCL
Highlight
Share
Copy
Want to have your highlights saved across all your devices? Sign up or sign in
