1 သမူၺ်ႇ ၵႂၢမ်းၼမ်း
ၵႂၢမ်းၼမ်း
ၵျၢမ်းသမူၺ်ႇလႃႉၽိုၼ်တီႈၼိုင်ႈ၊ၼႆႉပဵၼ်လိၵ်ႈပိုၼ်းဢၼ်တႅမ်ႈမၢႆဝႆႉလွင်ႈၵူၼ်းမဵဝ်းဢိသရေး၊ၶဝ်လုၵ်ႉသေၵႃႈတီႈၸူဝ်ႈပၢၼ်ၵူၼ်းလူင်ဢၼ်ၸီႇယၢင်ႇတြႃးလႅၵ်ႈလၢႆႈပဵၼ်ၸူဝ်ႈပၢၼ်ၶုၼ်ႁေႃၶမ်းဢုပ်ႉပိူင်ႇၼၼ်ႉဢေႃႈ။ လွင်ႈတၢင်းဢၼ်လႅၵ်ႈလၢႆႈၼႆႉၶဝ်ႈပႃးၵူၼ်းလူင်သၢမ်ၵေႃႉဢေႃႈ။ ၵေႃႉၼိုင်ႈပဵၼ်သမူၺ်ႇလႃႉ၊ၵူၼ်းလူင်ဢၼ်ၸီႇယၢင်ႇတြႃးၵေႃႉလိုၼ်းသုတ်းပိူၼ်ႈ၊ထႅင်ႈၵေႃႉၼိုင်ႈပဵၼ်သေႃးလု၊ၶုၼ်ႁေႃၶမ်းၵူၼ်းမဵဝ်းဢိသရေး၊ၵေႃႉဢွၼ်တၢင်းသုတ်းပိူၼ်ႈလႄႈ၊ထႅင်ႈၵေႃႉၼိုင်ႈပဵၼ်တႃႇဝိတ်ႈ၊ၵေႃႉဢၼ်ပဵၼ်ၶုၼ်ႁေႃၶမ်းဢၼ်မီးဢႃႇၼႃႇတၼ်းၶူဝ်းဢၼ်ယႂ်ႇသေပိူၼ်ႈၵႃႈၼႂ်းၶုၼ်ႁေႃၶမ်းမိူင်းဢိသရေး၊တင်းသဵင်ႈတင်းမူတ်းဢေႃႈ။
လွင်ႈလူင်ၽိုၼ်လိၵ်ႈၼႆႉၸမ်ႉ၊တၢင်းဢၼ်ပႂ်ႉသဵတ်ႈၸႃႇတေႃႇထႃႇဝရႃႉၽြႃး၊ၼၼ်ႉတၵ်းႁဵတ်းႁႂ်ႈၶိုၼ်ႈယႂ်ႇမႂ်ႇသုင်လႄႈပေႃးဢမ်ႇထွမ်ႇဢဝ်တြႃးၸဝ်ႈၸိုင်၊တၵ်းႁွတ်ႈထိုင်တုၵ်ႉၶႃႉဢၼ်ယႂ်ႇလူင်ၼၼ်ႉဢေႃႈ။ လွင်ႈတၢင်းၼႆႉမၼ်းမႅၼ်ႈၸွမ်းၵႂၢမ်းဢၼ်ယဵၸ်ႈပရေႃးႁဵၵ်ႈဢေးလိ၊ဢဝ်တင်းၵႂၢမ်းဢၼ်ၽြႃးပဵၼ်ၸဝ်ႈလၢတ်ႈဢၼ်ပႃးၵႃႈၼႂ်း (2:30) ၼၼ်ႉလၢတ်ႈလႄႈဝႃႈ၊ “ၵဝ်တၵ်းယုၵ်ႉယွင်ႈၶဝ်ၸိူဝ်းဢၼ်ယုၵ်ႉယွင်ႈၵဝ်ၼၼ်ႉဢေႃႈ။ ၶဝ်ၸိူဝ်းဢၼ်ႁဵတ်းဢမ်ႇပေႃးၼင်ႇႁိုဝ်တီႈၵဝ်ၼၼ်ႉၵဝ်တၵ်းယႃႉမုၼ်သရေႇၶဝ်လုဢေႃႈ၊” ဝႃႈၼင်ႇၼႆၼၼ်ႉဢေႃႈ။
ၽိုၼ်လိၵ်ႈၼႆႉတႅမ်ႈမၢႆဝႆႉလွင်ႈတၢင်းဢၼ်ၶုၼ်ႁေႃၶမ်းတင်းလၢႆတႄႇၸႃႉဢုပ်ႉပိူင်ႇမိူင်းဢိသရေး၊ၼၼ်ႉဢေႃႈ။ မိူဝ်ႈၵွၼ်ႇၼၼ်ႉၸဝ်ႈၽြႃးပဵၼ်ၶုၼ်ႁေႃၶမ်းၵူၼ်းမဵဝ်းဢိသရေး၊ဢေႃႈ။ ၸွမ်းၼင်ႇၶဝ်ယွၼ်းၼၼ်ႉၸဝ်ႈၽြႃးလိူၵ်ႈပၼ်ၶုၼ်ႁေႃၶမ်းပႃးၼိုင်ႈပုၼ်ႈၶဝ်ဢေႃႈ။ ၸႃႉၸဵမ်ၶုၼ်ႁေႃၶမ်းလႄႈၵူၼ်းမဵဝ်းဢိသရေး၊တင်းလၢႆလႆႈယူႇတႂ်ႈၽြႃးပဵၼ်ၸဝ်ႈဢုပ်ႉပိူင်ႇဢေႃႈ။ (2:7-10) ၵူၼ်းတင်းသဵင်ႈတင်းလူင်ၸဵမ်ၽၢၼ်ၸဵမ်မီးလႆႈဢသၢၵ်ႈလိပ်းၸွမ်းထုင်းတြႃးၽြႃးပဵၼ်ၸဝ်ႈယူႇမိူၼ်မိူၼ်ၵၼ်ဢေႃႈ။
ႁူဝ်ၶေႃႈဢၼ်ၶဝ်ႈပႃးၸမ်ႉ
သမူၺ်ႇလႃႉ၊ႁဵတ်းၵူၼ်းလူင်ဢၼ်ၸီႇယၢင်ႇတြႃး 1:1-7:17
သေႃးလု၊လႆႈပဵၼ်ၶုၼ်ႁေႃၶမ်း 8:1-10:27
တၢင်းဢၼ်သေႃးလု၊ဢုပ်ႉပိူင်ႇယူႇမိူဝ်ႈတွၼ်ႈၸဝ်ႉ 11:1-15:35
တႃႇဝိတ်ႈ၊တင်းသေႃးလု 16:1-30:31
တၢင်းတၢႆသေႃးလု၊တင်းလုၵ်ႈၸၢႆးမၼ်းတင်းလၢႆ 31:1-13
Currently Selected:
1 သမူၺ်ႇ ၵႂၢမ်းၼမ်း: SHNCL
Highlight
Copy
Compare
Share
Want to have your highlights saved across all your devices? Sign up or sign in